ⵜⴷⵔⵓ ⵜⴰⵢⵢⴰⵡⵜ ⵜⴰⴱⵕⵍⴰⵎⴰⵏⵉⵜ ⵜⴰⵏⴰⵎⵓⵔⵜ ⴳ ⵜⵙⵓⵜⵍⵜ 49 ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵉ ⵜⴼⵕⴰⵏⴽⵓⴼⵓⵏⵉⵜ
ⵉⴷⵔⵓ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⵉⵙⵙⵉⵅⴼ ⵎⴰⵙ ⵃⴰⵙⴰⵏ ⴱⵏ ⵄⵓⵎⴰⵕ, ⵙⴳ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ, ⴳ ⵜⵙⵓⵜⵍⵜ ⵜⵉⵙ 49 ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵉ ⵜⴼⵕⴰⵏⴽⵓⴼⵓⵏⵉⵜ ⴳ 5 ⴰⵔ 10 ⵢⵓⵍⵢⵓⵣ ⴳ ⵎⵓⵏⵜⵉⵕⵢⴰⵍ ⴳ ⴽⴰⵏⴰⴹⴰ.
ⵜⵓⵎⴰ ⵜⴰⵢⵢⴰⵡⵜ ⵜⴰⴱⵕⵍⴰⵎⴰⵏⵉⵜ ⵜⴰⵎⵖⵔⵉⴱⵉⵜ ⵖⵔ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵉ ⵜⴼⵕⴰⵏⴽⵓⴼⵓⵏⵉⵜ ⵙⴳ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙⵙ ⵍⵃⵓⵙⵉⵏ ⵓⵄⵍⴰⵍ ⵙⴳ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ,ⵎⴰⵙⵙⴰ ⵍⴰⵟⵉⴼⴰ ⵍⴱⵍⵉⵃ ⵙⴳ ⵜⵥⵖⵓⵕⵜ ⴷ ⵜⵎⴰⵜⵔⴰⵔⵜ, ⵎⴰⵙⵙ ⵀⵉⵛⴰⵎ ⵛⵛⴰⴼⵉⵇ ⵙⴳ ⵜⵔⴰⴱⴱⵓⵜ ⵜⴰⵙⵉⵎⴰⵏⵜ ⵉ ⵜⵎⵓⵏⵉ ⴷ ⵢⵉⵙⴽⵉⵍ. ⵙⴳ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ, ⵎⴰⵙⵙ ⵕⵉⴹⴰ ⵍⵃⵎⵉⵏⵉ ⵙⴳ ⵜⴰⵎⵓⵏⵜ ⵜⴰⵎⴰⵜⴰⵢⵜ ⵉ ⵜⵎⵙⵙⵏⵜⴰⵢ ⴳ ⵍⵎⵖⵔⵉⴱ, ⵎⴰⵙⵙⴰ ⵎⵉⵏⴰ ⵃⵎⴷⴰⵏⵉ ⵙⴳ ⵜⴰⵎⵓⵏⵜ ⵜⴰⵎⵖⵔⵉⴱⵉⵜ ⵉ ⵜⵡⵓⵔⵉ.
ⵜⵥⵍⵉ ⵜⵙⵓⵜⵍⵜ ⵙ ⵓⵎⴹⴰⴽⴰⵕ ⵏ ⵜⵖⵉⵙⵜ ⵜⴰⵎⴳⵓⵔⴰⵏⵜ ⴷ ⵜⵥⴹⴰⵕⵉⵏ ⴷ ⵉⵎⵉⵣⵉⵜⵏ ⵣⴷⵉⵏⵉⵏ ⴷ ⵜⵡⵓⵔⵉ ⵜⴰⴱⵕⵍⴰⵎⴰⵏⵉⵜ , ⵙ ⵓⵙⵙⴼⵍⴷ ⵉ ⵉⵎⵓⵣⴰⵢⵏ ⴷ ⵓⵙⵏⴼⵍ ⵏ ⵜⴰⵏⵏⴰⵢⵢⵉⵏ ⴷ ⵜⵎⵙⴽⴰⵔ ⵥⵉⵍⵏⵉⵏ ⵃⵎⴰ ⴰⴷ ⵢⵉⵍⵉ ⵓⵖⴰⵡⴰⵙ ⴼ ⵓⵙⵖⵓⴷⵓ ⵏ ⵓⵙⵎⵔⵙ ⵏ ⵜⵖⵉⵙⵜ ⵜⴰⵎⴳⵓⵔⴰⵏⵜ ⴳ ⵢⵉⴳⵔ ⴰⴱⵕⵍⴰⵎⴰⵏⵉ.
ⵔⴰⴷ ⵉⴷⵔⵓ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⴳ ⵜⵙⵎⵓⵏⵉ ⵏ ⵜⵙⵇⵇⵉⵎⵜ ⵜⴰⵙⵔⵜⴰⵏⵜ ⴷ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵜⵉⴷⵎⵙⴰⵏⵉⵏ, ⴷ ⵜⵙⵇⵇⵉⵎⵜ ⵏ ⵓⵙⵙⵍⵎⴷ ⴷ ⵓⵎⵢⴰⵡⴰⴹ ⴷ ⵜⵖⴰⵡⵉⵙⵉⵡⵏ ⵜⵉⴷⵍⵙⴰⵏⵉⵏ, ⴷ ⵓⵥⵟⵟⴰ ⵏ ⵜⵎⵖⴰⵔⵉⵏ ⵜⵉⴱⵕⵍⴰⵎⴰⵏⵉⵢⵉⵏ, ⵙ ⵉⵎⴹⴰⴽⴰⵕⵏ ⵣⴷⵉⵏⵉⵏ ⴷ ⵜⵎⴰⵣⵣⴰⵍⵜ ⵜⴰⵙⵔⵜⴰⵏⵜ ⴷ ⵜⵣⴷⴰⵢⵉⵏ ⵜⵉⴳⵜⵉⵔⴰⵏⵉⵏ ⴷ ⵓⵙⵕⵚⵓ ⵏ ⵓⴼⵔⴰ ⴷ ⵓⴼⵔⴰⴳ ⵏ ⵜⵎⵏⵏⴰⵡⵜ ⵜⴰⴱⵢⵓⵍⵓⵊⵉⵜ, ⴷ ⵉⵎⴹⴰⴽⴰⵕⵏ ⵉⵏⵙⴱⴰⴱⵏ ⴳ ⵓⵙⴰⵜⵉ ⵏ ⵜⵎⴰⴷⴷⴰⵙⵜ ⵏⵜ ⵙⴱⴱⴰⴱⵜ ⵜⴰⴳⵔⴰⵖⵍⴰⵏⵜ, ⴷ ⵓⴼⵔⴰⴳ ⵏ ⵜⵔⴱⴰⵜⵉⵏ ⴷ ⵜⵎⵖⴰⵔⵉⵏ ⴳ ⵉⴱⴰⵔⴰⵣⵏ ⵏ ⵉⵎⴰⵖⵏ, ⴷ ⵓⵙⵉⴷⴼ ⵏ ⵜⴰⵣⵣⴰⵏⵉⵏ ⵉⵎⵄⴹⴰⵕ ⴳ ⵜⵉⵏⵎⵍ.
ⵔⴰⴷ ⵜⵉⵍⵉⵜ ⵓⵍⴰ ⵜⵙⵓⵜⵍⵜ ⵜⵉⵙ 10 ⵏ ⵓⴱⵕⵍⴰⵎⴰⵏ ⴰⴼⵕⴰⵏⴽⵓⴼⵓⵏⵉ ⵏ ⵉⵄⵔⵔⵉⵎⵏ, ⵉⴳⴰⵏ ⴰⵎⵓⵙⵙⵓ ⵉⵙⵜⴰⵡⵀⵎⵎⴰⵏ ⵉ ⵉⵄⵔⵔⵉⵎⵏ ⵍⵍⵉ ⴷⴰⵔ 18 ⴰⵔ 25 ⵏ ⵓⵙⴳⴳⵯⴰⵙ ⵙⴳ ⵉⴼⵕⴰⵏⴽⵓⴼⵓⵏⵉⵢⵏ, ⵔⴰⵙ ⵙⴽⵔⵏ 79 ⵏ ⵓⵄⵔⵔⵉⵎ ⵙⴳ ⵉⴼⵔⵉⵇⵢⴰ ⴷ ⵎⴰⵔⵉⴽⴰⵏ ⴷ ⴰⵙⵢⴰ ⴷ ⵓⵕⵓⴱⴱⴰ, ⵜⵉⵖⵜⴰⵙⵉⵏ ⵣⴷⵉⵏⵉ ⴷ ⵉⵅⵎⵎⵉⵎⵏ ⵏⵏⵙⵏ ⴷ ⵎⴰⵙ ⵇⵇⵍⵏ.
ⵜⵍⵍⴰ ⵜⵙⵓⵜⵍⵜ ⴰⴷ ⵜⵉⵙ 49 ⵙ ⵜⵖⵔⵉ ⵏ ⵓⴱⵕⵍⴰⵎⴰⵏ ⵏ ⴽⴰⵏⴰⴹⴰ, ⴷⴷⵓ ⵉⵡⵉⵣ ⵏ ⵓⵏⵙⵙⵉⵅ ⵏ ⵓⵙⵇⵇⵉⵎ ⵏ ⵓⴳⴷⵓⴷ ⴳ ⴽⴰⵏⴰⴹⴰ ⵎⴰⵙⵙ ⴳⵔⵉⴳ ⴼⵉⵔⴳⵓⵙ, ⴷ ⵎⴰⵙⵙⴰ ⵕⴰⵢⵎⵓⵏⴷ ⴳⴰⵏⵢⵉ ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⵙ ⵜⴷⵔⴰⵡⵜ ⵏ 300 ⵏ ⵓⵎⴷⵔⴰⵡ ⵙⴳ ⵉⵡⴰⵏⴽⵏ ⵙⴰⵡⴰⵍⵏⵉⵏ ⵜⴰⴼⵕⴰⵏⵉⵚⵜ.