ⵎⵉⴷⵔⴰⵏⴷ: ⵉⴷⵔⵓ ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ ⴳ ⵓⴳⵔⴰⵡ ⴰⵙⴳⴳⵯⵙⴰⵏ ⵡⵉⵙ ⵙⵉⵏ ⵏ ⵉⵏⵙⵙⵉⵅⴼⵏ ⵏ ⵉⴱⵕⵍⴰⵎⴰⵏⵏ ⵉⴼⵔⵉⵇⵉⵢⵏ

ⵉⴷⵔⵓ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵙ ⵏ ⵓⴽⵕⴰⵙ, ⴳ ⵓⵙⵖⵉⵎ ⵏ ⵓⴱⵕⵍⴰⵎⴰⵏ ⴰⴼⵔⵉⵇⵉ ⴳ ⵎⵉⴷⵔⴰⵏⴷ, ⴳ ⵓⴳⵔⴰⵡ ⴰⵙⴳⴳⵯⵙⴰⵏ ⵡⵉⵙ ⵙⵉⵏ ⵏ ⵉⵏⵙⵙⵉⵅⴼⵏ ⵏ ⵉⴱⵕⵍⴰⵎⴰⵏⵏ ⵉⴼⵔⵉⵇⵉⵢⵉⵏ ⵉⵍⵍⴰⵏ ⵙⴳ 18 ⴰⵔ 20 ⵛⵓⵜⴰⵏⴱⵉⵔ. 

ⵉⵍⵍⴰ ⵓⴳⵔⴰⵡ ⴰⴷ ⴳ ⵓⵙⴰⵜⵉ ⵏ ⵜⵙⵓⵜⵍⵜ ⵏ ⵛⵓⵜⴰⵏⴱⵉⵔ ⵏ ⵜⴳⵔⴰⵡⵜ ⵜⴰⵣⵣⵔⴰⴼⵜ ⵜⴰⴼⵔⵉⵇⵉⵜ ⴷ ⵜⵙⵎⵓⵏⴰⵢ ⵏ ⵜⵙⵇⵇⵉⵎⵉⵏ ⵜⵉⵙⵓⵍⴰⵏⵉⵏ ⴷ ⵉⴳⵎⴰⵎⵏ ⵏⵏⵙ. 

ⵉⵜⵜⵓⵙⵏⵎⴰⵍⴰ ⵓⴳⵔⴰⵡⴰⴷ ⴷⴷⵓⵜⵎⴰⵜⴰⵔⵜ ⵏⵜⴰⵎⵓⵏⵜ ⵜⴰⴼⵔⵉⵇⵉⵜ ⵏ 2024: “ⴰⵙⵙⵍⵎⴷ ⴰⴼⵔⵉⵇⵉ ⵉⴹⴼⵕⵏⵜⴰⵙⵓⵜ ⵜⵉⵙ 21...ⴰⵚⴽⵓ ⵏⵉⵏⴳⵔⴰⵡⵏ ⵏⵓⵙⵙⵍⵎⴷ ⵉⴱⵙⵓⵙⵏ ⵉⵓⵙⴷⵓⵙ ⵏⵡⴰⴷⴰⴼ  ⵙⵓⵙⵙⵍⵎⴷ ⵏⵓⵙⵉⴷⴼ, ⵉⵙⵓⵍⵏ, ⵉⵥⵉⵍⵏⴷ ⵉⵉⵎⵙⴰⵙⴰⵏ ⴳⵉⴼⵔⵉⵇⵢⴰ”. 

ⴷⴰⵜ ⵏ ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ, ⵉⴷⵔⵓ ⵙ ⵉⵙⵎ ⵏ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⵎⴰⵙⵙⴰ ⵍⴰⵢⵍⴰ ⴷⴰⵀⵉ ⵙⴳ ⵓⴽⴰⴱⴰⵕ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ, ⵎⴰⵙⵙⴰ ⵅⴰⴷⵉⵊⴰ ⴰⵕⵓⵀⴰⵍ, ⵙⴳ ⵓⴽⴰⴱⴰⵔ ⵏ ⵜⴳⵎⵉ ⴷ ⵜⵙⵔⵎⵓⵏⵜ, ⵎⴰⵙⵙ ⵄⴰⴱⴷ ⵚⵚⴰⵎⴰⴷ ⵃⵉⴽⵕ ⵙⴳ ⵓⴽⴰⴱⴰⵕ ⵏ ⵜⵣⵔⴼⵜ ⴷ ⵜⴳⵎⵉ , ⴷ ⵎⴰⵙⵙⴰ ⵀⴰⵏⴰ ⴱⵏ ⵅⵉⵔ ⵙⴳ ⵜⴰⵎⵓⵏⵜ ⵜⴰⵎⴰⵜⴰⵢⵜ ⵏ ⵉⵎⵙⵓⵡⵔⵉⵢⵏ ⴳ ⵍⵎⵖⵔⵉⴱ. 

ⵢⵓⵎⴰ ⵓⵖⴰⵡⴰⵙ ⵏ ⵓⴳⵔⴰⵡ ⴰⵙⴳⴳⵯⵙⴰⵏ ⵡⵉⵙ ⵙⵉⵏ ⵏ ⵉⵏⵙⵙⵉⵅⴼⵏ ⵏ ⵉⴱⵕⵍⴰⵎⴰⵏⵏ ⵉⴼⵔⵉⵇⵉⵢⵏ ⵜⵉⵖⵉⵎⵉⵜⵉⵏ ⵏ ⵓⵎⴹⴰⴽⴰⵕ ⵅⴼ ⴽⵉⴳⴰⵏ ⵉⵎⵕⵚⵉⵡⵏ ⴼ: “ⴰⴷⴷⴰⴷ ⵏ ⵓⴼⵔⴰ ⴷ ⵜⵏⴼⵔⵓⵜ ⴳ ⵉⴼⵔⵉⵇⵢⴰ ⴷ ⵉⴷⵔⵉⵣⵏ ⴼ ⵓⵙⵎⴰⴷ ⴳ ⵓⵎⵏⵥⵡ ⴷ ⵜⴳⵎⵉ ⵜⴰⴷⵎⵙⴰⵏⵜ”, “ⴰⵙⵉⴷⴼ ⴳ ⵜⵔⴰⴱⴱⵓⵜ ⵜⴰⴷⵎⵙⴰⵏⵜ ⵏ ⵉⵡⴰⵏⴽⵏ ⵏ ⵜⴰⴳⵓⵜ ⵏ ⵉⴼⵔⵉⵇⵢⴰ ⴷ ⵜⵏⴰⵥⴰⵕⵉⵏ ⵏ ⵉⵙⵏⴼⵍⵏ ⴰⵔⵉⴷⵙⵜⴰⵔⵏⴳ ⵜⵏⴱⴰⴹⵉⵏ ⵏ ⵜⵙⴳⴰ”, “ⵜⵉⵎⵙⴽⴰⵔ ⴷ ⵜⵏⴰⵥⵕⵉⵏ ⴷ ⵉⴼⵙⵙⴰⵢⵏ ⴳ ⵓⵖⴰⵡⴰⵙ ⵏ 2063”, “ⵜⴰⵣⵣⵉⴳⵣⵜ ⵉⵜⵜⵓⵣⴽⴰⵔⵏ ⴳ ⵓⵙⵎⵀⵍ ⵏ ⵜⵙⴳⴰ ⵏ ⵜⵙⴱⴱⴰⴱⵜ ⵜⵉⵍⴻⵍⵍⵉⵜ ⴳ ⵉⴼⵔⵉⵢⴰ”.

ⵖⵎⴽ ⵍⵍⵉ ⵔⴰⴷ ⵎⴹⴽⴰⵕⵏ ⵉⵏⵙⵙⵉⵅⴼⵏ ⵏ ⵉⴱⵕⵍⴰⵎⴰⵏⵏ ⵉⴼⵔⵉⵢⵏ ⵓⵍⴰ: "ⴰⴷⵔⵉⵣ ⵏ ⵓⵙⵏⴼⵍ ⵏ ⵓⵏⵣⵡⵉ ⴳ ⵓⵎⵏⵥⴰⵡ ⴷ ⵉⵡⵜⵜⴰⵙⵏ ⵉⵙⵜⵔⵜⵉⵊⵉⵢⵏ ⵏ ⵉⴼⵔⵉⵇⵢⴰ ⴳ ⵓⵎⵏⴰⴷ ⵏ ⵓⵙⴽⵔ ⵏ ⵓⴳⵔⴰⵡ ⵏ ⴽⵓⴱ 29", "ⵉⵎⵓⴽⵏⵏ ⵉⵎⵔⵙⵍⴰⵏⵏ ⵏ ⵜⴰⵎⵓⵏⵜ ⵏ ⵉⴼⵔⵉⵢⵇⴰ ⴷ ⵓⴷⵔⵉⵣ ⵉⵜⵜⵓⵔⴰⵏ", "ⴰⵙⴷⵓⵙ ⵏ ⵓⵎⵢⴰⵡⴰⵙ ⵊⴰⵔ ⵉⴱⵕⵍⴰⵎⴰⵏⵏ ⵉⴼⵔⵉⵇⵉⵢⵏ ⴷ ⵉⴱⵕⵍⴰⵎⴰⵏⵏ ⵉⵏⴰⵎⵓⵔ", "ⴰⵔⵜⵉⵍⵉⵜ ⵏ ⵓⴼⵔⴰ ⵏ ⵓⵜⵛⵓ ⴳ ⵓⵎⵏⵥⴰⵡ". 

ⵉⵜⵜⵓⵙⴽⴰⵔ ⵓⴱⵕⵍⴰⵎⴰⵏ ⴰⴼⵔⵉⵇⵉ ⵙ ⵓⵎⵏⵏⵉ 5 ⵏ ⵓⵙⵍⴳⵏ ⴰⵎⵙⴽⴰⵔ ⵏ ⵜⴰⵎⵓⵏⵜ, ⵉⵜⵜⵓⵙⵔⴰⵙ ⵙ ⵜⵖⴰⵔⴰⵙⵜ ⵜⴰⵎⴰⴷⴷⵓⴷⵜ ⴳ 18 ⵎⴰⵕⵙ 2024.

ⴽⵓ ⴰⵡⴰⵏⴽ ⴰⴳⵎⴰⵎ ⴳ ⵓⴱⵕⵍⴰⵎⴰⵏ ⴰⴼⵔⵉⵇⵉ ⵉⵜⵜⵓⴳⵏⵙⴰⵙ ⵙ ⵙⵎⵎⵓⵙ ⵉⴱⵕⵍⴰⵎⴰⵏⵉⵢⵏ ⵙⴳ ⵜⵓⴳⵜ ⴷ ⵜⵓⵣⵍⵜ, ⴳⵉⵙⵏ ⵢⴰⵜ ⵜⵎⵖⴰⵔⵜ ⵙ ⵓⵙⵉⴷⵔⵓⵙ, ⴰⵔ ⵜⵜⵓⵙⵜⴰⵢⵏ ⵙⴳ ⵉⴱⵕⵍⴰⵎⴰⵏⵏ ⵏⵖ ⵜⵉⴳⵔⴰⵡⵉⵏ ⵜⵉⵣⵣⵔⴰⴼⵉⵏ ⵜⵉⵏⴰⵎⵓⵔⵉⵏ.