ⵜⴰⴳⵓⵔⵉ ⵏ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴳ ⵓⵙⵎⴰⴷ ⵏ ⵜⵙⵓⵜⵍⵜ ⵜⵉⵙ ⵙⵏⴰⵜ ⵏ ⵓⵙⴳⴳⵯⴰⵙ ⴰⵣⵣⵔⴰⴼ ⵡⵉⵙ ⴽⵕⴰⴹ ⵏ ⵜⵡⴰⵍⴰ ⵜⴰⵣⵣⵔⴰⴼⵜ ⵜⵉⵙ ⵢⴰⵜ ⴷ ⵎⵔⴰⵡⵜ
ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⵎⴰⵡⴰⵙⴰⵙⵏ,
ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⵎⵓⵔⴰ,
ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ,
ⵏⵎⵓⵏ ⴳ ⵜⵖⵉⵎⵉⵜ ⴰⴷ ⵜⴰⴷⵙⵜⴰⵔⵜ ⵜⴰⵎⴳⴳⴰⵔⵜ ⴳ ⵓⵙⴳⴳⵯⴰⵙ ⴰⵣⵣⵔⴰⴼ ⵡⵉⵙ ⴽⵕⴰⴹ ⵏ ⵜⵡⴰⵍⴰ ⵜⴰⵣⵣⵔⴰⴼⵜ ⵜⵉⵙ ⵢⴰⵜ ⴷ ⵎⵔⴰⵡⵜ, ⵉⴳⴰ ⴳ ⵜⵎⵢⵓⵔⵜ ⵜⴰⵎⵔⵙⴰⵍⵜ ⴰⴼ ⴳⵉⵙ ⵏⵙⴰⵡⵍ ⴼ ⵎⴰⴷ ⴰⴽⴽⵯ ⵏⵙⴽⵔ, ⵉⴼⵔⴷⴰⵙ ⴷ ⵉⵏⴳⵎⴰⵎⵏ ⵏ ⵓⵙⵇⵇⵉⵎ, ⵜⴰⵎⵍⴷⴰ ⴷ ⵏⵥⵕ ⴰⴼⴰⵔⵙ ⵏⵏⵖ ⴷ ⵏⴽⵏⵉ ⴰⵔ ⵏⵙⴽⴰⵔ ⵜⵉⵥⵍⴰⵢⵉⵏ ⵏⵏⵖ ⵜⵉⴷⵙⵜⴰⵔⵉⵏ ⴷ ⵜⵙⵎⵉⴳⴰⵍ ⵏⵏⵖ ⵜⵉⵎⵔⵙⵍⴰⵏⵉⵏ.
ⵉⵎⴰⵇⵇⴰⵔ ⵓⵙⵎⴰⴷ ⵏ ⵜⵙⵓⵜⵍⵜ ⴰⴷ ⵜⴰⵣⵣⵔⴰⴼⵜ, ⴳ ⵓⵙⵡⵉⵔ ⵏ ⵜⵖⵉⵎⵉⵜⵉⵏ ⵜⵉⴳⴷⵓⴷⴰⵏⵉⵏ, ⴷ ⵓⵙⴼⵓⴳⵍⵓ ⵏ ⵓⵎⴰⴷⴰⵏ ⵏ ⵍⵎⵖⵔⵉⴱ ⵏ ⵓⴽⵜⵜⵓⵢ ⵡⵉⵙ 25 ⵏ ⵜⵉⵍⵉⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⴳ ⵓⴷⴰⴱⵓ ⵏ ⵉⵎⵣⵡⵓⵔⴰ ⵏⵏⵙ ⵍⴰⵏⵉⵏ ⴰⴷⴷⵓⵔ, ⵜⴳⴰ ⴰⵖ ⵜⴰⵎⵍⴷⴰ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⴰⴷ ⵏⵙⵎⴰⵢⵏⵓ ⵜⴰⴼⴷⵙⵜ ⴷ ⵓⴳⵍⵍⴰ ⴷ ⵉⵙⵔⵖⵓⴷⵏ ⵏⵏⵖ ⵥⵉⵍⵏⵉⵏ , ⵏⴰⵣⵏ ⵉ ⵡⴰⴷⴷⵓⵔ ⵏⵏⵙ ⴰⵛⴰⵔⵉⴼ ⴰⴷ ⵜ ⵉⵙⴰⵜⵜⵓⵢ ⵕⴱⴱⵉ ⵉⴼⴽ ⴰⵙ ⵜⴰⴷⵓⵙⵉ, ⵏⵜⵜⵔ ⵙⵉⴷⵉ ⵕⴱⴱⵉ ⴰⴷ ⵜ ⵉⵃⴼⴹ ⵉⴼⴽ ⴰⵙ ⴰⴷⵡⴰⵙ ⵉⴳ ⴰⵅⴰⵜⴰⵔ ⵏ ⵜⵡⴰⴷⴰ ⵏ ⵓⴱⵓⵖⵍⵓ ⴷ ⵓⵚⴽⵓ, ⵉⵙⵙⴼⵔⵃ ⵜ ⵙ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏⵏⵙ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ, ⵢⵉⵡⵙ ⴰⵙ ⵙ ⵓⵏⴳⴳⵯⵓ ⵏⵏⵙ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⴰⵛⵉⴷ ⴷ ⵎⴰⵕⵕⴰ ⵜⵉⴳⵍⴷⴰⵏⵉⵏ ⴷ ⵉⴳⵍⴷⵓⵏⵏ ⵉⴳⵎⴰⵎⵏ ⵏ ⵜⵓⵡⵊⴰ ⵜⴰⴳⵍⴷⴰⵏⵜ ⵜⴰⵛⵛⵔⵉⴼⵜ.
ⴳ 25 ⵏ ⵓⵙⴳⴳⵯⴰⵙ, ⵙ ⵜⵓⵏⵥⵉⵥⵜ ⴷ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴷⵉⵚ, ⵉⵙⵙⵕⵚⴰ ⵍⵎⵖⵔⵉⴱ ⵜⴰⵢⴰⵏⵜ ⵏⵏⵙ ⵜⴰⴽⴰⵍⴰⵏⵜ ⵉⵙⴷⵓⵙ ⵉⵣⵔⴼⴰⵏ ⵏⵙ ⵉⵎⵣⵔⴰⵢⵏ ⴳ ⵜⵙⴳⴳⵉⵡⵉⵏ ⵏⵏⵙ ⵏ ⵉⴼⴼⵓⵙ ⵙ ⵜⵡⵓⵔⵉ ⵉⵖⵣⴰⵏ ⴳ ⴽⵉⴳⴰⵏ ⵏ ⵉⴳⵔⴰⵏ: ⵉⴳⵔ ⵏ ⵜⴳⵎⵉ ⵙ ⵓⵣⵣⴳⵉⵔ ⵏ ⵉⵙⵏⴼⴰⵔⵏ ⵉⵅⴰⵜⴰⵔⵏ ⵉ ⵓⵚⴽⵓ ⵏ ⵜⵙⴳⴳⵉⵡⵉⵏ ⵏ ⵉⴼⴼⵓⵙ, ⵉⴳⵔ ⵏⵜ ⵣⴷⴰⵢⵉⵏ ⵜⵉⴳⵔⴰⵖⵍⴰⵏⵉⵏ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⵏ ⵜⴷⵉⴱⵍⵓⵎⴰⵙⵉⵜ ⵉⴱⴷⴷⵏ ⵉⵙⵇⵏⵄⴰⵏ, ⴷ ⵉⴳⵔ ⵏ ⵜⵙⵜⵔⴰⵜⵉⵊⵉⵜ ⴷ ⵓⵎⵣⴰⵖ ⵖ ⴱⴷⴷⵏⵜ ⵜⴳⴰⵍⵍⴰⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ ⴳ ⵓⴼⵔⴰⴳ ⴷ ⵓⵃⵟⵟⵓ ⵏ ⵡⴰⴽⴰⵍ ⴷ ⵜⵏⴼⵔⵓⵜ ⵜⴰⵏⴰⵎⵓⵔⵜ, ⵉⵣⵣⵉⴳⵣ ⵓⴳⵍⵍⵉⴷ ⵏⵏⵖ ⴳ ⵎⴰⴷ ⵉⵙⴽⵔ ⴱⴰⴱⴰⵙ ⴰⵎⵇⵔⴰⵏ ⴷ ⴱⴰⴱⴰⵙ ⵉⴷ ⴱⴰⴱ ⵏ ⵡⴰⴷⴷⵓⵔ ⴰⵅⴰⵜⵔ ⵏ ⵓⵙⵍⴻⵍⵍⵉ ⵉⴳⵍⵍⵉⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵙⵎⵎⵓⵙ ⴷ ⵉⴳⵍⵍⵉⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵍⵃⴰⵙⴰⵏ ⵡⵉⵙ ⵙⵉⵏ ⴰⵎⵙⵏⴼⵍⵓⵍ ⵏ ⵜⵡⴰⴷⴰ ⵜⴰⵣⴳⵣⴰⵡⵜ.
ⵉⵜⵜⵓⵙⴽⴰⵔ ⵎⴰ ⴰⵏⵏ ⴷ ⵓⵙⵕⵚⵓ ⵏ ⵜⴷⵉⵎⵓⵇⵔⴰⵟⵉⵜ ⴷ ⵓⵡⴰⵏⴽ ⵏ ⵜⵎⵔⵙⴰⵍ ⴷ ⵓⴼⵔⴰⴳ ⵏ ⵎⴰⵕⵕⴰ ⵉⵣⵔⴼⴰⵏ ⵏ ⵓⴼⴳⴰⵏ, ⴷ ⵓⵙⴽⵔ ⵏ ⵉⵙⵎⵓⵜⵜⵓⵢⵏ ⵉⵎⵏⵏⴰⵡⵏ, ⴷ ⵓⵙⴷⵓⵙ ⵏ ⵓⴷⵖⴰⵔ ⵏ ⵜⵎⴰⵣⵉⵔⵜ ⵏⵏⵖ ⴳ ⵉⵙⵡⵉⵔⵏ ⴰⵙⴳⴰⵡⴰⵏ ⴷ ⵓⵎⵏⵥⴰⵡ ⴷ ⵓⴳⵔⴰⵖⵍⴰⵏ.
ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ,
ⵜⵇⵇⴰⵏ ⴷ ⵜⵎⵢⴰⴷⴰⵙⵜ ⵏ ⵎⴰⴷ ⵏⵙⴽⵔ ⵙⴳ ⵜⵉⵥⵍⴰⵜⵉⵏ ⵏⵏⵖ ⴷ ⵜⵙⵎⵉⴳⴰⵍ ⵏⵏⵖ, ⴳ ⵓⵎⵏⴰⴹ ⴰⵏⴰⵎⵓⵔ, ⴳ ⵜⵣⴷⴰⵢⵜ ⵏⵏⵙ ⴰⴽⴷ ⵜⵉⵎⵙⴰⵔⵉⵏ ⴷ ⵉⵅⵎⵎⵉⵎⵏ ⵏ ⵡⴰⵎⵓⵏ ⴰⵎⵖⵔⵉⴱⵉ, ⵙ ⵜⵎⴰⵎⴽ ⵍⵍⵉ ⵙ ⵏⵥⵕⵕⴰ ⵉⵎⴰⵍ ⵙ ⵓⵚⴽⵓ ⴼ ⵎⴰⴷ ⵏⵙⴽⵔ ⵙ ⵜⵎⵥⵍⴰ ⵏ ⵓⵙⴳⵓⴷⵉ.
ⴳ ⵓⵎⵏⵉⴷ ⴰⴷ, ⵉⵍⵍⴰ ⵉⵡⵉⵣ ⴰⵎⴳⵔⵓ ⵏ ⵉⴼⵔⴷⴰⵙ ⵏ ⵓⵙⵇⵇⵉⵎ, ⵜⵓⵣⵍⵜ ⵓⵍⴰ ⵜⵓⴳⵜ ⵉ ⵓⵙⵖⵓⴷⵓ ⵏ ⵓⴼⴰⵔⵙ ⵏⵏ ⴳ ⵉⴳⵔⴰⵏ ⵏ ⵜⵉⴹⴰⴼ ⴷ ⵓⵙⵓⵜⴳ ⴷ ⵓⵣⵣⵔⴰⴼ ⵉⵍⵍⴰⵏ ⴳ ⵓⵙⴰⵜⵉ ⵏ ⵓⵎⵙⴰⵙⴰ ⴼ ⵉⵙⵏⴼⵍⵏ ⵍⵍⵉ ⵏⵙⵙⵖⵣⵏ ⴳ ⵓⵏⴳⵔⴰⵡ ⴰⴳⵯⵏⵙⴰⵏ ⵏ ⵓⵙⵇⵇⵉⵎ, ⵍⵍⵉ ⵉⴳⴰⵏ ⴷⴼⴼⵉⵔ ⵏ ⵓⴷⵓⵙⵜⵓⵔ ⵏ ⵜⴳⵍⴷⵉⵜ, ⴰⵙⴰⵖⵓⵍ ⵉⵙⵏⵎⴰⵍⴰⵏ ⵜⵉⵡⵓⵔⵉⵡⵉⵏ ⵏⵏⵖ.
ⵏⵉⵡⵣ ⴼ ⵓⵙⵏⴳⴰⴷⴷⴰ ⵏ ⵓⴷⵔⵉⵣ ⵏ ⵜⵖⵜⴰⵙⵜ ⵏ ⵜⵙⵏⴱⵚⴰⵢⵜ ⵜⴰⴷⵙⵜⴰⵔⵜ ⵅⴼ ⵓⵏⴳⵔⴰⵡ ⴰⴷ, ⵏⵓⵙⵉ ⵓⵍⴰ ⵙ ⵉⵙⵡⴰⵍⴰⵢⵏ ⵉⴳⵍⴷⴰⵏⵏ ⵉⵎⴰⵜⵜⵓⵢⵏ ⵅⴼ ⴰⵍⵓⴳⵏ ⵏ ⵜⵖⵓⵔⵉⵡⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵉⵜⵜⴰⵡⴱⴷⴰⵔⵏ ⴳ ⵜⴱⵔⴰⵜ ⵜⴰⵎⴰⵜⵜⵓⵢⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚⴰⴷ ⵜ ⵉⵏⵚⵕ ⵕⴱⴱⵉⴰⵙⵙ ⵏ 17 ⵉⵏⵏⴰⵢⵔ 2024 ⵉ ⵉⵎⴷⵔⴰⵡⵏ ⴳ ⵜⵉⵏⵏⴰⵡⵜ ⵜⴰⵏⴰⵎⵓⵔⵜ ⵏ ⵓⵙⴼⵓⴳⵍⵓ ⵏ ⵓⴽⵜⵜⵓⵢ ⵡⵉⵙ 60 ⵏ ⵓⵙⴽⵔ ⵏ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⵉⵜⵜⵓⵙⵜⴰⵢⵏ.
ⵉ ⵓⵙⴽⵔ ⵙ ⵉⵙⵡⴰⵍⴰⵢⵏ ⴰⴷ ⵉⴳⵍⴷⴰⵏⵏ ⵉⵎⴰⵜⵜⵓⵢⵏ, ⵏⵉⵡⵣ ⴰⴽⴽⵯ ⵜⵓⵣⵍⵜ ⵓⵍⴰ ⵜⵓⴳⵜ, ⴰⵙⵉⵔⴰ ⴷ ⵉⵏⵙⵙⵉⵅⴼⵏ ⵏ ⵜⵔⵓⴱⴱⴰ ⴷ ⵜⴳⵔⵓⵎⵎⴰ ⵜⵉⴱⵕⵍⴰⵎⴰⵏⵉⵢⵉⵏ, ⵃⵎⴰ ⴰⴷ ⵉⴳ ⵓⵍⵓⴳⵏ ⵏ ⵜⵖⴰⵔⵉⵡⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵜⴰⴷ ⵉⵙⵏⵎⴰⵍⴰⵏ ⵜⵓⴳⵜ ⵏ ⵜⵎⵙⴽⴰⵔ ⴷ ⵡⴰⴷⴷⴰⴷⵏ, ⴷ ⵓⵜⵓⵢ ⵏ ⵓⵙⵖⵡⵏ ⵙ ⵓⵛⵛⵉⵍ ⵏ ⵜⵏⴰⴼⵜ ⵏ ⵜⵖⴰⵡⵙⴰ ⵜⴰⵎⴰⵜⴰⵢⵜ, ⴷ ⵜⵉⴽⴽⵉ ⵏ ⵓⵎⴷⵢⴰ ⴳ ⵜⵎⵙⴽⵔⵜ ⵜⴰⴱⵕⵍⴰⵎⴰⵏⵉⵜ.
ⵉⴳⴰ ⵡⴰⵡⵜⵜⴰⵙ ⵏⵏⵖ ⴰⴷ ⵏⴰⵡⵙ ⴳ ⵓⵙⵎⵖⵔ ⵏ ⵜⴷⵉⵎⵓⵇⵔⴰⵟⵉⵜ, ⴷ ⵓⵙⵕⵚⵓ ⵏ ⵓⵡⴰⵏⴽ ⵏ ⵓⵙⵍⴳⵏ, ⴷ ⵓⵙⵕⵚⵓ ⵏ ⵜⴷⵍⵙⴰ ⵏ ⵓⵎⵙⴰⵡⴰⵍ ⴷ ⵓⵙⴷⵓⵙ ⵏ ⵜⵎⵢⵉⵎⴰⵏⵜ ⴳ ⵜⵎⵔⵙⴰⵍ, ⵎⴽ ⵍⵍⵉ ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ.
ⵉⴳⴰ ⵍⵃⴰⵍ, ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⵎⵓⵔⴰ, ⴳ ⵎⴰⴷ ⵉⵥⴽⵍⵉⵏ ⵙ ⵓⵏⴳⵔⴰⵡ ⴰⴳⵯⵏⵙⴰⵏ , ⵓⵔ ⵖⴰⵙ ⴰⴹⵕⵉⵚ ⴰⵏⵎⵢⵓⵔ ⵉ ⵓⵙⵏⵎⴰⵍⴰ ⵏ ⵜⵡⵓⵔⵉⵡⵉⵏ ⵏⵏⵖ, ⵎⴰⵛⵛ ⵉⴳⴰ ⴰⴹⵕⵉⵚ ⵙ ⵉⵎⵏⴰⴷⵏ ⵉⵎⵏⵏⴰⵡⵏ ⵉⵍⵍⴰⵏ ⵙⴳ ⵓⵙⵏⵎⴰⵍⴰ ⵏ ⵜⵡⵓⵔⵉⵡⵉⵏ ⵏⵏⵖ ⴷ ⵓⵙⵏⵎⴰⵍⴰ ⵏ ⵜⵣⴷⴰⵢⵉⵏ ⵏⵏⵖ ⴷ ⵜⵎⵙⴽⴰⵔⵜ ⵜⴰⵎⵣⵣⴳⴰⵔⵜ ⴷ ⵜⵎⵔⵙⴰⵍ ⵢⴰⴹⵏⵉⵏ ⵜⵉⴷⵙⵜⴰⵔⵉⵏ ⴷ ⵜⴳⵔⴰⵡⵉⵏ ⵏ ⵜⵏⵏⵓⴱⴹⴰ, ⵙ ⵓⵙⵔⵙ ⵏ ⵜⴼⴳⵓⵔⵉⵏ ⵣⴷⵉⵏⵉⵏ ⴷ ⵜⵕⵥⵉ ⵏ ⵜⵓⵎⴰⵢⵉⵏ ⵏⵏⵙ; ⵏⵉⵡⵣ ⴼ ⵓⵣⴳⵉⵔ ⵏⵏⵙ ⵉⵥⵉⵍⵏ ⴷ ⵓⵡⵇⵇⵔ ⵏⵏⵙ, ⴷ ⵉⵎⵉⵥ ⵏ ⵜⵓⵎⴰⵢⵉⵏ ⴷ ⵜⴼⵍⵙⴰⴼⵜ ⵏⵏⵙ ⴳ ⴽⵔⴰⵢⴳⴰⵜ ⴰⵙⴽⵔ, ⴷ ⵡⴰⴷⴷⴰⴷ ⴷ ⵜⵖⵜⴰⵙⵜ, ⵉⴳⴰ ⴰⴹⵕⵉⵚ ⵉⵜⵜⵎⵓⵙⵙⴰⵏ, ⴰⴹⵕⵉⵚ ⵉⵥⴹⴰⵕⵏ ⴰⴷ ⵉⵜⵜⵓⵙⵏⴼⵉⵍ ⵃⵎⴰ ⴰⴷ ⵉⵎⵙⴰⵙⴰ ⴷ ⵜⵎⴰⵢⵏⵓⵜⵉⵏ, ⵉⵔⴰⵔ ⴼ ⵉⵙⵇⵙⵉⵜⵏ ⵍⵍⴰⵏⵉⵏ ⴳ ⵓⵎⵏⴰⴹ ⵏ ⵜⵎⵙⴽⵔⵜ.
ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ,
ⴳ ⵓⵙⴰⵜⵉ ⵏ ⵜⵥⵍⴰⵢⵉⵏ ⵏⵏⵖ ⵜⵉⵣⵣⵔⴰⴼⵉⵏ, ⵉⵇⵇⴰⵏ ⴷ ⴰⴷ ⵏⴽⵯⵜⵉ ⴰⵎⵙⴰⵙⴰ ⵉⵍⵍⴰⵏ ⵊⴰⵔ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵜⵏⴱⴰⴹⵜ ⵅⴼ 13 ⵏ ⵜⵙⵓⵎⵔⵜ ⵏ ⵓⵙⵍⴳⵏ ⵍⵍⵉ ⵉⵙⵖⵣⵏ ⵓⵙⵇⵇⵉⵎ. ⵎⴽ ⵍⵍⵉ ⴱⴷⴷⴰ ⵙⴷⴷⵉⴷⵖ, ⴰⵣⵣⵔⴰⴼ ⵓⵔ ⵉⵍⵍⴰ ⵖ ⵓⵟⵟⵓⵏ ⵏ ⵉⴹⵕⵉⵚⵏ, ⵎⴰⵛⵛ ⴰⵎⵙⴰⵙⴰ ⵏ ⵓⵏⵛⴽ ⴰⴷ ⵏ ⵜⵙⵓⵎⴰⵔ ⵏ ⵉⵙⵍⴳⵏⵏ, ⴳ ⵢⴰⵜ ⵜⵙⵓⵜⵍⵜ ⵜⴰⵣⵣⵔⴰⴼⵜ ⵉⴳⴰⵏ ⵢⴰⵜ, ⵉⴳⴰ ⵜⴰⵖⴰⵡⵙⴰ ⵜⴰⵎⵣⵡⴰⵔⵓⵜ ⵉⵛⵏⴰⵏ ⴷ ⵢⴰⵏ ⵓⵣⵡⵍ ⵏ ⵓⵎⵙⴰⵙⴰ ⵉⵍⵍⴰⵏ ⵊⴰⵔ ⵉⴼⵔⴷⴰⵙ ⵉⵙⵔⵜⴰⵏⵏ ⵏ ⵓⵙⵇⵇⵉⵎ, ⴷ ⵓⴷⵎ ⵏ ⵓⵎⵢⴰⵡⴰ ⵊⴰⵔ ⵜⵏⴱⴰⴹⵉⵏ. ⵙⴷⴷⵉⴷⵖ ⴱⴷⴷⴰ ⴼ ⵡⴰⵜⵉⴳ ⵏ ⵜⵙⵏⵜⴰⵢⵉⵏ ⵜⵉⵣⵣⵔⴰⴼⵉⵏ ⵏ ⵉⴳⵎⴰⵎⵏ ⵏ ⵓⵙⵇⵇⵉⵎ ⴱⴷⴷⵏⵉⵏ ⴼ ⵓⵙⵙⴼⵍⴷ ⵙ ⵎⴰⴷ ⵉⵔⴰ ⵡⴰⵎⵓⵏ. ⵖⵎⴽ ⴰⵏⵏ ⴰⴼ ⵉⴳⴰ ⵓⵏⴰⵔⵓⵣ ⵏⵏⵖ ⵡⴰⴷ ⵉⴳⴰⵏ ⴰⵅⴰⵜⴰⵔ ⴳ ⵎⴰⴷ ⵉⵥⵍⵉⵏ ⵙ ⵓⵏⵢⴰⵍⴽⴰⵎ ⴰⴽⴷ ⵜⵉⵙⵏⵜⴰⵢⵉⵏ ⵜⵉⵣⵣⵔⴰⴼⵉⵏ ⵏ ⵉⴳⵎⴰⵎⵏ ⵏ ⵓⵙⵇⵇⵉⵎ.
ⴳ ⵓⵎⵏⵉⴷ ⵢⴰⴹⵏⵉⵏ, ⴳⴰⵏ ⵉⵙⵏⴼⴰⵔⵏ ⵏ ⵉⵙⵍⴳⵏⵏ ⵍⵍⵉ ⵏⵙⵖⵣⵏ ⵜⵥⴰ, ⵡⵉⴷ ⵍⴰⵏⵉⵏ ⴰⵜⵉⴳ ⴳ ⵓⵙⵏⵎⴰⵍⴰ ⴷ ⵓⵙⴰⵜⵉ ⵏ ⵜⵏⵓⴼⴰ ⵜⵉⵏⴰⵎⵓⵏⵉⵏ ⵜⵉⴳⴷⵓⴷⴰⵏⵉⵏ ⴷ ⵜⵉⵍⴰⵍ ⵜⵉⴷⵎⵙⴰⵏⵉⵏ ⴷ ⵜⵥⵕⴼⴰⵏⵉⵏ ⴷ ⵜⵏⴰⵎⵓⵏⵉⵏ, ⵙⵍⴰⵡⴰⵏ ⴰⴽⴽⵯ ⵡⵉⴷ ⴼⵔⴳⵏⵉⵏ ⵉⵣⵔⴼⴰⵏ ⵏ ⴽⵓⵢⴰⵏ.
ⴳ ⵓⵎⵏⴰⴹ ⴰⴷ, ⵉⵍⵍⴰ ⵓⵙⵖⵣⵏ ⵏ ⵓⵙⵏⴼⴰⵔ ⵏ ⵜⴱⵔⵉⴷⵜ ⵜⴰⵖⵔⵎⴰⵏⵜ ⵉⵟⵟⴰⴼⵏ ⴰⵜⵉⴳ ⴳ ⵓⵙⵙⵔⵅⵓ ⵏ ⵜⴱⵔⵉⴷⵉⵏ ⵏ ⵓⵚⵕⴰⴹ ⴷ ⵓⵚⴽⵓ ⵏ ⵓⵏⴳⵔⴰⵡ ⵏ ⵜⵣⵔⴷⵜ ⴼ ⵓⵣⵔⴼ ⴷ ⵓⵙⵍⴳⵏ ⴷ ⵢⵉⵙⴽⵉⵍ ⵊⴰⵔ ⵏ ⵉⵏⵎⵓⵔⴰⵏ ⴷⴰⵜ ⵏ ⵜⵣⵔⴼⵜ. ⵙ ⵉⵙⵏⴼⵍⵏ ⵍⵍⵉ ⵙⵎⵏⵉⴷⵏ ⵉⴳⵎⴰⵎⵏ ⵏ ⵓⵙⵇⵇⵉⵎ ⵎⴰⴷ ⵉⴳⴰⵏ 1161, ⵏⵓⵎⵥ ⴳⵉⵙⵏ 28 %, 263 ⵏ ⵓⵙⵏⴼⵍ ⵉⵍⵍⴰ ⵓⵙⵖⵣⵏ ⵏⵏⵙⵏ ⴷ 65 ⵏⵓⵎⵥⵏ ⵙ ⵉⴳⵣⵎⴰⵏ, ⴰⵢⵍⵍⵉ ⵉⵎⵎⴰⵍⴰⵏ ⴰⴼⵔⵉⵙ ⵏ ⵓⵙⵇⵇⵉⵎ ⴳ ⵓⵣⵣⵔⴰⴼ, ⵉⵎⵍ ⵜⵉⵔⴰⵜ ⵜⴰⵎⴳⵔⵓⵜ ⴳ ⵓⵎⵓⴽⵏ ⴷ ⵓⵙⵖⵔ ⵏ ⵉⵣⵣⵔⴰⴼⵏ ⵉⵏⴰⵎⵓⵔⵏ
ⴳ ⵎⴰⴷ ⵉⵥⵉⵏ ⵙ ⵓⵏⴳⵔⴰⵡ ⴰⴳⵯⵏⵙⴰⵏ ⵏ ⵓⵙⵇⵇⵉⵎ ⵏⵖ ⵜⴰⴱⵔⵉⴷⵜ ⵜⴰⵖⵔⵎⴰⵏⵜ, ⵉⴳⴰ ⵍⵃⴰⵍ ⵙⵉⵏ ⵉⴹⵕⵉⵚⵏ ⵙⵜⴰⵡⵀⵎⵎⴰⵏⵉⵏ, ⵙⵉⵏ ⵉⵎⵓⴽⵏⵏ ⵉⵅⴰⵜⴰⵔⵏ. ⵣⵔⵉⵏ 50 ⵏ ⵓⵙⴳⴳⵯⴰⵙ ⴼ ⵓⵣⵣⵔⴰⵢ ⵏ ⵜⴱⵔⵉⴷⵜ ⵜⴰⵖⵔⵎⴰⵏⵜ ⵍⵍⵉ ⵓⵔ ⵓⵜⵜⵓⵙⵏⴼⴰⵍⵏ ⵙ ⵜⵖⴰⵔⴰⵙⵜ ⵉⴷⵔⴰⵏ ⵙⴳ 1974ⵏ ⵏⵍⴽⵎ ⴰⵙⵙ ⴰⴷ ⴰⵍⴰⵙ ⵏ ⵜⵉⵔⵔⴰ ⵏ ⵓⴹⵕⵉⵚ ⵏ ⵖⵉⵍⴰⴷ, ⴷ ⵓⵙⵖⵣⵏ ⵏ ⵓⵙⵏⴼⴰⵔ ⵏ ⵓⵙⵍⴳⵏ ⴰⵎⴰⵢⵏⵓ ⵢⵓⵎⴰⵏ 644 ⵏ ⵓⵎⵏⵏⵉ, ⴰⵢⵍⵍⵉ ⴷ ⵢⵉⵡⵉⵏ ⴰⵎⴹⴰⴽⴰⵕ ⴰⴷ ⴽⵓⵍⵍⵓⵜ ⵍⵍⵉ ⵏⴹⴼⵕ, ⴷ ⵉⵙⵏⴼⵍⵏ ⴰⴷ, ⴷ ⵉⵡⵉⵣ ⴰⴷ ⴰⵎⴳⵔⵓ ⵉ ⵓⵙⵖⵓⴷⵓ ⵏ ⵓⴹⵕⵉⵚ ⴱⴰⵀⵔⴰ ⵉⵕⵡⴰⵏ.
ⴳ ⵓⵎⵏⵉⴷ ⵢⴰⴹⵏⵉⵏ, ⵉⴳⴰ ⵓⵙⵖⵣⵏ ⵏ ⵓⵙⵇⵇⵉⵎ ⵉ ⵓⵙⵏⴼⴰⵔ ⵏ ⵓⵙⵍⴳⵏ ⵉ ⵓⵙⵏⴼⵍ ⴷ ⵓⵙⵎⴰⴷ ⵏ ⵓⵙⵍⴳⵏ ⵏ ⵓⵎⵓⴽⵏ ⵏ ⵡⴰⵎⵎⴰⵙⵏ ⵉⵏⵎⵏⴰⴹⵏ ⵏ ⵓⵙⵙⴰⵔⵓ ⴷ ⵓⵙⴽⵔ ⵏ ⵜⵙⵇⵇⵉⵎⵉⵏ ⵜⵉⵏⵎⵏⴰⴹⵉⵏ ⵎⵓⵏⵏⵉⵏ ⵏ ⵓⵙⵙⴰⵔⵓ, ⴰⵙⵔⵙ ⵉⵙⵜⴰⵡⵀⵎⵎⴰⵏ ⴳ ⵓⵙⵔⵅⵓ ⵏ ⵜⴱⵔⵉⴷⵉⵏ ⵏ ⵓⵙⵙⴰⵔⵓ ⴷ ⵓⵙⵙⵔⵇⴱ ⴱ ⵓⵚⴽⵓ ⴰⴷⵖⴰⵔⴰⵏ ⵏ ⵉⵙⵏⴼⴰⵔⵏ ⵏ ⵓⵙⵙⴰⵔⵓ, ⴷ ⵓⵙⵙⵔⵇⴱ ⵏ ⵜⵏⵙⵜⴰⵢⵜ ⵜⵓⵙⵍⵉⴳⵜ ⴳ ⵓⵎⵏⴰⴹ ⵏ ⵓⵣⵣⴳⵉⵔ ⵏ ⵓⵎⵇⵇⵏ ⵏ ⵓⵙⵙⴰⵔⵓ ⴰⵎⴰⵢⵏⵓ ⴷ ⵓⵙⵖⵓⴷⵓ ⵏ ⵓⵏⵣⵡⵉ ⵏ ⵜⵡⵓⵔⵉⵡⵉⵏ.
ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ,
ⵏⵉⵡⵣ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⵡⴰⵍⴰ ⴰⴷ ⵜⴰⵣⵣⵔⴰⴼⵜ ⴼ ⵓⵡⵇⵇⵔ ⵏ ⵜⵙⵓⵍⴰⵏⵜ ⵏ ⵜⵥⵍⴰⵢⵜ ⵏ ⵓⵙⵓⵜⴳ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⵙⴳ ⵓⵙⵇⵇⵉⵎ ⵏ ⵉⵎⵓⵔⴰ, ⵏⵙⴽⵔ ⵎⵔⴰⵡⵜ ⵜⵡⵓⵔⵉⵡⵉⵏ ⵏ ⵓⵙⵓⵜⴳ ⵏⵎⴹⴰⴽⴰⵕ ⴽⵕⴰⴹ ⵉⵏⵇⵇⵉⵙⵏ ⵙ ⵓⵡⵇⵇⵔ ⵉⵙⵎⴷⵏ ⵏ ⵓⴷⵓⵙⵜⵓⵔ ⴷ ⵓⵏⴳⵔⴰⵡ ⴰⴳⵯⵏⵙⴰⵏ, ⵙⵍⴰⵡⴰⵏ ⴰⴽⴽⵯ ⵎⴰⴷ ⵉⵣⴷⵉⵏ ⴷ ⵓⵎⵏⵣⴰⵢ ⵏ ⵜⵙⴳⴳⵯⵙⴰⵏⵜ.
ⴳ ⵓⵎⵏⵉⴷ ⵢⴰⴹⵏⵉⵏ, ⵏⵣⵎⵎⵉⵎ ⵉ ⵜⴽⴽⵍⵉⵜ ⵜⴰⵎⵣⵡⴰⵔⵓⵜ, ⵙⴳ ⵓⵙⴷⵙⵜⵔ ⵏ ⵓⵙⵓⵜⴳ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⵉⴳⴰⵏ ⵢⴰⵜ ⵙⴳ ⵜⵎⵥⵍⴰⵢ ⵏ ⵓⴱⵕⵍⴰⵎⴰⵏ, ⵉⵙⴽⵔ ⵓⵙⵇⵇⵉⵎ ⴰⵙⵓⵜⴳ ⵏ ⵜⴼⴰⴷⵉⵡⵉⵏ ⵏ ⵓⵣⵣⴳⵉⵔ ⵏ ⵢⴰⵏ ⵓⵙⵍⴳⵏ, ⴰⵙⵍⴳⵏ 103.13 ⴼ ⵓⵙⴱⴷⴷⵉ ⵏ ⵜⴽⵕⴹⵉ ⵎⴳⴰⵍ ⵏ ⵜⵎⵖⴰⵔⵉⵏ, ⵍⵍⵉ ⵉⵟⵟⴰⴼⵏ ⵜⵉⵏⴰⵥⴰⵕⵉⵏ ⴳⴳⵓⵜⵏⵉⵏ.
ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ,
ⵉⴳⴰ ⵓⵙⵎⵏⵉⴷ ⵏ ⵜⵉⵢⴰⴼⵓⵜ ⵜⴰⴼⵔⴽⴰⵏⵜ ⵏ ⵓⵣⵣⴳⵉⵔ ⵏ ⵓⵖⴰⵡⴰⵙ ⵓⵏⴱⵉⴹ ⵙⴳ ⵎⴰⵙⵙ ⴰⵏⵙⵙⵉⵅ ⵏ ⵜⵏⴱⴰⴹⵟ ⴷⴰⵜ ⵏ ⵓⴱⵕⵍⴰⵎⴰⵏ, ⴷ ⵉⵎⴹⴰⴽⴰⵕⵏ ⴳ ⵓⵙⵇⵇⵉⵎ ⵏ ⵉⵎⵓⵔⴰ, ⵜⵉⵣⵉ ⵜⴰⴷⵉⵎⵓⵇⵔⴰⵟⵉⵜ ⵉⵙⵜⴰⵡⵀⵎⵎⴰⵏ ⵉ ⵓⵙⵇⵙⵉ ⴷ ⵓⵎⵙⴰⵡⴰⵍ ⴷ ⵓⵎⴹⴰⴽⴰⵕ ⴰⴷⵉⵎⵓⵇⵔⴰⵟⵉ ⵉⵍⴻⵍⵍⵉ ⵊⴰⵔ ⵜⵏⴱⴰⴹⵉⵏ ⵜⴰⵣⵣⵔⴰⴼⵜ ⴷ ⵜⵎⵣⵣⴳⴰⵔⵜ, ⴷ ⵜⵉⵣⵉ ⵜⴰⴷⵙⵜⴰⵔⵜ ⵏ ⵜⵉⴹⴰⴼ ⵍⵍⵉ ⵉⵙⵙⵕⵚⴰⵏ ⵜⴰⴱⵔⵉⴷⵜ ⵜⴰⴷⵉⵎⵓⵇⵔⴰⵟⵉⵜ ⴷ ⵉⵎⵏⵣⴰⵢⵏ ⵏ ⵓⵣⴷⴰⵢ ⵏ ⵜⵎⴰⵙⴰⵢⵜ ⴷ ⵜⵎⴰⴼⴰⵡⵜ.
ⴳ ⵜⵙⴳⴰ ⵢⴰⴹⵏⵉⵏ, ⴳ ⵓⵙⴽⵔ ⵏ ⵜⵉⴹⴰⴼ, ⵉⵏⵢⴰⵍⴰⴽⴰⵎ ⵓⵙⵇⵇⵉⵎ ⴷ ⵜⵎⵙⴰⵔⵉⵏ ⵏ ⵡⴰⵎⵓⵏ ⴷ ⵓⵅⵎⵎⴻⵎ ⵏ ⵓⴳⴷⵓⴷ ⴰⵏⴰⵎⵓⵔ, ⵣⵡⴰⵔⵏⵜ ⵜⵎⵙⴰⵔⵉⵏ ⵜⵉⵏⴰⵎⵓⵏⵉⵏ ⵏ ⵓⵙⵙⵍⵎⴷ ⴷ ⵜⴷⵓⵙⵉ ⴷ ⵓⵙⵡⵓⵔⵉ ⴷ ⵓⵣⴷⴷⵓⵖ ⴷ ⵓⵙⵔⵙ ⴳ ⵓⵎⴰⴹⴰⵍ ⴰⴼⴰⵔⴰⵏ ⴳ ⵓⵎⵏⴰⴹ ⵏ ⵜⵖⴰⵔⵜ ⴷ ⵜⴷⵔⵓⵙ ⵏ ⵡⴰⵎⴰⵏ, ⵉⵅⵎⵎⵉⵎⵏ ⵏⵓⵙⵇⵇⵉⵎ ⴳ ⵉⵙⵇⵙⵉⵜⵏ ⵉ ⵜⵏⴱⴰⴹⵜ, ⵖ ⵜⵖⵉⵎⵉⵜ ⵜⴰⵢⵢⵓⵔⴰⵏⵜ ⵖ ⵉⵜⵜⵔⴰⵔ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⴼ ⵉⵙⵇⵙⵉⵜⵏ ⵏ ⵓⵙⵇⵇⵉⵎ, ⵏⵖ ⵜⵉⵖⵉⵎⵉⵜⵉⵏ ⵏ ⵉⵙⵇⵙⵉⵜⵏ ⵉⵎⵉⵡⴰⵏⵏ ⵉⵏⵎⵍⴰⵙⵙⵏ ⵖ ⵉⵍⵍⴰ ⵓⵙⵖⵉⵡⵉⵙ ⵏ 337 ⵏ ⵓⵙⵇⵙⵉ ⴳⵉⵙⵏ 83 ⵏ ⵓⵙⵇⵙⵉ ⴰⴷⵖⵢⴰⵏ.
ⴰⵎ ⵜⴰⵎⵢⵓⵔⵜ, ⴳⴰⵏ ⵉⵙⵇⵙⵉⵜⵏ ⵉⵎⵉⵔⴰⵢⵏ ⵉⵎⵉⵙⵙ ⵏ ⵓⵙⵉⵡⵍ ⴼ ⵉⵅⵎⵎⵉⵎⵏ ⴷ ⵜⵎⵙⴰⵔⵉⵏ ⵏ ⵜⵏⵎⵓⵔⴰⵢⵉⵏ ⴷ ⵉⵏⵎⵓⵔⴰⵢⵏ ⵉ ⵜⵏⴱⴰⴹⵜ, ⵢⵓⵣⵏ ⵓⵙⵇⵇⵉⵎ ⴳ ⵜⵙⵓⵜⵍⵜ ⴰⴷ 1758 ⵏ ⵓⵙⵇⵙⵉ ⴰⵎⵉⵔⴰⵢ ⵉ ⵉⴳⵔⴰⵏ ⵓⵏⴱⵉⴹⵏ, ⵜⵍⴽⵎ ⴷ 1240 ⵏ ⵜⵎⵔⴰⵔⵓⵜ, ⵉⵍⴽⵎ ⵓⵟⵟⵓⵏ ⵏ ⵉⵙⵇⵙⵉⵜⵏ ⵉⵎⵉⵔⴰⵢⵏ ⴳ ⵓⵙⴳⴳⵯⴰⵙ ⴰⵣⵣⵔⴰⴼ ⴰⵔ 24 ⵢⵓⵍⵢⵓⵣ 3675 ⵏ ⵓⵙⵇⵙⵉ ⴷ 3274 ⵏ ⵜⵎⵔⴰⵔⵓⵜ ⵙⴳ ⵜⵏⴱⴰⴹⵜ.
ⵙ ⵓⵎⴰⵜⴰ, ⵉⵍⴽⵎ ⵓⵟⵟⵓⵏ ⵏ ⵉⵙⵇⵙⵉⵏ ⵜⵜⴰⵡⵚⵕⴰⴼⵏⵉⵏ ⵉ ⵜⵏⴱⴰⴹⵜ ⵙⴳ ⵜⵉⵣⵡⵉⵔⵉ ⵏ ⵜⵡⴰⵍⴰ ⵜⴰⵣⵣⵔⴰⵜ ⵜⵉⵙ ⵢⴰⵜ ⴷ ⵎⵔⴰⵡⵜ 17148 ⵏ ⵓⵙⵇⵙⵉ, ⵉⵍⴽⵎ ⵓⵟⵟⵓⵏ ⵏ ⵜⵎⵔⴰⵔⵓⵜⵉⵏ ⵏ ⵜⵏⴱⴰⴹⵟ ⴼ ⵉⵙⵇⵙⵉⵜⵏ ⴰⴷ, ⴰⵔ 24 ⵢⵓⵍⵢⵓⵣ , 12204 ⵙ ⵎⴰⴷ ⵉⴳⴰⵏ 71%.
ⴳⴰⵏⵜ ⵜⵙⵇⵇⵉⵎⵉⵏ ⵜⵉⵎⵖⵍⴰⵍⵉⵏ ⴰⵙⴰⵜⵉ ⵢⴰⴹⵏ ⵏ ⵓⵙⴽⵔ ⵏ ⵜⵎⵙⴽⵔⵜ ⵏ ⵓⵙⵇⵇⵉⵎ ⵉ ⵜⵥⵍⵉⵜ ⵏ ⵜⵉⴹⴰⴼ ⵏ ⵓⵙⵇⵙⵉ ⵏ ⵜⵏⴱⴰⴹⵜ. ⵙⵏⵎⴰⵍⴰⵏⵜ ⵜⵙⵇⵇⵉⵎⵉⵏ ⴰⴷ 16 ⵏ ⵜⵙⵎⵓⵏⵉ ⴳ ⵉⵍⵍⴰ ⵓⵎⴹⴰⴽⴰⵕ ⵏ 15 ⵏ ⵉⵎⵕⵚⵉ ⴳⴰⵏⵉⵏ ⵡⵉⵏ 30 ⵏ ⵜⵓⵜⵔⴰ ⵏ ⵜⵔⵓⴱⴱⴰ ⴷ ⵜⴳⵔⵓⵎⵎⴰ ⵜⵉⴱⵕⵍⴰⵎⴰⵏⵉⵢⵉⵏ.
ⵎⴹⴰⴽⴰⵕⵏⵜ ⵜⵙⵇⵇⵉⵎⵉⵏ ⴰⴷ ⵉⵏⵇⵇⵉⵙⵏ ⴷ ⵜⴰⵏⵏⴰⵢⵢⵉⵏ ⵏ ⴽⵉⴳⴰⵏ ⵏ ⵜⵎⵔⵙⴰⵍ ⵜⵉⴷⵙⵜⴰⵔⵉⵏ ⵥⵕⵏⵜ ⵜⵉⵢⵢⴰⴼⵓⵜⵉⵏ ⴷ ⵉⵙⵖⵍⴰⴼ, ⴰⵙⵉⵏⵜ ⵎⴰⴷ ⵉⴳⴰⵏ ⵚⴰⵃⴰ ⵉ ⵓⵙⵎⵔⵙ ⴳ ⵜⵎⵥⵍⴰⵢ ⵏ ⵓⵣⵣⵔⴰⴼ ⴷ ⵜⵉⵏ ⵜⵉⴹⴰⴼ.
ⵜⴱⵓⵖⵍⴰ ⵜⵉⵢⵢⴰⴼⵓⵜ ⵏ ⵜⵉⴹⴰⴼ ⵏ ⵓⵙⵇⵇⵉⵎ ⵙ ⵜⵡⵓⵔⵉⵡⵉⵏ ⵏ ⵜⵙⵎⵉⴳⴰⵍ ⵏ ⵓⵙⴰⴳⴳⵯ ⵍⵍⵉ ⵎⵓ ⵉⴼⴽⴰ ⵓⵙⵉⵔⴰ ⵏ ⵓⵙⵇⵇⵉⵎ ⵉ ⵓⵙⵎⵓⵏ ⵏ ⵜⵎⵓⵛⴰ ⴷ ⵓⵙⵓⵊⴷ ⵏ ⵉⵏⵇⵇⵉⵙⵏ ⵅⴼ ⵜⵉⵍⴰⵍ ⵜⵉⴳⴷⵓⴷⴰⵏⵉⵏ ⴷ ⵉⴽⵛⵓⵎⵏ ⵏ ⵜⵎⵔⵙⴰⵍ ⵜⵉⴳⴷⵓⴷⴰⵏⵉⵏ.
ⵉⴳⴰ ⵍⵃⴰⵍ ⵜⴰⵙⵎⵉⴳⵍⵜ ⵏ ⵓⵙⴰⴳⴳⵯ ⴼ ⵓⵙⵓⵔⵙ ⵏ ⵜⵓⵣⴷⵓⵖⵉⵏ ⵏ ⵜⵙⴷⴰⵡⵉⵜ ⵍⵍⵉ ⵉⵙⵎⴷⵏ ⵜⵉⵡⵓⵔⵉⵡⵉⵏ ⵏⵏⵙⵙ ⵜⵖⵔⵉ ⵏ ⵓⵏⵇⵇⵉⵙ ⵏⵏ ⵜⵙⵓⵊⴰⴷ ⴽⵔⴰⵢⴳⴰⵜ ⵜⴰⵙⵇⵇⵉⵎⵜ ⵜⴰⵙⵓⵍⴰⵏⵜ ⵜⴰⵎⵏⵜⴰⵢⵜ, ⴷ ⵜⴰⴷ ⴼ ⵓⵙⵓⵔⵙ ⵏ ⵉⵣⵓⵖⴰⵣ ⵏ ⵓⵎⵍⴰⵍ ⴷ ⵔⵔⵅⴰⵎ ⴷ ⵜⵉⵙ ⴽⵕⴰⴹⵜ ⴼ ⵓⵙⵓⵔⵙ ⵏ ⵜⵎⵙⵙⵓⵔⵓⵜ ⵜⴰⵏⴰⵎⵓⵔⵜ ⵏ ⵉⴱⵔⴱⵔⵉⴷⵏ, ⵍⵍⵉ ⵔⴰⴷ ⵉⵙⵓⵊⵉⴷ ⴰⵏⵇⵇⵉⵙ ⵏⵏⵙ ⴰⵎⴳⴳⴰⵔⵓ, ⴷ ⵜⵉⵙ ⴽⴽⵓⵥⵜ ⴼ ⵜⵙⵏⵉⵊⵊⵉⵜ ⵜⵓⵍⴳⵉⵏⵜ ⵉⵙⵜⴰⵡⵀⵎⵎⴰⵏ ⵉ ⵜⵓⵡⵊⵉⵡⵉⵏ ⴷ ⵜⵣⵔⴼⵜ.
ⴳ ⵓⵎⵏⵉⴷ ⵢⴰⴹⵏⵉⵏ, ⵉⵎⵙⴰⵙⴰ ⵓⵙⵉⵔⴰ ⵏ ⵓⵙⵇⵇⵉⵎ ⴳ ⵜⵙⵓⵜⵍⵜ ⴰⴷ ⴼ ⵓⵙⴽⵔ ⵏ ⵜⵙⵎⵉⴳⵍⵜ ⵏ ⵓⵙⴰⴳⴳⵯ ⴼ ⵜⵡⵉⵣⵉ ⵏ ⵓⵖⴰⵡⴰⵙ “ⴼⵓⵕⵚⴰ” ⴳ ⵓⵙⵖⵓⴷⵓ ⵏ ⵓⵙⵡⵓⵔⵉ ⴳ ⵍⵎⵖⵔⵉⴱ.
ⴳ ⵓⵎⵏⴰⴹ ⴰⴷ, ⴷⴰ ⵙⴷⴷⵉⴷⵖ ⴼ ⵡⴰⵜⵉⴳ ⵏ ⵉⵎⵉⵙⵙ ⴰⴷ ⴳ ⵓⵙⴷⵓⵙ ⵏ ⵜⵡⵓⵔⵉ ⵏ ⵜⵉⴹⴰⴼ ⵏ ⵓⵙⵇⵇⵉⵎ ⴷ ⵓⵏⵢⴰⵍⴰⴽⴰⵎ ⵊⴰⵔ ⵜⵏⴱⴰⴹⵉⵏ ⵜⴰⵣⵣⵔⴰⴼⵜ ⴷ ⵜⵎⵣⵣⴳⴰⵔⵜ ⴷ ⵓⵙⴱⵓⵖⵍⵓ ⵏ ⵓⵎⴹⴰⴽⴰⵕ ⴰⴳⴷⵓⴷⴰⵏ ⴼ ⵜⵎⵙⴰⵔⵉⵏ ⵏ ⵓⵙⵡⵓⴷⴷⵓ ⵉⵡⵉⵏⵉⵏ ⴰⵅⵎⵎⴻⵎ ⵏ ⵓⴳⴷⵓⴷ ⴰⵎⴰⵜⴰⵢ. ⵉⵇⵇⴰⵏ ⴰⵖ ⴷ ⴰⴷ ⵏⵉⵡⵣ ⴼ ⵓⵣⵓⵛⵛⵍ ⵏ ⵜⵡⵓⵔⵉⵡⵉⵏ ⵏ ⵓⵙⴰⴳⴳⵯ ⵙ ⵓⵡⵇⵇⵔ ⵏ ⵉⵣⵎⴰⵣ ⵍⵍⴰⵏⵉⵏ, ⴷ ⵓⵙⵡⵓⵔⵉ ⵙ ⵉⵡⵓⵜⵜⴰ ⴷ ⵡⴰⵏⴰⵡ ⴷⵢⵉⴳⵔ ⵏ ⵜⵓⵔⴰⴳⵜ ⵉⵜⵜⵓⴼⴽⴰⵏ. ⵉⴳ ⵡⴰⵡⵜⴰⵙ ⵜⵉⵕⵡⵉ ⴷ ⵜⵉⵢⵢⴰⴼⵓⵜ ⵏ ⵉⵏⵇⵇⵉⵙⵏ, ⴷ ⵓⵙⵡⵓⵔⵉ ⴳ ⴽⵉⴳⴰⵏ ⵏ ⵉⴳⵔⴰⵏ.
ⴳ ⵓⵙⵓⵜⴳ ⵏⵖ ⵜⵉⴹⴰⴼ, ⵉⴳⴰ ⵡⴰⵡⵜⵜⴰⵙ ⵢⴰⵏ , ⵜⴰⵏⴰⵥⴰⵕⵜ ⵢⴰⵜ ⴳⴰⵏⵉⵏ ⵜⵉⵖⵔⵉ ⵏ ⵓⴷⵔⵉⵣ ⵏ ⵜⵙⵔⵜⴰⵢ ⴷ ⵉⵖⴰⵡⴰⵙⵏ ⴷ ⵉⴽⵛⵓⵎⵏ ⵉⴳⴷⵓⴷⴰⵏⵏ ⴷ ⵜⵎⴽⵕⴰⴹ ⵜⴰⴳⴷⵓⴷⴰⵏⵜ ⴼ ⵜⵓⴷⵔⵜ ⵏ ⵉⵏⵎⵓⵔⴰⵏ ⴷ ⵜⵣⵣⵉⴳⵣⵜ ⵏ ⵜⵏⴰⴼⵜ ⵜⴰⴳⴷⵓⴷⴰⵏⵜ ⴷ ⵜⵏⵏⵓⴱⴹⴰ.
ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ
ⵙ ⵓⵙⴽⵔ ⵏ ⵜⵎⵙⴽⵔⵜ ⵏ ⵜⵎⵥⵍⴰⵢⵉⵏ ⵏⵏⵖ ⴳ ⵓⵣⵣⵔⴰⴼ ⴷ ⵜⵉⴹⴰⴼ ⵏ ⵜⵡⵓⵔⵉ ⵜⵓⵏⴱⵉⴹⵜ ⴷ ⵓⵙⵓⵜⴳ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ, ⵏⵣⵣⵉⴳⵣ ⴳ ⵜⵡⵓⵔⵉ ⵏⵏⵖ ⴳ ⵢⵉⴳⵔ ⵏ ⵜⵣⴷⴰⵢⵉⵏ ⵏ ⴱⵕⵕⴰ ⴷ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ, ⵏⵉⵡⵣ ⴼ ⵓⵙⴷⵓⵙ ⵏ ⵜⵣⴷⴰⵢⵉⵏ ⵜⵉⵙⵉⵏⵔⴰⵏⵉⵏ ⴰⴽⴷ ⵉⴱⵕⵍⴰⵎⴰⵏⵏ ⵉⵏⴰⵎⵓⵔⵏ ⴳ ⵎⴰⵕⵕⴰ ⵏ ⵉⵎⵏⵥⴰⵡⵏ ⴷ ⵉⵙⴰⵢⵔⴰⵔⵏ ⵉⵊⵢⵓⵙⵔⵜⴰⵏⵏ. ⵏⵣⵣⵉⴳⵣ ⵜⵉⵍⵉⵜ ⵏⵏⵖ ⴳ ⵜⵎⴰⴷⴷⴰⵙⵉⵏ ⵜⵉⴱⵕⵍⵎⴰⵏⵉⵢⵉⵏ ⵜⵉⴳⵜⵉⵔⴰⵏⵉⵏ ⵜⵉⴳⵔⴰⵖⵍⴰⵏⵉⵏ ⴷ ⵜⵎⵏⵥⴰⵡⵉⵏ ⴷ ⵜⵙⴳⴰⵡⴰⵏⵉⵏ ⴷ ⵜⵙⴳⵓⵎⴰⵏⵉⵏ, ⴳ ⴽⴽⵓⵣ ⵉⵎⵏⵥⴰⵡⵏ: ⵉⴼⵔⵉⵇⵢⴰ ⴷ ⵓⵕⵓⴱⴱⴰ ⴷ ⵎⴰⵔⵉⴽⴰⵏ ⴷ ⴰⵙⵢⴰ. ⵉⴳⴰ ⵍⵃⴰⵍ ⵜⵉⵍⵉⵜ ⵉⵣⵍⵉⵏ ⵓⵔ ⵉⵍⵉⵏ ⴰⵏⴰⵡ.
ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ
ⴳ ⵢⵉⴳⵔ ⴰⴷ, ⵙ ⵉⵙⴰⵖⵓⵍⵏ ⴷ ⵡⴰⵜⵉⴳⵏ ⴷ ⵉⵍⵓⴳⵏⵏ, ⴰⵔ ⴷ ⴳⵉⵙⵏ ⵏⵙⵙⴽⵯⵜⵉ:
- ⴰⵙⵡⵓⵔⵉ ⵙ ⵓⴼⵔⴰⴽ ⵏ ⵜⴷⵉⴱⵍⵓⵎⴰⵙⵉⵜ ⵜⴰⵏⴰⵎⵓⵔⵜ ⵍⵍⵉ ⵉⵙⴽⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⵙ ⵓⵎⵢⴰⵡⴰⵙ ⵉⵙⵎⴷⵏ ⴷ ⵜⴷⵉⴱⵍⵓⵎⴰⵙⵉⵜ ⵜⵓⵏⴱⵉⴹⵜ,
- ⵜⵉⵍⵉⵜ ⵉⵕⵡⴰⵏ ⴳ ⵓⵎⵣⴰⵖ ⵏ ⵜⵏⵓⴼⴰ ⵏⵏⵖ ⴷ ⵜⵎⵙⴰⵔⵉⵏ ⵜⵉⵏⴰⵎⵓⵔⵉⵏ ⵜⵉⵣⵡⵉⵔ ⴳⵉⵙⵏⵜ ⵜⵎⵙⴰⵔⵜ ⵏ ⵜⵢⴰⵏⵜ ⵏⵏⵖ ⵜⴰⵏⴰⴽⴰⵍⵜ, ⴷ ⵜⵅⵅⵓⵜⵔⴰ ⴳ ⵜⵙⴳⴳⵉⵡⵉⵏ ⵏⵏⵖ ⵏ ⵉⴼⴼⵓⵙ,
- ⵜⵉⴹⴰⴼ ⴳ ⵓⵙⴱⴷⴷⵉ ⵏ ⵜⵉⵔⵎⵉⵜⵉⵏ ⵏ ⵡⴰⵄⴷⵉⵡⵏ ⴳ ⵓⵙⵔⵡⵉ ⴷ ⵜⴽⵔⴽⴰⵙ ⵅⴼ ⵜⵎⵙⴰⵔⵉⵏ ⵏ ⵜⵅⵅⵓⵜⵔⴰ, ⵙ ⵡⴰⵍⵍⴰⵙⵏ ⴳ ⵍⵍⴰⵏⵜ ⵜⵣⴳⴰⵍ ⴱⵕⵕⴰ ⵏ ⵓⵎⵏⴰⴹ ⴳⴰⵏⵉⵏ ⵎⴳⴰⵍ ⵏ ⵓⵎⵣⵔⵓⵢ ⴷ ⵜⵊⵢⵓⵖⵔⴰⴼⵉⵜ,
- ⴰⵙⵎⵔⵙⵍ ⴰⵣⵔⴼⴰⵏ ⵏ ⵓⵎⵢⴰⵡⴰⵙ ⵏⵏⵖ ⴰⵙⵉⵏⵔⴰⵏ ⵃⵎⴰ ⴰⴷ ⵏⵙⴽⵔ ⴰⵙⴳⵓⴷⵉ ⵓⵛⵛⵉⵍ ⴳ ⵜⵣⴷⴰⵢⵉⵏ ⵏⵏⵖ ⵜⵉⴱⵕⵍⴰⵎⴰⵏⵉⵢⵉⵏ;
- ⵉⵡⵉⵣ ⴼ ⵓⵙⵏⴼⵍ ⴷ ⵓⵎⵙⴰⵡⴰⵍ ⴰⵙⴳⵓⵎⴰⵏ ⵙ ⵉⵖⴰⵡⴰⵙⵏ ⵏ ⵓⵎⵢⴰⵡⴰⵙ ⴰⴳⵔⴰⵖⵍⴰⵏ ⴷ ⵜⵎⴷⵔⴰⵡⵜ ⵉ ⵜⵉⵍⵉⵜ ⵏⵏⵖ ⴷ ⵓⵙⴽⵔ ⵏ ⵜⵣⴷⴰⵢⵉⵏ ⴰⴽⴷ ⴽⵉⴳⴰⵏ ⵏ ⵉⴱⵕⵍⴰⵎⴰⵏⵏ ⴷ ⵜⵎⵔⵙⴰⵍⵉⵏ ⵜⵉⴱⵕⵍⴰⵎⴰⵏⵉⵢⵉⵏ, ⴷ ⵓⵙⵔⵅⵓ ⵏ ⵜⵙⵓⵍⴰⵏⵜ ⵏ ⵓⵎⵢⴰⵡⴰⵙ ⴷ ⵓⵚⴽⵓ ⵏ ⵜⵎⵢⵉⵎⴰⵏⵜ ⴷ ⵓⵙⵎⵏⵉⴷ ⵏ ⵡⴰⵏⴰⵡ ⵏⵏⵖ ⴰⵎⵔⵙⵍⴰⵏ ⴳ ⵜⴷⵉⵎⵓⵇⵔⴰⵟⵉⵜ ⵜⴰⴳⵯⵏⵙⴰⵏⵜ ⴷ ⵜⵎⴰⴷⵔⴰⵡⵜ ⵉ ⵉⵎⴷⵔⴰⵡⵏ;
ⵙ ⵓⵙⴷⴷⵉⴷ, ⵉⵜⵜⵓⵙⴽⴰⵔ ⵎⴰ ⴰⵏⵏ ⵙ ⵓⴷⵖⴰⵔ ⴰⵊⵢⵓⴰⵙⵔⵜⴰⵏ ⴷ ⵓⵙⵓⵜⴳ ⵍⵍⵉ ⵟⵟⴰⴼ ⵜⵎⴰⵣⵉⵔ ⵜⵏⵏⵖ ⵙ ⵉⵎⵓⴽⵏⵏ ⵍⵍⵉ ⵜⵙⵖⵣⵏ ⵜⵎⴰⵣⵉⵔⵜ ⵏⵏⵖ ⴷ ⵜⵉⵏⵡⵉⵜ ⵏⵏⵙ ⵜⴰⴷⵉⵎⵓⵇⵔⴰⵟⵉⵜ ⵎⴽ ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ.
ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ,
ⵉ ⵓⵙⵎⴰⵇⵇⵍ ⵉⴼⴰⵡⵏ ⴷ ⵜⵎⵓⵛⴰ ⵙⵇⵇⵉⵇⵏⵉⵏ ⴷ ⵓⵙⵏⴰⵍ ⵏ ⵜⵡⵓⵔⵉⵡⵉⵏ ⵏⵏⵖ, ⵏⵉⵡⵣ ⵏ ⵓⵙⵉⵔⴰ ⵏ ⵓⵙⵇⵇⵉⵎ ⴰⴽⴷ ⵉⵏⵙⵙⵉⵅⴼⵏ ⵏ ⵜⵔⵓⴱⴱⴰ ⴷ ⵜⴳⵔⵓⵎⵎⴰ ⵜⵉⴱⵕⵍⴰⵎⴰⵏⵉⵢⵉⵏ ⴼ ⵓⵙⴽⵔ ⵏ ⵜⵔⵓⴱⴱⴰ ⵏ ⵜⵡⵓⵔⵉ ⵙ ⵓⵎⵙⴰⵙⴰ ⴷ ⵓⵏⴳⵔⴰⵡ ⴰⴳⵯⵏⵙⴰⵏ ⵏ ⵓⵙⵇⵇⵉⵎ. ⵉⴳⴰ ⵍⵃⴰⵍ ⵜⴰⵔⴰⴱⴱⵓⵜ ⵏ ⵜⵡⵓⵔⵉ ⵜⴰⵙⴳⵓⵎⴰⵏⵜ ⴼ ⵢⵉⵙⴽⵉⵍ ⴷ ⵓⵙⴰⵎⵓ, ⵜⴰⵔⴰⴱⴱⵓⵜ ⵏ ⵜⵡⵓⵔⵉ ⵉⵜⵜⵓⵙⵎⴰⴳⴰⵍⵏ ⵙ ⵜⵖⴰⵡⵙⵉⵡⵉⵏ ⵏ ⵉⴼⵔⵉⵇⵢⴰ, ⵜⴰⵔⴰⴱⴱⵓⵜ ⵏ ⵜⵡⵓⵔⵉ ⴼ ⵜⵖⵉⵙⵜ ⵜⴰⵎⴳⵓⵔⴰⵏⵜ, ⵜⴰⵔⴰⴱⴱⵓⵔ ⵏ ⵜⵡⵓⵔⵉ ⵉⵜⵜⵓⵙⵎⴰⴳⴰⵍⵏ ⵏ ⵓⵙⵎⵓⵜⵜⵉ ⴰⵥⴹⴰⵕⴰⵏ. ⵓⵔ ⵙⵖⴰⵡⴰⵙⴰⵖ ⴰⴷ ⴰⵡⵏ ⵉⵏⵉⵅ ⴰⵜⵉⴳ ⵏ ⵉⵎⵕⵚⵉⵡⵏ ⵏ ⵢⵜⵓⴱⴱⴰ ⴰⴷ ⵜⵉⵙⴳⵓⵎⴰⵏⵉⵏ ⴷ ⵜⵖⵔⵉ ⴷ ⵓⵙⵎⵓⵏ ⵏ ⵜⵎⵓⵛⴰ ⴳ ⵓⵎⵏⴰⴹ ⴰⵏⴰⵎⵓⵔ ⴷ ⵓⵙⴳⴰⵡⴰⵏ ⴷ ⵓⵎⵏⵥⴰⵡ ⴷ ⵓⴳⵔⴰⵖⵍⴰⵏ, ⵏ ⵖⵉⵍⴰⴷ ⴷⵉⵎⴰⵍ, ⵎⵏⵉⴷ ⵏ ⵜⵏⴰⵥⴰⵕⵉⵏ ⵏ ⵜⵎⴰⵣⵉⵔⵜ ⵏⵏⵖ ⴳ ⵜⵎⵙⴰⵔⵉⵏ ⴰⴷ, ⴷ ⵓⵙⵎⵏⵉⴷ ⵏ ⵜⵙⵓⵎⴰⵔ ⴷ ⵉⵙⵡⵉⵏⴳⵉⵎⵏ ⵍⵍⵉ ⵏⵔⴰ ⴰⴷ ⴰⵡⵙⵏ ⵉ ⵙⵇⵇⵉⵎ ⴳ ⵓⵙⵖⵓⴷⵓ ⵏ ⵜⵎⵙⴽⵔ ⵜⵏⵏⵙ, ⵏⵜⵜⴰⵏ ⵍⵍⵉ ⵉⵙⴽⴰⵔⵏ ⴰⵣⵣⵔⴰⴼ ⵉⴹⵓⴼ ⵜⴰⵡⵓⵔⵉ ⵏ ⵜⵏⴱⴰⴹⵟ ⵉⵙⵓⵜⴳ ⵜⵉⵙⵔⵜⴰⵢ ⴷ ⵉⵖⴰⵡⵙⵏ ⵉⴳⴷⵓⴷⴰⵏⵏ.
ⵜⵉⵏⴳⴳⵯ ⴷ ⵉⵏⴳⴳⵯⴰ,
ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ,
ⵎⴰⴰⵏⵏⵉⵣⵡⵉⵍⵏⴷⵓⵙⵎⴰⵇⵇⵍⴰⵎⴰⵜⴰⵢⴼⵏⵙⴽⵔⴳⵜⵙⵓⵜⵍⵜⴰⴷⵜⴰⵣⵣⵔⴰⴼⵜ, ⵜⵉⵎⵙⴽⵔⵜⵉⴳⴰⵏⵜⴰⵎⴳⵔⵓⵜⵏⵜⵓⵣⵍⵜⵓⵍⴰⵜⵓⴳⵜ, ⵜⵜⵓⵙⴽⴰⵔⵙⵓⵎⵢⴰⵡⴰⴷⵓⵏⵢⴰⵍⴽⴰⵎⵏⵊⴰⵔⵓⵙⵇⵇⵉⵎⴷⵜⵏⴱⴰⴹⵜⵍⵍⵉⵏⵙⵉⵎⵎⵉⵔⵖⴼⵓⵎⵢⴰⵡⴰⵙⵏⵏⵙⴷⵓⵏⵢⴰⵍⴽⴰⵎⵏⵏⵙ, ⵙⵓⵜⴳⵜⵉⵍⴰⵍⵜⵜⴰⴷⵙⵜⴰⵔⵜⵏⵜⵓⵣⵍⵜⵜⴰⴱⵕⵍⴰⵎⴰⵏⵉⵜⴷⵜⵓⴳⵜⴳⵓⵙⴱⵓⵖⵍⵓⵏⵓⵎⴹⴰⴽⴰⵕⴷⵓⵏⵢⴰⵍⴽⴰⵎⴰⴽⴷⵜⵉⵎⵙⴰⵔⵉⵏⵏⵡⴰⵎⵓⵏ, ⵏⵏⵓⵏⵔⵣⵖⴰⵙⴷⵓⵙⵏⵜⴷⵉⵏⴰⵎⵉⵜⴰⴷⴳⵓⴼⴰⵔⵙⵃⵎⴰⴰⴷⵜⵙⴽⵔⵜⵎⵔⵙⵍⵜⵜⵉⵎⵥⵍⴰⵢⵉⵏⵏⵙⵜⵙⴽⵔⵜⵉⵡⵓⵔⵉⵡⵉⵏⵏⵏⵙ , ⴳⵓⵙⴽⵔⵏⵜⵣⵣⵉⴳⵣⵜⵏⵜⵎⴰⵣⵉⵔⵜⵏⵏⵖⴷⵓⵙⵎⵖⵔⵏⵏⵙⵙⵜⵏⴰⵔⴰⵏⴱⴰⴱⵏⵡⴰⴷⴷⵓⵔⴰⴳⵍⵍⵉⴷⵎⵓⵃⴰⵎⵎⴰⴷⵡⵉⵙⵚⴹⵉⵚⴰⴷⵜⵉⵏⵚⵕⵕⴱⴱⵉ
ⵜⴰⵏⵎⵎⵉⵔⵜ ⴼ ⵓⵙⵙⴼⵍⴷ ⵏⵏⵓⵏ.