ⵉⵎⴹⴰⴽⴰⵕ ⵓⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵜⵣⵔⴼⵜ ⴷ ⵓⵣⵣⵔⴰⴼ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⴷⵔⴼⵉⵏ, ⴷ ⵓⴽⴰⴱⴰⵕ ⵏ ⵜⵙⵇⵇⵉⵎⵜ ⵏ ⵜⵡⵓⵔⵉ ⵏ ⵉⵎⵓⵔⴰ ⴳ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⴼⵉⵜⵏⴰⵎ
ⵉⵙⵏⵓⴱⴳ ⵎⴰⵙⵙ ⵙⴰⵄⵉⴷ ⴱⴰⵄⵣⵉⵣ, ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵜⵣⵔⴼⵜ ⴷ ⵓⵣⵣⵔⴰⴼ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⴷⵔⴼⵉⵏ , ⴰⵢⵏⴰⵙ 14 ⴽⵟⵓⴱⵕ ⴳ ⵕⵕⴱⴰⵟ, ⴰⴽⴰⴱⴰⵕ ⵏ ⵜⵙⵇⵇⵉⵎⵜ ⵏ ⵜⵡⵓⵔⵉ ⵏ ⵉⵎⵓⵔⴰ ⴳ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⴼⵉⵜⵏⴰⵎ ⵉⵔⵣⴼⵏ ⵜⴰⴳⵍⴷⵉⵜ ⵏ ⵍⵎⵖⵔⵉⴱ.
ⴳ ⵜⵣⵡⵉⵔⵉ, ⵉⵙⵓⵜⴳ ⵎⴰⵙⵙ ⵙⴰⵄⵉⴷ ⴱⵏⵄⵣⵉⵣ ⵜⵉⵣⴷⴰⵢⵉⵏ ⵊⴰⵔ ⵍⵎⵖⵔⵉⴱ ⴷ ⴼⵉⵜⵏⴰⵎ, ⵉⵙⴷⴷⵉⴷ ⴼ ⵜⴰⵎⴽⵯⵜⵉⵜ ⴷ ⵓⵎⵣⵔⵓⵢ ⵉⵛⵛⴰⵔⵏ ⵏ ⵙⵏⴰⵜ ⵜⵎⵉⵣⴰⵔ ⵉ ⵓⵙⵍⴻⵍⵍⵉ ⴷ ⵖⵏⵙⴰ ⵜⴰⵏⴰⵎⵓⵔⵜ ⵉ ⵜⵙⵉⵎⴰⵏⵜ.
ⵉⵙⴰⵡⵍ ⵎⴰⵙⵙ ⴱⴰⵄⵣⴰⵉⵣ ⴼ ⵜⵉⵔⴰⵜ ⵉ ⵓⵙⵓⵊⴷ ⵉ ⵓⵎⵢⴰⵡⴰⵙ ⴷ ⵓⵣⴷⴰⵢ ⵊⴰⵔ ⵜⵉⵎⵔⵙⴰⵍ ⵜⵉⵣⵣⵔⴰⴼⵉⵏ ⴷ ⵓⵙⵎⵖⵔ ⵏ ⵉⵎⴰⵙⵙⵏ ⵉ ⵓⵙⴷⵓⵙ ⵏ ⵜⵣⴷⴰⵢⵉⵏ ⵊⴰⵔ ⵙⵏⴰⵜ ⵜⵎⵉⵣⴰⵔ ⵜⵉⵎⴷⴷⵓⴽⴽⵯⴰⵍ.
ⵉⵙⴰⵡⵍ ⵎⴰⵙⵙ ⴱⴰⵄⵣⵉⵣ ⴼ ⵓⵙⵕⵙⵓ ⵏ ⵍⵎⵖⵔⵉⴱ ⵉ ⵓⵏⴳⵔⴰⵡ ⵉⵙⵎⴷⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏⵙ ⴽⵉⴳⴰⵏ ⵏ ⵉⵙⴰⵡⵓⵔⵏ ⵉⵣⵔⴼⴰⵏⵏ ⴷ ⵜⵙⵏⵜⴰⵢⵉⵏ ⵥⵍⵉⵏⵉⵏ, ⴰⵎ ⵜⵉⵔⵎⵉⵜ ⵏ ⵜⵣⵔⴼⵜ ⵜⴰⵎⴰⵜⵜⴰⵢⵜ, ⴷ ⵓⵙⵕⵚⵓ ⵏ ⵉⵣⵔⴼⴰⵏ ⵏ ⵓⴼⴳⴰⵏ.
ⴳ ⵓⵙⴰⵜⵉ ⴰⴷ, ⵉⵙⵎⵏⵉⴷ ⵎⴰⵙⵙ ⴱⴰⵄⵣⵉⵣ ⵉ ⵓⴽⴰⴱⴰⵕ ⵏ ⴼⵉⵜⵏⴰⵎ ⵉⵙⵉⵙⴼⵉⵡⵏ ⴼ ⵜⵡⵓⵔⵉ ⵏ ⵜⵙⵇⵇⵉⵎⵜ ⵏ ⵜⵣⵔⴼⵜ ⴷ ⵓⵣⵣⵔⴰⴼ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵓⵏⴳⵔⴰⵡ ⴰⴱⵕⵍⴰⵎⴰⵏⵉ ⵏ ⵍⵎⵖⵔⵉⴱ ⵍⵍⵉ ⵜⵙⵙⵉⵅⴼ ⵜⵣⵓⵍⵜ. ⵉⵙⵎⵏⵉⴷ ⵓⵍⴰ ⵜⵉⵍⴰⵍⵜ ⵏ ⵜⵙⵇⵇⵉⵎⵜ ⴷ ⵜⵡⵉⵣⵉ ⵏⵏⵙ ⴳ ⵜⴷⵉⵏⴰⵎⵉⵜ ⵜⴰⵣⵣⵔⴰⴼⵜ ⴷ ⵜⵉⴹⴰⴼ ⴷ ⵓⵙⵓⵜⴳ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ, ⵉⵙⴰⵡⵍ ⴼ ⵉⵙⵏⴼⴰⵔⵏ ⵙⵜⴰⵡⵀⵎⵎⴰⵏⵉⵏ ⵍⵍⵉ ⴼ ⵜⵙⵡⵓⵔⵉ ⵜⵙⵇⵇⵉⵎⵜ.
ⴳ ⵓⵎⵏⵉⴷ ⵏⵏⵙ, ⵉⵙⴰⵡⵍ ⵓⴽⴰⴱⴰⵕ ⵏ ⴼⵉⵜⵏⴰⵎ ⵙ ⵉⵙⵎ ⵏ ⵓⵏⵙⵙⵉⵅⴼ ⵎⴰⵙⵙ NGUYEN TUAN ⴼ ⵡⴰⵜⵉⴳ ⵏ ⵜⵉⵔⵎⵉⵜ ⵜⴰⵎⵖⵔⵉⴱⵉⵜ ⴳ ⵢⵉⴳⵔ ⵏ ⵓⵣⵣⵔⴰⴼ, ⴷ ⵡⴰⵜⵉⴳ ⵏ ⵓⵙⵏⴼⵍ ⵏ ⵜⵉⵔⵎⵉⵜⵉⵏ ⴷ ⵜⵎⵓⵣⴰⵢⵉⵏ ⵊⴰⵔ ⵜⵉⵎⵔⵙⴰⵍ ⵜⵉⵣⵣⵔⴰⴼⵉⵏ, ⴰⵢⵍⵍⵉ ⵔⴰⴷ ⵉⵙⵎⵖⵔ ⵉⵙⵙⴷⵓⵙ ⴰⵎⵢⴰⵡⴰⵙ ⴰⵙⵉⵏⵔⴰⵏ.
