ⵉⵎⴹⴰⴽⴰⵕ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵓⵏⵙⵙⵉⵅⴼ ⴷ ⵉⴳⵎⴰⵎⵏ ⵏ ⵜⵔⴰⴱⴱⵓⵜ ⵜⴰⴱⵕⵍⴰⵎⴰⵏⵉⵜ ⴰⵏⴷⵓⵏⵉⵙⵢⴰ-ⵍⵎⵖⵔⵉⴱ

ⵉⵙⵏⵓⴱⴳ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⴽⵕⴰⵙ 4 ⵛⵓⵜⴰⵏⴱⵉⵔ 2024 ⴳ ⵕⵕⴱⴰⵟ, ⵎⴰⵙⵙ BAKAR AL-HABSYI  ABOE ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵜⴰⴱⵕⵍⴰⵎⴰⵏⵉⵜ ⴰⵏⴷⵓⵏⵉⵙⵢⴰ-ⵍⵎⵖⵔⵉⴱ ⵉⵔⵣⴼⵏ ⵜⴰⴳⵍⴷⵉⵜ ⵏ ⵍⵎⵖⵔⵉⴱ ⵏⵜⵜⴰⵏ ⴷ ⵓⴽⴰⴱⴰⵕ ⴳ ⵍⵍⴰⵏ ⵎⴰⵕⵕⴰ ⵉⴽⴰⴱⴰⵕⵏ ⵉⵙⵔⵜⴰⵏⵏ ⵏ ⵓ ⵙⵇⵇⵉⵎ ⵏ ⵉⵎⵓⵔⴰ ⴳ ⴰⵏⴷⵓⵏⵉⵙⵉⵢⴰ. 

ⵙⵓⵜⴳⵜⵏ ⵙⵉⵎ ⵉⵎⵙⵜⴳⴳⴰⵔⵏ ⵜⵉⵣⴷⴰⵢⵉⵏ ⵜⵉⵎⵣⵔⴰⵢⵉⵏ ⵊⴰⵔ ⵜⵉⵎⵉⵣⴰⵔ ⴷ ⵉⵎⴰⴷⴰⵏⵏ, ⵙⴰⵡⵍⵏ ⴼ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⴷ ⵓⵙⵏⴼⵍ ⵏ ⵉⵔⵣⴰⴼⵏ ⴷ ⵓⵣⴷⴰⵢ ⴳ ⵉⵙⵡⵉⵔⵏ ⴰⵙⵉⵏⵔⴰⵏ ⴷ ⵓⴳⵜⵉⵔⴰⵏ ⵅⴼ ⵜⵎⵙⴰⵔⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵛⵛⴰⵔⵏⵉⵏ. 

ⵉⵙⴷⴷⵉⴷ ⵎⴰⵙⵙ BAKAR AL-HABSYI  ABOE ⵎⴰⵙ ⵉⴳⴰ ⵓⵣⵎⵎⴻⵎ ⵏ ⵜⵎⵢⴰⵇⵇⴰⵏⵜ ⵜⴰⵙⵜⵔⴰⵜⵉⵊⵉⵜ ⵊⴰⵔ ⵙⵏⴰⵜ ⵜⵎⵉⵣⴰⵔ ⴳ 2023 ⵜⴰⵎⴰⵜⴰⵔⵜ ⵏ ⵜⵉⵔⴰⵜ ⵉ ⵓⵙⵎⵖⵔ ⵏ ⵓⵎⵢⴰⵡⴰⵙ ⵙⵍⴰⵡⴰⵏ ⴰⴽⴽⵯ ⵍⵍⵉⵖ ⵉⴳⴰ ⵍⵎⵖⵔⵉⴱ ⴰⵎⴷⵔⴰⵡ ⴰⵙⵜⵔⴰⵜⵉⵊⵉ ⵏ ⴰⵏⴷⵓⵏⵉⵙⵢⴰ. 

ⵢⵉⵏⵉ ⵓⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵜⴰⴱⵕⵍⴰⵎⴰⵏⵉⵜ ⴰⵏⴷⵓⵏⵉⵙⵉⵢⴰ-ⵍⵎⵖⵔⵉⴱ ⵜⵉⵡⵉⵣⵉ ⵏ ⵍⵎⵖⵔⵉⴱ ⴷ ⴰⵏⴷⵓⵏⵉⵙⵢⴰ ⴰⴽⴷ ⵜⴰⵎⵙⴰⵔⵜ ⵏ ⴼⴰⵍⵉⵙⵟⵉⵏ, ⵉⵙⵓⵜⴳ ⵜⵉⵍⴰⵍⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵓⵎⵏⵉⴷ ⴰⴷ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵍⵇⵓⴷⵙ ⴰⴷ ⵜ ⵉⵏⵚⵕ ⵕⴱⴱⵉ.

ⵉⵙⴱⵔⵔⴽ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴰⵔⵣⴰⴼ ⵏ ⵓⴽⴰⴱⴰⵕ ⵏ ⴰⵏⴷⵓⵏⵉⵙⵢⴰ ⵉ ⵜⴳⵍⴷⵉⵜ ⵏ ⵍⵎⵖⵔⵉⴱ, ⵉⵙⵓⵜⴳ ⵜⵉⵣⴷⴰⵢⵉⵏⵜⵉⵙⵉⵏⵔⴰⵏⵉⵏ ⵊⴰⵔ ⵜⵉⵎⵉⵣⴰⵔ ⴳ ⵓⵙⵡⵉⵔ ⴰⴱⵕⵍⴰⵎⴰⵏⵉ, ⵉⵙⴷⴷⵉⴷ ⴼ ⵡⴰⵜⵉⴳ ⵏ ⵓⵙⴷⵓⵙ ⵏ ⵓⵙⵏⴼⵍⵍ ⴷ ⵓⵎⵢⴰⵡⴰⵙ ⵊⴰⵔ ⵍⵎⵖⵔⵉⴱ ⴷ ⴰⵏⴷⵓⵏⵉⵙⵢⴰ ⴳ ⵎⴰⵕⵕⴰ ⵉⴳⵔⴰⵏ. 

ⵉⵙⵏⵉⵎⵎⵔ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⴱⵕⵍⴰⵎⴰⵏ ⵏ ⴰⵏⴷⵓⵏⵉⵙⵉⵢⴰ ⴼ ⵓⵙⵏⴰⵍ ⵏ ⵓⴱⵕⵍⴰⵎⴰⵏ ⵍⵎⵖⵔⵉⴱ ⵃⵎⴰ ⴰⴷ ⵢⴰⵎⵥ “ⴰⴳⵎⴰⵎ ⵉⵎⵥⵕⵉ” ⴳ ⵜⵎⵙⵓⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵜⵣⵍⵖⴰ ⵏ ⵉⵡⴰⵏⴽⵏ ⵏ ⵉⴼⴼⵓⵙ ⵏ ⵍⵇⴱⵍⵜ ⵏ ⴰⵙⵢⴰ (AIPA), ⵉⵙⵓⵜⴳ ⴰⵣⴷⴰⵢ ⴷ ⵓⵎⵛⴰⵡⴰⵕ ⵊⴰⵔ ⵜⵉⵎⵔⵙⴰⵍ ⵜⵉⵣⵣⵔⴰⴼⵉⵏ ⴳ ⵉⵙⵡⵉⵔⵏ ⴰⵙⵉⵏⵔⴰⵏ ⴷ ⵓⴳⵜⵉⵔⴰⵏ. 

ⵉⵙⵙⴽⵯⵜⵉ ⴷ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⵜⴰⵙⵏⵜⴰⵢⵜ ⵜⴰⵟⵍⴰⵚⵉⵜ ⵍⵍⵉ ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⵉ ⵓⵙⴷⵓⵙ ⵏ ⵡⴰⴷⴰⴼ ⵏ ⵉⵡⴰⵏⴽⵏ ⵏ ⵓⴼⵜⴰⵙ ⵙ ⵓⴳⴰⵔⵓ ⴰⵟⵍⴰⵚⵉ, ⵢⵉⵏⵉ ⵎⴰⵙ ⵉⴳⴰ ⵍⵎⵖⵔⵉⴱ ⵉⵎⵉ ⵏ ⵓⴽⵛⵓⵎ ⵙ ⵓⴳⴰⴷⴰⵣ ⴰⴼⵔⵉⵇⵉ, ⴷ ⵓⵛⴰⵎⵓⵛ ⵏ ⵓⵙⵙⴰⵔⵓ ⵉⴱⴷⴷⵏ ⴼ ⵓⵏⵏⵓⵕⵥⵎ ⵏⵏⵙ ⴰⴷⵎⵙⴰⵏ. 

ⵉⵃⴰⴹⵕ ⴳ ⵓⵏⵎⵓⵇⵇⴰⵔ ⴰⴷ ⵎⴰⵙⵙ ⵄⴰⴱⴷ ⵍⵍⴰⵟⵉⴼ ⵍⴼⵡⵉⵇⵔ ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵜⴰⴱⵕⵍⴰⵎⴰⵏⵉⵜ ⵍⵎⵖⵔⵉⴱ-ⴰⵏⴷⵓⵏⵉⵙⵢⴰ, ⵎⴰⵙⵙ HASRUL AZWAR ⴰⵎⵙⵇⵇⴰⴷ ⵏ ⴰⵏⴷⵓⵏⵉⵙⵢⴰ ⴳ ⵍⵎⵖⵔⵉⴱ, ⵉⴷ ⵎⴰⵙⵙ ⵉⵎⵓⵔⴰ ⵉⴳⵎⴰⵎⵏ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⴰⵏⴷⵓⵏⵉⵙⵢⴰ-ⵍⵎⵖⵔⵉⴱ:  VITA ERVINA , MUFTI AIMAH NURUL ANAM  WENNY HARYANTO , DJOHAR ARIFIN HUSIN,  MAMAN IMANUL HAQ , NETTY PRASETIYANI GUSPARDI GAUS.