ⵍⵇⴰⵀⵉⵕⴰ: ⵉⴷⵔⵓ ⵓⴱⵕⵍⴰⵎⴰⵏ ⴰⵄⵕⴰⴱ ⴳ ⵜⵙⵓⵜⵍⵜ ⵜⵉⵙ ⴽⴽⵓⵥⵟ ⵏ ⵓⵎⵏⵏⵉ ⴰⵣⵣⵔⴰⴼ ⵜⵉⵙ ⴽⵕⴰⴹⵟ ⵏ ⵓⴱⵕⵍⴰⵎⴰⵏ ⴰⵄⵕⴰⴱ
ⵉⴷⵔⵓ ⵓⴽⴰⴱⵕ ⵏ ⵓⴱⵕⵍⴰⵎⴰⵏ ⴰⵄⵕⴰⴱ ⴳ ⵜⵙⵓⵜⵍⵜ ⵜⵉⵙ ⴽⴽⵓⵥⵜ ⵏ ⵓⵎⵏⵏⵉ ⴰⵣⵣⵔⴰⴼ ⵡⵉⵙ ⴽⵕⴰⴹ ⵏ ⵓⴱⵕⵍⴰⵎⴰⵏ ⴰⵄⵕⴰⴱ ⴳ ⵍⵇⴰⵀⵉⵕⴰ ⴳ ⵎⵉⵚⵕⴰ ⴳⵔ 11 ⴰⵔ 13 ⵢⵓⵍⵢⵓⵣ 2024.
ⵢⵓⵎⴰ ⵓⴽⴱⴰⵔ ⴰⴱⵕⵍⴰⵎⴰⵏⵉ :
-
ⵎⴰⵙⵙ ⵎⵓⵃⴰⵎⵎⴰⴷ ⵄⵉⵢⵢⴰⵛ, ⵙⴳ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ;
-
ⵎⴰⵙⵙⴰ ⵅⴰⴷⵉⵊⴰ ⵃⵊⵓⴱⵉ, ⵙⴳ ⵜⵥⵓⵕⵜ ⴷ ⵜⵎⴰⵜⵔⴰⵔⵜ,
-
ⵎⴰⵙⵙ ⵎⵓⵃⴰⵎⵎⴰⴷ ⵍⵃⵎⵓⵛ, ⵙⴳ ⵜⵔⴰⴱⴱⵓⵜ ⵜⴰⵃⴰⵔⴰⴽⵉ;
-
ⵎⴰⵙⵙ ⵎⵓⵃⴰⵎⵎⴰⴷ ⵍⴱⴽⴽⵓⵕⵉ, ⵙⴳ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ, ⴰⵙⵇⵇⵉⵎ ⵏ ⵉⵎⵛⵛⵉⵡⴰⵕ.
ⵉⴷⵔⵓ ⵓⴽⴰⴱⴰⵕ ⴳ ⵓⵎⴹⴰⴽⴰⵕ ⵏ ⵉⵎⵕⵚⵉⵡⵏ ⵙⵜⴰⵡⵀⵀⵎⵎⴰⵏⵉⵏ ⴰⵎ ⵉⵙⵓⵔⵙⵏ ⴳ ⵜⵙⴳⴰ ⵜⴰⵄⵕⴰⴱⵜ ⴷ ⵓⵎⴹⴰⴽⴰⵕ ⵏ ⵉⵙⵍⴳⵏⵏ , ⵜⴷⵔⵓ ⵎⴰⵙⵙⴰ ⵃⵊⵊⵓⴱⵉ ⵜⴰⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵏ ⵜⵖⴰⵡⵉⵙⵉⵡⵉⵏ ⵜⵉⵏⴰⵎⵓⵏⵉⵏ ⴷ ⵜⵙⴳⵎⴰⵏⵉⵏ ⴷ ⵜⴷⵍⵙⴰⵏⵉⵏ ⴷ ⵜⵎⵖⴰⵔⵜ ⴷ ⵉⵄⵔⵔⵉⵎⵏ ⴼ ⵓⵙⵖⵍⴼ ⵉⵥⵍⵉⵏ ⵙ ⵓⵙⵎⵖⵔ ⵏ ⵓⵙⵙⵍⵎⴷ ⴳ ⵓⵎⴰⴹⴰⵍⴰ ⴰⵄⵕⴰⴱ ⵍⵍⵉ ⵉⵍⵍⴰⵏ ⴳ ⵜⴳⵍⴷⵉⵜ ⵏ ⵍⴱⴰⵃⵕⴰⵢⵏ, ⴷ ⵓⵏⵇⵇⵉⵙ ⵉⵥⵍⵉⵏ ⵙ ⵓⵙⵎⴰⵇⵇⵍ ⴰⴱⵕⵍⴰⵎⴰⵏⵉ ⵅⴼ ⵉⴷⵔⵉⵣⵏ ⴰⵄⵕⴰⴱⵏ ⵜⵜⵓⵅⵔⵔⴰⴱⵏⵉⵏ ⵏⵖ ⵜⵢⴰⴽⴰⵔⵏ ⵏⵏ ⵜⵜⵓⵙⵀⵔⴰⵛⵏ, ⴷ ⵓⵕⵥⵥⵓⵎ ⵏ ⵜⴻⵜⴳⴰⵔⵜ ⵜⴰⴱⵕⵍⴰⵎⴰⵏⵉⵜ ⵉ ⵜⵎⵖⴰⵔⵜ ⵜⴰⵄⵕⴰⴱⵜ, ⴷ ⵓⵙⵏⵎⴰⵍⴰ ⵏ ⵜⵉⵏⴰⵡⵜ ⴼ ⵓⴼⵔⴰⴳ ⵏ ⵡⴰⵜⵉⴳⵏ ⴳ ⵓⵎⴰⴹⴰⵍ ⴰⵄⵕⴰⴱ, ⴷ ⵓⵙⵓⵊⴷ ⵏ ⵓⵏⵇⵇⵉⵙ ⴼ ⵡⴰⴷⴷⴰⴷ ⴰⵏⴰⵎⵓⵏ ⴳ ⵓⵎⴰⴹⴰⵍⴰ ⴰⴷ ⴳ 2023.
ⵉⴷⵔⵓ ⵎⴰⵙⵙ ⵎⵓⵃⴰⵎⵎⴰⴷ ⵍⵃⵎⵓⵛ, ⴳ ⵜⵙⵎⵓⵏⵉ ⵏ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵜⵙⵔⵜⴰⵏⵉⵏ ⴷ ⵜⵏⴼⵔⵓⵜ ⵜⴰⵏⴰⵎⵓⵔⵜ ⴼ ⵉⵙⵓⵔⵙ ⵏ ⵜⵙⵔⵜⵉⵜ ⴷ ⵜⵏⴼⵔⵓⵜ ⴳ ⵓⵎⴰⴹⴰⵍ ⴰⵄⵕⴰⴱ, ⴷ ⵜⵏⴰⵥⴰⵕⵉⵏ ⴷⴰⵜ ⵏ ⵜⵙⴳⴰ ⵜⴰⵄⵕⴰⴱⵜ, ⵉⵍⵍⴰ ⵓⵍⴰ ⵓⵎⴹⴰⴽⴰⵕ ⵏ ⵓⵏⵇⵇⵉⵙ ⴼ ⵓⵙⵎⴰⵇⵇ ⴰⵄⵕⴰⴱ ⵉ ⵓⵙⴷⵓⵙ ⵏ ⵜⵏⴼⵔⵓⵜ ⴷ ⵓⵔⴳⴳⵉⴳ ⴳ ⵓⵎⴰⴹⴰⵍ ⴰⵄⵕⴰⴱ, ⴷ ⵓⵖⴰⵡⴰⵙ ⴰⴱⵕⵍⴰⵎⴰⵏⵉ ⵉ ⵓⵙⴱⴷⴷⵉ ⵏ ⵓⵎⵓⴷⴷⵓ ⵏ ⵉⵖⵡⵡⴰⵖⵏ ⵊⴰⵔ ⵜⵎⵉⵣⴰⵔ ⵏ ⵡⴰⵄⵕⴰⴱⵏ, ⴷ ⵜⵉⵍⴰⵍⵜ ⵏ ⵓⴱⵕⵍⴰⵎⴰⵏ ⴰⵄⵕⴰⴱ ⵎⵏⵉⴷ ⵏ ⵜⵏⴰⵥⴰⵕⵉⵏ ⴰⴷ.
ⵉⴷⵔⵓ ⵎⴰⵙⵙ ⵎⵓⵃⴰⵎⵎⴰⴷ ⵄⵉⵢⵢⴰⵛ ⴳ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵜⵉⵣⵣⵔⴰⴼⵉⵏ ⴷ ⵜⵣⵔⴼⴰⵏⵉⵏ ⴷ ⵉⵣⵔⴼⴰⵏ ⵏ ⵓⴼⴳⴰⵏ, ⵉⵍⵍⴰ ⵓⵎⴹⴰⴽⴰⵕ ⵏ ⵓⵙⵏⴼⴰⵔ ⵏ ⵓⵙⵍⴳⵏ ⵉ ⵓⵙⴱⴷⴷⵉ ⵏ ⵓⵣⵡⴰⴳ ⴰⵔⴰⵓⵍⴳⵉⵏ ⴳ ⵓⵎⴰⴹⴰⵍ ⴰⵄⵕⴰⴱ ⴷ ⵓⵙⵏⴼⴰⵔ ⴼ ⵓⵙⴱⴷⴷⵉ ⵏ ⵜⵉⵀⵔⵜ.
ⵜⵎⴹⴰⴽⴰⵕ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵜⵉⴷⵎⵙⴰⵏⵉⵏ ⴷ ⵜⵥⵕⴼⴰⵏⵉⵏ ⴼ ⵜⵙⵜⵔⴰⵜⵉⵊⵉⵜ ⵜⴰⵄⵕⴰⴱⵜ ⵏ ⵜⵣⵡⵉⵔⵉ ⵏ ⵜⵡⵓⵔⵉⵡⵉⵏ ⴷ ⵓⵏⵇⵇⵉⵙ ⴼ ⵜⵉⵍⴰⵍⵜ ⵏ ⵜⵙⵇⵇⵉⵎⵜ ⴳ ⵜⵙⵓⵜⵍⵜ ⵜⵉⵙ ⴽⴽⵓⵥⵟ ⵏ ⵓⵎⵏⵏⵉ ⴰⵣⵣⵔⴰⴼ ⵡⵉⵙ ⴽⵕⴰⴹ ⵏ ⵓⴱⵕⵍⴰⵎⴰⵏ ⴰⵄⵕⴰⴱ.
ⵔⴰⴷ ⵜⵜⵓⵙⵎⵉⴷ ⵜⵙⵓⵜⵍⵜ ⴰⴷ ⵙ ⵜⵖⵉⵎⵉⵜ ⵜⵉⵙ ⵙⵎⵎⵓⵙⵜ, ⵙ ⵓⵙⵎⵏⵉⴷ ⵏ ⵓⵏⵇⵇⵉⵙ ⵏ ⴼⴰⵍⵉⵙⵟⵉⵏ ⴷ ⵓⵏⵇⵇⵉⵙ ⵏ ⵜⵙⵇⵇⵉⵎⵜ ⵉⵛⵛⴰⵔⵏ ⴼ ⵓⵙⵎⵖⵔ ⵏ ⵜⵡⵓⵔⵉ ⵜⴰⵄⵕⴰⴱⵜ ⴷ ⵓⵎⴹⴰⴽⴰⵕ ⵏ ⵉⵏⵇⵇⵉⵙⵏ ⵏ ⵜⵙⵇⵇⵉⵎⵉⵏ.
ⴰⵔ ⵜⵎⵎⴰⵍ ⵜⵉⵍⵉⵜ ⵏ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⴰⵎⵖⵔⵉⴱⵉ ⴼ ⵓⵙⴷⵓⵙ ⵏ ⵓⵎⵢⴰⵡⴰ ⴷ ⵜⵡⵉⵣⵉ ⵜⴰⵄⵕⴰⴱⵜ ⴷ ⵜⵡⵉⵣⵉ ⴳ ⵓⵙⵎⵖⵔ ⵏ ⵉⵙⵓⵔⵙⵏ ⵏ ⵜⵎⵜⵜⵉ ⵜⴰⵄⵕⴰⴱⵜ.