“ⴰⵙⵉⵡⴹ ⵏ ⵕⵕⴱⴰⵟ” ⵏ ⵜⵙⵎⵓⵏⵉ ⵜⵉⵙ 52 ⵏ ⵜⵙⵇⵇⵉⵎⵜ ⵜⴰⵎⵣⵣⴳⴰⵔⵜ ⵏ ⵜⴰⵎⵓⵏⵜ ⵏ ⵉⵏⵇⵇⵉⵙⵏ ⵏ ⵜⵎⴰⴷⴷⴰⵙⵜ ⵏ ⵓⵎⵢⴰⵡⴰⵙ ⵓⵙⵍⵉⵎ

ⵙ ⵜⵖⵔⵉ ⵏ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵜⴻⵜⵜⵓⵙⵏⵎⴰⵍⴰ ⴳ ⵕⵕⴱⴰⵟ, ⵜⴰⵎⴰⵥⵓⵏⵜ ⵏ ⵜⴳⵍⴷⵉⵜ, ⴳ 10 ⵛⵓⵜⴰⵏⴱⵉⵔ 2024, ⵜⴰⵙⵓⵜⵍⵜ ⵜⵉⵙ 52 ⵏ ⵜⵙⵇⵇⵉⵎⵜ ⵜⴰⵎⵣⵣⴳⴰⵔⵜ ⵏ ⵜⴰⵎⵓⵏⵜ ⵏ ⵉⵙⵇⵇⵉⵎⵏ ⵏ ⵉⵡⴰⵏⴽⵏ ⵏ ⵜⵎⴰⴷⴷⴰⵙⵜ ⵏ ⵓⵎⵢⴰⵡⴰⵙ ⵓⵙⵍⵉⵎ, ⵉⵍⵍⴰ ⵓⵎⴹⴰⴽⴰⵕ ⵏ ⵉⵙⵏⴼⴰⵔⵏ ⵏ ⵜⵡⵓⵔⵉⵡⵉⵏ ⵏ ⵜⵙⵇⵇⵉⵎⵉⵏ ⵜⵉⵙⵓⵍⴰⵏⵉⵏ ⴷ ⵉⵏⴳⵎⴰⵎⵏ, ⴷ ⵉⵙⵏⴼⴰⵔⵏ ⵏ ⵜⵡⵓⵔⵉⵡⵉⵏ ⵏ ⵜⵙⵓⵜⵍⵜ ⵜⵉⵙ 26 ⵏ ⵜⵙⵇⵇⵉⵎⵜ ⵜⴰⵎⴰⵜⴰⵢⵜ ⵏ ⵜⴰⵎⵓⵏⵜ,ⵜⴰⵙⵓⵜⵍⵜ ⵜⵉⵙ 12 ⵏ ⵓⴳⵔⴰⵡ ⵏ ⵜⴱⵕⵍⴰⵎⴰⵏⵉⵢⵉⵏ ⵜⵉⵎⵓⵙⵍⵎⵉⵏ, ⵜⴰⵙⵎⵓⵏⵉ ⵜⵉⵙ 6 ⵏ ⵓⴳⵔⴰⵡ ⵏ ⵉⵏⴼⵍⴰⵙ ⵉⵎⴰⵜⴰⵢⵏ ⵏ ⵉⵙⵇⵇⵉⵎⵏ, ⵜⴰⵙⵓⵜⵍⵜ ⵜⵉⵙ 26 ⵏ ⵜⵙⵇⵇⵉⵎⵜ ⵜⴰⵎⴰⵜⴰⵢⵜ, ⵜⴰⵙⵓⵜⵍⵜ ⵜⵉⵙ 19 ⵏ ⵓⴳⵔⴰⵡ ⵏ ⵜⴰⵎⵓⵏⵜ.

ⴰⵔ ⴷ ⵙⵙⴽⵯⵜⵉⵏ ⵉⴳⵎⴰⵎⵏ ⵏ ⵜⵙⵇⵇⵉⵎⵜ ⵜⴰⵎⵣⵣⴳⴰⵔⵜ ⵜⵉⵖⵜⴰⵙⵉⵏ ⵣⵔⵉⵏⵉⵏ, ⴰⴷⴷⴰⴷⵏ ⵏ ⵜⴰⵎⵓⵏⵜ ⵏ ⵉⵙⵇⵇⵉⵎⵏ ⵏ ⵉⵡⴰⵏⴽⵏ ⵏ ⵜⵎⴰⴷⴷⴰⵙⵜ ⵏ ⵓⵎⵢⴰⵡⴰⵙ ⵓⵙⵍⵉⵎ, ⴳ ⵎⴰⵕⵕⴰ ⵜⵉⵎⵙⴰⵔⴰⵉⵏ ⵏ ⵓⵎⴰⴹⴰⵍ ⵓⵙⵍⵉⵎ, ⵢⵉⵍⵉ ⵓⵙⵖⵣⵏ ⵏ ⵜⵙⵎⵓⵏⴰⵢ ⵏ ⵜⴰⵎⵓⵏⵜ.

ⴷⴰ ⵙⴷⴷⵉⴷⵏ ⴼ ⵓⵙⴽⵔ ⵏ ⵉⵡⵜⵜⴰⵙ ⴷ ⵜⵔⵙⴰⵍ ⵏ ⵓⵏⴳⵔⴰⵡ ⴰⵙⵉⵍⴰⵏ ⵏ ⵜⴰⵎⵓⵏⵜ, ⴰⵔ ⵉⵡⴹⵏ: 

1) ⴰⵔ ⵜⵜⵔⴰⵔⵏ ⵜⴰⵢⵏⵉⵜ ⵉ ⵓⵙⵇⵇⵉⵇ ⵏ ⵜⴼⵔⴽⴰ ⴳ ⵜⵣⵣⵔⴰⵢ ⵜⵎⵜⵜⴰ ⵜⵓⵙⵍⵉⵎⵜ ⴷ ⵜⵎⵙⴰⵔⵜ ⵏⵏⵙ ⵜⴰⵏⴰⵎⵎⴰⵙⵜ: ⵜⴰⵎⵙⴰⵔⵜ ⵏ ⴼⴰⵍⵉⵙⵟⵉⵏ, ⵎⵍⵉⵏ ⴰⵏⵛⴽ ⵏ ⵜⵎⴰⵙⴰⵢⵜ ⵉⵍⵍⴰⵏ ⴼ ⵉⴱⵕⵍⴰⵎⴰⵏⵏ ⵓⵙⵍⵉⵎⵏ ⴷ ⵜⵎⴰⴷⴷⴰⵙⵜ ⵏ ⵜⵡⵓⵔⵉ ⵜⵓⵙⵍⵉⵎⵜ, ⴳ ⵉⵍⵍⴰ ⵓⵙⵎⵓⵙⵙⵓ ⵏ ⵡⴰⵏⵏⴰⵍ ⵉ ⵓⴼⵓⴽⴽⵓ ⵏ ⵜⵔⴰⵄⴰⵢⵜ ⵏ ⵉⵙⵕⴰⵉⵍ ⵎⵏⵉⴷ ⵏ ⵓⵎⴰⴷⴰⵏ ⵏ ⴼⴰⵍⵉⵙⵟⵉⵏ ⴳ ⵖⴰⵣⵣⴰ ⴷ ⴹⴹⵉⴼⴼⴰ ⵖⵎⴽ ⴰⵏⵏ ⴷ ⵉⴽⴰⵍⵉⵡⵏ ⵏ ⵍⵓⴱⵏⴰⵏ. 

2) ⴰⵔ ⵙⵙⵀⵔⴰⵛⵏ ⵉⴳⵎⴰⵎⵏ ⵏ ⵜⵙⵇⵇⵉⵎⵜ ⵜⴰⵎⵣⵣⴳⴰⵔⵜ ⵜⵉⵡⵓⵔⵉⵡⵉⵏ ⵏ ⵉⵎⵏⵖⵉ ⵍⵍⵉ ⵉⵙⴽⴰⵔ ⵓⵙⴷⵓⵔⵔⵉⵢ ⵏ ⵉⵙⵕⴰⵉⵍ ⵎⵏⵉⴷ ⵏ ⵓⵎⴰⴷⴰⵏ ⵏ ⴼⴰⵍⵉⵙⵟⵉⵏ ⴳ ⵖⴰⵣⵣⴰ ⴷ ⴹⴹⵉⴼⴼⴰ, ⴷⴰ ⵙⵙⵀⵔⴰⵛⵏ ⵙ ⴽⵉⴳⴰⵏ ⵜⵉⵎⵙⴽⴰⵔ ⵏ ⵉⴷ ⴱⴰⴱ ⵏ ⵓⵙⴷⵓⵔⵔⵉ ⵉⵎⵟⵟⵓⵕⴼⴰ ⵍⵍⵉ ⵉⵡⵉⵏⵉⵏ ⴰⵢⴷⴰ ⵏ ⵉⵏⵎⵓⵔⵏ ⵏ ⴼⴰⵍⵉⵙⵟⵉⵏ ⴳ ⴹⴹⵉⴼⴼⴰ , ⵙ ⵜⴰⴽⴰⵜ  ⴷ ⵓⵅⵍⵓ ⴷ ⵓⴽⵓⵙ, ⴰⵢⵍⵍⵉ ⵉⴳⴰⵏ ⵜⵉⵔⵎⵉⵜⵉⵏ ⵏ ⵓⵙⵙⵣⵓⴳ ⵏ ⵓⵎⴰⴷⴰⵏ ⵏ ⴼⴰⵍⵉⴷⵟⵉⵏ.

ⴰⵔ ⵢⴰⵇⵔⴰ ⵉ ⵉⴳⵎⴰⵎⵏ ⵏ ⵜⵙⵇⵇⵉⵎⵜ ⵉ ⵡⴰⵎⵓⵏ ⴰⴳⵔⴰⵖⵍⴰⵏ, ⵙⵍⴰⵡⴰⵏ ⴰⴽⴽⵯ ⵡⵉⴷⴰ ⵙⵎⵓⵙⵙⵓⵏⵉⵏ ⵜⴰⵖⵜⴰⵙⵜ ⵜⴰⴳⵔⴰⵖⵍⴰⵏⵜ, ⵉ ⵓⵙⴱⴷⴷⵉ ⵏ ⵜⵜⴰⵄⵓⴷⴷⵓ ⵡ ⵡⴰⵍⴰⵢ ⵏ ⵓⴼⵔⴰⴳ ⵉⵍⵍⴰⵏ ⴼ ⵉⴽⴰⵍⵉⵡⵏ ⵏ ⴼⴰⵍⵉⵙⵟⵉⵏ ⵉⴼⴽ ⵉ ⵉⵎⵣⴷⴰⵖⵏ ⵏ ⵖⴰⵣⵣⴰ ⵓⵜⵛⵓ ⴷ ⵉⵙⴰⴼⴰⵔⵏ, ⵉⴼⴽ ⴰⴼⵔⴰⴳ ⴰⴳⵔⴰⵖⵍⴰⵏ ⵉ ⵓⵎⴰⴷⴰⵏ ⵏ ⴼⴰⵍⵉⵙⵟⵉⵏ. 

3) ⴰⵔ ⴰⵇⵔⴰⵏ ⵉ ⵜⵎⴰⴷⴷⴰⵙⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵜⵉⴳⵜⵉⵔⴰⵏⵉⵏ ⴷ ⵉⴱⵕⵍⴰⵎⴰⵏⵏ ⵉⵏⴰⵎⵓⵔⵏ ⴳ ⵓⵎⴰⴹⴰⵍ ⵉ ⵓⵙⵡⵓⵔⵉ ⵃⵎⴰ ⴰⴷ ⵉⵙⴱⴷⴷ ⵓⵙⴷⵓⵔⵔⵉ ⵏ ⵉⵙⵕⴰⵉⵍ ⵜⵜⴰⵄⴷⴷⵓ ⵏⵏⵙ ⴼ ⵓⵎⴰⴷⴰⵏ ⵏ ⴼⴰⵍⵉⵙⵟⵉⵏ, ⵢⵉⵍⵉ ⵓⵙⵏⴼⵍ ⵏ ⵉⵏⴽⵔⴰⴼ, ⵙⵍⴰⵡⴰⵏ ⴰⴽⴽⵯ ⵎⴰⵙ ⴷ ⵜⵉⵍⴻⵍⵍⵉ ⵏ ⵉⵏⴽⵔⴰⴼ ⵉⴼⴰⵍⵙⵟⵉⵏⵢⵏ, ⴳⵉⵙⵏ ⵎⴰⴷ ⵉⵣⵣⵔⵉⵏ ⵢⵉⵎⵔⴰⵡⵉⵏ ⵏ ⵉⵙⴳⴳⵯⴰⵙⵏ ⴳ ⵉⴱⵏⵉⵇⵏ ⵏ ⵓⵙⴷⵓⵔⵔⵉ ⵙⵍⴰⵡⴰⵏ ⴰⴽⴽⵯ ⵡⵉⴷ ⴳⴰⵏⵉⵏ ⵉⴱⵕⵍⴰⵎⴰⵏⵉⵢⵉⵏ, ⵉⵇⵇⴰⵏ ⴷ ⴰⴷ ⵉⵍⵉⵏ ⴳ ⵜⵣⵡⵓⵔⵉ ⵏ ⵓⵖⴰⵡⴰⵙ ⵏ ⵉⵎⴹⴰⴽⴰⵕⵏ ⵉ ⵓⴼⵓⴽⴽⵓ ⴰⵣⵔⴼⴰⵏ ⵏ ⵜⵎⵙⴰⵔⵜ ⵏ ⴼⴰⵍⵙⵉⵟⵉⵏ. 

ⵜⵜⵔⵏ ⵓⵍⴰ ⴳ ⵜⵎⴰⴷⴷⴰⵙⵉⵏ ⵜⵉⴳⵔⴰⵡⵍⴰⵏⵉⵏ ⴰⵙⴱⵣⵣⵉⵣ ⵏ ⵜⵏⴱⴰⴹⵉⵏ ⵏ ⵓⵙⴷⵓⵔⵔⵉ ⵉ ⵓⵙⴱⴷⴷⵉ ⵏ ⵜⵔⴼⵓⴼⴰⵏⵜ ⵎⵏⵉⴷ ⵏ ⵉⵏⴽⵔⴰⴼ ⵉⴼⴰⵍⵙⵟⵉⵏⵉⵏ. 

4) ⴰⵔ ⵥⵕⵕⴰⵏ ⵎⴰⵙ ⴷ ⴰⵙⴱⴷⴷⵉ ⵏ ⵜⵜⴰⵄⴷⴷⵓ ⵏ ⵉⵙⵕⴰⵉⵍ ⵉⵇⵇⴰⵏ ⴷ ⴰⴷ ⵉⴳ ⴰⴽⵛⵛⵓⵎ ⴷ ⵓⵎⵏⴰⴷ ⵉ ⵓⴼⵓⴽⴽⵓ ⵉⵙⵎⴷⵏ  ⵉⴳⴰⵏ ⴰⵣⵔⴼⴰⵏ ⵏ ⵜⵎⵙⴰⵔⵜ ⵏ ⴼⴰⵍⵉⵙⵟⵉⵏ, ⴰⵢⵍⵍⵉ ⵔⴰⴷ ⵢⴰⵡⵙ ⵉ ⵓⵎⴰⴷⴰⵏ ⵏ ⴼⴰⵍⵉⵙⵟⵉⵏ ⴰⴷ ⵉⵙⴽⵔ ⴰⵡⴰⵏⴽ ⵏⵏⵙ ⴰⵙⵉⵎⴰⵏ. 

5) ⵙ ⵓⵣⴷⴰⵢ ⴷ ⵎⴰⵙ ⵉⵣⵔⵉⵏ, ⵉⵇⵇⴰⵏ ⴷ ⴰⴷ ⵓⵔ ⵢⵉⵍⵉ ⵓⴳⴳⵔ ⵉ ⵓⵙⵓⵔⵙ ⵉⵍⵍⴰⵏ ⴳ ⵍⵇⵓⴷⵙ ⴰⵛⴰⵔⵉⴼ ⵙ ⵡⴰⵜⵉⴳ ⵏ ⵉⴷⵖⴰⵔⵏ ⵜⵜⵓⵎⵙⴼⵓⵣⵣⴰⵔⵉⵏ ⴷⴰⵔ ⵜⵎⵜⵜⴰ ⵎⵓⵏⵏⵉⵏ. ⴰⵔ ⵙⵓⵜⴳⵏ ⵜⴰⵡⵓⵔⵉ ⵏ ⵜⵙⵇⵇⵉⵎⵜ ⵏ ⵍⵇⵓⴷⵙ ⵙ ⵜⵏⵙⵙⵉⵅⴼⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ, ⴰⴳⵍⵍⵉⴷ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ, ⴷ ⵜⵙⵏⵓⵔⴰⵢⵜ ⵏ ⵜⴳⵎⵎⵉ ⵏ ⵉⴷⵔⵉⵎⵏ ⵏ ⵍⵇⵓⴷⵙ ⵉ ⵓⵙⵏⴰⵍ ⵏ ⵓⴱⴷⴷⴰⴷ ⵏ ⵉⴼⴰⵍⵉⵙⵟⵉⵏⵉⵢⵏ ⴳ ⵍⵇⵓⴷⵙ ⴷ ⵓⵙⵏⴰⵍ ⵏ ⵜⵏⵓⴼⴰ ⴷ ⵓⴼⵔⴰⴳ ⵏ ⵡⴰⵢⴷⴰ ⵓⵙⵍⵉⵎ ⴷ ⵜⵉⵍⵉⵜ ⵏ ⴼⴰⵍⵉⵙⵟⵉⵏ ⴳ ⵜⵖⵔⵎⵜ. 

6) ⴰⵔ ⵙⵙⵀⵔⴰⵛⵏ ⵉⴳⵎⴰⵎⵏ ⵏ ⵜⵙⵇⵇⵉⵎⵜ ⵜⵉⵡⵉⵔⵉⵡⵏ ⵏ ⵓⴱⵔⵙⵙⵉⵡⴷ ⴳ ⴽⵉⴳⴰⵏ ⵏ ⵜⵎⵉⵣⴰⵔ ⵏ ⵓⴼⵜⴰⵙ ⴰⴼⵔⵉⵇⵉ, ⵙⵎⴰⵢⵏⵓⵏⵏ ⴰⵏⵏⴰⵍ ⵏⵏⵙⵏ ⵉ ⵜⵎⵉⵣⴰⵔ ⴰⴷ ⴳ ⵜⵎⴰⵖⵜ ⵏⵏⵙⵏ ⵎⴳⴰⵍ ⵏ ⵓⴱⵔⵙⵉⵡⴷ, ⴰⵔ ⴰⵇⵔⴰⵏ ⵉ ⵓⵙⵏⴰⵍ ⵏ ⵜⵎⵉⵣⴰⵔ ⴰⴷ ⵉ ⵓⴼⵓⴽⴽⵓ ⵏ ⵜⵔⵓⴱⴱⴰ ⵏ ⵓⴱⵔⵙⵙⵡⵉⴷ ⴷ ⵓⵥⵍⴰⵢ ⵎⵏⵉⴷ ⵏ ⵉⵎⵣⴷⴰⵖ ⴷ ⵜⵎⵔⵙⴰⵍ ⵜⵓⵍⴳⵉⵏⵉⵏ.  

7) ⴰⵔ ⵜⵜⵔⴰⵔⵏ ⵉⴳⵎⴰⵎⵏ ⵏ ⵜⵙⵇⵇⵉⵎⵜ ⵜⴰⵢⵏⵉⵜ ⵉ ⵉⵙⵓⵔⵙⵏ ⵏ ⴽⵉⴳⴰⵏ ⵏ ⵜⴷⵔⵙⵏⵉⵏ ⴷ ⵉⵎⵓⵙⵍⵎⵏ ⵏ ⴱⵕⵕⴰ ⵖⵎⴽ ⴰⵏⵏ ⴷ ⵜⵡⵓⵔⵉⵡⵉⵏ ⵏ ⵜⵜⴰⵄⴷⴷⵓ ⵎⵏⵉⴷ ⵏⵏⵙⵏ, ⴰⵔ ⵙⵎⴰⵢⵏⵓⵏⵏ ⵜⴰⵖⵓⵔⵉ ⵏⵏⵙⵏ ⵉ ⵓⵡⵇⵇⵔ ⵏ ⵉⵙⴽⴷⵏ ⵏ ⵜⴷⵔⵓⵙⵉⵏ ⴰⴷ ⴷ ⵉⵣⵔⴼⴰⵏ ⵏⵏⵙ ⴳ ⵓⵙⴽⴷ ⴷ ⵜⴷⵍⵙⴰ ⴷ ⵡⴰⵜⵉⴳⵏ. 

ⵙ ⵎⴰⴷ ⵉⵣⵔⵉⵏ, ⴰⵔ ⵙⵙⴽⵯⵜⴰⵢⵏ ⵉⴳⵎⴰⵎⵏ ⵏ ⵜⵙⵇⵇⵉⵎⵜ ⴰⵜⵉⴳ ⵏ ⵜⵡⵓⵔⵉ ⵉ ⵓⵙⵎⵀⵍ ⵏ ⵓⵙⵉⵡⴹ ⵏ ⵡⴰⵎⵓⵔ ⵏⵡ ⴰⴽⵓⵛ ⵏ ⵓⴳⵔⴰⵡ ⴰⴱⵕⵍⴰⵎⴰⵏⵉ ⴰⴳⵔⴰⵖⵍⴰⵏ ⴼ “ⵓⵎⵙⴰⵡⴰⵍ ⵏ ⵉⵙⴽⴷⵏ: ⴰⴷ ⵏⵎⵢⴰⵡⴰⵙ ⵉ ⵉⵎⴰⵍ ⵉⵛⵛⴰⵔⵏ”, ⵉⵜⵜⵓⵙⵏⵎⴰⵍⴰⵏ ⴳ ⵡⴰⵎⵓⵔ ⵏ ⵡⴰⴽⵓⵛ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ 13 ⴷ 1 ⵢⵓⵏⵢⵓ 2023, ⴷⴷⴰⵡ ⵉⵡⵉⵣ ⴰⵎⴰⵜⵜⵓⵢ ⵏ ⵓⴳⵍⴷⵓⵏ ⵏ ⵉⵎⵓⵎⵎⵏⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⵍⵍⵉ ⵉⵙⵏⵎⴰⵍⴰ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⴷ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ ⴷ ⵜⵎⴰⴷⴷⴰⵙⵉⵏ ⵜⵉⴳⵔⴰⵖⵍⴰⵏⵉⵏ ⵢⴰⴹⵏⵉⵏ. 

8) ⴰⵔ ⵜⵜⵉⵏⵉⵏ ⵎⴰⵙ ⴷ ⴰⵙⵉⵥⴹⵕ ⵏ ⵜⵎⵉⵣⴰⵔ ⵜⵓⵙⵍⵉⵎⵉⵏ, ⴷ ⵜⵉⵍⵉⵜ ⴳ ⵓⴷⵖⴰⵔ ⵍⵍⵉ ⵓⴽⵍⴰⵍⵏⵜ ⵊⴰⵔ ⵜⵉⵎⵜⵜⴰ ⴷ ⵉⵡⴰⵏⴽⵏ ⵉⴳⵔⴰⵖⵍⴰⵏⵏ, ⵉⵟⵟⴰⴼ ⴽⵉⴳⴰⵏ ⵏ ⵉⵎⵏⴰⴷⵏ ⴳ ⵉⵍⵍⴰ ⵓⵙⵎⵖⵔ ⴰⴷⵎⵙⴰⵏ ⴷ ⵓⵜⵉⴽⵏⵓⵍⵓⵊⵉ ⴷ ⵜⴳⵎⵉ ⵜⴰⵏⴼⴳⴰⵏⵜ ⴷ ⵓⵙⵔⵅⵓ ⵏ ⵜⴷⵔⴰⵡⵜ ⵏ ⵜⵎⵖⴰⵔⵉⵏ ⴳ ⵜⵖⴰⵡⵙⴰ ⵜⴰⵎⴰⵜⴰⵢⵜ, ⴰⵔ ⴷⴰⵖ ⴰⵇⵇⵔⴰⵏ ⵉ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⴷⵎⵙⴰⵏ ⵊⴰⵔ ⵜⵉⵎⵉⵣⴰⵔ ⵉⴳⵎⴰⵎⵏ, ⴷ ⵓⵙⵙⴰⵔⵓ ⵏ ⵜⵥⴹⴰⵕⵉⵏ ⴷ ⵉⵙⵓⴳⴰⵎ ⵏ ⵜⵎⵉⵣⴰⵔ ⵜⵓⵙⵍⵉⵎⵉⵏ ⵙ ⵓⵙⵏⴼⵍ ⵏⵏⵙⵏⵜ ⵙ ⵡⴰⵢⴷⴰ,  ⴷ ⵓⵙⵙⴰⵔⵓ ⴳ ⵓⵙⵙⵍⵎⴷ ⴷ ⵉⵎⵉⵥ ⵏⵜ ⴻⵜⵉⴽⵏⵓⵍⵓⵊⵉⵜ, ⵙⵍⴰⵡⴰⵏ ⴰⴽⴽⵯ ⵜⴰⵣⴳⵣⴰⵡⵜ, ⴷ ⵓⵙⵙⴰⵔⵓ ⴳ ⵉⵙⵓⴳⴰⵎ ⵉⵏⴼⴳⴰⵏⵏ, ⴷ ⵓⵙⵔⵙⵏ ⵏ ⵉⵙⵍⴳⵏⵏ ⵏ ⵓⵙⵉⵥⴹⵕ ⵏ ⵜⵎⵖⴰⵔⵉⵏ ⵉ ⵓⵙⵡⵓⴷⴷⵓ ⴰⵎⴰⵜⴰⵢ ⴷ ⵜⵉⵍⵉⵜ ⴳ ⵡⴰⵎⴰⵎⵙⵏ ⵏ ⵜⵖⵜⴰⵙⵉⵏ ⴰⵎⵣⵣⴳⴰⵔ ⴷ ⵓⵎⴳⵯⵏⵙⴰⵙ. ⵏⵏⵓⵔⵣⵏ ⵜⵉⵍⴰⵍⵜ ⵏ ⵜⵎⵉⵣⴰⵔ ⵜⵓⵙⵍⵉⵎⵉⵏ ⵉ ⵓⵙⴷⵓⵙ ⵏ ⵓⵎⵢⴰⵡⴰⵙ ⵉⴼⴼⵓⵙ-ⵉⴼⴼⵓⵙ ⴳ ⵓⵎⴰⴹⴰⵍ ⴳ ⵍⵍⴰⵏ ⵉⵙⵏⴼⵍⵏ ⴳⴳⵓⵜⵏⵉⵏ. 

ⴳ ⵜⴳⵉⵔⴰ, ⴰⵔ ⵙⵏⵉⵉⵎⵉⵔⵜ ⵉⴳⵎⴰⵎⵏ ⵏ ⵜⵙⵇⵇⵉⵎⵜ ⵜⴰⵎⵣⵣⴳⴰⵔⵜ ⵜⴰⴳⵍⴷⵉⵜ ⵏ ⵍⵎⵖⵔⵉⵏ, ⴰⴳⵍⵍⵉⴷ ⴷ ⵓⴱⵕⵍⴰⵎⴰⵏ ⴷ ⵜⵏⴱⴰⴹⵜ, ⴼ  ⵎⴰⴷ ⵙⴽⵔⵏ ⵉ ⵓⵎⵓⵔⵙ ⵏ ⵜⵙⵓⵜⵍⵜ ⴰⴷ.