ⴳⵡⴰⵟⵉⵎⴰⵍⴰ: ⵉⵖⵔⴰ ⵓⵏⵙⵙⵉⵅⴼ ⴰⵎⴰⵢⵏⵓ ⵏ ⵓⴱⵕⵍⴰⵎⴰⵏ ⵏ ⵎⴰⵔⵉⴽⴰⵏ ⵜⴰⵏⴰⵎⵎⴰⵙⵜ ⵉ ⵓⵙⴷⵔⴰⵡ ⵏ ⵜⴷⵔⴰⵡⵜ ⴰⴽⴷ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ

ⴳ ⵓⵏⵎⵓⵇⵇⴰⵔ ⵏ ⵉⴳⵎⴰⵎⵏ ⵏ ⵜⴰⵢⵢⴰⵡⵜ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷⴰⵔ ⵓⴱⵕⵍⴰⵎⴰⵏ ⵏ ⵎⴰⵔⵉⴽⴰⵏ ⵜⴰⵏⴰⵎⵎⵙⵜ ⴳ ⵓⵎⴰⵍⵓ ⵏ ⵜⴷⵔⴰⵡⵜ ⵏⵏⵙⵏ ⴳ ⵜⵙⵓⵜⵍⵜ ⵏ ⵛⵓⵜⴰⵏⴱⵉⵔ ⵉⵍⵍⴰⵏ ⵓⵙⵙⴰⵏ ⵏ 25 ⴷ 26 ⵛⵓⵜⴰⵏⴱⵉⵔ 2024 ⴳ ⴳⵡⴰⵟⵉⵎⴰⵍⴰ, ⵉⵙⴷⴷⵉⴷ ⵎⴰⵙⵙ Ramón Emilio Gori ⴰⵏⵙⵙⵉⵅⴼ ⴰⵎⴰⵢⵏⵓ ⵏ ⵓⴱⵕⵍⴰⵎⴰⵏ ⵏ ⵎⴰⵔⵉⴽⴰⵏ ⵜⴰⵏⵎⵎⴰⵙⵜ ⵙⴳ ⵜⴳⴷⵓⴷⴰⵏⵜ ⵏ ⴷⴷⵓⵎⵉⵏⵉⴽⴰⵏ ⴼ ⵜⴷⵓⵙⵉ ⵏ ⵜⵣⴷⴰⵢⵉⵏ ⵉⵙⵎⵓⵏⵏ ⵍⴱⴰⵔⵍⴰⵙⵉⵏ ⴷ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ, ⵉⵏⵏⴰ ⵎⴰⵙ ⴳⴰⵏⵜ ⵜⵉⵣⴷⴰⵢⵉⵏ ⵍⵍⴰⵏⵉⵏ ⵉ ⵓⴳⴳⴰⵔ ⵏ ⵜⵎⵔⴰⵡⵜ, ⵉⵙⵓⵜⴳ ⵓⵍⴰ ⵜⴰⵣⵣⵉⴳⵣⵜ ⵜⴰⵅⴰⵜⴰⵔⵜ ⵍⵍⵉ ⵉⵙⴽⵔ ⵍⵎⵖⵔⵉⴱ ⴳ ⵉⵙⴳⴳⵯⴰⵙⵏ ⵉⵎⴳⴳⵓⵔⴰ ⴳ ⴽⵉⴳⴰⵏ ⵏ ⵉⴳⵔⴰⵏ ⴷ ⵜⵣⵡⵉⵔⵉ ⵏⵏⵙ ⴳ ⵓⵙⵡⵉⵔ ⴰⴳⵔⴰⵖⵍⴰⵏ ⴷ ⵡⵉⵏ ⵓⵏⵎⵥⴰⵡ ⴳ ⴽⵉⴳⴰⵏ ⵏ ⵉⴳⵔⴰⵏ, ⵉⵙⴰⵡⵍ ⴼ ⵜⵉⵔⴰⵜ ⴰⴷ ⵙⵙⵏⵏ ⵉⵡⴰⵏⴽⵏ ⵏ ⵎⴰⵔⵉⴽⴰⵏ ⵜⴰⵏⴰⵎⵎⴰⵙⵜ ⴳ ⵜⵉⵔⵎⵉⵜ ⵜⴰⵎⵖⵔⵉⴱⵉⵜ ⴳ ⵢⵉⴳⵔ ⵏ ⵜⵥⴹⴰⵕⵜ ⵜⴰⵎⴰⵢⵏⵓⵜ ⵉⵖⵓⵙⵏ ⴷ ⵓⵙⵡⵓⴷⴷⵓ ⵏ ⵓⵣⵡⴰⴳ.

ⴳ ⵓⵎⵏⵉⴷ ⵏⵏⵙ, ⵜⵙⵓⵜⴳ ⵎⴰⵙⵙ ⵃⴰⵢⴰⵜ ⵍⵄⵔⴰⵢⵛ ⵜⴰⴳⵯⵏⵙⴰⵙⵜ ⵏ ⵜⴰⵢⵢⴰⵡⵜ ⵜⴰⵏⴰⵎⵓⵔⵜ ⴰⴷⵖⴰⵔ ⵉⵥⵉⵍⵏ ⵏ ⵍⵎⵖⵔⵉⴱ ⴷⴰⵔ ⵓⴱⵕⵍⴰⵎⴰⵏ ⵏ ⵎⴰⵔⵉⴽⴰⵏ ⵜⴰⵏⴰⵎⴰⵎⵙⵜ ⵉⵍⵍⴰⵏ ⴳ ⵓⵙⴰⵜⵉ ⵏ ⵜⵙⵜⵔⴰⵜⵉⵊⵉⵜ ⵏ ⵜⴳⵍⴷⵉⵜ ⵉ ⵓⵙⴷⵓⵙ ⵏ ⵓⵎⵢⴰⵡⴰⵙ ⵉⴼⴼⵓⵙ-ⵉⴼⴼⵓⵙ. ⵜⵙⴰⵡⵍ ⴼ ⵜⵣⴷⴰⵢⵉⵏ ⴼⵓⵍⴽⵉⵏⵉⵏ ⵙⵎⵓⵏⵏⵉⵏ ⵍⵎⵖⵔⵉⴱ ⴷ ⵜⴳⴷⵓⴷⴰⵏⵜ ⵏ ⴷⴷⵓⵎⵉⵏⵉⴽⴰⵏ ⵙ ⵓⵙⵏⴰⵍ ⵏⵏⵙ ⵏ ⵜⵎⵙⴰⵔⵜ ⵜⴰⵏⴰⵎⵓⵔⵜ ⵍⵍⵉ ⵉⵏⵏⴰ ⵓⵎⴰⵡⵙⴰⵙ ⵏⵏⵙ ⵏ ⴱⵕⵕⴰ ⵉ ⵓⵕⵥⵥⵓⵎ ⵏ ⵜⵙⵇⵓⵏⵙⵓⵜ ⴳ ⵜⵖⵔⵎⵜ ⵏ ⴷⴷⴰⵅⵍⴰ. 

ⵜⴽⵛⵎ ⵜⴷⵔⴰⵡⵜ ⵏ ⵎⴰⵙⵙ ⴰⵎⴰⵔⵉ ⵄⴰⴱⴷ ⵍⵄⴰⵍⵉ ⵍⴱⴰⵕⵓⴽⵉ (ⵜⴰⵔⴰⴱⴱⵓⵜ ⵜⴰⵙⵉⵎⴰⵏⵜ ⵉ ⵜⵎⵓⵏⵉ ⴷ ⵢⵉⵙⴽⵉⵍ) ⴷ ⵎⴰⵙⵙⴰ ⵜⴰⵎⴰⵔⵉⵜ ⵃⴰⵢⴰⵜ ⵍⵄⵔⴰⵢⵛ (ⵜⴰⵔⴰⴱⴱⵓⵜ ⵜⴰⵙⵔⵎⵓⵏⵜ-ⵜⵓⵣⵍⵜ ⵏ ⵍⵉⵜⵜⵉⵃⴰⴷ) ⴳ ⵜⵙⵓⵜⴰⵍ ⵏ ⵓⴱⴰⵕⵍⴰⵎⴰⵏ ⵏ ⵎⴰⵔⵉⴽⴰⵏ ⵜⴰⵏⴰⵎⴰⵎⵙⵜ ⴳ ⵓⵙⵜⴰⵢ ⴰⵙⵜⵔⴰⵜⵉⵊⵉ ⵏ ⵍⵎⵖⵔⵉⴱ ⵙ ⵜⵏⴰⵔⴰ ⵉⵥⵉⵍⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴳ ⵓⵙⴷⵓⵙ ⵏ ⵓⵎⵢⴰⵡⴰⵙ ⵉⴼⴼⵓⵙ-ⵉⴼⴼⵓⵙ. 

ⴳ ⵜⵙⵓⵜⵍⵜ ⴰⴷ, ⵉⴼⴽⴰ ⵓⵎⴰⵔⵉ ⵎⴰⵙⵙ ⵄⴰⴱⴷ ⵍⵄⴰⵍⵉ ⵍⴱⴰⵕⵓⴽⵉ ⴷⴰⵜ ⵏ ⵓⴱⵕⵍⴰⵎⴰⵏ ⵏ ⵎⴰⵔⵉⴽⴰⵏ ⵜⴰⵏⴰⵎⴰⵎⵙⵜ ⵍⵍⵉ ⵉⴳⴰⵏ ⴰⴳⵎⴰⵎ  ⴰⵎⵥⵕⴰⵢ ⴰⴳⵯⵏⵙⴰⵙ ⵏ ⵜⴰⵢⵢⴰⵡⵜ ⵜⴰⵏⴰⵎⵓⵔⵜ ⴷⴰⵔ ⵜⵎⴰⴷⴷⴰⵙⵜ ⵜⴰⴱⴰⵕⵍⴰⵎⴰⵏⵉⵜ. ⵉⵙⵏⵉⵎⵎⵔ ⴳ ⵜⴳⵓⵔⵉ ⵏⵏⵙⴰⴱⵕⵍⴰⵎⴰⵏ ⵏ ⵎⴰⵔⵉⴽⴰⵏ ⵜⴰⵏⴰⵎⵎⴰⵙⵜ ⵙ ⵜⵡⵓⵔⵉ ⵏⵏⵙ ⵉ ⵓⵙⴷⵓⵙ ⵏ ⵜⵔⵙⴰⵍ ⵏ ⵜⴷⵉⵎⵓⵇⵕⴰⵟⵉⵜ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵓⴷⵓⵙ ⵏ  ⵜⵎⴷⵔⴰⵡⵜ ⵍⵍⵉⵖ ⵉⴳⴰ ⴰⵎⴷⴷⵔⴰⵡ ⵉⵣⵣⵉⴳⵣⵏ.

ⴳ ⵜⵙⵓⵜⵍⵜ ⴰⴷ, ⵉⵍⵍⴰ ⵓⵎⵙⴰⵙⴰ ⴼ ⵜⵉⵍⵉⵜ , ⵓⴱⵕⵍⴰⵎⴰⵏ ⵏ ⵔⵓⵙⵉⵢⴰ ⴷ ⵉⵎⵥⵕⵉ ⴳ ⵓⴱⵕⵍⴰⵎⴰⵏ ⵏ ⵎⴰⵔⵉⴽⴰⵏ ⵜⴰⵏⴰⵎⴰⵎⵙⵜ ⵙ ⵜⵓⴳⵜ. ⵔⴰⴷ ⵜⵙⵓⵍ ⵜⵙⵇⵇⵉⵎⵜ ⵜⴰⵎⴰⵜⴰⵢⵜ ⵙ ⵓⵙⵖⵣⵏ ⵏ ⵉⵏⵇⵇⵉⵙⵏ ⵏ ⵜⵙⵇⵇⵉⵎⵉⵏ ⴷ ⵉⵙⵏⴼⴰⵔⵏ ⵣⴷⵉⵏⵉⵏ ⴷ ⵓⵜⵛⵓ ⴷ ⵜⴷⵓⵙⵉ ⴷ ⵜⵎⵖⴰⵔⵜ ⴷ ⵜⵙⵉⵎⴰⵏⵜ ⵜⴰⴷⵎⵙⴰⵏⵜ ⵏ ⵜⵎⵖⴰⵔⵉⵏ ⴳ ⵜⵙⴳⴰ ⵏ ⵎⴰⵔⵉⴽⴰⵏ ⵜⴰⵏⴰⵎⵎⴰⵙⵜ.