ⵊⵓⵀⴰⵏⵙⴱⵓⵔⴳ: ⵉⵎⴹⴰⴽⴰⵕ ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ ⴷ ⵓⵏⵙⵙⵉⵅⴼ ⵏ ⵓⴱⵕⵍⴰⵎⴰⵏ ⴰⴼⵔⵉⵇⵉ

ⵉⵎⴹⴰⴽⴰ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⴽⵡⴰⵙ ⴳ ⵊⴰⵀⴰⵏⵙⴱⵓⵔⴳ, ⴷ ⵎⴰⵙⵙ ⴼⵓⵔⵜⵛⵏ ⵛⴰⵕⵓⵎⴱⵉⵕⴰ, ⴰⵏⵙⵙⵉⵅⴼ ⵏ ⵓⴱⵕⵍⴰⵎⴰⵏ ⴰⴼⵔⵉⵇⵉ. 

ⵉⵍⵍⴰ ⵓⵎⴹⴰⴽⴰⵕ ⴼ ⵜⵎⵙⴰⵔⵉⵏ ⵛⵛⴰⵔⵏⵉⵏ ⴰⵎ ⵜⵉⴽⴽⵉ ⵏ ⵜⴷⵉⵏⴰⵎⵉⵜ ⵜⴰⵎⴰⵢⵏⵓⵜ ⵉ ⵓⵎⵢⴰⵡⴰⵙ ⵊⴰⵔ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⴷ ⵡⵉⵏ ⵉⴼⵔⵉⵇⵢⴰ, ⴷ ⵓⵙⵡⵓⵜⵜⵓ ⵏ ⵉⴳⵔⴰⵏ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⵉ ⵚⴰⵃⴰ ⵏ ⵉⴼⵔⵉⵇⵢⴰ ⴷ ⵉⵎⴰⴷⴰⵏⵏ ⵏⵏⵙ.

ⵙ ⵜⵎⵍⴷⴰ, ⵉⵙⴷⴷⵉ ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ, ⵜⵉⵔⴰⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⵉ ⵓⵙⴷⵓⵙ ⵏ ⵜⵡⵓⵔⵉ ⵜⴰⴼⵔⵉⵇⵉⵜ ⵉⵛⵛⴰⵔⵏ, ⴷ ⵉⵖⴰⵡⴰⵙⵏ ⵏ ⵜⵎⵔⵙⵍⵜ ⵜⴰⵣⵣⵔⴰⴼⵜ ⵏ ⵓⵎⵏⵥⴰⵡ ⵉ ⵓⵙⵏⴰⵍ ⵏ ⵜⵣⵣⵉⴳⵣⵜ ⵜⴰⵏⴰⵎⵓⵏⵜ ⴷ ⵜⴷⵎⵙⴰⵏⵜ ⴷ ⵓⵙⵙⵍⵎⴷ ⴷ ⵓⵙⵉⴷⴼ ⴰⵙⴳⴰⵡⴰⵏ ⴷ ⵜⵏⵏⵓⴱⴹⴰ ⵜⴰⴷⵉⵎⵓⵇⵔⴰⵟⵉⵜ ⴷ ⵓⴼⵔⴰ ⴳ ⵓⵎⵏⵥⴰ. 

ⵉⵙⴷⴷⵉⴷ ⵎⴰⵙ ⵉⴳⴰ ⵍⵎⵖⵔⵉⴱ ⴰⵎⵙⴽⴰⵔ ⴰⵙⵉⵍⴰⵏ ⴳ ⵓⵎⵢⴰⵡⴰⵙ ⵊⴰⵔ ⵉⴼⵔⵉⵇⵉⵢⵏ, ⵢⵉⵏⵉ ⵎⴰⵙ ⴷ ⴰⵙⵎⴰⵇⵇⵍ ⴰⵙⵜⵔⴰⵜⵉⵊⵉ ⴷ ⵜⵏⴰⵔⴰ ⵉⵥⵉⵍⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ, ⵙⴽⴻⵏ ⴳ ⵜⴳⵍⴷⵉⵜ ⴰⵎⵙⴽⴰⵔ ⴰⴷⵎⵙⴰⵏ ⴰⵎⵣⵡⴰⵔ ⴳ ⵉⴼⵔⵉⵇⵢⴰ. 

ⵉⵙⵙⴽⵯⵜⵉⴷ, ⴳ ⵓⵎⵏⴰⴹ, ⴰⴷ ⵜⵉⵙⵏⵜⴰⵢⵉⵏ ⴳⴳⵓⵜⵏⵉⵏ ⴷ ⵉⵙⵏⴼⴰⵔⵏ ⵉⵙⵜⵔⴰⵜⵉⵊⵉⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉ ⵜⴳⵎⵉ ⵏ ⵓⵎⵏⵥⴰⵡ.

ⴳ ⵓⵎⵏⵉⴷ ⵏⵏⵙ, ⵉⵙⵓⵜⴳ ⵓⵏⵙⵙⵉⵅⴼ ⵏ ⵓⴱⵕⵍⴰⵎⴰⵏ ⴰⴼⵔⵉⵇⵉ ⵜⵉⵙⵏⵜⴰⵢⵉⵏ ⵏ ⵍⵎⵖⵔⵉⴱ ⵙ ⵜⵏⴰⵔⴰ ⵜⵓⵏⵥⵉⵥⵜ ⵏ ⴱⴰⴱ ⵏ ⵡⴰⴷⴷⵓⵔ ⵉ ⵚⴰⵃⴰ ⵏ ⵉⴼⵔⵉⵇⵢⴰ ⴷ ⵉⵏⵎⵓⵔⴰⵏ ⵏⵏⵙ. 

ⵉⵙⵙⴽⵯⵜⵉ ⴷ ⴰⵙⵏⴼⴰⵔ ⴰⵎⵇⵔⴰⵏ ⵏ ⵓⵣⵔⵉⵔⴳ ⵏ ⵜⵉⵢⵓ ⵏ ⵍⴳⴰⵣ ⵏⵉⵊⵉⵔⵢⴰ-ⵍⵎⵖⵔⵉⴱ, ⴷ ⵜⵏⵙⵜⴰⵢⵜ ⵜⴰⴳⵍⴷⴰⵏⵜ ⵏ ⴰⵟⵍⴰⵚ ⵉⵡⴰⵜⵜⵙⵏ ⴰⴽⵛⵓⵎ ⵏ ⴽⵔⴰ ⵏ ⵉⵡⴰⵏⴽⵏ ⵉⴼⵔⵉⵇⵉⵢⵏ ⵙ ⵢⵉⵍ ⵏ ⴰⵟⵍⴰⵚ. 

ⵉⵙⴰⵡⵍ ⵓⵍⴰ ⴼ ⴽⵉⴳⴰⵏ ⵏ ⵉⵙⵙⴰⵔⵓⵜⵏ ⵍⵍⵉ ⵜⵙⴽⵔ ⵜⴳⵍⴷⵉⵜ ⴳ ⵓⵎⵏⵥⴰⵡ ⴷ ⵜⵎⵢⴰⵇⵇⴰⵏⵉⵏ ⵏ ⵓⵎⵢⴰⵡⴰⵙ ⴰⴳⵜⵉⵔⴰⵏ ⵉⵜⵜⵓⵣⵎⵎⴰⵎⵏ ⴰⴽⴷ ⵉⵎⴰⴷⵔⴰⵡⵏ ⵏⵏⵙ ⴳ ⵉⴼⵔⵉⵇⵢⴰ, ⴰⵢⵍⵍⵉ ⵉⵎⵎⴰⵍⴰⵏ ⵜⵓⴳⴳⴰⵙ ⵏⵏⵙ ⵉ ⵉⴼⵔⵉⵇⵢⴰ ⵉⵙⵎⴷⵏ ⵉⴱⵓⵖⵍⴰⵏ ⵉⵏⵏⵓⵔⵣⵏ ⵉⵎⴰⵍ. 

ⵉⵍⵍⴰ ⵓⵎⴹⴰⴽⴰⵔ ⴰⴷ ⵊⴰⵔ ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎ ⴷ ⵎⴰⵙⵙ ⵛⴰⵕⵓⵎⴱⵉⵕⴰ ⴳ ⵓⵎⴰⵍⵓ ⵏ ⵓⴳⵔⴰⵡ ⴰⵙⴳⴳⵯⵙⴰⵏ ⵡⵉⵙ 12 ⵏ ⵉⵏⵙⵙⵉⵅⴼⵏ ⵏ ⵉⴱⵕⵍⴰⵎⴰⵏⵏ ⵉⴼⵔⵉⵇⵉⵢⵏ ⵙⴳ 18 ⴰⵔ 20 ⵛⵓⵜⴰⵏⴱⵉⵔ ⴳ ⵓⵙⵖⵉⵎ ⵏ ⵓⴱⵕⵍⴰⵎⴰⵏ ⴰⴼⵔⵉⵇⵉ ⴳ ⵊⵓⵀⴰⵏⵙⴱⵓⵔⴳ ⴳ ⵉⴼⴼⵓⵙ ⵏ ⵉⴼⵔⵉⵇⵢⴰ. 

ⵉⴷⵔⵓ ⵓⴱⵔⵍⴰⵎⴰⵏ ⵏ ⵍⵎⵖⵔⵉⴱ ⴳ ⵓⴳⵔⴰⵡ ⴰⴷ ⵙ ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ, ⵎⴰⵙⵙⴰ ⵍⴰⵢⵍⴰ ⴷⴰⵀⵉ ⵙⴳ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ, ⵎⴰⵙⵙⴰ ⵅⴰⴷⵉⵊⴰ ⴰⵕⵓⵀⴰⵍ ⵙⴳ ⵓⴽⴰⴱⴰⵕ ⵏ ⵜⴳⵎⵉ ⴷ ⵜⵙⵔⵎⵓⵏⵜ, ⵎⴰⵙⵙ ⵄⴰⴱⴷ ⵚⵚⴰⵎⴰⴷ ⵃⵉⴽⵔ ⵙⴳ ⵜⵣⵔⴼⵜ ⴷ ⵜⴳⵎⵉ, ⵀⴰⵏⴰ ⴱⵏ ⵅⵉⵔ ⵙⴳ ⵜⴰⵎⵓⵏⵜ ⵜⴰⵎⴰⵜⴰⵢⵜ ⵏ ⵉⵎⵙⵡⵓⵔⵉⵢⵏ ⴳ ⵍⵎⵖⵔⵉⴱ.