ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵜⵉⴹⴰⴼ ⵏ ⵜⴷⵔⵉⵎⵜ ⵜⴰⵎⴰⵜⴰⵢⵜ ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵜⴰⴱⵕⵍⴰⵎⴰⵏⵉⵜ ⴰⵏⴷⵓⵏⵉⵙⵢⴰ-ⵍⵎⵖⵔⵉⴱ

ⵉⵙⵏⵓⴱⴳ ⵎⴰⵙⵙ ⵎⵓⵃⴰⵎⵎⴰⴷ ⵍⵃⵊⵉⵔⴰ, ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵜⵉⴹⴰⴼ ⵏ ⵜⴷⵔⵉⵎⵜ ⵜⴰⵎⴰⵜⴰⵢⵜ, ⴰⴽⵕⴰⵙ 4 ⵛⵓⵜⴰⵏⴱⵉⵔ ⴳ ⵓⵙⵖⵉⵎ ⵏ ⵓⵙⵇⵇⵉⵎ ⵎⴰⵙⵙ BAKAR AL HABSYI ABOE ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵜⴰⴱⵕⵍⴰⵎⴰⵏⵉⵜ ⴰⵏⴷⵓⵏⵉⵙⵢⴰ-ⵍⵎⵖⵔⵉⴱ ⵉⵍⵍⴰⵏ ⴳ ⵓⵔⵣⴰⴼ ⵏ ⵜⵡⵓⵔⵉ ⵉ ⵜⴳⵍⴷⵉⵜ ⵏⵜⵜⴰⵏ ⴷ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ. 

ⵉⵙⵓⵜⴳ ⵎⴰⵙⵙ ⵍⵃⵊⵉⵕⴰ ⵜⵉⵣⴷⴰⵢⵉⵏ ⴷⵓⵙⵏⵉⵏ ⵥⵉⵍⵏⵉⵏ ⵊⴰⵔ ⵍⵎⵖⵔⵉⴱ ⴷ ⵉⵏⴷⵓⵏⵉⵙⵢⴰ ⵉⴽⴽⴰⵏ ⵓⴳⴳⴰⵔ ⵏ 60 ⵏ ⵓⵙⴳⴳⵯⴰⵙ, ⵉⴱⴷⴷⵏ ⴼ ⵜⵡⵉⵣⵉ ⴷ ⵜⵎⵢⴰⴷⴰⵙⵜ, ⵢⵉⵏⵉ ⵎⴰⵙ ⵉⴳⴰ ⵓⵔⵣⴰⴼ ⴰⴷ ⵜⴰⵎⵍⴷⴰ ⴼ ⵜⴷⵓⵙⵉ ⵏ ⵜⵣⴷⴰⵢⵉⵏ ⵊⴰⵔ ⵍⵎⵖⵔⵉⴱ ⴷ ⴰⵏⴷⵓⵏⵉⵙⵢⴰ, ⴷ ⵜⵉⵔⴰⵜ ⵏ ⵉⵅⴰⵜⴰⵔⵏ ⵏ ⵙⵏⴰⵜ ⵜⵎⵉⵣⴰⵔ ⵉ ⵓⵙⵎⵖⵔ ⵏⵏⵙⵏⵜ, ⵙⵍⴰⵡⴰⵏ ⴰⴽⴽⵯ ⵍⵍⵉⵖ ⵜⴻⵟⵟⴰⴼ ⴰⵏⴷⵓⵏⵉⵙⵢⴰ ⵜⵉⵍⴰⵍⵜ ⵜⴰⴷⵉⴱⵍⵓⵎⴰⵙⵉⵜ ⵉⵙⵜⴰⵡⵀⵎⵎⴰⵏ, ⴳ ⵜⵔⴰⴱⴱⵓⵜ ⵏ 20 ⴷ ⵜⵣⵍⵖⴰ ⵏ ⵉⵡⴰⵏⴽⵏ ⵏ ⵉⴼⴼⵓⵙ ⵏ ⵍⵇⴱⵍⵜ ⵏ ⴰⵙⵢⴰ (ⴰⵙⵢⴰⵏ) ⴼ ⵜⵎⴰⴷⴷⴰⵙⵜ ⵏ ⵓⵎⵢⴰⵡⴰⵙ ⵓⵙⵍⵉⵎ. 
ⵢⵉⵏⵉ ⵎⴰⵙ ⵉⴳⴰ ⵓⵏⵎⵓⵇⵇⴰⵔ ⴰⴷ ⴰⵣⵎⵣ ⴰⵎⵣⵔⴰⵢ ⴼ ⵜⵉⴷⴷⵓⴽⴽⵯⵍⴰ ⵜⴰⴱⵕⵍⴰⵎⴰⵏⵉⵜ ⵏ ⵙⵏⴰⵜ ⵜⵎⵉⵣⴰⵔ ⵜⴰⵢⵜⵎⴰⵜⵉⵏ, ⴷ ⵓⵙⵔⵙ ⵉ ⵓⵙⵏⴼⵍ ⵏ ⵜⵉⵔⵎⵉⵜⵉⵏ ⴷ ⵓⵙⵙⵏ ⵏ ⵜⵉⵔⵎⵉⵜ ⵜⴰⵎⵖⵔⵉⴱⵉⵜ ⴳ ⵉⴳⵔⴰⵏ ⵏ ⵜⵉⴹⴰⴼ ⴷ ⵜⵎⵙⴰⵙⵜⵍⵜ, ⵍⵍⵉ ⵉⵍⵍⴰⵏ ⵙⴳ ⵓⴷⵓⵙⵜⵓⵔ ⵏ 2011 ⵍⵍⵉ ⴼ ⵜⵜⵓⵙⴽⴰⵔ ⵜⵙⵇⵇⵉⵎⵜ ⵏ ⵜⵉⴹⴰⴼ ⵏ ⵜⴷⵔⵉⵎⵜ ⵜⴰⵎⴰⵜⴰⵢⵜ ⴳ 2014. 

ⴳ ⵓⵙⴰⵜⵉ ⴰⴷ, ⵉⵙⵎⵏⵉⴷ ⵓⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵜⵉⴹⴰⴼ ⵏ ⵜⴷⵔⵉⵎⵜ ⵜⴰⵎⴰⵜⴰⵢⵜ ⴰⵙⵎⴰⵇⵇⵍ ⴼ ⵎⴰⴷ ⵢⵉⵡⵉ ⵓⴷⵓⵙⵜⵓⵔ ⵏ 2011 ⵍⵍⵉ ⵉⵙⵎⵖⵔⵏ ⵜⵉⵎⵥⵎⴰⵢ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵉⴳⵔⴰⵏ ⵏ ⵓⵣⵣⵔⴰⴼ ⴷ ⵜⵉⴹⴰⴼ ⵏ ⵜⵡⵓⵔⵉ ⵜⵓⵏⴱⵉⴹⵜ, ⵜⵉⵥⵍⴰⵢⵉⵏ ⵏ ⵜⵙⵇⵇⵉⵎⵜ ⴳ ⵜⵉⴹⴰⴼ ⴷ ⵓⴹⴼⵕ ⵏ ⵜⵎⴽⵕⴹⵉ ⵜⴰⴳⴷⵓⴷⴰⵏⵜ ⵏ ⵜⵏⴱⴰⴹⵜ, ⵜⵉⵖⵔⵉ ⵏ ⵉⵏⵇⵇⵉⵙⵏ ⵉⵙⴳⵓⵎⴰⵏⵏ ⵏ ⵜⵙⵏⴱⴹⴰⵢⵜ ⵏ ⵓⵙⵉⵟⵏ ⴷ ⵜⵉⵖⵔⵉ ⵏ ⵉⴹⵕⵉⵚⵏ ⵉⵣⵣⵔⴰⴼⵏ ⵣⴷⵉⵏⵉ ⴷ ⵜⵉⴹⴰⴼ ⵏ ⵜⴷⵔⵉⵎⵜ ⵜⴰⵎⴰⵜⴰⵢⵜ. 

ⴳ ⵓⵏⵎⵓⵇⵇⴰⵔ, ⵉⵙⴰⵡⵍ ⵎⴰⵙⵙ ⵃⴰⵎⵉⴷ ⴷⴷⵔⴰⵇ ⴷ ⵎⴰⵙⵙ ⵄⴰⴱⴷ ⵍⵍⴰⵀ ⵟⴰⵢⵄ ⴷ ⵎⴰⵙⵙ ⴰⵃⵎⴰⴷ ⴱⵔⵉⵊⴰ ⴷ ⵎⴰⵙⵙ ⵍⵃⵓⵙⴰⵢⵏ ⴰⵢⵜ ⵓⵍⵃⵢⴰⵏ ⴼ ⵡⴰⵜⵉⴳ ⵏ ⵓⵙⴷⵓⵙ ⵏ ⵜⵣⴷⴰⵢⵉⵏ ⵜⵉⵙⵉⵏⵔⴰⵏⵉⵏ ⵊⴰⵔ ⵙⵏⴰⵜ ⵜⵎⵉⵣⴰⵔ ⴳ ⵢⵉⴳⵔ ⴰⴱⵕⵍⴰⵎⴰⵏⵉ ⴷ ⵓⵙⴷⵓⵙ ⵏ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ. 

ⴳ ⵓⵎⵏⵉⴷ ⵏⵏⵙ, ⵉⵙⵙⵉⵙⴼⵉⵡ ⵓⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵜⴰⴱⵕⵍⴰⵎⴰⵏⵉⵜ ⵍⵎⵖⵔⵉⴱ-ⴰⵏⴷⵓⵏⵉⵙⵢⴰ ⵎⴰⵙ ⵉⵡⴰⵜⵜⵙ ⵓⵔⵣⴰⴼ ⴰⴷ ⴰⵙⵏⴼⵍ ⵏ ⵜⵎⵓⵣⴰⵢⵉⵏ ⴷ ⵜⵉⵔⵎⵉⵜⵉⵏ ⵊⴰⵔ ⵉⴱⵕⵍⴰⵎⴰⵏⵏ ⵏ ⵍⵎⵖⵔⵉⴱ ⴷ ⴰⵏⴷⵓⵏⵉⵙⵢⴰ. 

ⵢⵉⵎⴰ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⵏ ⴰⵏⴷⵓⵏⵉⵙⵢⴰ ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵜⴰⴱⵕⵍⴰⵎⴰⵏⵉⵜ ⵉⴷ ⵎⴰⵙⵙ ⵉⵎⵓⵔⴰ: VITA ERVINA,  , MUFTI AIMAH NURUL ANAM , WENNY HARYANTO,  DJOHAR ARIFIN HUSIN , NETTY PRASETIYANI, GUSPARD GAUS, MAMAN IMANUL HAQ.