ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2021-2026:
ⴰⵎⴹⴰⴽⴰⵕ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⵏ ⵙⴰⵍⴼⴰⴹⵓⵕ...ⴰⵙⴷⴷⵉⴷ ⴼ ⵓⵙⵏⴼⵍ ⵏ ⵜⵎⵓⵣⴰⵢⵉⵏ ⴷ ⵜⵉⵔⵎⵉⵜⵉⵏ ⴷ ⵜⵙⵓⵍⴰⵏⵜ ⵏ ⵓⵎⵢⴰⵡⴰⴹ ⴷ ⵓⵎⵛⴰⵡⴰⵕ ⴷ ⵓⵣⴷⴰⵢ ⴰⴱⵕⵍⴰⵎⴰⵏⵉ ⵉ ⵚⴰⵃⴰ ⵏ ⵜⵏⵓⴼⴰ ⵛⵛⴰⵔⵏⵉⵏ ⵏ ⵙⵏⴰⵜ ⵜⵎⵉⵣⴰⵔ
ⵉⵙⵏⵓⴱⴳ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵢⵏⴰⵙ 22 ⵢⵓⵍⵢⵓⵣ 2024 ⴳ ⵓⵙⵖⵉⵎ ⵏ ⵓⵙⵇⵇⵉⵎ ⴳ ⵕⵕⴱⴰⵟ, ⴰⴽⴰⴱⴰⵕ ⴰⴱⵕⵍⴰⵎⴰⵏⵉ ⵙⴳ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵜⴳⴷⵓⴷⴰⵏ ⵏ ⵙⴰⵍⴼⴰⴹⵓⵕ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⴽⴰⵕⵍⵓⵚ ⵔⵉⵏⵉ ⵀⵉⵔⵏⴰⵏⴷⵉⵣ ⴽⴰⵙⵜⵉⵍⵍⵓ, ⵙ ⵜⵎⵍⴷⴰ ⵏ ⵓⵔⵣⴰⴼ ⵏ ⵜⵡⵓⵔⵉ ⵉ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ 21 ⴰⵔ 28 ⵢⵓⵍⵢⵓⵣ.
ⵢⵓⵎⴰ ⵓⴽⴰⴱⴰⵕ ⴰⴷ ⵏ ⵙⴰⵍⴼⴰⴹⵓⵕ ⵎⴰⵙⵙ ⴷⴰⵏⵢⵉⵍ ⵊⴰⵡⴽⵉⵏ ⴰⵏⴳⵓⵉⵍⵍⵄⵏ ⵎⴰⵕⴽⵉⵣ, ⵎⴰⵙⵙⴰ ⵊⵓⵀⴰⵏⴰ ⵎⵉⵛⵉⵍ ⴰⵏⴰⵢⴰ ⴷⵉ ⵎⵓⵔⵉⵍⵍⵓ ⴷ ⵎⴰⵙⵙⵙⴰ ⵙⵉⵙⵉⵍⵢⴰ ⴳⵡⴰⴷⴰⵍⵓⴱⴱⵉ ⵔⵉⵖⵉⵔⴰ ⵎⵉⵏⴷⵉⵣ. ⵔⴰⴷ ⵢⵉⵍⵉ ⵓⵎⴹⴰⴽⴰⵕ ⴷ ⴽⵉⴳⴰⵏ ⵏ ⵉⵎⵙⵜⴳⴳⴰⵔⵏ ⴷ ⵔⴰⴷ ⵉⵙⴽⵔ ⵉⵔⵣⴰⴼⵏ ⵉ ⵉⵙⴰⵡⵓⵔⵏ ⵉⵅⴰⵜⴰⵔⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⵙ ⵜⵏⴰⵔⴰ ⵜⵓⵏⵥⵉⵥⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⴰⵢⵍⵍⵉⵖ ⵉⴳⴰ ⵍⵎⵖⵔⵉⴱ ⴰⵎⵣⵡⴰⵔⵓ ⴳ ⴽⵉⴳⴰⵏ ⵏ ⵉⴳⵔⴰⵏ.
ⵃⴰⴹⵔⵏ ⴳ ⵓⵙⵏⵓⴱⴳ ⴰⴷ ⵎⴰⵙⵙ ⴰⵎⴰⵔⵉ ⵄⴰⴱⴷ ⵍⴼⴰⵜⵜⴰⵃ ⵍⵄⴰⵡⵏⵉ ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵜⴰⴱⵕⵍⴰⵎⴰⵏⵉⵜ ⵍⵎⵖⵔⵉⴱ-ⵙⴰⵍⴼⴰⴹⵓⵕ ⴷ ⵎⴰⵙⵙ ⵓⴳⵏⴰⵚⵢⵓ ⴽⵓⵙⵉⵢⵢⵓ ⴱⵉⵔⵉⵣ ⴷⵉ ⵎⵉⵏⴷⵓⵥⴰ ⴰⵎⵙⵇⵇⴰⴷ ⵏ ⵙⴰⵍⴼⴰⴹⵓⵕ ⴳ ⵕⵕⴱⴰⵟ, ⴳ ⵉⵎⴹⴰⴽⴰⵕ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴼ ⵜⵉⵔⵎⵉⵜⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⴳ ⵙⵏⴰⵜ ⵜⵎⵉⵣⴰⵔ, ⴷ ⵓⵙⴷⴷⵉⴷ ⴼ ⵡⴰⵜⵉⴳ ⵏ ⵉⵔⵣⴰⴼⵏ ⴰⴷ ⴳ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⴰⴳⵜⵉⵔⴰⵏ ⴷ ⵜⵙⵓⵍⴰⵏⵜ ⵏ ⵓⵎⵢⴰⵡⴰⴹ ⴷ ⵓⴷⵔⴰⵡ ⵏ ⵜⵎⵓⵣⴰⵢⵉⵏ ⴷ ⵜⵉⵔⵎⵉⵜⵉⵏ ⴷ ⵓⵣⴷⴰⵢ ⴳ ⵉⵏⵎⵓⵇⵇⴰⵔⵏ ⵉⴳⵜⴰⵖⵍⴰⵏⵏ ⵉ ⵜⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⵉⵛⵛⴰⵔⵏ ⵉ ⵚⴰⵃⴰ ⵏ ⵍⵎⵖⵔⵉⴱ ⴷ ⵙⴰⵍⴼⴰⴹⵓⵕ.
ⴳ ⵓⵏⵎⵓⵇⵇⴰⵔ ⴰⴷ, ⵉⵍⵍⴰ ⵓⵎⴹⴰⴽⴰⵕ ⴼ ⵓⵙⴷⵓⵙ ⵏ ⵜⵣⴷⴰⵢⵉⵏ ⵊⴰⵔ ⵙⵏⴰⵜ ⵎⵉⵣⴰⵔ ⴱⴷⴷⵏⵉⵏ ⴼ ⵓⵡⵇⵇⵔ ⵉⵜⵜⵓⵙⵏⴼⴰⵍⵏ ⴷ ⵓⵎⵣⴰⵖ ⵏ ⵓⴼⵔⴰ ⴷ ⵜⵏⴼⵔⵓⵜ ⵉⴳⵔⴰⵖⵍⴰⵏⵏ ⴷ ⵜⵡⵓⵔⵉ ⵉⵛⵛⴰⵔⵏ ⵉ ⵜⴳⵎⵉ ⴷ ⵓⴱⵓⵖⵍⵓ ⴰⵏⴼⴳⴰⵏ.
ⵉⵎⴹⴰⴽⴰⵕⵏ ⵏ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴷ ⵓⴽⴰⴱⴰⵕ ⵏ ⵜⵎⵙⵎⵓⵏⵜ ⵜⴰⵣⵣⵔⴰⴼⵜ ⵏ ⵙⴰⵍⴼⴰⴹⵓⵕ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⴽⴰⵕⵍⵓⵚ ⵔⵉⵏⵉ ⵀⵉⵔⵏⴰⵏⴷⵉⵣ ⴽⴰⵙⵜⵉⵍⵍⵓ, ⵜⴰⵎⵍⴷⴰ ⵏ ⵓⵎⵛⴰⵡⴰⵕ ⴷ ⵓⵙⵏⴼⵍ ⵏ ⵜⴰⵏⵏⴰⵢⵢⵉⵏ ⵅⴼ ⵜⵉⵎⵙⴰⵔⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵛⵛⴰⵔⵏⵉⵏ ⴰⵎ ⴰⵣⵡⴰⴳ ⴷ ⵜⵏⴼⵔⵓⵜ ⵏ ⵓⵜⵛⵓ ⴷ ⵜⵥⴹⴰⵕⵜ ⴷ ⵓⵙⵙⴰⵔⵓ ⴷ ⵜⴷⵎⵙⴰ ⵜⴰⵣⴳⵣⴰⵡⵜ ⵜⴰⵣⴳⵣⴰⵡⵜ ⴷ ⵓⵙⴳⵎⵉ ⴷ ⵜⴷⵓⵙⵉ ⴷ ⵓⵙⵎⵓⵜⵜⵉ ⴰⵎⵓⵟⵟⵓⵏ.