ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2021-2026:
ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ: ⵜⵉⴳⵎⵉ ⵏ ⵉⴼⵔⵉⵇⵢⴰ ⵜⵣⴷⵉ ⴷ ⵓⵙⵙⵍⵎⴷ
ⵉⵙⴷⴷⵉⴷ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵙ ⵏ ⵓⴽⵡⴰⵙ, ⴳ ⵓⵙⵖⵉⵎ ⵏ ⵓⴱⵕⵍⴰⵎⴰⵏ ⴰⴼⵔⵉⵇⵉ ⴳ ⵊⵓⵀⴰⵏⵙⴱⵓⵔⴳ, ⵎⴰⵙ ⵜⵣⴷⵉ ⵜⴳⵎⵉ ⵏ ⵉⴼⵔⵉⵇⵢⴰ ⴷ ⵓⵙⵙⵍⵎⴷ ⵍⵍⵉ ⵔⴰⴷ ⵉⵕⵥⵎ ⵉⵎⴰⵍ ⴷⴰⵜ ⵏ ⵉⵄⵔⵔⵉⵎⵏ ⵏ ⵉⴼⵔⵉⵇⵢⴰ, ⵉⴼⴽ ⴰⵙ ⴰⵏⴰⵔⵓⵣ ⴳ ⵉⵎⴰⵍ, ⴷ ⵓⴷⴷⵓⵔ ⴷ ⵜⵡⵓⵔⵉ ⵉⵙⴼⴰⵍⴽⵉ ⵜⵓⴷⵔⵜ ⵏⵏⵙ.
ⵢⵉⵏⵉ ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ, ⴳ ⵜⴻⵜⴳⴰⵔⵜ ⵏⵏⵙ ⵉ ⵓⴳⵔⴰⵡ ⴰⵙⴳⴳⵯⵙⴰⵏ ⵡⵉⵙ 12 ⵏ ⵉⵏⵙⵙⵉⵅⴼⵏ ⵏ ⵉⴱⵕⵍⴰⵎⴰⵏⵏ ⵉⴼⵔⵉⵇⵉⵢⵏ, ⵉⵍⵍⴰⵏ ⴳ ⵓⵙⴰⵜⵉ ⵏ ⵜⵙⵓⵜⵍⵜ ⵏ ⵛⵓⵜⴰⵏⴱⵉⵔ ⵉ ⵜⴳⵔⴰⵡⵜ ⵜⴰⵣⵣⵔⴰⴼⵜ ⵜⴰⴼⵔⵉⵇⵉⵜ, ⵎⴰⵙ ⴷ ⵜⴷⵔⴰⵡⵜ ⵏⵏⵙ ⴳ ⵓⴳⵔⴰⵡ ⴰⴷ ⵜⴳⴰ ⵜⴰⵎⴰⵜⴰⵔⵜ ⵎⴰⵙ ⵢⵉⵡⵣ ⵓⴱⵕⵍⴰⵎⴰⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⵙ ⵜⵙⵡⵓ=ⵉⵏⴳⵎⵜ ⴷ ⵜⴰⵏⵏⴰⵢⵜ ⴷ ⵜⵙⵓⵎⵔⵜ ⴳ ⵓⵙⴷⵓⵙ ⵏ ⵜⵡⵓⵔⵉ ⵜⴰⴼⵔⵉⵇⵉⵜ ⵉⵛⵛⴰⵔⵏ ⴷ ⵓⵙⵎⵖⵔ ⵏ ⵜⵎⵔⵙⴰⵍ ⵜⴰⴼⵔⵉⵇⵉⵜ.
ⵢⵉⵏⵉ: “ⵓⵔ ⵏⵎⵎⵣⵔⵉ ⵎⴰⵙ ⵉⴳⴰ ⵓⵙⵙⵍⵎⴷ ⵜⴰⵎⵙⴰⵔⵜ ⵜⴰⵏⴰⵎⴰⵎⵙⵜ ⵉ ⵓⵎⵏⵥⴰⵡ ⵏⵏⵖ ⴷⴼⴼⵉⵔ ⵏ ⵓⴼⵔⴰ ⴷ ⵓⵔⴳⴳⵉⴳ”, ⵉⵙⵓⵜⴳ ⴰⵙⵜⴰⵢ ⵏ ⵓⴱⵕⵍⴰⵎⴰⵏ ⴰⴼⵔⵉⵇⵉ ⵉ ⵜⵎⴰⵜⴰⵔⵜ: ⴰⵙⵙⵍⵎⴷ ⴰⴼⵔⵉⵇⵉ ⵉⴹⴼⵕⵏ ⵜⴰⵙⵓⵜ ⵜⵉⵙ 21...ⴰⵙⴽⵓ ⵏ ⵉⵏⴳⵔⴰⵡⵏ ⴼⵙⵓⵙⵏⵉⵏ ⵉ ⵓⵙⴷⵓⵙ ⵏ ⵓⵙⵉⴷⴼ ⵉ ⵓⵙⵍⵎⴷ ⴳ ⵉⵍⵍⴰ ⵡⴰⴷⴰⴼ ⴷ ⵜⵙⵓⵍⴰⵏⵜ ⵓⵎⵙⴰⵙⴰ ⴳ ⵉⴼⵔⵉⵇⵉⵢ.
ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙ ⵉⴳⴰ ⵓⵙⵙⵍⵎⴷ ⴰⵣⵔⴼ ⴰⵙⵉⵍⴰⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵉⴳ ⵜⴰⴼⴰⴷⴰ ⵏ ⵜⴳⵎⵉ, ⴷ ⵉⵎⵉⵙⵙ ⵏ ⵓⵙⴷⵓⵙ ⵏ ⵜⴷⵉⵎⵓⵇⵔⴰⵟⵉⵜ ⴷ ⵜⵎⴷⵔⴰⵡⵜ ⵉⴱⴷⴷⵏ ⴼ ⵓⵙⵜⴰⵢ ⵏ ⵓⴼⵔⴰⴽ.
ⵢⵉⵏⵉ ⵓⵍⴰ ⵎⴰⵙ ⵓⵔ ⴳⵉⵙ ⵜⵓⵔⴷⴰ ⵎⴰⵙ ⴷ ⴰⵥⵎⴰⵥⵥⵎ ⵓⵛⵛⵉⵍ ⵉ ⵓⵎⵓⴽⵏ ⵏ ⵓⵙⵙⵍⵎⴷ ⴳ ⵉⴼⵔⵉⵇⵢⴰ ⵉⵍⵍⴰ ⵙⴳ ⵓⵙⴼⵙⵉ ⵏ ⵡⴰⴷⴷⴰⴷ ⵏ ⵢⵉⴳⵔ ⴰⴷ, ⵜⴰⵏⴰⴼⵜ ⴰⴷ ⵜⴰⴳⴷⵓⴷⴰⵏⵜ, ⵙ ⵜⵓⵚⴽⴰ ⴷ ⵉⵙⵖⴰⵡⵙⴰⵜⵏ ⴷ ⵉⵙⵓⴳⴰⵎ ⵉⵏⴼⴳⴰⵏⵏ ⴷ ⵉⵥⵕⴼⴰⵏⵏ ⵓⵛⵛⵓⵍⵏ, ⴷ ⵓⵙⵔⵙ ⵏ ⵜⵏⵇⵇⴰⴷ ⵏ ⵜⴷⵓⵙⵉ ⴷ ⵓⵛⵃⵓ ⵍⵍⴰⵏⵉⵏ ⴳ ⵢⵉⴳⵔ ⴰⴷ ⵓⴷⴷⵉⵔ.
ⵉⵙⵉⵙⴼⵉⵡ ⵎⴰⵙ ⴷ ⵜⵉⵔⵙⴰⵍ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⵍⵍⴰⵏⵜ ⴳ ⵓⴳⵯⵏⵙ ⵏ ⵢⵉⵙⴽⵉⵍ ⴷ ⵉⵣⵔⴼⴰⵏ ⵉⴷⵙⵍⴰⵏⵏ ⴷ ⵜⵏⵏⵓⴱⴹⴰ, ⴰⴷ ⵜⴰⴷⵉⵎⵓⵇⵔⴰⵟⵉⵜ ⵏ ⵜⵏⵓⴼⴰ ⵏ ⵓⵙⵙⵍⵎⴷ ⴷ ⵓⵙⴳⵎⵉ, ⵍⵍⵉ ⵉⴷⵎⵏⵏ ⵉ ⴽⵓ ⵢⴰⵏ ⵜⴰⵏⴰⴼⵜ ⴰⴷ ⵜⴰⴳⴷⵓⴷⴰⵏⵜ ⵜⵕⵥⵎ ⵜⵉⵏⵎⵍ ⴷ ⵓⵙⵉⵏⴰⵏ ⴷ ⵜⵙⴷⴰⵡⵉⵜ ⵉ ⴽⵓⵢⴰⵏ.
ⵉⴳⴰ ⵍⵃⴰⵍ ⴰⵙⵎⴰⵜⴰ ⵏ ⵓⵙⵙⵍⵎⴷ ⴳ ⵡⴰⵎⵓⵏ ⴷ ⵉⴳⵔⴰⵏ ⵉⵏⴰⴽⴰⵍⵏ ⵏ ⵜⵎⴰⵣⵉⵔⵜ, ⵙ ⵜⵓⵙⴽⴰ ⴷ ⵜⵙⵓⴳⵔⵜ ⴷ ⵉⵙⵓⴳⴰⵎ ⵉⵏⴼⴳⴰⵏⵏ ⴷ ⵓⵙⵖⵉⵡⵙ ⴷ ⵓⵙⵔⵙ ⵏ ⵉⵡⵜⵜⴰⵙⵏ ⵙ ⵜⵣⵣⵉⴳⵣⵜ ⵜⴰⴷⵉⵎⵓⴳⵕⴰⴼⵉⵜ ⴳ ⵜⵎⵉⵣⴰⵔ ⵏⵏⵖ ⴷ ⵉⵙⵏⴼⵍⵏ ⵏ ⵜⴷⵎⵙⴰ ⵖ ⵢⵉⴳⵔ ⵏ ⵜⵏⵓⴼⴰ.
ⵉⵣⵎⵎⵉⵎ ⵎⴰⵙⵙ ⵟⴰⵎⴱⵉ ⵍⵄⴰⵍⴰⵎⵉ, ⵎⴰⵙⵙ ⵍⵍⴰⵏⵜ ⴽⵉⴳⴰⵏ ⵏ ⵜⵏⴰⵥⴰⵕⵉⵏ ⵢⴰⴹⵏⵉⵏ ⵣⴷⵉⵏⵉⵏ ⴷ ⵓⵙⵎⵖⵔ ⵏ ⵉⵏⴳⵔⴰⵡⵏ ⵏⵏⵖ ⵏ ⵓⵙⵙⵍⵎⴷ, ⴰⵎ ⵜⴰⵎⵓⴽⵔⵉⵙⵜ ⵏ ⵓⵙⵙⵥⵕⴼ ⵏ ⵓⵙⵙⵍⵎⴷ, ⵍⵍⵉ ⵉⵟⵟⴰⴼⵏ ⴰⵙⵖⵍ ⵉⵙⵜⴰⵡⵀⵎⵎⴰⵏ ⴳ ⵜⵎⴽⵕⴰⴹ ⵜⵉⴳⴷⵓⴷⴰⵏⵉⵏ ⴳ ⵜⵎⴰⵣⵉⵔⵜ ⵏⵏⵖ, ⴷ ⵎⴰⵙ ⴷ ⵉⵇⵇⴰⵏ ⵓⵙⵏⴼⵍⵓⵍ ⴷ ⵓⵙⵎⴰⵢⵏⵓ ⴳ ⵓⵙⵓⵊⴷ ⵏ ⵉⵙⴳⵓⵎⵏ ⵉⵥⵕⴼⴰⵏⵏ.
ⵉⵙⴷⴷⵉⴷ ⴳ ⵓⵎⵏⴰⴹ ⴰⴷ, ⴼ ⵓⵛⵛⵉⵍ ⵏ ⵓⵙⵙⵔⵇⴱ ⵏ ⵢⵉⴳⵔ ⵓⵙⵍⵉⴳ ⴰⴼⵔⵉⵇⵉ ⵉ ⵓⵙⵙⵥⵕⴼ ⵏ ⵓⵙⵙⵍⵎⴷ ⴰⴳⴷⵓⴷⴰⵏ ⴳ ⵓⵙⴰⵜⵉ ⵏ ⵜⵎⴷⵔⴰⵡⵉⵏ ⴷ ⵉⵙⵖⴰⵏⵏ, ⵙ ⵓⵙⵙⴰⵔⵓ ⵉⵛⵛⴰⵔⵏ ⵊⴰⵔ ⵉⴳⵔ ⴰⵎⴰⵜⴰⵢ ⴷ ⵓⴳⴷⵓⴷⴰⵏ, ⵉⵖⵔ ⵉ ⵓⵙⵔⵙ ⵏ ⵓⵙⵙⵍⵎⴷ ⴳ ⵓⴳⵯⵏⵙ ⵏ ⵜⵎⴷⵔⴰⵡⵉⵏ ⴷ ⵉⵖⴰⵡⴰⵙⵏ ⵏ ⵓⵎⵢⴰⵡⴰⵙ ⵙⵎⵓⵏⵏⵉⵏ ⵜⵉⵎⵉⵣⴰⵔ ⵏⵏⵖ, ⵙⵍⴰⵡⴰⵏ ⴰⴽⴽⵯ ⵜⵉⴷⴰ ⵙⵖⴰⵡⵙⴰⵏⵉⵏ ⵙ ⵉⵙⵓⴳⴰⵎ, ⴳ ⵓⴳⵯⵏⵙ ⵏ ⵜⵎⵢⴰⵇⵇⴰⵏⵉⵏ ⴷ ⵉⵙⵏⴼⴰⵔⵏ ⵍⵍⴰⵏⵉⵏ.
ⵉⵙⴷⴷⵉⴷ ⴼ ⵡⴰⵜⵉⴳ ⵏ ⵓⵙⴽⵔ ⵏ ⵜⵙⴷⴰⵡⵉⵢⵉⵏ ⵜⵉⴼⵔⵉⵇⵉⵢⵉⵏ ⵛⵛⴰⵔⵏⵉⵏ, ⴷ ⵉⵙⵉⵏⴳⴰⵏ ⵏ ⵓⵙⵎⵓⵜⵜⴳ, ⴷ ⵉⵎⴰⵙⵙⵏ ⵏ ⵓⵙⵡⵉⵏⴳⵎ, ⵉ ⵓⵙⵡⵉⵏⴳⵎ ⴷ ⵜⵙⵓⵎⵔⵜ ⵣⵔⵉⵏⵉⵏ ⵉⵡⵜⵜⴰ.
ⵢⵉⵏⵉ ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ, ⵎⴰⵙ ⵜⵣⴷⵉ ⵜⵏⴰⵥⴰⵕⵜ ⵜⵉⵙ ⵙⵏⴰⵜ ⴷ ⵓⵙⵓⵊⴷ ⵏ ⵉⵙⵓⴳⴰⵎ ⵉⴼⴳⵏⴰⵏⵏ ⵍⵍⵉ ⵔⴰⴷ ⵉⵙⴽⵔ ⴰⵙⵙⵍⵎⴷ ⴷ ⵓⵙⵎⵓⵜⵜⴳ ⴷ ⵓⵙⴳⵎⵉ ⴷ ⵓⵙⵎⵓⵜⴳⴳ ⵏ ⵉⵎⵙⵎⴰⵜⵜⴰⴳⵏ, ⵉⵖⵔ ⵉ ⵓⵙⵔⵅⵓ ⵏ ⵓⵙⵏⴼⵍ ⵏ ⵉⵙⵍⵎⴰⴷⵏ ⵊⴰⵔ ⵜⵎⵉⵣⴰⵔ ⵏ ⵉⴼⵔⵉⵇⵢⴰ, ⴷ ⵓⵙⵎⵓⵜⵜⴳ ⵏ ⵉⵙⵍⵎⴰⴷⵏ ⴳ ⴱⵕⵕⴰ ⵏ ⵜⵎⵉⵣⴰⵔ ⵓⵔ ⵟⵟⴰⴼⵏⵉⵏ ⵜⵓⵚⴽⵓⵡⵉⵏ ⵏ ⵓⵙⵎⵓⵜⵜⴳ ⴳⵓⵎⵏⵉⵏ.
ⵉⵖⵔ ⵓⵍⴰ ⵓⵙⴱⴷⴷⵉ ⵏ ⵓⵣⵡⴰⴳ ⵏ ⵉⴷ ⴱⴰⴱ ⵏ ⵓⵏⵍⵉ ⵉⴼⵔⵉⵇⵉⵢⵏ ⴱⵕⵕⴰ ⵏ ⵓⵎⵏⵥⴰⵡ ⵎⵏⵉⴷ ⵏ ⵓⵙⵓⵊⴷ ⵏ ⵉⵡⵏⴹⴰⵏ ⵏ ⵓⵔⵣⵣⵓ ⴰⵎⴰⵙⵙⴰⵏ ⴷ ⵜⵎⵏⵜⵍⵉⵏ ⴷⵓⵙⴰⵏⵉⵏ ⵏ ⵜⵡⵓⵔⵉ ⴷ ⵉⵙⵙⵔⵇⴱⵏ ⴷⵓⵙⴰⵏⵉⵏ.
ⵜⴰⵏⴰⵥⴰⵕⵜ ⵜⵉⵙ ⴽⵕⴰⴹⵜ, ⵉⵏⵏⴰ ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ, ⵎⴰⵙ ⵜⵣⴷⵉ ⴷ ⵜⵙⵓⴳⵔⵜ ⵏ ⵉⵏⴳⵔⴰⵡⵏ ⵏⵏⵖ ⵉⵙⴳⵎⴰⵏⵏ ⵉ ⵉⵎⵉⵥ ⵏ ⵚⴰⵃⴰ ⵙⴳ ⵜⵣⵣⵉⴳⵣⵜ ⵜⴰⵜⵉⴽⵏⵓⵍⵓⵊⵉⵜ ⵉⴳⴳⵓⵜⵏ ⵉⵍⵍⴰⵏ ⴳ ⵓⵎⴰⴹⴰⵍ, ⴰⵎ ⵜⵉⵖⵉⵙⵜ ⵜⴰⵎⴳⵓⵔⴰⵏⵜ ⵉ ⵓⵙⵎⵏⵉⴷ ⵏ ⵜⵏⵓⴼⴰ ⵏ ⵓⵙⵙⵍⵎⴷ ⵉⵎⵙⴰⵙⴰⵏ ⴷ ⵜⵎⵏⵜⵍⵉⵏ ⴷ ⵜⴷⵍⵙⵉⵡⵉⵏ ⵏⵏⵖ.
ⵉⵙⴷⴷⵉⴷ, ⴳ ⵜⴳⵉⵔⴰ, ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ ⵎⴰⵙ ⴷ ⵉⵇⵇⴰⵏ ⵓⵏⵄⴰⵕ ⵏ ⵉⴱⵕⵍⴰⵎⴰⵏⵉⵢⵉⵏ ⵉⴼⵔⵉⵇⵉⵢⵏ ⵃⵎⴰ ⴰⴷ ⴳⵉⵏⵜ ⵜⵡⴰⴼⵉⵜⵉⵏ ⴷ ⵜⴻⵜⵉⴽⵏⵓⵍⵓⵊⵉⵜ ⵜⵉⵏ ⴽⵓⵢⴰⵏ, ⵢⵉⵏⵉ ⵎⴰⵙ ⵜⴳⴰ ⵜⴳⴰ ⵜⵣⵣⵉⴳⵣⵜ ⵜⴰⵜⵉⴽⵏⵓⵍⵓⵊⵉⵜ ⴰⴼⴰⵔⵙ ⵏ ⵜⵡⵉⵣⵉ ⵏ ⵜⵖⵔⵎⵉⵡⵉⵏ ⴷ ⵜⴷⵍⵙⵉⵡⵉⵏ ⵥⵍⵉⵏⵉⵏ, ⵉⴳ ⴰⴼⴰⵔ ⵏ ⵓⴼⴳⴰⵏ ⴷ ⵡⴰⵢⴷⴰ ⵏ ⵓⴼⴳⴰⵏ.