ⵎⴰⵙⵙⴰ ⵙⴰⵍⵎⴰ ⴱⵏⵄⵣⵉⵣ, ⵜⴰⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ, ⵜⵙⵏⵓⴱⴳ ⴰⴽⴰⴱⴰⵕ ⵏ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴳ ⵓⴱⵕⵍⴰⵎⴰⵏ ⵏ ⴷⴷⴰⵏⵉⵎⴰⵕⴽ

ⵜⵙⵏⵓⴱⴳ ⵎⴰⵙⵙⴰ ⵙⴰⵍⵎⴰ ⴱⵏⵄⵣⵉⵣ, ⵜⴰⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵏ ⵜⵖⴰⵡⵉⵙⵉⵡⵉⵏ ⵏ ⴱⵕⵕⴰ ⴷ ⵓⵎⵣⴰⵖ ⴰⵏⴰⵎⵓⵔ ⴷ ⵉⵎⵖⵔⵉⴱⵉⵢⵏ ⵏ ⴱⵕⵕⴰ, ⴰⴽⵕⴰⵙ 18 ⵛⵓⵜⴰⵏⴱⵉⵔ 2024 ⴳ ⵓⵙⵖⵉⵎ ⵏ ⵓⵙⵇⵇⵉⵎ ⴳ ⵕⵕⴱⴰⵟ, ⴰⴽⴰⴱⴰⵕ ⵏ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴳ ⵓⴱⵕⵍⴰⵎⴰⵏ ⵏ ⴷⴷⴰⵏⵉⵎⴰⵕⴽ ⵉⵔⵣⴼⵏ ⵜⴰⴳⵍⴷⵉⵜ. 

ⵜⵙⴷⴷⵉⴷ ⵎⴰⵙⵙ ⴱⵏⵄⵣⵉⵣ ⵎⴰⵙ ⵉⴳⴰ ⵓⵔⵣⴰⴼ ⴰⴷ ⵜⴰⵎⴰⵜⴰⵔⵜ ⴼ ⵜⵉⵔⴰⵜ ⵏ ⵍⵎⵖⵔⵉⴱ ⴷ ⴷⴷⴰⵏⵉⵎⴰⵕⴽ ⵉ ⵓⵙⵎⵖⵔ ⵏ ⵓⵎⵢⴰⵡⴰⵙ ⴷ ⵜⵣⴷⴰⵢⵉⵏ ⵜⵉⴷⵉⴱⵍⵓⵎⴰⵙⵉⵢⵉⵏ, ⵜⵙⴰⵡⵍ ⴼ ⵜⵉⵍⴰⵍⵜ ⵏ ⵓⴱⵕⵍⴰⵎⴰⵏ ⴳ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⵙⵉⵏⵔⴰⵏ. 

ⵜⵉⵏⵉ ⵎⴰⵙⵙⴰ ⴱⵏⵄⵣⵉⵣ ⵎⴰⵙ ⵉⵍⵍⴰ ⵓⵔⵣⴰⴼ ⴰⴷ ⴰⴷ ⴳ ⵓⵙⴰⵜⵉ ⵏ ⵓⵎⵏⴰⴹ ⴰⵏⴰⵎⵓⵔ ⵉⵣⴷⵉⵏ ⴷ ⵓⵙⴼⵓⴳⵍⵓ ⵏ ⵓⴽⵜⵜⵓⵢ ⵡⵉⵙ 25 ⵏ ⵜⵉⵍⵉⵜ ⵏ  ⴱⴰⴱ ⵏ ⵡⴰⴷⴷⵓⵔ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⴼ ⵓⴷⴰⴱⵓ ⵏ ⵉⵎⵣⵡⵓⵔⴰ ⵏⵏⵙ, ⴷ ⵓⵎⵏⴰⴹ ⴰⴷⵉⴱⵍⵓⵎⴰⵙⵉ ⵉⵣⴷⵉⵏ ⴷ ⵓⵙⵏⴰⵍ ⴰⴳⵔⴰⵖⵍⴰⵏ ⵉⵣⵣⵉⴳⵣⵏ ⵉ ⵜⵎⵙⴰⵔⵜ ⵏ ⵜⵢⴰⵏⵜ ⵏⵏⵖ ⵜⴰⵏⴰⴽⴰⵍⵜ ⴷ ⵜⵙⵓⵎⵔⵜ ⵏ ⵓⵏⴱⴰⴹ ⴰⵏⵉⵎⴰⵏ ⵍⵍⵉ ⵉⵙⵎⵏⵉⴷ ⵍⵎⵖⵔⵉⴱ ⴳ 2007 ⵉ ⵓⴼⵙⵙⴰⵢ ⵏ ⵜⵎⴰⵖⵜ ⵉⵍⵍⴰⵏ ⵅⴼ ⵚⵚⵃⵕⴰ ⵜⴰⵎⵖⵔⵉⴱⵉⵜ. 

ⵜⵙⴰⵡⵍ ⵎⴰⵙⵙⴰ ⴱⵏⵄⵣⵉⵣ ⴼ ⵉⵎⵕⵚⵉⵡⵏ ⵣⴷⵉⵏⵉⵏ ⴷ ⵓⵙⵎⴰⵢⵏⵓ ⵏ ⵓⵏⴳⵔⴰⵡ ⴰⵣⵔⴼⴰⵏ ⴳ ⵜⵎⴰⵣⵉⵔⵜ ⵏⵏⵖ ⴷ ⵉⵙⴰⵡⵓⵔⵏ ⵉⵅⴰⵜⴰⵔⵏ ⵍⵍⵉ ⴳⵉⵙ ⵍⵍⴰⵏⵉⵏ, ⵜⵉⵏⵉⵏ ⵎⴰⵙ ⵉⵙⴽⵔ ⵍⵎⵖⵔⵉⴱ ⴽⵉⴳⴰⵏ ⵏ ⵜⵎⵙⴽⴰⵔ ⴳ ⵉⵙⴳⴳⵯⴰⵙⵏ ⴰⴷ ⴳⴳⵓⵔⴰⵏⵉⵏ ⵢⴰⵡⵉ ⵜⴰⵎⵢⵉⵎⴰⵏⵜ ⵏ ⵉⵎⴷⵔⴰⵡⵏ ⵏⵏⵙ ⴳ ⵓⵎⴰⴹⴰⵍ ⵖ ⵏⵉⵜ ⵜⵍⵍⴰ ⴷⴷⴰⵏⵉⵎⴰⵕⴽ. 

ⵉⵃⴰⴹⵔ ⴳ ⵓⵏⵎⵓⵇⵇⴰⵔ ⴰⴷ ⵎⴰⵙⵙ ⵄⴰⴱⴷ ⵍⵄⴰⵍⵉ ⴱⵕⵓⴽⵉ, ⵏⴰⴷⵢⴰ ⵍⵇⵏⵚⵓⵕⵉ, ⵄⵉⵛⴰ ⵍⴽⵔⵊⵉ, ⵉⴳⵎⴰⵎⵏ ⵏ ⵜⵙⵇⵇⵉⵎⵜ, ⵙⴷⵉⴷⵉⵏ ⴼ ⵡⴰⵜⵉⴳ ⵏ ⵓⵔⵣⴰⴼ ⴰⴷ ⴳ ⵓⵙⴷⵓⵙ ⵏ ⵓⵎⵢⴰⵡⴰⵙ ⵊⴰⵔ ⵍⵎⵖⵔⵉⴱ ⴷ ⴷⴷⴰⵏⵉⵎⴰⵕⴽ; ⴷ ⵜⵎⵍⴷⴰ ⵏ ⵓⵙⵙⴰⵔⵓ ⴳ ⵉⴳⵔⴰⵏ ⵏ ⵜⵥⴹⴰⵕⵜ ⵜⴰⵎⴰⵢⵏⵓⵜ ⴷ ⵡⴰⵎⴰⵏ. 

ⴳ ⵓⵎⵏⵉⴷ ⵏⵏⵙ, ⵉⵙⴷⴷⵉⴷ ⵎⴰⵙⵙ Rasmus Prehn ⴰⵏⵙⵙⵉⵅⴼ ⵏ ⵓⴽⴰⴱⴰⵕ ⵏ ⴷⴷⴰⵏⵉⵎⴰⵕⴽ ⵎⴰⵙ ⵉⴽⵛⵎ ⵓⵔⵣⴰⴼ ⴰⴷ ⴳ ⵓⵙⴰⵜⵉ ⵏ ⵜⵙⵜⵔⴰⵜⵉⵊⵉⵜ ⵜⴰⵎⴰⵢⵏⵓⵜ ⵏ ⴷⴷⴰⵏⵉⵎⴰⵕⴽ ⴳ ⵉⴼⵔⵉⵇⵢⴰ, ⵜⵡⴰⵜⵜⵙ ⴰⵙ ⴷⵓⵙ ⵏ ⵓⵎⵢⴰⵡⴰⵙ ⵊⴰⵔ ⵜⵉⵎⵉⵣⴰⵔ ⴷ ⵓⵙⵏⴼⵍ ⵏ ⵜⵉⵔⵎⵉⵜⵉⵏ ⴷ ⵜⵎⵓⵣⴰⵢⵉⵏ ⴳ ⵎⴰⵕⵕⴰ ⵉⴳⵔⴰⵏ. 

ⵉⵙⵎⵏⵉⴷ ⵓⴽⴰⴱⴰⵕ ⵏ ⴷⴷⴰⵏⵉⵎⴰⵕⴽ ⵉⵙⵏⴼⴰⵔⵏ ⵏ ⵉⵙⵍⴳⵏⵏ ⵍⵍⴰⵏⵉⵏ ⵖⵉⵍⴰⴷ ⴳ ⵓⴱⵕⵍⴰⵎⴰⵏ ⵏⵏⵙⵏ, ⴷ ⵜⵉⵔⵎⵉⵜ ⵏ ⵜⵎⴰⵣⵉⵔⵜ ⵏⵏⵙⵏ ⴳ ⵢⵉⴳⵔ ⵏ ⵜⵥⴹⴰⵕⵜ ⵜⴰⵎⴰⵢⵏⵓⵜ. ⵜⵃⴰⴹⵕ ⴳ ⵓⵏⵎⵓⵇⵇⴰⵔ ⴰⴷ ⵎⴰⵙⵙⴰ Berit Basse  ⵜⴰⵎⵙⵇⵇⴰⴷⵜ ⵏ ⴷⴷⴰⵏⵉⵎⴰⵕⴽ ⴳ ⵍⵎⵖⵔⵉⴱ. 

ⵢⵓⵎⴰ ⵓⴽⴰⴱⴰⵕ ⴰⴷ: 

• ⵎⴰⵙⵙ Rasmus Prehn ⵙⴳ ⵓⴽⴰⴱⴰⵕ ⵏ ⵉⴷⵉⵎⵓⵇⵔⴰⵟⵉⵢⵏ ⵉⵏⴰⵎⵓⵏⵏ; 
• ⵎⴰⵙⵙ Jeppe Soe  ⵙⴳ ⵓⴽⴰⴱⴰⵕ ⵏ ⵉⵏⴰⵎⵎⴰⵙⵏ;
• ⵎⴰⵙⵙ Kim Valentin ⵙⴳ ⵓⴽⴰⴱⴰⵕ ⴰⵍⵉⴱⵉⵕⵍⴰⵉ;
• ⵎⴰⵙⵙⴰ Charlotte Munch ⵙⴳ ⵓⴽⴰⴱⴰⵕ ⵏ ⵉⴷⵉⵎⵓⵇⵔⴰⵟⵉⵢⵏ ⵉⴷⴰⵏⵉⵎⴰⵔⴽⵉⵢⵏ; 
• ⵎⴰⵙⵙ Sascha Faxe ⵙⴳ ⵓⴽⴰⴱⴰⵕ ⵏ ⵓⵙⵏⴼⵍ;
• ⵎⴰⵙⵙJon Stephen   ⴰⵏⵙⵉⵎⴰⵏ;
• ⵎⴰⵙⵙNiklas Borker Bjerre ⴰⵏⵙⵉⵎⴰⵏ;
• -ⵎⴰⵙⵙ Lis Gronnegard Rasmussen  ⴰⵏⵙⵉⵎⴰⵏ.