ⴱⵓⵅⴰⵔⵉⵙⵜ: ⵜⴷⵔⵓ ⵜⴰⵢⵢⴰⵡⵜ ⵜⴰⴱⵕⵍⴰⵎⴰⵏⵉⵜ ⵜⴰⵎⵖⵔⵉⴱⵉⵜ ⴳ ⵜⵙⵓⵜⵍⵜ ⵜⴰⵙⴳⴳⵯⵙⴰⵏⵜ ⵜⵉⵙ 31 ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵜⵎⴰⴷⴷⴰⵙⵜ ⵏ ⵜⵏⴼⵔⵓⵜ ⴷ ⵓⵎⵢⴰⵡⴰⵙ ⴳ ⵓⵕⵓⴱⴱⴰ
ⵜⴷⵔⵓ ⵜⴰⵢⵢⴰⵡⵜ ⵜⴰⴱⵕⵍⴰⵎⴰⵏⵉⵜ ⵜⴰⵎⵖⵔⵉⴱⵉⵜ ⴳ ⵜⵙⵓⵜⵍⵜ ⵜⴰⵙⴳⴳⵯⵙⴰⵏⵜ ⵜⴰⵙⴳⴳⵯⵙⴰⵏⵜ ⵜⵉⵙ 11 ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵜⵎⴰⴷⴷⴰⵙⵜ ⵏ ⵜⵏⴼⵔⵓⵜ ⴷ ⵓⵎⵢⴰⵡⴰⵙ ⴳ ⵓⵕⵓⴱⴱⴰ ⴳ ⴱⵓⵅⴰⵕⵉⵙⵜ ⴳ ⵕⵓⵎⴰⵏⵢⴰ ⴳ 29 ⵢⵓⵏⵢⵓ ⴰⵔ 3 ⵢⵍⵢⵓⵣ 2024. ⵢⵓⵎⴰ ⵓⴽⴰⴱⴰⵕ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙⵙ ⵎⴰⵕⵡⴰⵏ ⵛⴱⴰⵄⵜⵓ ⵙⴳ ⵜⵔⴰⴱⴱⵓⵜ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ, ⵎⴰⵙⵙ ⵅⴰⵍⵉⴷ ⵃⴰⵜⵉⵎⵉ ⵙⴳ ⵜⵥⵖⵓⵕⵜ ⴷ ⵜⵎⴰⵜⵔⴰⵔⵜ, ⵙⴳ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⵎⴰⵙⵙⴰ ⵊⴰⵍⵉⵍⴰ ⵎⵓⵔⵙⵍⵉ ⵙⴳ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ.
ⵜⵍⵍⴰ ⵜⵙⵓⵜⵍⵜ ⴰⴷ ⴷⴷⵓ ⵜⵎⴰⵜⴰⵔⵜ: ⵜⵉⵍⴰⵍ ⵏ ⵜⵎⴰⴷⴷⴰⵙⵜ ⵏ ⵜⵏⴼⵔⵓⵜ ⴷ ⵓⵎⵢⴰⵡⴰⵙ ⴳ ⵓⵕⵓⴱⴱⴰ ⴳ ⵓⵚⴽⵓ ⵏ ⵜⵏⴼⵔⵓⵜ ⵏ ⵖⵉⵍⴰⴷ: ⴰⵙⵎⴰⵇⵇⵍ ⴰⴱⵕⵍⴰⵎⴰⵏⵉ”, ⵙ ⵜⵉⵍⵉⵜ ⵏ ⵉⴽⴰⴱⴰⵕⵏ ⵉⴳⵎⴰⵎⵏ ⴳ ⵜⵎⵙⵎⵓⵏⵜ ⴷ ⵉⵎⵓⵣⴰⵢⵏ ⴷ ⵉⴳⵯⵏⵙⴰⵙⵏ ⵉⴷⵉⴱⵍⵓⵎⴰⵙⵉⵢⵏ , ⵖⵎⴽ ⴰⵏⵏ ⴷ ⵉⴳⵯⵏⵙⴰⵙⵏ ⵏ ⵓⴱⵕⵍⴰⵎⴰⵏ ⴷ ⵜⵏⴱⴰⴹⵜ ⴳ ⵕⵓⵎⴰⵏⵢⴰ ⴷ ⵜⵎⴰⴷⴷⴰⵙⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵜⵉⴳⵔⴰⵖⵍⴰⵏⵉⵏ ⴷ ⵜⵙⴳⴰⵡⴰⵏⵉⵏ.
ⵉⵍⵍⴰ ⵓⵎⴹⴰⴽⴰⵕ ⵏ ⵜⵓⴳⵜ ⵜⵎⵙⴰⵔⵉⵏ ⴰⵎ ⴰⵙⵓⵔⵙ ⵏ ⵜⵏⴼⵔⵓⵜ ⴳ ⵜⵙⴳⴰ ⵏ ⵍⵇⴱⵍⵜ ⵜⴰⵏⴰⵎⵎⴰⵙⵜ, ⵉⴷⵔⵉⵣⵏ ⵏ ⵜⵎⴰⵖⵜ ⵊⴰⵔ ⵔⵓⵙⵢⴰ ⴷ ⵓⴽⵕⴰⵏⵢⴰ ⴼ ⵉⵏⴳⵔⴰⵡⵏ ⴰⴳⵔⴰⵖⵍⴰⵏ ⴷ ⵡⵉⵏ ⵓⵕⵓⴱⴱⴰ, ⴰⵎⴰⵏ ⴷ ⵜⵎⵓⴽⵔⵉⵙⵜ ⵏ ⵓⵏⵣⵡⵉ, ⴰⵣⵡⴰⴳ ⴷ ⵓⵙⵖⵏⵣⵉ ⴳ ⵓⴼⴳⴰⵏ, ⵜⵉⴽⵔⴽⴰⵙ ⵏ ⵓⵙⵏⵖⵎⵙ, ⴳ ⵜⵙⵎⵓⵏⴰⵢ ⵏ ⵜⵙⵇⵇⵉⵎⵉⵏ ⵜⵉⵎⴰⵜⴰⵢⵉⵏ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵜⵎⴰⴷⴷⴰⵙⵜ ⵏ ⵜⵏⴼⵔⵓⵜ ⴷ ⵓⵎⵢⴰⵡⴰⵙ ⴳ ⵓⵕⵓⴱⴱⴰ (ⵜⴰⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵜⵉⵙⵔⵜⴰⵏⵉⵏ ⴷ ⵜⵏⴼⵔⵓⵜ, ⵜⴰⵙⵇⵇⵉⵎⵜ ⵏ ⵜⴷⵉⵎⵓⵇⵔⴰⵟⵉⵜ ⴷ ⵉⵣⴼⴰⵏ ⵏ ⵓⴼⴳⴰⵏ ⴷ ⵜⵎⵙⴰⵔⵉⵏ ⵜⵉⵏⴼⴳⴰⵏⵉⵏ, ⵜⴰⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵜⵉⴷⵎⵙⴰⵏⵉⵏ ⴷ ⵜⵎⴰⵙⵙⴰⵏⵉⵏ ⴷ ⵜⴻⵜⵉⴽⵏⵓⵍⵓⵊⵉⵜ ⴷ ⵡⴰⵡⵏⴰⴹ).
ⵜⴼⴼⵖ ⵜⵙⵓⵜⵍⵜ ⴰⴷ ⵙ ⴽⵉⴳⴰⵏ ⵏ ⵉⵏⵇⵇⵉⵙⵏ ⵏ ⵜⵙⵇⵇⵉⵎⵉⵏ ⵜⵉⵎⴰⵜⴰⵢⵉⵏ ⴳⴰⵏⵉⵏ ⴽⵕⴰⴹⵜ ⵖⵎⴽ ⴰⵏⵏ ⴷ ⵜⵙⵇⵇⵉⵎⵉⵏ ⵥⵍⵉⵏⵉⵏ ⵙ ⵓⵣⵡⴰⴳ ⴷ ⵓⵙⴱⴷⴷⵉ ⵏ ⵓⴱⵔⵙⵙⵉⵡⴷ, ⴷ ⵓⵙⵜⴰⵢ ⵏ ⵉⵙⵖⵍⴰⴼ. ⵜⵥⵍⵉ ⵜⵖⵉⵎⵉⵜ ⵜⴰⵎⴳⴳⴰⵔⵓⵜ ⵏ ⵜⵙⵓⵜⵍⵜ ⵜⵉⵙ 31 ⵙ ⵓⵙⵉⵡⴹ ⵏ ⴱⵓⵅⴰⵔⵉⵙⵜ ⴳ ⵍⵍⴰⵏ ⵉⵙⵖⵍⴰⴼ ⵉ ⵜⵏⴱⴰⴹⵉⵏ ⴷ ⵉⴱⵕⵍⴰⵎⴰⵏⵏ ⴷ ⵡⴰⵎⵓⵏ ⴰⴳⵔⴰⵖⵍⴰⵏ, ⴷ ⵓⵙⵜⴰⵢ ⵏ ⵜⵏⵙⵙⵉⵅⴼⵜ ⵏ ⵜⵎⵙⵎⵓⵏⵜ ⴷ ⵓⵙⵜⴰⵢ ⵏ ⵉⵏⵙⵙⵉⵅⴼⵏ ⴷ ⵉⵎⵖⵜⴰⵙⵏ ⵏ ⵜⵙⵇⵇⵉⵎⵉⵏ ⵜⵉⵙⵓⵍⴰⵏⵉⵏ ⴷ ⵉⴳⵎⴰⵎⵏ ⴷ ⵓⵙⵉⵔⴰ ⵏ ⵜⵎⵙⵎⵓⵏⵜ.
ⵉⵙⵏⵎⴰⵍⴰ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⵏ ⵍⵎⵖⵔⵉⴱ ⴰⵏⵎⵓⵇⵇⴰⵔ ⴷ ⵎⴰⵙⵙⴰ Daniela de ridder ⵜⴰⵏⵙⵉⵅⴼⵜ ⵏ ⵜⵙⵇⵇⵉⵎⵜ ⵉⵥⵍⵉⵏ ⵙ ⵓⵣⵡⴰⴳ, ⵉⵍⵍⴰ ⵓⵙⴱⵔⵔⴽ ⵏ ⵓⵔⵣⴰⴼ ⵏ ⵉⴳⵎⴰⵎⵏ ⵏ ⵜⵙⵇⵇⵉⵎⵜ ⵉ ⵍⵎⵖⵔⵉⴱ ⵉ ⵓⵙⵙⵏ ⵏ ⵜⵉⵔⵎⵉⵜ ⵜⴰⵎⵣⵡⴰⵔⵓⵜ ⵉⵥⵍⵉⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵓⵙⵡⵓⴷⴷⵓ ⵏ ⵓⵣⵡⴰⴳ ⵙ ⵜⵎⵢⴰⴷⴰⵙⵜ ⵜⴰⵏⴼⴳⴰⵏⵜ.