ⵜⴰⴳⵓⵔⵉ ⵏ ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⵙⵓⵜⵍⵜ ⵜⵉⵙ ⵙⵏⴰⵜ ⵏ ⵓⵏⵎⵓⵇⵇⴰⵔ ⴰⴱⵕⵍⴰⵎⴰⵏⵉ ⴰⴷⵎⵙⴰⵏ ⵏ ⵡⴰⵎⵓⵔ ⵏ ⵡⴽⵓⵛ ⵏ ⵜⵙⴳⴰ ⵓⵕⵓⵜⴰⵏⴰⵎⵎⴰⵙⵜ ⴷ ⵍⵅⴰⵍⵉⵊ

ⵉⵙⵎⵏⵉⴷ ⵎⴰⵙⵙ ⵎⵓⵃⴰⵎⵎⴰⴷ ⵚⵚⴱⴱⴰⵕⵉ, ⴰⵎⴰⵔⵉ ⴰⵎⵣⵡⴰⵔⵓ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⴽⵡⴰⵙ 11 ⵢⵓⵍⵢⵓⵣ 2024 ⴳ ⵡⴰⵎⵓⵔ ⵏ ⵡⴰⴽⵓⵛ, ⵜⴰⴳⵓⵔⵉ ⵙ ⵉⵙⵎ ⵏ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴳ ⵜⵖⵉⵎⵉⵜ ⵏ ⵓⵏⵏⵓⵕⵥⵎ ⵏ ⵜⵓⵏⵖⵉⵍⵜ ⵜⵉⵙ ⵙⵏⴰⵜ ⵏ ⵓⵏⵎⵓⵇⵇⴰⵔ ⴰⴱⵕⵍⴰⵎⴰⵏⵉ ⴰⴷⵎⵙⴰⵏ ⵏ ⵡⴰⵎⵓⵔ ⵏ ⵡⴰⴽⵓⵛ ⵉ ⵜⵙⴳⴰ ⵓⵕⵓⵜⴰⵏⴰⵎⵎⴰⵙⵜ ⴷ ⵍⵅⴰⵍⵉⵊ, ⵉⵜⵜⵓⵙⵏⵎⴰⵍⴰⵏ ⴷⴷⴰⵡ ⵏ ⵉⵡⵉⵣ ⴰⵎⴰⵜⵜⵓⵢ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⵍⵍⵉ ⵉⵙⵏⵎⴰⵍⴰ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⴷ ⵓⴱⵕⵍⴰⵎⴰⵏ ⵏ ⵢⵉⵍ ⵓⵎⵍⵉⵍ ⴰⵏⴰⵎⵎⴰⵙ ⵓⵙⵙⴰⵏ ⵏ 11 ⴷ 12 2024, ⴳ ⵜⵖⵔⵎⵜ ⵏ ⵡⴰⵎⵓⵔ ⵏ ⵡⴰⴽⵓⵛ. 

ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ, ⴰⵏⵙⵙⵉⵅⴼ ⵏ ⵓⴱⵕⵍⴰⵎⴰⵏ ⵏ ⵢⵉⵍ ⵓⵎⵍⵉⵍ ⴰⵏⴰⵎⵎⴰⵙ, ⵎⴰⵙⵙ ⵏⵏⵄⵎⴰ ⵎⵉⵢⵢⴰⵕⴰ;

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⵏⵙⵙⵉⵅⴼⵏ ⵏ ⵉⵙⵇⵇⵉⵎⵏ ⵉⵣⵣⵔⴰⴼⵏ ⴷ ⵜⵎⴰⴷⴷⴰⵙⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵜⵉⴳⵜⵉⵔⴰⵏⵉⵏ;

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⵎⴰⵙⴰⵢⵏ ⵏ ⵜⵎⵔⵙⴰⵍ ⵜⵉⴳⵔⴰⵖⵍⴰⵏⵉⵏ ⴷ ⵜⵎⵏⴹⴰⵡⵢⵉⵏ;

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ.

ⵎⵎⵔⵖ ⵙ ⵉⵙⵎ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ⴰⴷ ⴷⵉⴷⵓⵏ ⴷⵔⵓⵖ ⴰⵏⵏⵓⵕⵥⵎ ⵏ ⵜⵙⵓⵜⵍⵜ ⵜⵉⵙ ⵙⵏⴰⵜ ⵏ ⵓⵏⵎⵓⵇⵇⴰⵔ ⴰⴱⵕⵍⴰⵎⴰⵏⵉ ⴰⴷⵎⵙⴰⵏ ⵏ ⵜⵙⴳⴰ ⵓⵕⵓⵜⴰⵏⴰⵎⵎⴰⵙⵜ ⴷ ⵍⵅⴰⵍⵉⵊ, ⴷⴰ ⵙⵏⵉⵎⵎⵉⵔⵖ ⴳⵯⵎⴰ ⵏⵏⵄⵎⴰ ⵎⵉⵢⵢⴰⵕⴰ ⴼ ⵜⵖⵓⵔⵉ ⵏⵏⵙ ⵉ ⵓⵙⵇⵇⵉⵎ ⵏ ⵉⵎⵓⵔⴰ ⵃⵎⴰ ⴰⴷ ⵉⴷⵔⵓ ⴳ ⵜⵙⵓⵜⵍⵜ ⴰⴷ ⵍⵍⵉ ⵔⴰⴷ ⵉⴳ ⴰⵙⴰⵜⵉ ⵏ ⵓⵎⴹⴰⴽⴰⵕ ⵉⴱⵓⵖⵍⴰⵏ ⵅⴼ ⵜⵎⵙⴰⵔⵉⵏ ⵜⵉⵅⴰⵜⴰⵔⵉⵏ ⵏ ⵖⵉⵍⴰⴷ ⴳ ⵓⵎⵏⴰⴹ ⴰⴳⵔⴰⵖⵍⴰⵏ ⵏ ⵖⵉⵍⴰⴷ, ⵉ ⵜⵙⴳⴰ ⵏ ⵓⵏⴰⵎⵎⴰⵙ ⴷ ⵍⵅⴰⵍⵉⵊ ⴰⵄⵕⴰⴱ. 

ⵉⵍⵍⴰ ⵓⵏⵎⵓⵇⵇⴰⵔ ⴰⴷ ⴳ ⵓⵎⵏⴰⴹ ⴰⵏⵎⵏⴰⴹ ⴷ ⵓⴳⵔⴰⵖⵍⴰⵏ, ⴳ ⵍⵍⴰⵏ ⵙ ⵓⵖⵉⵍⵓⴼ ⵜⵓⴳⵜ ⵏ ⵉⵎⴰⵖⵏ ⴷ ⵜⴰⵙⵙⴰⵙⵉⵏ ⴷ ⵜⵙⴳⴰ ⴷ ⵓⵙⵎⵖⵔ ⵏⵏⵙⵜⵏ, ⵙ ⴳⴰⵔ ⵓⵏⴳⵉⵙⵏ ⵉⵏⴼⴳⴰⵏⵏ ⵀⵔⵛⵏⵉⵏ ⴷ ⵉⴷⵔⵉⵣⵏ ⵉⵙⵔⵜⴰⵏⵏ ⴷ ⵉⴷⵎⵙⴰⵏⵏ ⴷ ⵉⵏⴰⵎⵓⵏⵏ ⵏⵏⵙⵏ. 

ⵜⴰⵎⴰⵖⵜ ⴳ ⵖⴰⵥⵥⴰ ⴷ ⵜⵡⵓⵔⵉⵡⵉⵏ ⵏ ⵉⵎⵏⵖⵉ ⴷ ⵓⵣⵡⴰⴳ ⵎⵏⵉⴷ ⵏ ⵉⵖⵔⵎⴰⵏⵏ ⴳⴰⵏⵜ ⵜⴰⵢⵢⴰⴼⵜ ⵏ ⵜⵉⵍⴰⵍⵜ ⵏ ⵓⵙⴷⵓⵔⵔⵉ ⴷ ⵜⵏⵓⵔⴰⴼ ⵎⵏⵉⴷ ⵏ ⵓⵎⴰⴷⴰⵏ ⵏ ⴼⴰⵍⵉⵙⵟⵉⵏ ⵙⴳ 76 ⵏ ⵓⵙⴳⴳⴰⵙ. ⵜⴰⵔ ⴰⵎⵏⴰⴷ ⴰⵙⵔⵜⴰⵏ ⵉ ⵜⵎⴰⵖⵜ ⴳ ⵍⵇⴱⵍⵜ ⵜⴰⵏⴰⵎⵎⴰⵙⵜ, ⵡⴰⵔ ⴰⴽⵛⵓⵎ ⵉⵙⵎⴷⵏ ⵙⴳ ⵜⵔⴰⴱⴱⵓⵜ ⵜⴰⴳⵔⴰⵖⵍⴰⵏⵜ, ⵔⴰⴷ ⵜⴰⴽⴽⴰ ⵜⵎⴰⵖⵜ ⴳ ⵍⵇⴱⵍⵜ ⵜⴰⵏⴰⵎⵎⴰⵙⵜ ⵜⴰⵙⵙⴰⵙⵉⵏ ⴳ ⵜⵙⴳⴰ ⴷ ⵜⵙⴳⴳⵉⵡⵉⵏ ⵏⵏⵙ ⵜⵉⵊⵢⵓⵖⵔⴰⴼⵉⵢⵉⵏ, ⴷ ⵜⴱⴱⴰⵢⴹⴰⵕⵜ ⵏ ⵜⴳⵎⵉ ⴷ ⵣⵣⵀⵕⵜ ⵉⵛⵛⴰⵔⵏ ⵍⵍⵉ ⵏⵔⴰ. ⵔⴰⴷ ⵜⴳ ⵜⴰⴷ ⵢⴰⴽⴽⴰⵏ ⵜⵉⴽⵕⴷⵉ ⵉⵕⵣⵥⴰⵏ ⵉⵏⵓⵔⴰⵣ ⴳⴰⵏⵉⵏ ⵡⵉⵏ ⵉⵎⴰⴷⴰⵏⵏ ⵏ ⵜⵙⴳⴰ ⵉ ⵜⵎⵢⵉⴷⵉⵔⵜ ⵏ ⵓⴼⵔⴰ. 

ⵉⵖ ⵜⴳⴰ ⵜⵙⴳⴰ ⵏ ⵍⵅⴰⵍⵉⵊ ⴰⵄⵕⴰⴱ, ⵙⵍⴰⵡⴰⵏ ⴰⴽⴽⵯ ⵚⴹⵉⵚⵜ ⵜⵎⵉⵣⴰⵔ ⵏⵏⵙ ⵜⴰⵢⵜⵎⴰⵜⵉⵏ, ⵜⵙⴽ ⵉⵥⵎⵓⵥⵥⴰⵍ ⵉⵅⴰⵜⴰⵔⵏ ⵎⵏⵉⴷ ⵏ ⵓⵎⵢⴰⵡⴰⵙ ⴷ ⵓⵏⵔⴰⵎⴰⵙ ⴷ ⵜⴰⵎⵓⵏⵜ ⵎⴳⴰⵍ ⵏ ⵜⴰⵙⵙⴰⵙⵉⵏ ⴷ ⵉⴽⵛⵓⵎⵏ ⵉⴱⵕⵕⴰⵏⵏ, ⵀⴰⵜⵉ ⵜⴰⵙⴳⴰ ⵏ ⵓⵏⴰⵎⵎⴰⵙ ⵜⴳⴰ ⵓⴽⴰⵏ ⴰⵙⴰⵢⵔⴰⵔ ⴳ ⴳⴳⵓⴷⵉⵏ ⵉⵔⴱⴰⴱⵏ, ⴳⵉⵙ ⴰⴳ ⵜⵜⵉⵍⵏⵜ ⴳⴰⵔ ⵜⴰⵙⵙⴰⵙⵉⵏ ⵍⵍⴰⵏⵉⵏ ⴳ ⵓⵣⵎⵣ ⵙ ⵉⴷⵔⵉⵣⵏ ⵏⵏⵙⵏⵜ ⵉⵏⴼⴳⴰⵏⵏ ⴷ ⵉⴷⵎⵙⴰⵏⵏ. ⴳⴰⵏ ⵉⵣⵡⴰⴳⵏ ⴷ ⵜⴰⵙⵙⴰⵙⵉⵏ ⵏⵏⵙⵏⵢⴰⴳ ⵓⴳⵣⵣⵓⵎ ⵏ ⵜⵉⵢⵢⴰⴼⵓⵜ ⵏ ⵜⵎⴰⵖⵉⵏ ⴷ ⴰⵔⵜⴰⵏⴼⵔⵓⵜ, ⵜⵉⵎⵏⵜⵉⵍⵉⵏ ⴷⴰⵜ ⵏ ⵉⵙⵏⴼⵍⵏ ⵏ ⵓⵏⵣⵡⵉ ⵙⴽⴰⵔⵏⵉⵏ ⵜⴰⵣⵔⵓⴼⵜ ⴷ ⵜⵖⴰⵔⵜ ⴷ ⵓⵔⵔⵉ ⵏ ⵜⴰⴳⴰⵏⵉⵏ ⴷ ⵓⴷⵔⵓⵙ ⵏ ⵡⴰⵎⴰⵏ ⴳ ⵜⵙⴳⴰ ⵜⴰⵏⴰⵎⵎⴰⵙⵜ. 

ⴳ ⵓⵎⵏⴰⴹ ⵏ ⵉⵙⵓⵔⵙⵏ ⴷ, ⵉⵍⵍⴰ ⵓⵏⵎⵓⵇⵇⴰⵔ ⴰⴷ ⵉⵥⵍⵉⵏ ⵙ ⵓⵙⵎⵓⵜⵜⵉ ⵙ ⵜⵥⴹⴰⵕⵜ ⵜⴰⵣⴳⵣⴰⵡⵜ, ⴷ ⵓⵙⵏⴰⵍ ⵏ ⵜⵣⵡⵉⵔⵉ ⵏ ⵜⵡⵓⵔⵉⵡⵉⵏ ⴷ ⵜⵎⵙⵙⵏⵜⴰⵢ ⵙⵡⵓⵔⵉⵏⵉⵏ ⴳ ⵢⵉⴳⵔ ⴰⴷ. ⵓⵔ ⵉⴳⵉ ⵍⵃⴰⵍ ⵖⴰⵙ ⵢⴰⵜ ⵙⴳ ⵜⵎⵔⴰⵔⵓⵜⵉⵏ ⴼ ⵜⵎⵓⴽⵔⵉⵙⵉⵏ ⵏ ⵓⵛⵃⵓ ⵏ ⵜⵥⴰⵔⵜ ⴷ ⵡⴰⵍⴰⵢ ⵏ ⵡⴰⵜⵉⴳ ⵏⵏⵙ, ⵎⴰⵛⵛ ⵉ ⵓⵙⵍⵔ ⵏ ⴽⵉⴳⴰⵏ ⵏ ⵜⵏⴰⵥⴰⵕⵉⵏ ⵜⵉⴳⵔⴰⵖⵍⴰⵏⵉⵏ ⴳ ⵙⵏⴰⵜ ⵜⵙⴳⴳⵉⵡⵉⵏ ⵏⵏⵖ: ⵜⴰⵏⴰⵎⵎⴰⵙ ⴷ ⵍⵅⴰⵍⵉⵊ, ⴷ ⴰⴷ ⵜⵏ ⵏⴰⵎⵥ ⵃⵎⴰ ⴰⴷ ⴳⵉⵏⵜ ⴰⵙⴰⵔⵓ ⴳ ⵜⵡⵓⵔⵉ ⵜⴰⴳⵔⴰⵖⵍⴰⵏⵜ ⵜⴰⵎⴳⵔⵓⵜ ⵉ ⵓⵙⵏⵊⵊⵎⵏ ⵏ ⵡⴰⴽⴰⵍ, ⵔⴰⴷ ⵎⵓⵏⵏⵜ ⴳ ⵉⵣⵉⵡⵍⵏ ⴰⴷ: 

• ⵜⴰⵏⴰⵥⴰⵕⵜ ⵜⴰⵎⵣⵡⴰⵔⵓⵜ ⴰⴷ ⵏⴰⵡⵙ ⴷ ⵓⵙⵉⵣⴷⵔ ⵏ ⵉⴳⴰⵣⵏ ⵙⴽⴰⵔⵏⵉⵏ ⵜⵉⵔⵖⵉ ⵏ ⵡⴰⴽⴰⵍ ⵙ ⵓⵎⵙⴰⵙⴰ ⴷ ⵓⵎⵇⵇⵏ ⵏ ⵉⴳⵔⴰⵡⵏ ⵏ ⵉⵎⵙⵜⴳⴳⴰⵔⵏ ⴳ ⵜⵎⵢⴰⵇⵇⴰⵏⵜ ⵏ ⵜⵎⵜⵜⴰ ⵎⵓⵏⵏⵉⵏ ⵅⴼ ⵓⵏⵣⵡⵉ (ⴱⴰⵔⵉⵣ-ⴰⵎⵓⵔ ⵏ ⵡⴰⴽⵓⵛ-ⴱⵓⵏ-ⵛⴰⵕⴰⵎ ⵛⵛⵉⵅ-ⴷⵓⴱⴰⵢ). ⵉⴳⴰ ⵍⵃⴰⵍ ⵜⴰⵎⴰⵙⴰⵢⵜ ⵜⴰⵙⵔⵜⴰⵏⵜ ⴷ ⵜⵉⵏ ⵜⵖⵓⵔⵉⵡⵉⵏ ⵎⵏⵉⴷ ⵏ ⵜⵙⵓⵍⴰⵏⵜ ⴷ ⵜⴰⵙⵓⵜⵉⵏ ⵏ ⵉⵎⴰⵍ. 

• ⵜⵣⴷⵉ ⵜⵏⴰⵥⵕⵜ ⵜⵉⵙ ⵙⵏⴰⵜ ⴰⴷ ⵏⵙⴽⵔ ⴳ ⵓⵙⵎⵓⵜⵜⵉ ⵙ ⵜⵥⴹⴰⵕⵜ ⵜⴰⵣⴳⵣⴰⵡⵜ ⴳ ⵓⴳⵯⵏⵙ ⵏ ⵓⵙⵎⵓⵜⵜⵓ ⵙ ⵜⴷⵎⵙⴰ ⵜⴰⵣⴳⵣⴰⵡⵜ ⴷ ⵜⴷⵉⵏⴰⵎⵉⵜⵏ ⵏⵏⵙ ⴷ ⵜⵎⵍⴷⴰ ⵏ ⵓⵙⵙⴰⵔⵓ ⴷ ⵓⵙⵡⵓⵔⵉ  ⴷ ⵓⵙⵎⴰⵢⵏⵓ ⵍⵍⵉ ⵔⴰⴷ ⵉⵙⵙⵔⵅⵓ ⵜⵓⴷⵔⵜ.

• ⵜⴳⴰ ⵜⵏⴰⵥⵕⵜ ⵜⵉⵙ ⴽⵕⴰⴹⵜ ⴰⵙⵉⵣⴷⵔ ⵏ ⵜⵎⴽⵕⴰⴷ ⵍⵍⵉ ⵉⵙⵉⴳⴳⵉⵍ ⵓⵙⵎⵔⵙ ⵏ ⵜⵥⴹⴰⵕⵉⵏ ⵜⵉⵣⴰⵢⴽⵓⵜⵉⵏ  ⴷ ⵓⵥⴰⵥⵓ ⵏⵏⵙⵏⵜ ⴼ ⵜⵎⵙⴰⵙⵜⵍⵉⵏ ⵜⵉⴳⴷⵓⴷⴰⵏⵉⵏ ⴷ ⵓⵥⴰⵥⵓ ⵏ ⵓⴼⴰⵔⵙ ⴷ ⵓⴷⵔⵉⵣ ⴼ ⵡⴰⵜⵉⴳⵏ ⵏ ⵎⴰⵕⵕⴰ ⵜⵉⵎⵜⵜⵉⵡⵉⵏ ⴷ ⵜⵏⵓⴼⴰ, ⵍⵍⵉ ⵔⴰⴷ ⵉⵖⵍⵉ ⵡⴰⵜⵉⴳ ⵏⵏⵙⵏⵜ, ⴳ ⴽⵉⴳⴰⵏ ⵏ ⵡⴰⴷⴷⴰⴷⵏ, ⴼ ⵓⵔⴳⴳⵉⴳ ⴰⵏⴰⵎⵓⵏ ⴷ ⵓⵙⵔⵜⴰⵏ. 

• ⵜⴳⴰ ⵜⵏⵥⴰⵕⵜ ⵜⵉⵙ ⴽⴽⵓⵥⵜ ⵜⴰⴷ ⴰⴽⴽⵯ ⵉⵍⵍⴰⵏ ⴳ ⵎⴰⵕⵕⴰ ⵉⵙⵡⵉⵔⵏ, ⵜⵣⴷⵉ ⴷ ⵓⵙⴽⵔ ⵏ ⵜⴳⵎⵉ ⵜⴰⵙⵓⵍⴰⵏⵜ ⵙ ⵓⵙⵎⵔⵙ ⵉⵖⵣⴰⵏ ⵏ ⵉⵙⵓⴳⴰⵎ ⵏ ⵓⴳⴰⵎⴰ, ⴳ ⵡⴰⴽⴰⵍ ⵓⵍⴰ ⵢⵉⵍ, ⴷ ⵓⵙⵙⵔⵅⵓ ⵏ ⵜⵍⵍⵓⴳⵏⴰ ⵏ ⵜⵙⵓⵜⴰⵍ ⵏ ⵓⴳⴰⵎⴰ ⴷ ⵓⵎⵢⴰⵙⴰ ⴰⵡⵏⴹⴰⵏ, ⴷ ⵜⵉⵍⵉⵜ ⵏ ⵡⴰⵡⵏⴰⴹ ⵉⵖⵓⵙⵏ ⵉ ⵓⵚⴽⵓ ⵃⵎⴰ ⴰⴷ ⴳⵉⵏⵜ ⵜⵖⵔⵎⵉⵏ ⴷ ⵉⴳⵔⴰⵡⵏ ⵉⵖⵔⵎⴰⵏⵏ ⵡⵉⴷ ⴳ ⵜⵍⵍⴰ ⵜⵓⴷⵔⵜ ⵉⵜⵜⵔⴰⵔⵏ ⴼ ⵓⵥⴰⵥⵓ ⵏ ⵉⵎⵣⴷⴰⵖⵏ ⴷ ⵉⵙⵖⴰⵡⵙⴰⵜⵏ ⵏ ⵓⵎⵓⵜⵜⵉ.

 ⵎⴰⵙⵙ ⴰⵏⵙⵙⵉⵅⴼ

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ 

ⴰⵔ ⵉⵜⵜⴱⴰⵢⴰⵏ ⵎⴰⵙ ⵉⵔⵅⴰ ⵍⵃⴰⵍ, ⴷ ⵏⴽⵏⵉ ⴰⵔ ⵏⵙⵖⵉⵡⵙ ⵉ ⵓⵙⴽⵔ ⵏ ⵜⵏⴰⵥⴰⵕⵉⵏ ⴰⴷ, ⵎⴰⵛ ⵓⵔ ⵔⴰⴷ ⵉⵔⵅⵓ ⴳ ⵓⵣⵎⵣ ⵏ ⵓⵙⴽⵔ ⴷ ⵓⵣⵣⴳⵉⵔ ⵍⵍⵉⵖ ⵔⴰⴷ ⵏⴰⴼ ⴽⵉⴳⴰⵏ ⵏ ⵜⴱⴱⴰⵢⴹⵔⵉⵏ ⴷ ⵜⵏⴰⵥⴰⵕⵉⵏ, ⵉⵇⵇⴰⵏ ⴷ ⵓⵙⴱⴷⴷⵉ ⵏⵏⵙⵏⵜ ⵙ ⵜⵡⵓⵔⵉ ⵜⴰⵎⴳⵔⵓⵜ ⴷ ⵜⵡⵉⵣ,ⴷ ⵜⵉⵍⵉⵜ ⵏ ⵉⵔⴰⵜ ⵜⴰⵙⵔⵜⴰⵏⵜ ⵜⴰⵎⴳⵔⵓⵜ. 

ⴳ ⵜⵣⵡⵉⵔⵉ ⵏ ⵜⵏⴰⵥⴰⵕⵉⵏⴰⴷ, ⵜⵍⵍⴰ ⵜⵎⵓⴽⵔⵉⵙⵜ ⵏ ⵓⵛⵃⵓ ⵏ ⵉⵙⵓⴳⴰⵎ ⵉⵥⵕⴼⴰⵏⵏ ⴷ ⵉⵖⴱⵓⴰⵍⴰ ⵏ ⵓⵙⵙⵥⵕⴼ ⵏ ⵉⵙⵏⴼⴰⵔⵏ ⵉⵣⴳⵣⴰⵡⵏ ⴳⴰⵏⵉⵏ ⵜⴰⴱⴱⴰⵢⴹⴰⵕⵜ ⵜⴰⵅⴰⵜⴰⵔⵜ ⴷⴰⵜ ⵏ ⵓⵙⴽⵔ ⵏ ⴽⵉⴳⴰⵏ ⵏ ⵉⵏⴰⵔⵓⵣⵏ. ⵎⵇⵇⴰⵔ ⵉⵍⵍⴰ ⵓⵕⵥⵥⵓⵎ ⵏ ⴽⵉⴳⴰⵏ ⵏ ⵉⵎⴰⵙⵙⵏ ⵉ ⵓⵙⴱⴷⴷⵉ ⵏ ⵉⴷⵔⵉⵣⵏ ⵏ ⵜⵎⵓⴽⵔⵉⵙⵉⵏ ⵏ ⵓⵏⵣⵡⵉ, ⵢⵉⵍⵉ ⴳⵉⵙⵏⵜ ⵓⴼⵏⵉⵇ ⴰⵣⴳⵣⴰⵡ ⵉ ⵓⵏⵣⵡⵉ ⵉⵜⵜⵓⵙⵏⴰⵎⴰⵍⴰⵏ ⵉ ⵓⵙⵏⴰⵍ ⵏ ⵜⵎⵉⵣⴰⵔ ⵍⴽⵎⵏⵉⵏ ⵎⵏⵉⴷ ⵏ ⵉⵙⵏⴼⵍⵏ ⵏ ⵓⵏⵣⵡⵉ, ⵜⴰⵔ ⴰⵙⵙⵔⵅⵓ ⵏ ⵡⴰⴷⴰⴼ ⵙ ⵓⵙⵙⵥⵕⴼ ⵙⴳ ⵜⵎⵉⵣⴰⵔ ⵙⵖⴰⵡⵙⴰⵏⵉⵏ ⴷ ⵉⴷ ⴱⴰⴱ ⵏ ⵉⵙⵏⴼⴰⵔⵏ ⵓⵙⵍⵉⴳⵏ, ⵔⴰⴷ ⵓⴽⴰⵏ ⵖⴰⵎⴰⵏⵜ ⵜⵎⵖⵓⵏⵉⵏ ⵜⵉⴳⵔⴰⵖⵍⴰⵏⵉⵏ ⵉ ⵓⵙⵎⴰⵜⵜⵉ ⵙ ⵜⴷⵎⵙⴰ ⵜⴰⵣⴳⵣⴰⵡⵜ, ⵜⵉⴷ ⵓⵔ ⵉⵕⵡⴰⵏ. 

ⵜⴰⴱⴱⴰⵢⴹⴰⵕⵜ / ⵜⴰⵏⴰⵥⴰⵕⵜ ⵜⵉⵙ ⵙⵏⴰⵜ ⵜⴳⴰ ⵜⵉⵏ ⵡⴰⴷⴰⴼ ⵙ ⵜⴻⵜⵉⴽⵏⵓⵍⵓⵊⵉⵜ ⵉⵜⵜⵓⵙⵎⵔⴰⵙⵏ ⴳ ⵓⴼⴰⵔⵙ ⵏ ⵜⵥⴹⴰⵕⵜ ⵙⴳ ⵉⵖⴱⵓⵍⴰ ⵉⵎⴰⵢⵏⵓⵜⵏ, ⵍⵍⵉⵖ ⵉⵖⵍⴰ ⵡⴰⵜⵉⴳ ⵏⵏⵙ ⴷ ⵜⵉⵍⵉⵜ ⵏ ⵜⴱⵔⵉⴷⵉⵏ ⵏ ⵜⵡⴰⴼⵉⵜ ⴷ ⵜⵟⵟⵓⵕⴼⴰ ⵉⵣⴷⵉⵏ ⴷ ⵓⵙⵎⵔⵙ ⵏⵏⵙ ⴰⵢⵍⵍⵉ ⵔⴰⴷ ⵉⵙⴱⵉⴷⴷ ⵉⵙⵏⴼⴰⵔⵏ ⵍⵍⵉ ⵏⴻⵏⵏⵓⵔⵣ. 

ⵜⴰⵏⴰⵥⵕⵜ ⵜⵉⵙ ⵙⵏⴰⵜ ⵜⵍⵍⴰ ⵖ ⵜⵉⵍⵉⵜ ⵏ ⵉⵙⵓⵖⴰⵍ ⵛⴷⴷⴰⵏⵉⵏ ⴰⵎ ⴰⵔⵉⵜⵍⵉⵜ ⵏ ⴽⴰⵕⴱⵓⵏ ⴳ ⵉⵙⵏⴼⵍⵏ ⴷ ⵜⵎⴳⵓⵔⴰ ⴷ ⴽⴽⴰⵏⵉⵏ ⵜⵉⵎⵉⵣⴰⵔ ⵏ ⵉⴼⴼⵓⵙ, ⴰⵢⵍⵍⵉ ⵉⵙⴱⵉⴷⴷⵏ ⵜⴰⴷⵉⵏⴰⵎⵉⵜ ⵏ ⵓⵙⵎⴰⵜⵜⵉ ⵉⵣⵣⵉⴳⵣ ⵙ ⵜⴷⵎⵙⴰ ⵜⴰⵣⴳⵣⴰⵡⵜ.

ⴷⴰⵜ ⵏ ⵜⵏⴰⵥⴰⵕⵉⵏ ⴰⴷ, ⵉⵇⵇⴰⵏ ⴰⵖ ⴷ, ⵉⴱⵕⵍⴰⵎⴰⵏⵏ ⴷ ⵜⵎⴰⴷⴷⴰⵙⵉⵏ ⵜⵉⴱⵕⵍⴰⵎⴰⵏⵉⵢⵉⵏ, ⵓⵏⵄⴰⵕ ⵉ ⵓⵙⵔⵅⵓ ⵏ ⵓⵙⵎⴰⵜⵜⵉ ⵏ ⵜⴻⵜⵉⴽⵏⵓⵍⵓⵊⵉⵜ ⵉⵜⵜⵓⵙⵎⵔⴰⵙⵏ ⴳ ⵜⴷⵎⵙⴰ ⵜⴰⵣⴳⵣⴰⵡⵜ ⴷ ⵉⵕⴰⵙⵎⴰⵍⵏ ⵙⴳ ⵉⵥⵥⵍⵎⴹ ⴷ ⵉⴼⴼⵓⵙ, ⵙ ⵜⴼⴰⴷⵉⵡⵏ ⵔⵅⴰⵏⵉⵏ ⴷ ⵓⵙⵉⴷⴼ ⵏⵏⵙⵏⵜ ⴳ ⵜⵎⴳⵓⵔⴰ ⵜⵉⵏⴰⵎⵓⵔⵉⵏ ⵃⵎⴰ ⴰⴷ ⵉⵍⵉⵏ ⴷⴰⵔ ⴽⵓⵢⴰⵏ ⵙ ⵡⴰⵜⵉⴳ ⵓⵔ ⵉⵖⵍⵉⵏ.

ⵏⴼⵔⴽ ⵎⴰⵙ ⴷ ⴰⵙⵎⵓⵏ ⵏ ⵉⴼⵔⴷⴰⵙ ⴰⴷ ⴷ ⵜⵙⵓⴳⴰⵔ ⴷ ⵉⵙⵓⴳⴰⵎ ⵉⵏⴼⴳⴰⵏⵏ ⵏ ⵜⵎⵉⵣⴰⵔ ⵏ ⵉⴼⵓⵙ ⴷ ⵍⵇⴱⵍⵜ ⵏ ⵓⵏⴰⵎⵎⴰⵙ ⴷ ⵜⵥⴹⴰⵕⵉⵏ ⵜⵉⵅⴰⵜⴰⵔⵉⵏ ⵏ ⴰⵢⵜⵎⴰⵜⵜⵏ ⵏⵏⵖ ⴳ ⵍⵅⴰⵍⵉⵊ ⴰⵄⵕⴰⴱ ⴷ ⵜⵎⵓⵣⴰⵢⵉⵏ ⵏⵏⵙ ⴳ ⵢⵉⴳⵔ ⵏ ⵜⵥⴹⴰⵕⵜ, ⵔⴰⴷ ⵉⵙⴽⵔ ⵜⴰⵎⵓⵏⵜ ⵊⴰⵔ ⵜⵉⵏⵎⵏⴰⴹⵉⵏ ⵉ ⵜⴷⵎⵙⴰ ⵜⴰⵣⴳⵣⴰⵡⵜ, ⵉⵜⵜⴰⵡⵙⵏ ⴳ ⵓⵙⴽⵔ ⵏ ⴽⵉⴳⴰⵏ ⵏ ⵜⵎⵏⵙⵙⵏⵜⴰⵢ ⵉⵙⵙⵔⵅⵓ ⵓⵍⴰ ⴰⵙⴽⵔ ⵏ ⵉⵙⵏⴼⴰⵔⵏ ⵉⵅⴰⵜⴰⵔⵏ ⵙⴽⴰⵔⵏⵉⵏ ⵜⵉⵖⵔⴰⴷ ⴷ ⵜⵣⵣⵓⵍⵉⵏ ⵏ ⵜⵡⵓⵔⵉ ⴼⵔⴳⵏⵉⵏ ⴰⵡⵏⴰⴹ. 

ⵉⴳⴰ ⵍⵃⴰⵍ ⴳ ⵜⴳⵉⵔⴰ ⴰⵙⵊⵔ ⵏ ⵜⵡⵉⵣⵉ ⵊⴰⵔ ⵜⵉⵎⵉⵣⴰⵔ ⴷ ⵉⵎⴰⴷⴰⵏⵏ ⴷ ⵓⴷⵔⴰⵡ ⵏ ⵣⵣⵀⵕⵜ ⴷ ⵜⵉⵢⵢⴰⴼⵓⵜⵉⵏ ⵏ ⵜⴻⵜⴽⵏⵓⵍⵓⵊⵉⵜ ⴷ ⵜⴱⵖⵓⵔⵜ.

ⵙ ⵓⵙⴷⴷⵉⴷ, ⵎⴰ ⴰⵏⵏ ⵉⵣⴷⵉ ⵎⴽ ⵍⵍⵉ ⵙ ⵏⵏⵉⵖ ⵉⵣⴷⵉ ⴷ ⵓⴼⵔⴰ ⴷ ⵓⵔⴳⵉⴳ, ⴷ ⵓⵚⴽⵓ ⵏ ⵜⵎⵢⵉⵎⴰⵏⵜ ⴷ ⵓⵚⴽⵓ ⵏ ⵜⵏⴼⵔⵓⵜ ⵜⴰⵎⴳⵔⵓⵜ. 

ⵓⵔ ⴳⵉⵙ ⵜⵓⵔⴷⴰ ⵎⴰⵙ  ⵏⴼⵔⴽ ⵎⴰⵕⵕⴰ ⵎⴰⵙ ⴷ ⴰⴱⵔⵉⴷ ⵏ ⵓⴼⵔⴰ ⴷ ⵜⵏⴼⵔⵓⵜ ⴷ ⵜⵣⵣⵉⴳⵣⵜ ⴷ ⵜⵎⵢⵉⴷⵉⵔⵜ ⵉⵛⵛⴰⵔⵏ ⵍⵍⴰⵏ ⴳ ⵓⵙⵉⵥⴹⵔ ⵏ ⵉⵎⴰⴷⴰⵏⵏ ⵏ ⵜⵙⴳⴰ ⵃⵎⴰ ⴰⴷ ⵙⴼⴰⵢⴷⵏ ⴳ ⵉⴽⴰⵍⵉⵡⵏ ⵏⵏⵙ ⴷ ⵓⴼⵔⴰ, ⴷ ⵎⴰⵕⵕⴰ ⵉⵡⴰⵏⴽⵏ ⴰⴷ ⵟⵜⵉⴼⵏ ⴰⵣⵔⴳ ⵏⵏⵙⵏ ⴳ ⵜⵢⴰⵏⵜ ⵏⵏⵙⵏ ⵜⴰⵏⴰⴽⴰⵜ ⴷ ⵜⴼⴰⵜⵉⵜ ⵏ ⵉⴽⴰⵍⵉⵡⵏ ⵏⵏⵙⵏ. 

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ 

ⵜⴰⴳⵍⴷⵉⵜ ⵏ ⵍⵎⵖⵔⵉⴱ ⵍⵍⵉ ⴽⵯⵏ ⵉⵙⵏⵓⴱⴳⵏ ⴰⵙⵙ ⴰⴷ ⵖⵓⵔⵙ ⴰⴱⵓⵔⵣ ⵙ ⵜⵎⵙⴽⵔⵜ ⵏⵏⵙ ⴳ ⵢⵉⴳⵔ ⵏ ⵜⵥⴹⵕⵉⵏ ⵙⴳ ⵉⵖⴱⵓⵍⴰ ⵉⴰⵎⴰⵢⵏⵓⵜⵏ ⴰⵎ ⵜⴰⵥⴹⴰⵕⵜ ⵏ ⵜⴰⴼⵓⴽⵜ ⴷ ⵜⵉⵏ ⵡⴰⴹⵓ, ⵍⵍⴰⵏ ⵉⵙⵏⴼⴰⵔⵏ ⴳ ⵎⴰⵕⵕⴰ ⵜⵉⵙⴳⴳⵉⵡⵉⵏ ⵏ ⵜⴳⵍⴷⵉⵜ ⴼⴰⵡⵏⵜ ⴼ ⵓⵙⵖⵡⵏ ⵉⴱⴷⴷⵏ ⵉ ⵓⵙⴱⴷⴷⵉ ⵏ ⵜⵎⵏⵜⵉⵍⵉⵏ ⵏ ⵉⵙⵏⴼⵍⵏ ⵏ ⵓⵏⵣⵡⵉ, ⵉⵍⵍⴰ ⵓⵙⵖⵉⵡⵙ ⴰⴷ ⵜⴳ ⵜⵎⴰⵣⵉⵔ ⵜⵏⵏⵖ ⴰⵎⵙⴽⴰⵔ ⴰⴳⵔⴰⵖⵍⴰⵏ ⴰⵙⵉⵍⴰⵏ ⴳ ⵢⵉⴳⵔ ⵏ ⵓⵀⵉⴷⵔⵓⵊⵉⵏ ⴰⵣⴳⵣⴰⵡ. ⴰⵢⵍⵍⵉ ⵢⴰⴽⴽⴰⵏ ⵉ ⵉⵙⵏⴼⴰⵔⵏ ⴰⴷ ⴰⵖⵣⴰⵏ ⵉⴳⴰ ⵜ ⵉⵙ ⴰ ⵜⵜⵓⵙⴽⵉⵔⵉⵏ ⵙ ⵓⵙⵡⴰⵍⴰ ⴷ ⵜⵏⴰⵔⴰ ⴷ ⵓⴼⵔⴰⴳ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵄⵣⵣⵓ ⵕⴱⴱⵉ. 

ⴳ ⵜⵙⴳⴰ ⵢⴰⴹⵏ, ⴰⵔ ⵎⵎⴰⵍⴰⵏ ⵉⵙⵏⴼⴰⵔⵏ ⵉⵏⴼⵍⴰⵃⵏ ⵜⵜⴰⵡⵙⴽⴰⵔⵏⵉⵏ ⴳ ⵍⵎⵖⵔⵉⴱ ⵙ ⵜⵙⵜⵔⴰⵜⵉⵊⵉⵢⵉⵏ ⵣⵣⵉⴳⵣⵏⵉⵏ, ⴰⵙⵖⵡⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵜⵡⵓⵣⵉ ⴳ ⵜⵏⴼⵔⵓⵜ ⵏ ⵓⵜⵛⵓ ⵜⴰⴳⵔⴰⵖⵍⴰⵏⵜ. ⵎⴽ ⵍⵍⵉ ⵜⵙⵙⵏⵎ, ⵜⴰⵎⴰⵣⵉⵔⵜ ⵏⵏⵖ ⵙ ⵉⵖⴰⵡⴰⵙⵏ ⴰⴷ, ⵜⵏⵏⵓⵕⵣⵎ ⴼ ⵜⵎⴷⵔⴰⵡⵉⵏ ⵟⵟⴰⴼⵏⵉⵏ ⴰⴷⴷⵓⵔ ⴰⴽⴷ ⴰⵢⵜⵎⴰⵜⵏ ⵏⵏⵖ ⴳ ⵍⵅⴰⵍⵉⵊ ⴰⵄⵕⴰⴱ, ⵖⵎⴽ ⴰⵏⵏ ⴷ ⵉⵎⴷⴷⵓⴽⴽⵯⴰⵍ ⵏⵏⵖ ⴳ ⵓⵕⵓⴱⴱⴰ.

ⴳⵓⵎⵏⵉⴷ ⵢⴰⴹⵏ, ⵉⵇⵇⴰⵏ ⴷ ⴰⴷ ⵏⴽⵯⵜⵉ ⵎⴰⵙ ⴷ ⴰⴷⵔⴰⵡ ⵏ ⵜⵙⴳⴰ ⵏ ⵓⵏⴰⵎⵎⴰⵙ ⴷ ⵍⵅⴰⵍⵉⵊ ⴰⵄⵕⴰⴱ ⵉⵍⵍⴰ ⴳ ⵉⴼⵔⵉⵇⵢⴰ, ⴰⵎⵏⵥⴰⵡ ⵏ ⵉⵎⴰⵍ ⵙ ⵜⵥⴹⴰⵕⵉⵏ ⵏⵏⵙ ⴳ ⵢⵉⴳⵔ ⵏ ⵜⴷⵎⵙⴰ ⵜⴰⵣⴳⵣⴰⵡⵜ, ⵜⵉⵥⴹⴰⵕⵉⵏ ⵙⵖⴰⵡⵙⴰⵏⵉⵏ ⵜⵉⵎⴷⵔⴰⵡⵉⵏ ⴷ ⵉⵙⵙⵥⵕⴼⵏ ⵃⵎⴰ ⴰⴷ ⴳⵉⵏ ⵉⴳⴰⴷⴰⵔⵏ ⵉ ⵚⴰⵃⴰ ⵏ ⵜⵎⵄⵣⴰⵔ ⵏ ⵓⵎⵥⴰⵡ ⴳ ⵓⵙⴰⵜⵉ ⵏ ⵚⴰⵃⴰ ⵉⵛⵛⴰⵔⵏ ⴳ ⵉⵍⵍⴰ ⵓⵎⵢⴰⵙⴰ. 

ⵓⵔ ⵙⵖⴰⵡⵙⴰⵖ ⴰⴷⴷ ⵙⵙⴽⵯⵜⵉⵖ ⴰⵍⵜⴰⵖ ⴰⵙⵓⵍⴰⵏ ⵏ ⵜⵍⵎⵖⵔⵉⴱ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⴷ ⵜ ⵉⵏⵚⵕ ⵕⴱⴱⵉ, ⵉ ⵜⴳⵉ ⵜⴰⵙⵓⵍⴰⵏⵜ ⴳ ⵉⴼⵔⵉⵇⵢⴰ ⵎⴽ ⵜⵍⵍⴰ ⴳ ⵉⵙⵏⴼⴰⵔⵏ ⴼⴰⵡⵏⵉⵏ, ⴷ ⵜⵙⵏⵜⴰⵢⵉⵏ ⵜⵉⵙⵜⵔⴰⵜⵉⵊⵉⵢⵉⵏ ⵏⵏⵓⵔⵣⵏⵉⵏ ⵉ ⵜⴳⵎⵉ ⵏ ⵉⴼⵔⵉⵇⵢⴰ ⵍⵍⵉ ⴷ ⵉⵇⵇⴰⵏ ⴰⴷ ⵜⴰⵎⵥ ⵜⴰⵣⵣⵉⴳⵣⵜ ⵏⵏⵙ ⵙ ⵓⴼⵓⵙ ⵏⵏⵙ, ⵜⴰⵎⴳⴳⴰⵔⵓⵜ ⵜⴳⴰ ⵜⵜ ⵜⴰⵙⵏⵜⴰⵢⵜ ⵜⴰⵟⵍⴰⵚⵉⵜ ⵉⵡⴰⵜⵜⵙⵏ ⴰⵙⵉⴷⴼ ⴰⴷⵎⵙⴰⵏ ⴰⴼⵔⵉⵇⵉ ⵍⵍⵉ ⵔⴰⴷ ⵢⴰⵡⵙ ⵉ ⴽⵉⴳⴰⵏ ⵏ ⵜⵎⵉⵣⴰⵔ ⵏ ⵉⴼⵔⵉⵇⵢⴰ ⴰⴷ ⵏⵏⵓⵕⵣⵎⵏ ⴼ ⵢⵉⵍ ⴷ ⵎⴰⴷ ⵉⵙⵉⴳⴳⵉⵍ ⵙⴳ ⵓⵎⴰⵡⴰ ⴰⵙⵉⵍⴰⵏ ⴰⵙⵜⵔⴰⵜⵉⵊⵉ ⵍⵍⵉ ⵔⴰⴷ ⵉⴳ ⵜⴰⵥⴹⴰⵕⵜ ⴳ ⵓⴳⵯⵏⵙ ⵏⵏⵙ. 

 ⵜⴰⵏⵎⵎⵉⵔⵜ ⴼ ⵓⵙⵙⴼⵍⴷ ⵏⵏⵓⵏ, ⴰⵣⵓⵍ.