ⴳ ⵓⵎⴹⴰⴽⴰⵕ ⴰⴱⵕⵍⴰⵎⴰⵏⵉ ⵉⵛⵛⴰⵔⵏ ⵊⴰⵔ ⵉⵏⵙⵙⵉⵅⵏ ⵏ ⵉⵙⵇⵇⵉⵎⵏ ⵏ ⵉⵎⵓⵔⴰ ⴳ ⵍⵎⵖⵔⵉⴱ ⴷ ⵍⴱⴰⵃⵕⴰⵢⵏ, ⴰⵙⵓⵜⴳ ⵏ ⵜⵓⴳⴳⴰⵙ ⵏ ⵉⵅⴰⵜⴰⵔⵏ ⵏ ⵙⵏⴰⵜ ⵜⵎⵉⵣⴰⵔ ⴳ ⵓⵙⵏⴰⵍ ⵏ ⵓⵎⵢⴰⵡⴰⵙ ⴷ ⵜⵎⴷⵔⴰⵡⵜ

ⵉⵎⴹⴰⴽⴰⵕ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵉⵏⴰⵙ 9 ⵢⵓⵍⵢⵓⵣ 2024 ⴳ ⵕⵕⴱⴰⵟ, ⴷ ⵎⴰⵙⵙ ⴰⵃⵎⴰⴷ ⴱⵏ ⵙⴰⵍⵎⴰⵏ ⵍⵎⵓⵙⵍⵉⵎ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⴳⵍⴷⵉⵜ ⵏ ⵍⴱⴰⵃⵕⴰⵢⵏ ⵉⵍⵍⴰⵏ ⴳ ⵓⵔⵣⴰⴼⴰ ⴰⵎⴰⴷⴷⵓⴷ ⵉ ⵜⴳⵍⴷⵉⵜ ⵏ ⵍⵎⵖⵔⵉⴱ. 

ⵙⴷⴷⵉⴷⵏ ⵙⵉⵏ ⵉⵎⵙⵜⴳⴳⴰⵔⵏ ⴼ ⵓⵙⵏⴰⵍ ⵏ ⵓⵙⴷⵓⵙ ⵏ ⵓⵎⵢⴰⵡⴰⵙ ⴳ ⵓⵎⴰⵍⵓ ⵏ ⵜⵣⴷⴰⵢⵉⵏ ⵜⵉⵎⵣⵔⴰⵢⵉⵏ ⵊⴰⵔ ⵙⵏⴰⵜ ⵜⵎⵉⵣⴰⵔ ⵜⴰⵢⵜⵎⴰⵜⵉⵏ, ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⴷ ⴱⴰⴱ ⵏ ⵡⴰⴷⴷⵓⵔ ⵃⴰⵎⴰⴷ ⴱⵏ ⵄⵉⵙⴰ ⴰⵍ ⵅⴰⵍⵉⴼⴰ ⴰⴳⵍⵍⵉⴷ ⵏ ⵜⴳⵍⴷⵉⵜ ⵏ ⵍⴱⴰⵃⵕⴰⵢⵏ.

ⵉⵙⵎⴰⵢⵏⵓ ⵎⴰⵙⵙ ⴰⵃⵎⴰⴷ ⴱⵏ ⵙⴰⵍⵎⴰⵏ ⵍⵎⵓⵙⵍⵉⵎ ⴰⴷⴷⴰⴷ ⵏ ⵜⴳⵍⴷⵉⵜ ⵏ ⵍⴱⴰⵃⵕⴰⵢⵏ ⴳ ⵓⵙⵏⴰⵍ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⵙⵏⵜⴰⵢⵜ ⵏ ⵓⵏⴱⴰⴹ ⴰⵏⵉⵎⴰⵏ ⴳ ⵚⵚⵃⵕⴰ ⵜⴰⵎⵖⵔⵉⴱⵉⵜ, ⵙ ⵜⵅⵅⵓⵜⵔⴰ ⴷ ⵜⵢⴰⵏⵜ ⵏ ⵡⴰⴽⴰⵍ ⴰⵎⵖⵔⵉⴱⵉ, ⵢⵉⵏⵉ ⵎⴰⵙ ⵉⴳⴰ ⵓⵕⵥⵥⵓⵎ ⵏ ⵜⵙⵇⵓⵏⵙⵓⵜ ⵜⴰⵎⴰⵜⴰⵢⵜ ⵏ ⵍⴱⴰⵃⵕⴰⵢⵏ ⴳ ⵜⵖⵔⵎⵜ ⵜⴰⵎⵖⵔⵉⴱⵉⵜ ⵍⵄⵢⵓⵏ, ⴰⵙⴷⴷⵉⴷ ⵏ ⵜⵅⵅⵓⵜⵔⴰ ⵜⴰⵎⵖⵔⵉⴱⵉⵜ ⴷ ⵓⵙⵓⵖⵍ ⵉⴷⵓⵙⵏ ⵏ ⵜⵣⴷⴰⵢⵉⵏ ⵊⴰⵔ ⵍⴱⴰⵃⵕⴰⵢⵏ ⴷ ⵍⵎⵖⵔⵉⴱ, ⵉⵙⵓⵜⴳ ⵜⴰⵎⴷⵔⴰⵡⵜ ⵏ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵜⴰⵎⵖⵔⵉⴱⵉⵜ ⴰⴳⵯⵏⵙⴰⵙ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴳ ⵜⵙⵎⵓⵏⴰⵢ ⵏ ⵓⴳⵔⴰⵡ ⴰⵄⵕⴰⴱ ⴳ ⵍⴱⴰⵃⵕⴰⵢⵏ. 

ⵉⵙⵓⵜⴳ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⴳⵍⴷⵉⵜ ⵏ ⵍⴱⴰⵃⵕⴰⵢⵏ ⵜⵉⵣⴷⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵥⵉⵍⵏⵉⵏ ⴷ ⵉⵙⵡⵉⵔⵏ ⵏ ⵓⵣⴷⴰⵢ ⵉⵛⵛⴰⵔⵏ ⴷ ⵡⴰⴷⴷⴰⴷⵏ ⵏ ⵡⴰⴷⴷⵓⵔ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⵎⵏⵉⴷ ⵏ ⵜⴳⵍⴷⵉⵜ ⵏ ⵍⴱⴰⵃⵕⴰⵢⵏ, ⴷ ⵉⵡⵉⵣ ⵉⵍⵍⴰⵏ ⵉ ⵓⵕⵥⵥⵓⵎ ⵏ ⵉⵎⵏⴰⴷⵏ ⵏ ⵓⵎⵢⴰⵡⴰⵙ ⴰⵙⵉⵏⵔⴰⵏ ⴳ ⵉⴳⵔⴰⵏ ⵓⵏⴳⵉⵎⵏ, ⵙⵍⴰⵡⴰⵏ ⴰⴽⴽⵯ ⴳ ⵜⴷⵎⵙⴰ ⴷ ⵓⵙⵙⴰⵔⵓ ⴷ ⵓⵙⵏⴼⵍ ⴰⵏⵙⴱⴰⴱ ⴷ ⵜⵏⴼⵔⵓⵜ ⵏ ⵓⵜⵛⵓ ⵉ ⵚⴰⵃⴰ ⵏ ⵙⵏⴰⵜ ⵜⵎⵉⵣⴰⵔ ⴷ ⵙⵉⵏ ⵉⵎⴰⴷⴰⵏⵏ. 

ⵉⵙⴰⵡⵍ ⵎⴰⵙⵙ ⴰⵃⵎⴰⴷ ⴱⵏ ⵙⴰⵍⵎⴰⵏ ⵍⵎⵓⵙⵍⵉⵎ ⴼ ⵓⴼⵛⴰⴷ ⵏⵏⵙ ⴷⴼⴼⵉⵔ ⵏ ⵜⵎⵜⵜⴰⵏⵜ ⵏ ⵉⵎⵎⵉⵙ ⵏ ⴱⴰⴱ ⵏ ⵡⴰⴷⴷⵓⵔ, ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵍⴰⵟⵉⴼⴰ ⵜⴰⵎⵍⵍⴰ ⵏ ⵕⴱⴱⵉ ⴼ ⵉⵎⴰⵏ ⵏⵏⵙ, ⵉⵜⵜⵔ ⵕⴱⴱⵉ ⴰⴷ ⵜⵜ ⵉⴷⵍ ⵙ ⵜⵎⵍⵍⴰ ⵏⵏⵙ ⵉⴳ ⵜⵜ ⵏⵏ ⴳ ⵍⵊⵏⵜ ⵏⵏⵙ ⵉⴼ ⵜⵉⵥⵥⵉⴹⵕⴰ ⵉ ⵜⵓⵡⵊⴰ ⵜⴰⴳⵍⴷⴰⵏⵜ ⴷ ⵓⵎⴰⴷⴰⵏ ⴰⵎⵖⵔⵉⴱⵉ. 

ⵉⵙⵢⵜⴳ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴰⴷⴷⴰⴷⵏ ⵏ ⵜⴳⵍⴷⵉⵜ ⵏ ⵍⴱⴰⵃⵕⴰⵢⵏ ⴳ ⵓⵙⵏⴰⵍ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⵙⵏⵜⴰⵢⵜ ⵏ ⵓⵏⴱⴰⴹ ⴰⵏⵉⵎⴰⵏ ⴳ ⵚⵚⵃⵕⴰ ⵜⴰⵎⵖⵔⵉⴱⵉⵜ, ⴳ ⵓⵎⴰⵍⵓ ⵏ ⵜⵅⵅⵓⵜⵔⴰ ⴷ ⵜⵢⴰⵏⵜ ⵏ ⵡⴰⴽⴰⵍ ⵏ ⵍⵎⵖⵔⵉⴱ ⴷ ⵓⵙⵏⴰⵍ ⵏⵏⵙ ⴳ ⵎⴰⴷ ⵉⴳⴰⵏ ⵎⴳⴰⵍ ⵏ ⵜⵅⵅⵓⵜⵔⴰ ⴷ ⵜⵢⴰⵏⵜ ⵜⴰⵏⴰⵎⵓⵔⵜ ⵜⴰⵏⴰⴽⴰⵍⵜ. 

ⵉⵙⵓⵜⴳ ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ ⵜⵉⵣⴷⴰⵢⵉⵏ ⵜⵉⵙⵉⵏⵔⴰⵏⵉⵏ ⴷ ⵜⴳⵜⵉⵔⴰⵏⵉⵏ, ⴷ ⵓⵎⵢⴰⵡⴰ ⵉⵍⵍⴰⵏ ⴳ ⵜⵎⵔⴰⵡⵜ ⵜⴰⵎⴳⴳⴰⵔⵓⵜ ⴳ ⵍⵍⴰⵏ ⵉⵔⵣⴰⴼⵏ ⴷ ⵓⵣⴷⴰⵢ ⴳ ⵉⵏⵎⵓⵇⵇⴰⵔⵏ ⵉⴱⵕⵍⴰⵎⴰⵏⵉⵢⵏ ⵉⵏⵎⵏⴰⴷⵏ ⴷ ⵉⴳⵔⴰⵖⵍⴰⵏⵏ ⴷ ⵓⵙⴷⵓⵙ ⵏ ⵓⵎⵢⴰⵡⴰⴹ ⴰⵙⵓⵍⴰⵏ ⵊⴰⵔ ⵜⵉⵎⵔⵙⴰⵍ ⵜⵉⵣⵣⵔⴰⴼⵉⵏ ⴷ ⵉⴷ ⵎⴰⵙⵙ ⴷ ⵉⵙⵜ ⵎⴰⵙⵙⴰ ⵉⵎⵓⵔⴰ ⴷ ⵜⵏⴼⵍⵓⵙⵉⵏ ⵜⵉⵎⴰⵜⴰⵢⵉⵏ. 

ⴳ ⵜⵙⵎⵓⵏⵉ ⴰⴷ, ⵙⵓⵜⴳⵏ ⵙⵉⵏ ⵉⵎⵙⵜⴳⴳⴰⵔⵏ ⵜⵓⴳⴳⴰⵙ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵃⴰⵎⴰⴷ ⴱⵏ ⵄⵉⵙⴰ ⴰⵍ ⵅⴰⵍⵉⴼⴰ ⴰⴳⵍⵍⵉⴷ ⵏ ⵍⴱⴰⵃⵕⴰⵢⵏ ⴳ ⵓⵙⵏⴰⵍ ⵏ ⵜⵡⵓⵔⵉ ⵜⴰⵄⵕⴰⴱⵜ ⵉⵛⵛⴰⵔⵏ ⴷ ⵓⵙⴽⵔ ⵏ ⵜⵏⴼⵔⵓⵜ ⴷ ⵓⴼⵔⴰ ⴳ ⵜⵙⴳⴰ, ⴷ ⵓⵎⵓⵔⵙ ⵏ ⵜⵏⵙⵙⵉⵅⴼⵜ ⵏ ⵜⴳⵍⴷⵉⵜ ⵏ ⵍⴱⴰⵃⵕⴰⵢⵏ ⵏ ⵓⴳⵔⴰⵡ ⴰⵄⵕⴰⴱ ⵡⵉⵙ 33, ⴷ ⵉⵙⵖⵍⴰⴼ ⴷ ⵜⵖⵜⴰⵙⵉⵏ ⵏⵏⵙ, ⵢⵉⵍⵉ ⵓⵙⴷⴷⵉⴷ ⴼ ⵓⵙⵏⴰⵍ ⵏ ⵜⴳⵍⴷⵉⵜ ⵏ ⵍⴱⴰⵃⵕⴰⵢⵏ ⴳ ⵓⵙⵏⵓⴱⴳ ⵏ ⵓⴳⵔⴰⵡ ⴰⴳⵔⴰⵖⵍⴰⵏ ⵏ ⵓⴼⵔⴰ ⴳ ⵜⵙⴳⴰ, ⴷ ⵓⵙⵏⴰⵍ ⵏ ⵜⵎⵙⴰⵔⵜ ⵏ ⴼⴰⵍⵉⵙⵟⵉⵏ ⴷ ⵉⵣⵔⴼⴰⵏ ⵓⵍⴳⵉⵏⵏ ⵏ ⵓⵎⴰⴷⴰⵏ ⵏ ⴼⴰⵍⵉⵙⵟⵉⵏ. 

ⵉⴷⵔⵓ ⴳ ⵓⵎⴹⴰⴽⴰⵕ ⵎⴰⵙⵙ ⵅⴰⵍⵉⴷ ⴱⵏ ⵙⴰⵍⵎⴰⵏ ⵍⵎⵓⵙⵍⵉⵎ ⴰⵎⵙⵇⵇⴰⴷ ⵏ ⵜⴳⵍⴷⵉⵜ ⵏ ⵍⴱⴰⵃⵕⴰⵢⵏⵏ ⴳ ⵕⵕⴱⴰⵟ,ⴷ ⵎⴰⵙⵙ ⵎⵓⵃⵙⵉⵏ ⵄⴰⵍⵉ ⵍⵄⵙⴱⵓⵍ ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⴽⴰⴱⴰⵕ, ⴰⵎⴰⵔⵉ ⵎⵓⵃⴰⵎⵎⴰⴷ ⵎⵓⵙⴰ ⵍⴱⵍⵓⵛⵉ, ⵜⴰⵎⴰⵔⵉⵜ ⵃⴰⵏⴰⵏ ⵎⵓⵃⴰⵎⵎⴰⴷ ⵄⴰⵍⵉ, ⴰⵎⴰⵔⵉ ⵎⴰⵃⵎⵓⴷ ⵎⵉⵔⵣⴰ ⴼⵔⴷⴰⵏ, ⴰⵎⴰⵔⵉ ⵄⴰⵍⵉ ⵎⴰⵊⵉⴷ ⵏⵏⴰⵄⵉⵎⵉ, ⴰⵎⴰⵔⵉ ⵄⴰⵍⵉ ⵚⴰⵇⵕ ⴷⴷⵓⵙⵔⵉ, ⴰⵎⵛⵛⵉⵡⵕ ⵕⴰⵛⵉⴷ ⵎⵓⵃⴰⵎⵎⴰⴷ ⴱⵓⵏⵊⵎⴰ ⴰⵏⴼⵍⵓⵙ ⴰⵎⴰⵜⴰⵢ ⵏ ⵓⵙⵇⵇⵉⵎ ⵏ ⵉⵎⵓⵔⴰ. 

ⴳ ⵜⵙⴳⴰ ⵜⴰⵎⵖⵔⵉⴱⵉⵜ, ⵉⵃⴰⴹⵕ ⵎⴰⵙⵙ ⴰⵎⴰⵔⵉ ⵏⴰⴱⵉⵍ ⴷⴷⵅⵛ ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵜⴰⴱⵕⵍⴰⵎⴰⵏⵉⵜ ⵍⵎⵖⵔⵉⴱ-ⵍⴱⴰⵃⵕⴰⵢⵏ, ⴷ ⵎⴰⵙⵙ ⵏⴰⵊⵉⴱ ⵍⵅⴰⴷⴷⵉ ⴰⵎⴰⵔⴰ ⴰⵎⴰⵜⴰⵢ ⵏ ⵓⵙⵇⵇⵉⵎ ⵏ ⵉⵎⵓⵔⴰ.