ⵜⵎⴹⴰⴽⴰⵕ ⵎⴰⵙⵙⴰ ⵙⴰⵍⵎⴰ ⴱⵏⵄⵣⵉⵣ, ⵜⴰⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵜⴰⴱⵕⵍⴰⵎⴰⵏⵉⵜ ⴰⵏⴷⵓⵏⵉⵙⵢⴰ-ⵍⵎⵖⵔⵉⴱ

ⵜⵎⴹⴰⴽⴰⵕ ⵎⴰⵙⵙⴰ ⵙⴰⵍⵎⴰ ⴱⵏⵄⵣⵉⵣ, ⵜⴰⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵣⴰⵖ ⴰⵏⴰⵎⵓⵔ ⴷ ⵜⵖⴰⵡⵙⵉⵡⵉⵏ ⵜⵓⵙⵍⵉⵎⵉⵏ ⴷ ⵉⵎⵖⵔⵉⴱⵉⵢⵏ ⵏ ⴱⵕⵕⴰ, ⴰⴽⵕⴰⵙ 4 ⵛⵓⵜⴰⵏⴱⵉⵔ ⴳ ⵕⵕⴱⴰⵟ, ⴷ ⵎⴰⵙⵙ BAKAR AL HABSYI  ABOE ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵜⴰⴱⵕⵍⴰⵎⴰⵏⵉⵜ ⴰⵏⴷⵓⵏⵉⵙⵢⴰ-ⵍⵎⵖⵔⵉⴱ ⵉⵍⵍⴰⵏ ⴳ ⵓⵔⵣⴰⴼ ⵏ ⵜⵡⵓⵔⵉ ⵉ ⵜⴳⵍⴷⵉⵜ ⴰⴽⴷ ⴰⴽⴰⴱⴰⵕ ⴰⴱⵕⵍⴰⵎⴰⵏⵉ. 

ⵜⵙⵓⵜⴳ ⵎⴰⵙⵙⴰ ⴱⵏⵄⵣⵉⵣ ⵜⵉⵣⴷⴰⵢⵉⵏ ⵜⵉⵎⵣⵔⴰⵢⵉⵏ ⵊⴰⵔ ⵍⵎⵖⵔⵉⴱ ⴷ ⴰⵏⴷⵓⵏⵉⵙⵢⴰ, ⵜⵉⵏⵉ ⵎⴰⵙ ⵉⴳⴰ ⵓⵏⵎⵓⵇⵇⴰⵔ ⵜⴰⵎⴰⵜⴰⵔⵜ ⵏ ⵜⵉⵔⴰⵜ ⵏ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⵉ ⵓⵙⵎⵖⵔ ⵏ ⵓⵎⵢⴰⵡⴰⵙ ⴰⵙⵉⵏⵔⴰⵏ. 

ⵜⵉⵏⵉ ⵓⵍⴰ ⵎⴰⵙ ⵉⵏⵏⵓⵔⵣ ⵓⵙⵇⵇⵉⵎ ⵏ ⵉⵎⵓⵔⴰ ⴰⵙⴽⵔ ⵏ ⵜⴷⵉⵏⴰⵎⵉⵜ ⵜⴰⴷⵉⴱⵍⵓⵎⴰⵙⵉⵜ ⵊⴰⵔ ⵙⵉⵏ ⵉⴱⵕⵍⴰⵎⴰⵏⵏ ⴳ ⵓⵙⵉⵡⵔ ⴰⵙⵉⵏⵔⴰⵏⴷ ⵓⴳⵜⵉⵔⴰⵏ. 

ⵜⵙⵎⵏⵉⴷ ⵓⵍⴰ ⵉⵙⵏⴼⵍⵏ ⵍⵍⴰⵏⵉⵏ ⴳ ⵜⴳⵍⴷⵉⵜ ⴳ ⵉⵙⴳⴳⵯⴰⵙⵏ ⴰⴷ ⴷ ⵉⵙⴰⵡⵓⵔⵏ ⵉⵅⴰⵜⴰⵔⵏ ⵍⵍⴰⵏⵉⵏ ⵙ ⵜⵏⴰⵔⴰ ⵉⵥⵉⵍⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⵍⵍⵉ ⵙⴽⵔⵏⵉⵏ ⴳ ⵍⵎⵖⵔⵉⴱ ⴰⵎⴷⵔⴰⵡ ⵉⵖⵣⴰⵏⵏ. 

ⵜⵙⴰⵡⵍ ⵎⴰⵙⵙⴰ ⴱⵏⵄⵣⵉⵣ ⵓⵍⴰ ⴼ ⵜⵔⵙⴰⵍ ⵏ ⵜⵙⵔⵜⵉⵜ ⵏ ⴱⵕⵕⴰ ⵏ ⵜⴳⵍⴷⵉⵜ ⵉⴱⴷⴷⵏ ⴼ ⵓⵡⵇⵇⵔ ⵏ ⵜⵅⵅⵓⵜⵔⴰ ⵏ ⵉⴽⴰⵍⵉⵡⵏ ⵏ ⵉⵡⴰⵏⴽⵏ ⴷ ⴰⵔⴰⴽⵛⵓⵎ ⴳ ⵜⵖⴰⵡⵙⵉⵡⵉⵏ ⵜⵉⴳⵯⵏⵙⴰⵏⵉⵏ ⵏ ⵉⵡⴰⵏⴽⵏ, ⵜⵙⵓⵜⴳ ⵜⴰⵎⵉⵣⵔⵜ ⵏ ⴰⵏⴷⵓⵏⵉⵙⵢⴰ ⵍⵍⵉ ⵉⵜⵜⵓⵇⵇⴰⵔⵏ ⵜⵉⵔⵙⴰⵍ ⴰⴷ. 

ⵜⵙⴰⵡⵍ ⵎⴰⵙⵙⴰ ⴱⵏⵄⵣⵉⵣ ⵓⵍⴰ ⴼ ⵜⵙⵏⵜⴰⵢⵜ ⵜⴰⵟⵍⴰⵚⵉⵜ ⵍⵍⵉ ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⵉ ⵓⵙⴷⵓⵙ ⵏ ⵓⵙⵉⴷⴼ ⵏ ⵉⵡⴰⵏⴽⵏ ⵏ ⵓⴼⵜⴰⵙ ⵙ ⵢⵉⵍ ⴰⵟⵍⴰⵚⵉ, ⴷ ⵜⵉⵍⴰⵍⵜ ⵏ ⵜⵙⵏⵜⴰⵢⵜ ⵉ ⵓⵙⵎⵖⵔ ⵏ ⵓⵎⵢⴰⵡⴰⵙ ⵊⴰⵔ ⵍⵎⵖⵔⵉⴱ ⴷ ⴰⵏⴷⵓⵏⵉⵙⵢⴰ ⵙⵍⴰⵡⵏ ⴰⴽⴽⵯ ⴳ ⵉⴳⵔⴰⵏ ⵍⵍⵉⵖ ⵉⴳⴰ ⵍⵎⵖⵔⵉⴱ ⴰⵎⵣⵡⴰⵔⵓ ⴰⵎ ⵜⵉⵥⴹⴰⵕⵉⵏ ⵜⵉⵎⴰⵢⵏⵓⵜⵉⵏ ⴷ ⵜⵎⴳⵓⵔⵉ ⵏ ⵜⵀⵉⵔⵉⵜⵉⵏ ⴷ ⵜⴰⵢⵍⴰⵍⵉⵏ...

ⵃⴰⴹⵕⵏ ⴳ ⵓⵏⵎⵓⵇⵇⴰⵔ ⵉⴳⵎⴰⵎⵏ ⵏ ⵜⵙⵇⵇⵉⵎⵜ ⵎⴰⵙⵙ ⵏⴰⴷⵢⴰ ⵍⵇⵏⵚⵓⵕⵉ ⴷ ⵎⴰⵙⵙ ⵄⵉⵛⴰ ⵍⴽⵔⵊⵉ ⴷ ⵎⴰⵙⵙ ⵃⴰⴱⴷ ⵍⵄⴰⵍⵉ ⴱⵔⵓⴽⵉ, ⵙⴷⴷⵉⴷⵏ ⴼ ⵓⵙⴷⵓⵙ ⵏ ⵓⵎⵢⴰⵡⴰⵙ ⵊⴰⵔ ⵍⵎⵖⵔⵉⴱ ⴷ ⴰⵏⴷⵓⵏⵙⵉⵢⴰ ⵍⵍⵉ ⵛⵔⴽⵏⵉⵏ ⴽⵉⴳⴰⵏ ⵏ ⵜⵖⴰⵡⵙⵉⵡⵉⵏ. ⵙⵎⵏⵉⴷⵏ ⴽⵉⴳⴰⵏ ⵏ ⵉⵙⵉⴼⵉⵡⵏ ⵉ ⵓⴽⴰⴱⴰⵕ ⴰⴷ ⴰⴱⵕⵍⴰⵎⴰⵏⵉ ⵙⵍⴰⵡⴰⵏ ⴰⴽⴽⵯ ⵎⴰⴷ ⵉⵥⵍⵉⵏ ⵙ ⵓⵎⵢⴰⵡⴰⵙ ⴰⴷⵍⵙⴰⵏ ⴷ ⵓⵙⴱⴷⴷⵉ ⵏ ⵓⴱⵔⵙⵙⵉⵡⴷ ⴷ ⵓⵙⵖⵏⵣⵉ ⵏ ⵉⵡⴷⴰⵏ. 

ⵉⵙⵓⵜⴳ ⵓⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵜⴰⴱⵕⵍⴰⵎⴰⵏⵉⵜ ⴰⵏⴷⵓⵏⵉⵙⵢⴰ-ⵍⵎⵖⵔⵉⴱ ⵜⴰⵣⵣⵉⴳⵣⵜ ⵏ ⵜⵣⴷⴰⵢⵉⵏ ⵜⵉⵙⵉⵏⵔⴰⵏⵉⵏ ⵊⴰⵔ ⵍⵎⵖⵔⵉⴱ ⴷ ⴰⵏⴷⵓⵏⵉⵙⵢⴰ ⴳ ⵙⵎⵎⵓⵙ ⵉⵙⴳⴳⵯⴰⵙⵏ ⴰⴷ ⴳⴳⵓⵔⴰⵏⵉⵏ ⴳ ⵓⵙⵡⵉⵔ ⴰⵏⵙⴱⴰⴱ, ⵢⵉⵏⵉ ⵎⴰⵙ ⵉⴳⴰ ⵓⵔⵣⴰⴼ ⴰⴷ ⵜⴰⵎⵍⴷⴰ ⵏ ⵓⵙⵎⵖⵔ ⵏ ⵓⵎⵢⴰⵡⴰⵙ ⵊⴰⵔ ⵙⵏⴰⵜ ⵜⵎⵉⵣⴰⵔ. 

ⵢⵉⵎⴰ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⵏ ⴰⵏⴷⵓⵏⵉⵙⵢⴰ ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵜⴰⴱⵕⵍⴰⵎⴰⵏⵉⵜ ⵉⴷ ⵎⴰⵙⵙ ⵉⵎⵓⵔⴰ: VITA ERVINA,  , MUFTI AIMAH NURUL ANAM , WENNY HARYANTO,  DJOHAR ARIFIN HUSIN , NETTY PRASETIYANI, GUSPARD GAUS, MAMAN IMANUL HAQ.