ⵉⵎⴹⴰⴽⴰⵕ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵓⵏⵙⵙⵉⵅⴼ ⵏ ⵓⴽⵓⵏⴳⵕⵉⵚ ⵏ ⵍⵕⴰⵥⵉⵍ

ⵉⵎⴹⴰⴽⴰⵕ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵢⵏⴰⵙ 14 ⴽⵟⵓⴱⵕ 2024, ⴷ ⵎⴰⵙⵙ Rodrigo Otavio Soares Pacheco ⴰⵏⵙⵙⵉⵅⴼ ⵏ ⵓⴽⵓⵏⴳⵕⵉⵚ ⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⵎⴰⵙⵙ ⵉⵍⵍⴰⵏ ⴳ ⵓⵔⵣⴰⴼ ⵏ ⵜⵡⵓⵔⵉ ⵉ ⵜⴳⵍⴷⵉⵜ ⵏ ⵍⵖⵔⵉⴱ ⴰⴽⴷ ⴰⴽⴰⴱⴰⵕ ⴰⴱⵕⵍⴰⵎⴰⵏⵉ. 

ⵉⵏⵏⵓ ⵓⵏⵙⵙⵉⵅⴼ ⵏ ⵓⴽⵓⵏⴳⵕⵉⵚ ⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⵏ ⵍⴱⵕⴰⵥⵉⵍ ⴼ ⵓⵙⵓⵙⵎ ⵏⵏⵙ ⵙ ⵜⵣⵣⵉⴳⵣⵜ ⵉⵍⵍⴰⵏ ⴳ ⵍⵎⵖⵔⵉⴱ ⴳ ⵎⴰⵕⵕⴰ ⵉⴳⵔⴰⵏ, ⵢⵉⵏⵉ ⵎⴰⵙ ⵉⵡⴰⵜⵜⵙ ⵓⵔⵣⴰⴼ ⴰⴷ ⴰⵙⴷⵓⵙ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⵊⴰⵔ ⵜⵉⵎⵔⵙⴰⵍ ⵜⵉⵣⵣⵔⴰⴼⵉⵏ, ⴷ ⵜⵡⵉⵣⵉ ⴳ ⵓⵙⴷⵓⵙ ⵏ ⵜⵣⴷⴰⵢⵉⵏ ⵜⵉⵙⵉⵏⵔⴰⵏⵉⵏ ⵊⴰⵔ ⵜⵉⵎⵉⵣⴰⵔ ⵙ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ. 

ⵉⵙⴷⴷⵉⴷ ⵎⴰⵙⵙ Rodrigo Otavio Soares Pacheco ⵎⴰⵙ ⵍⵍⴰⵏ ⵜⵏⴰⵥⴰⵕⵉⵏ ⴷⴰⵜ ⵏ ⵙⵏⴰⵜ ⵜⵎⵉⵣⴰⵔ, ⵥⵍⵉⵏⵉⵏ ⵙ ⵡⴰⵡⴰⴹ ⴷ ⵉⵙⵏⴼⵍⵏ ⵏ ⵓⵏⵣⵡⵉ, ⵉⵖⵔ ⵉ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵉ ⵜⵉⵍⵉⵜ ⴳ ⵓⴳⵔⴰⵡ ⴽⵓⴱ 30 ⵍⵍⵉ ⵔⴰⴷ ⵢⵉⵍⵉ ⴳ ⵍⴱⵕⴰⵥⵉⵍ ⴰⵙⴳⴳⵯⴰⵙ ⴷ ⵢⵓⵛⴽⴰⵏ. ⵉⵙⴷⴷⵉⴷ ⵎⴰⵙ ⴷⵉⴳⴰ ⵍⵎⵖⵔⵉⴱ ⴰⵎⴷⵔⴰⵡ ⴰⴷⵎⵙⴰⵏ ⵉⵙⵜⴰⵡⵀⵎⵎⴰⵏ ⵉ ⵍⴱⵕⴰⵥⵉⵍ, ⵉⵙⴰⵡⵍ ⴼ ⵜⵎⵍⴷⴰ ⵉⵍⵍⴰⵏ ⵉ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⴷⵎⵙⴰⵏ ⴷ ⵓⵏⵙⴱⴰⴱ ⴷ ⵓⴷⵎⵙⴰⵏ ⴷ ⵓⵏⴼⵍⴰⵃ ⴷ ⵡⵉⵏ ⵜⵎⴰⵍⵍⴰⵢⵜ ⵊⴰⵔ ⵙⵏⴰⵜ ⵜⵎⵉⵣⴰⵔ.

ⵉⵙⵓⵜⴳ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵜⵉⵣⴷⴰⵢⵉⵏ ⵜⵉⵙⵉⵏⵔⴰⵏⵉⵏ ⵕⵡⴰⵏⵉⵏ ⵊⴰⵔ ⵍⵎⵖⵔⵉⴱ ⴷ ⵍⴱⵕⴰⵥⵉⵍ, ⵍⵍⵉ ⴷⵔⵓⵏⵉⵏ ⴰⵜⵉⴳⵏ, ⵉⵙⵓⵜⴳ ⴰⴷⴷⴰⴷ ⵏ ⵍⴱⵕⴰⵥⵉⵍ ⵉⵍⵍⴰⵏ ⴷ ⵜⴰⵎⵓⵏⵜ ⵜⴰⵏⴰⴽⴰⵍⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ.

ⵉⵙⵎⵏⵉⴷ ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ ⵓⵍⴰ ⵉⵙⴰⵡⵓⵔⵏ ⵉⵅⴰⵜⴰⵔⵏ ⵓⵏⴳⵉⵎⵏ ⵍⵍⴰⵏⵉⵏ ⴳⵜⴳⵍⴷⵉⵜ ⵏ ⵍⵎⵖⵔⵉⴱ ⵙ ⵜⵏⵔⴰ ⵉⵥⵉⵍⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⴳ ⵎⴰⴷ ⵉⵥⵍⵉⵏ ⵙ ⵜⵓⵚⴽⵉⵡⵉⵏ ⵜⵉⵏⴰⴷⴷⴰⵡⵉⵏ, ⴰⵎ ⴰⴼⵜⴰⵙ ⵏ ⵟⴰⵏⴰⵊⴰ-ⴰⵏⴰⵎⵎⴰⵙ, ⴰⴼⵜⴰⵙ ⵏ ⴰⵟⵍⴰⵚ ⴷ ⵜⵖⵔⵎⵜ ⵏ ⴷⴷⴰⵅⵍⴰ ⵉⵜⵜⴰⵡⵉⵏ ⵙ ⵉⴼⵔⵉⵇⵢⴰ, ⵜⴰⵣⵣⵉⴳⵣⵜ ⵏ ⵢⵉⴳⵔ ⴰⵏⴼⵍⴰⵃ, ⴰⵙⴱⴷⴷⵉ ⵏ ⵉⵙⵏⴼⵍⵏ ⵏ ⵓⵏⵣⵡⵉ, ⵉⵙⵏⴼⴰⵔⵏ ⵏ ⵜⵥⴹⴰⵕⵉⵏ ⵜⵉⵎⴰⵢⵏⵓⵜⵉⵏ, ⴰⵙⴰⵡⵓⵔ ⵏ ⵓⴼⵔⴰⴳ ⴰⵏⴰⵎⵓⵏ, ⴷ ⵜⵙⵏⵜⴰⵢⵉⵏ ⵢⴰⴹⵏⵉⵏ ⵅⴰⵜⵔⵏⵉⵏ. 

ⵉⴳⴰ ⵓⵏⵎⵓⵇⵇⴰⵔ ⵜⴰⵎⵍⴷⴰ ⵏ ⵓⵙⴷⴷⵉⴷ ⴼ ⵜⵉⵔⴰⵜ ⵏ ⵉ ⵓⵙⴷⵓⵙ ⵏ ⵜⵡⵓⵔⵉ ⵏ ⵜⵔⵓⴱⴱⴰ ⵏ ⵜⴷⴷⵓⴽⴽⵯⵍⴰ ⵜⴰⴱⵕⵍⴰⵎⴰⵏⵉⵜ ⵍⵎⵖⵔⵉⴱ-ⵍⴱⵕⴰⵥⵉⵍ, ⴷ ⵓⵏⵜⴰⵎ ⵏ ⵓⵣⴷⴰⵢ ⴷ ⵓⵎⵛⵡⴰⵕ ⴳ ⵓⵙⵡⵉⵔ ⴰⵙⵉⵏⵔⴰⵏ ⴳ ⵜⵣⴷⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵜⵉⴳⵜⵉⵔⴰⵏⵉⵏ. 

ⵉⵃⴰⴹⵕ ⴳ ⵓⵏⵎⵇⵇⴰⵔ ⵎⴰⵙⵙ Alexandre Guido Lopes Parola ⴰⵎⵙⵇⵇⴰⴷ ⵏ ⵍⴱⵕⴰⵥⵉⵍ ⴳ ⵕⵕⴱⴰⵟ ⴷ ⵎⴰⵙⵙ Davi Alcolumbre  ⴰⴳⵎⴰⵎ ⴳ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ.