ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2021-2026:
ⴳ ⵓⵙⵏⵓⴱⴳ ⵏⵏⵙ ⵙⴳ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵉⵙⵓⵜⴳ ⵓⴽⴰⴱⴰⵕ ⵏ ⴼⴰⵍⵉⵙⵟⵉⵏ ⵜⵉⵙⵏⵜⴰⵢⵉⵏ ⵏ ⴱⴰⴱ ⵏ ⵡⴰⴷⴷⵓⵔ ⵅⴼ ⵜⵎⵙⴰⵔⵜ ⵏ ⴼⴰⵍⵉⵙⵟⵉⵏ ⴷ ⵜⵡⵉⵣⵉ ⴰⴽⴷ ⴰⵎⴰⴷⴰⵏ ⵏ ⴼⴰⵍⵉⵙⵟⵉⵏ
ⵉⵙⵏⵓⴱⴳ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⴽⵕⴰⵙ 26 ⵢⵓⵏⵢⵓ 2024 ⴳ ⵕⵕⴱⴰⵟ, ⴰⴽⴰⴱⴰⵕ ⵏ ⴼⴰⵍⵉⵙⵟⵉⵏ ⵉⵔⵣⴼⵏ ⵜⴰⴳⵍⴷⵉⵜ ⵏ ⵍⵎⵖⵔⵉⴱ ⵙ ⵜⵖⵔⵉ ⵏ ⵜⴳⵎⵎⵉ ⵏ ⵓⴷⵔⵉⵎ ⵏ ⵍⵇⵓⴷⵙ.
ⵉⵙⴰⵡⵍ ⵉⴽⴰⴱⴰⵕ ⴰⴷ ⴼ ⵓⵙⵓⵜⴳ ⴷ ⵓⵙⵏⵉⵎⵎⵔ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱ, ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵍⵇⵓⴷⵙ ⴼ ⵜⵙⵏⵜⴰⵢⵜ ⵏⵏⵙ ⵜ ⵜⵡⵉⵣⵉ ⵏⵏⵙ ⵉ ⵉⴼⴰⵍⵉⵙⵟⵉⵏⵉⵢⵏ ⵏ ⵖⴰⵥⵥⴰ.
ⵉⵙⵓⵜⴳ ⵓⴽⴰⴱⴰⵕ ⵓⵍⴰ ⵜⴰⵡⵓⵔⵉ ⵏ ⵜⵙⵏⵓⵔⴰⵢⵜ ⵏ ⵜⴳⵎⵎⵉ ⵏ ⵓⴷⵔⵉⵎ ⵏ ⵍⵇⵓⴷⵙ ⴼ ⵜⵡⵉⵣⵉ ⵏⵏⵙ ⴷ ⵉⵙⵏⴼⴰⵔⵏ ⵏⵏⵙ ⵉ ⵓⴼⵔⴰⴳ ⵏ ⵜⵎⴰⴳⵉⵜ ⵜⴰⵎⵣⵔⴰⵢⵜ ⴷ ⵜⵖⵔⵎⴰⵏⵜ ⵏ ⵜⵖⵔⵎⵜ ⵏ ⵍⵇⵓⴷⵙ ⴰⵛⴰⵔⵉⴼ.
ⵉⵙⵎⵏⵉⴷ ⵓⴽⴰⴱⴰⵕ ⴰⴷ ⴰⵙⵓⵔⵙ ⵏ ⵖⵉⵍⴰⴷ ⴳ ⵍⵇⵓⴷⵙ ⴷ ⵖⴰⵥⵥⴰ ⴷ ⵜⴰⵙⵙⴰⵜ ⵏ ⵓⵎⴰⴷⴰⵏ ⴰⴼⵉⵍⵙⵟⵉⵏⵉ ⴳ ⵓⵣⵎⵣ ⴰⴷ ⵉⵛⴷⴷⴰⵏ.
ⵉⵙⴱⵔⵔⴽ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⴽⴰⴱⴰⵕ ⴰⴼⵉⵍⵙⵟⵉⵏⵉ, ⵉⵙⵎⴰⵢⵏⵓ ⴰⴷⴷⴰⴷ ⵏ ⵍⵎⵖⵔⵉⴱ ⵅⴼ ⵜⵎⵙⴰⵔⵜ ⵏ ⴼⴰⵍⵉⵙⵟⵉⵏ ⴷ ⵓⵙⵏⴰⵍ ⵏ ⵓⵎⴰⴷⴰⵏ ⴰⵎⵖⵔⵉⴱⵉ, ⵙ ⵜⵏⴰⵔⴰ ⵉⵥⵍⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵉⵏⵚⵕ ⵕⴱⴱⵉ, ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵍⵇⵓⴷⵙ, ⵉ ⵜⵎⵙⴰⵔⵜ ⵏ ⴼⴰⵍⵉⵙⵟⵉⵏ, ⵉⴱⴷⴷ ⴼ ⵜⵙⵏⵜⴰⵢⵉⵏ ⵜⵉⴳⵍⴷⴰⵏⵉⵏ ⴰⵜⵜⵓⵢⵏⵉⵏ ⴳ ⵓⵎⵏⵉⴷ ⴰⴷ, ⵍⵍⴰⵏⵉⵏ ⴳ ⵓⵙⴰⵜⵉ ⵏ ⵍⵄⵏⴰⵢⵜ ⵍⵍⵉ ⵢⴰⴽⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴰⴷ ⵜ ⵉⵃⴼⴹ ⵕⴱⴱⵉ, ⵉ ⵜⵎⵙⴰⵔⵜ ⵏ ⴼⴰⵍⵉⵙⵟⵉⵏ ⴷ ⵓⵣⵔⴼ ⵏ ⵓⵎⴰⴷⴰⵏ ⵏ ⴼⴰⵍⵉⵙⵟⵉⵏ
ⵉⵃⴰⴹⵕ ⴳ ⵓⵙⵏⵓⴱⴳ ⴰⴷ ⵎⴰⵙⵙ ⵊⴰⵎⴰⵍ ⵛⵛⵓⴱⴽⵉ, ⴰⵎⵙⵇⵇⴰⴷ ⵏ ⴼⴰⵍⵉⵙⵟⵉⵏ ⴳ ⵕⵕⴱⴰⵟ, ⴷ ⵎⴰⵙⵙ ⵎⵓⵃⴰⵎⵎⴰⴷ ⵙⴰⵍⵎ ⵛⵛⵔⵇⴰⵡⵉ, ⴰⵏⵎⵀⴰⵍ ⵉⵜⵜⵓⵙⵎⴰⴳⴰⵍⵏ ⵙ ⵓⵙⵡⵓⴷⴷⵓ ⵏ ⵜⵙⵏⵓⵔⴰⵢⵜ ⵏ ⵜⴳⵎⵎⵉ ⵏ ⵓⴷⵔⵉⵎ ⵏ ⵍⵇⵓⴷⵙ ⴰⵛⴰⵔⵉⴼ.
ⵢⵓⵎⴰ ⵓⴽⴰⴱⴰⵕ ⴰⴷ ⵉⴷ ⵎⴰⵙⵙ: ⴰⵛⵕⴰⴼ ⵍⴰⵄⵡⴰⵕ, ⴰⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⵍⵇⵓⴷⵙ, ⵄⴰⴱⴷ ⴰⵍⵍⴰⵀ ⵚⵉⵢⴰⵎ ⴰⵎⴰⵔⵉ ⵏ ⵉⵎⵃⴹⵉ ⵏ ⵍⵇⵓⴷⵙ, ⵎⵓⵄⵜⴰⵚⵉⵎ ⵜⵉⵎ, ⴰⵏⴼⵍⵓⵙ ⵏ ⵜⵙⵇⵇⵉⵎⵜ ⵜⴰⵎⴰⵜⵜⵓⵢⵜ ⵏ ⵍⵇⵓⴷⵙ ⵖⵔ ⵜⵏⵙⵙⵉⵅⴼⵜ ⵏ ⴼⴰⵍⵉⵙⵟⵉⵏ, ⵎⵓⵃⴰⵎⵎⴰⴷ ⵙⴰⵔⴰⵏⴷⴰⵃ ⴰⴳⴳⴰⴳ ⵏ ⵜⵎⵣⴳⵉⴷⴰ ⵏ ⵍⴰⵇⵚⴰ ⴷ ⵓⵏⴱⴹⵓ ⴳ ⵜⵙⵏⴱⴹⴰⵢⵜ ⵜⵓⵍⴳⵉⵏⵜ, ⵎⵓⵏⵉⴱ ⵢⵓⵏⴰⵏ ⴰⵏⵙⵙⵉⵅⴼ ⵉⵣⵔⵉⵏ ⵏ ⵜⴰⵎⵓⵏⵜ ⵜⴰⵎⴰⴹⵍⴰⵏⵜ ⵜⴰⵍⵓⵜⴰⵔⵉⵜ, ⵄⵉⵎⴰⴷ ⴰⴱⵓ ⴽⴰⵛⴽ, ⴰⵏⵙⵙⵉⵅⴼ ⵏ ⵜⵙⴷⴰⵡⵉⵜ ⵏ ⵍⵇⵓⴷⵙ, ⵎⴰⵙⵙ ⴽⴰⵎⴰⵍ ⵄⴱⵉⴷⴰⵜ ⴰⵏⵙⵙⵉⵅⴼ ⵏ ⵜⵎⵚⵕⵉⵜ ⵜⴰⵏⵙⴱⴰⴱⵜ ⵏ ⵍⵇⵓⴷⵙ ⴷ ⵓⵏⴼⵍⵓⵙ ⵏ ⵜⵎⵙⵎⵓⵏⵜ ⵏ ⵓⵙⴳⵏⴰⴼ ⵏ ⵍⵎⴰⵇⴰⵚⵉⴷ ⴳ ⵍⵇⵓⴷⵙ.
ⵢⵓⵎⴰ ⵓⴽⴰⴱⴰⵕ ⵓⵍⴰ ⵉⴷ ⵎⴰⵙⵙ: ⵅⴰⵍⵉⵍ ⴰⴱⵓ ⴼⵓⵍ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵏⴼⵍⴰⵙ ⵏ ⵜⵙⴷⴰⵡⵉⵜ ⵏ ⵍⴰⵥⵀⴰⵕ ⴳ ⵖⴰⵥⵥⴰ, ⵄⵓⵎⴰⵕ ⵎⵉⵍⴰⴷ ⴰⵏⵙⵙⵉⵅⴼ ⵏ ⵜⵙⴷⴰⵡⵉⵜ, ⵚⴰⴼⴰ ⵏⴰⵚⵉⵔ ⴷⴷⵉⵏ ⵜⴰⵏⴼⵍⵓⵙⵜ ⵜⴰⵎⴰⵜⴰⵢⵜ ⵏ ⵜⴳⵔⴰⵡⵜ ⵏ ⵜⵏⵙⵙⵉⵅⴼⵜ ⵏ ⵜⵙⴷⴰⵡⵉⵜ, ⵏⴰⴼⵉⴷ ⵍⴱⴰⵙⵓⵙ ⵙⴳ ⵓⵙⵇⵇⵉⵎ ⵏ ⵉⵏⴼⵍⴰⵙ ⵏ ⵜⵙⴷⴰⵡⵉⵜ ⴷ ⵓⴳⵎⴰⵎ ⵏ ⵜⵙⵇⵇⵉⵎⵜ ⵜⴰⵣⵔⴼⴰⵏⵜ, ⵃⴰⵙⴰⵏ ⵣⵣⵎⵎⴰⵕ ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵜⵖⵉⵡⴰⵏⵉⵏ ⵏ ⵜⵙⵏⵉⵊⵊⵉⵜ, ⵎⴰⵎⴷⵓⵃ ⵊⴰⴱⵕ ⴰⴳⵎⴰⵎ ⵏ ⵓⵙⵇⵇⵉⵎ ⵏ ⵉⵏⴼⵍⴰⵙ ⵏ ⵜⵙⴷⴰⵡⵉⵜ ⴷ ⵓⴳⵎⴰⵎ ⵏ ⵜⵙⵇⵇⵉⵎⵜ ⵜⴰⵣⵔⴼⴰⵏⵜ.