52 ⵏ ⵜⵙⵇⵇⵉⵎⵜ ⵜⴰⵎⵣⵣⴳⴰⵔⵜ ⵏ ⵜⴰⵎⵓⵏⵜ ⵏ ⵉⵙⵇⵇⵉⵎⵏ ⵏ ⵉⵡⴰⵏⴽⵏ ⵉⴳⵎⴰⵎⵏ ⴳ ⵜⵎⴰⴷⴷⴰⵙⵜ ⵏ ⵓⵎⵢⴰⵡⴰⵙ ⵓⵙⵍⵉⵎ
ⵔⴰⴷ ⵉⵙⵏⵓⴱⴳ ⵓⵙⵇⵇⵉⵎ ⵏ ⵉⵎⵓⵔⴰ ⵓⵙⵙⴰⵏ ⵏ 10 ⴷ 11 2024 ⴳ ⵕⵕⴱⴰⵟ ⵜⴰⵙⵎⵓⵏⵉ ⵜⵉⵙ 52 ⵏ ⵜⵙⵇⵇⵉⵎⵜ ⵜⴰⵎⵣⵣⴳⴰⵔⵜ ⵏ ⵜⴰⵎⵓⵏⵜ ⵏ ⵉⵙⵇⵇⵉⵎⵏ ⵏ ⵉⵡⴰⵏⴽⵏ ⵉⴳⵎⴰⵎⵏ ⴳ ⵜⵎⴰⴷⴷⴰⵙⵜ ⵏ ⵓⵎⴰⵡⴰⵙ ⵓⵙⵍⵉⵎ.
ⴳ ⵜⵙⵎⵓⵏⵉ, ⵔⴰⴷ ⵢⵉⵍⵉ ⵓⵙⵜⴰⵢ ⵏ ⵓⵙⵉⵔⴰ ⴷ ⵓⵙⵖⵣⵏ ⵏ ⵓⵖⴰⵡⴰⵙ ⵏ ⵜⵡⵓⵔⵉⵡⵉⵏ ⴷ ⵜⵉⵖⵔⵉ ⴷ ⵓⵙⵖⵣⵏ ⵏ ⵓⵏⵇⵇⵉⵙ ⵏ ⵓⵏⴼⵍⵓⵙ ⴰⵎⴰⵜⴰⵢ ⵏ ⵜⴰⵎⵓⵏⵜ, ⴷ ⵓⵙⵔⵙ ⵏ ⵓⵙⵏⴼⴰⵔ ⵏ ⵓⵖⴰⵡⴰⵙ ⵏ ⵜⵡⵓⵔⵉ ⵏ ⵜⵙⵇⵇⵉⵎⵉⵏ ⵜⵉⵙⵓⵍⴰⵏⵉⵏ ⴷ ⵓⵙⵖⵣⵏ ⵏ ⵓⵙⵏⴼⴰⵔ ⵏ ⵓⵖⴰⵡⴰⵙ ⵏ ⵜⵡⵓⵔⵉ ⵏ ⵜⵙⵓⵜⵍⵜ 26 ⵏ ⵜⵙⵇⵇⵉⵎⵜ ⵜⴰⵎⴰⵜⴰⵢⵜ ⵏ ⵜⴰⵎⵓⵏⵜ, ⴷ ⵜⵉⵙ 19 ⵏ ⵓⴳⵔⴰⵡ ⵏ ⵜⴰⵎⵓⵏⵜ, ⴷ ⵓⵙⵖⵣⵏ ⵏ ⵓⵙⵉⵡⴹ ⵏ ⵕⵕⴱⴰⵟ.
ⴳⴰⵏⵜ ⵜⵙⵇⵇⵉⵎⵉⵏⵉ ⵜⵉⵙⵓⵍⴰⵏⵉⵏ: ⵜⴰⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵜⵉⵙⵔⵜⴰⵏⵉⵏ ⴷ ⵜⵣⴷⴰⵢⵉⵏ ⵏ ⴱⵕⵕⴰ, ⵜⴰⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵜⵉⴷⵎⵙⴰⵏⵉⵏ ⴷ ⵡⴰⵡⵏⴰⴹ, ⵜⴰⵙⵇⵇⵉⵎⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵎⵖⴰⵔⵜ ⴷ ⵜⵓⵡⵊⴰ, ⵜⴰⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵜⵉⴷⵍⵙⴰⵏⵉⵏ ⴷ ⵜⵣⵔⴼⴰⵏⵉⵏ ⴷ ⵓⵎⵙⴰⵡⴰⵍ ⵏ ⵜⵖⵔⵎⵉⵡⵉⵏ ⴷ ⵉⵙⴽⴷⵏ, ⵓⵎⴰⵏ ⵉⵏⴳⵎⴰⵎⵏ ⵜⴰⵙⵇⵇⵉⵎⵜ ⵜⴰⵙⵓⵍⴰⵏⵜ ⵏ ⴼⴰⵍⵉⵙⵟⵉⵏ, ⵜⴰⵙⵇⵇⵉⵎⵜ ⵏ ⵓⴳⵔⴰⵡ ⵏ ⵉⴱⵕⵍⴰⵎⴰⵏⵏ ⵉⵎⵓⵙⵍⵎⵏ, ⵜⴰⵎⵙⵎⵓⵏⵜ ⵏ ⵉⵏⴼⵍⴰⵙ ⵉⵎⴰⵜⴰⵢⵏ ⵏ ⵉⵙⵇⵇⵉⵎⵏ ⵏ ⵉⴳⵎⴰⵎⴰⵏ ⴳ ⵜⴰⵎⵓⵏⵜ.
ⵜⵓⵎⴰ ⵜⴰⵎⵓⵏⵜ ⵏ ⵉⵙⵇⵇⵉⵎⵏ ⵏ ⵉⵡⴰⵏⴽⵏ ⵉⴳⵎⴰⵎⵏ ⴳ ⵜⵎⴰⴷⴷⴰⵙⵜ ⵏ ⵓⵎⵢⴰⵡⴰⵙ ⵓⵙⵍⵉⵎ 54 ⵏ ⵓⴱⵕⵍⴰⵎⴰⵏ, ⵉⵍⵍⴰ ⴳ 17 ⵢⵓⵏⵢⵓ 1999, ⵉⵡⴰⵜⵜⵙ ⴰⵙⵓⵙⵙⵏ ⵙ ⵉⵙⵡⴰⵍⴰⵢⵏ ⵏ ⵍⵉⵙⵍⴰⵎ ⴷ ⵓⵣⵓⵣⵣⵔ, ⵜⵉⵍⵉⵜ ⵏ ⵓⵙⴰⵜⵉ ⵉ ⵓⵙⴽⵔ ⵏ ⵓⵎⵢⴰⵡⴰⵙ ⴷ ⵓⵣⴷⴰⵢ ⵊⴰⵔ ⵉⵙⵇⵇⵉⵎⵏ ⵏ ⵉⵡⴰⵏⴽⵏ ⵉⴳⵎⴰⵎⵏ, ⴰⵙⴷⵓⵙ ⵏ ⵉⵏⵎⵓⵇⵇⴰⵔⵏ ⴷ ⵓⵎⵙⴰⵡⴰ ⵊⴰⵔ ⵉⴳⵎⴰⵎⴰⵏ, ⴰⵙⵏⴼⵍ ⵏ ⵜⵎⵓⵣⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉ, ⴰⵎⴹⴽⴰⵕ ⵏ ⵜⵎⵙⴰⵔⵉⵏ ⵜⵉⴷⵎⵙⴰⵏⵉⵏ ⴷ ⵜⴷⵍⵙⴰⵏⵉⵏ ⴷ ⵜⵏⴰⵎⵓⵏⵉⵏ ⴷ ⵜⵙⵔⵜⴰⵏⵉⵏ ⵀⵎⵎⴰⵏⵉⵏ ⵉⵡⴰⵏⴽⵏ ⵉⴳⵎⴰⵎⵏ ⴷ ⵓⵙⴽⵔ ⵏ ⵉⵙⵖⵍⴰⴼ ⴷ ⵜⵖⵜⴰⵙⵉⵏ ⴷ ⵓⵙⴰⵏⵉⵏ.
ⵜⴳⴰ ⵜⵙⵇⵇⵉⵎⵜ ⵜⴰⵎⵣⵣⴳⴰⵔⵜ ⵙⴳ ⵜⴳⵔⴰⵡⵉⵏ ⵏ ⵜⴰⵎⵓⵏⵜ, ⴰⵔ ⵜⵜⵎⵓⵏ ⵙⵏⴰⵜ ⵜⵉⴽⴽⴰⵍ ⴳ ⵓⵙⴳⴳⵯⴰⵙ ⵙ ⵜⵉⵍⵉⵜ ⵎⴰ ⴷ ⵓⵔ ⵉⴷⵔⵓⵙⵏ ⴳ 15 ⵏ ⵉⴳⵎⴰⵎⵏ, ⴰⵔ ⵜⵜⵉⵍⵉ ⴼ ⵜⵖⵔⵉ ⵏ ⵜⵓⵜⵔⴰⵡⵉⵏ ⵏ ⵓⵍⵜⴰⵖ ⵙ ⵜⴰⵎⵓⵏⵜ ⴷ ⵓⵣⵣⵔⴰⵢ ⵏ ⵓⵖⴰⵡⴰⵙ ⵏ ⵜⵙⵇⵇⵉⵎⵜ ⵜⴰⵎⴰⵜⴰⵢⵜ ⴷ ⵓⴳⵔⴰⵡ, ⴷ ⵓⵣⵣⵔⴰⵢ ⵏ ⵜⵡⵓⵔⵉ ⴷ ⵜⵉⵍⴰⵍ ⵏ ⵜⵏⴼⵍⵓⵙⵜ ⵜⴰⵎⴰⵜⴰⵢⵜ ⴷ ⵓⵙⴽⵔ ⵏ ⵜⵙⵎⵉⴳⴰⵍ ⵍⵍⵉ ⴳⵉⵙ ⵜⴻⵜⵜⵔ ⵜⵙⵇⵇⵉⵎⵜ ⵜⴰⵎⴰⵜⴰⵢⵜ ⵏⵖ ⴰⴳⵔⴰⵡ.
