ⵉⵏⵎⵓⵇⵇⴰⵔⵏ ⵏ ⵜⵔⴰⴱⴱⵓⵜ ⵜⴰⵙⴳⵓⵎⴰⵏⵜ ⴼ ⵢⵉⵙⴽⵉⵍ ⴷ ⵜⵏⴳⴰⴷⴷⴰⵢⵜ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵉⵎⵙⵜⴳⴳⴰⵔⵏ ⵏ ⵜⵎⵔⵙⵍⵜ ⵜⴰⵣⵣⵔⴰⴼⵜ ⴳ ⵜⵛⵉⴽ

 ⵉⵣⵣⵉⴳⵣ ⵓⵔⵣⴰⴼ ⵏ ⵓⴽⴰⴱⴰⵕ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵉ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵜⵛⵉⴽ, ⵉⵣⴽⵔ ⵉⵏⵎⵓⵇⵇⴰⵔⵏ ⴷ ⵉⵎⵙⵜⴳⴳⴰⵔⵏ ⵏ ⵜⵎⵔⵙⵍⵜ ⵜⴰⵣⵣⵔⴰⴼⵜ ⴳ ⵜⵛⵉⴽ, ⵙ ⵓⵙⴽⵔ ⵏ ⵜⵖⵉⵎⵉⵜⵉⵏ ⴼ ⵜⵎⵙⴰⵔⵉⵏ ⵏ ⵜⵎⵖⴰⵔⵉⵏ ⴷ ⵜⵉⵍⵉⵜ ⵏⵏⵙⵏⵜ ⴳ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⴷ ⵜⵉⴷ ⵜⵜⴰⵡⵙⵜⴰⵢⵏⵉⵏ. 

ⵢⵓⵎⴰ ⵓⴽⴰⴱⴰⵕ ⵜⵉⴳⵎⴰⵎⵉⵏ ⵏ ⵜⵔⴰⴱⴱⵓⵜ ⵜⴰⵙⴳⵓⵎⴰⵏⵜ ⵏ ⵜⵡⵓⵔⵉ ⵅⴼ ⵢⵉⵙⴽⵉⵍ ⴷ ⵜⵏⴳⴰⴷⴷⴰⵢⵜ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙⴰ ⵏⴰⵊⵡⴰ ⴽⵓⴽⵓⵙ, ⵜⵉⴳⵎⴰⵎⵉⵏ ⵏ ⵜⵔⴰⴱⴱⵓⵜ ⵉⵙⵜ ⵎⴰⵙⵙⴰ: ⵃⴰⵢⴰⵜ ⵓⵎⵏⵊⵓⵊ, ⵎⴰⴷⵉⵃⴰ ⵅⵢⵉⵔ, ⵍⴰⵟⵉⴼⴰ ⵛⵛⵔⵉⴼ, ⵅⴰⴷⵉⵊⴰ ⵓⵍⴱⴰⵛⴰ, ⵄⴰⵣⵉⵣⴰ ⴱⵓⵊⵔⵉⴷⴰ, ⵜⵓⵔⵉⵢⵢⴰ ⵄⴰⴼⵉⴼ. ⵜⵙⵏⵓⴱⴳ ⵎⴰⵙⵙⴰ MAVKETA PEKA ROVA ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⵛⵉⴽ ⵉⵏⵎⴰⵇⵇⴰⵔ ⵓⵍⴰ ⴷ ⵜⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵜⴰⵙⵓⵍⴰⵏⵜ ⵜⴰⵎⵏⵜⴰⵢⵜ ⵙ ⵜⵓⵡⵊⴰ ⴷ ⵜⵏⴳⴰⴷⴷⴰⵢⵜ, ⴷ ⵓⵏⵙⵙⵉⵅⴼ ⵏ ⵜⴰⵢⵢⴰⵡⵜ ⵜⴰⵜⵛⵉⴽⵉⵜ ⴷⴰⵔ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ. 

ⵜⵃⴰⴹⵕ ⴳ ⵓⵏⵎⵓⵇⵇⴰⵔ ⵎⴰⵙⵙⴰ ⵃⴰⵏⴰⵏ ⵙⵙⵄⴷⵉ ⵜⴰⵎⵙⵇⵇⴰⴷⵜ ⵏ ⴱⴰⴱ ⵏ ⵡⴰⴷⴷⵓⵔ, ⵜⵙⴱⵔⵔⴽ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⵛⵉⴽ ⴰⴽⴰⴱⴰⵕ, ⵜⵙⵓⵜⴳ ⵜⴰⴷⵉⵏⴰⵎⵉⵜ ⵏ ⵜⵣⴷⴰⵢⵉⵏ ⵊⴰⵔ ⵜⵉⵎⵔⵙⴰⵍ ⵜⵉⵣⵣⵔⴰⴼⵉⵏ ⴳ ⵙⵏⴰⵜ ⵜⵎⵉⵣⴰⵔ, ⵜⵙⵓⵜⴳ ⵜⵉⵡⵉⵙⵉ ⵏ ⵜⵎⴰⵖⴰⵔⵉⵏ ⵜⵉⵎⵖⵔⵉⴱⵉⵢⵉⵏ ⴳ ⵜⵎⵔⵙⵍⵜ ⵜⴰⵣⵣⵔⴰⴼⵜ. 

ⵜⵙⴰⵡⵍ ⵜⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵏ ⵜⵎⵖⴰⵔⵜ ⴷ ⵜⵓⵡⵊⴰ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵜⵛⵉⴽ ⴼ ⵜⵓⵚⴽⴰ ⵏ ⵜⵙⵇⵇⵉⵎⵜ ⴷ ⵜⵡⵓⵔⵉⵡⵉⵏ ⵏⵏⵙ ⴷ ⵜⵣⴷⴰⵢⵉⵏ ⵏⵏⵙ ⴰⴽⴷ ⵜⵉⵎⵔⵙⴰⵍ ⵢⴰⴷⵏⵉⵏ, ⵜⵉⵙⵏⵜⴰⵢⵉⵏ ⵏⵏⵙ ⴳ ⵓⵙⵡⵉⵔ ⴰⵣⵣⵔⴰⴼ ⴷ ⵓⵎⴰⴷⴷⴰⵙ ⵉ ⵢⵉⵙⴽⵉⵍ ⴷ ⵓⵙⴱⴷⴷⵉ ⵏ ⵜⴽⵕⴹⵉ ⵎⴳⴰⵍ ⵏ ⵜⵎⵖⴰⵔⵉⵏ ⴷ ⵡⴰⵔⵔⴰⵡ ⵙ ⵓⵙⵓⵜⴳ ⵏ ⵜⵙⵔⵜⴰⵢ ⵜⵉⴳⴷⴰⵓⴷⴰⵏⵉⵏ ⵎⵏⵉⴷ ⵏ ⵜⵎⵖⴰⵔⵉⵏ ⴷ ⵓⵙⵎⵔⵙ ⵏⵏⵙⵏⵜ ⵉ ⵓⴼⵔⴰⴳ ⵏ ⵜⵙⵔⵜⵉⵜ ⵏ ⵜⵡⵓⵊⴰ ⴷ ⵢⵉⵙⴽⵉⵍ. 

ⵜⵙⵎⵏⵉⴷ ⵎⴰⵙⵙⴰ ⵏⴰⵊⵡⴰ ⴽⵓⴽⵓⵙ ⵜⵉⵎⵓⵛⴰ ⵅⴼ ⵜⴰⵔⴰⴱⴱⵓⵜ ⵜⴰⵙⴳⵓⵎⴰⵏⵜ ⵏ ⵢⵉⵙⴽⵉⵍ ⴷ ⵜⵏⴳⴰⴷⴷⴰⵢⵜ ⵍⵍⵉ ⵉⵙⴽⵔ ⵓⵙⵇⵇⵉⵎ ⴳ 2013, ⵉⵎⵎⴰⵖ ⴼ ⵓⵙⵎⴰⵢⵏⵓ ⵏⵏⵙ ⴷ ⵓⵚⴽⵓ ⵏⵏⵙ ⴳ ⵓⵙⴰⵜⵉ ⵏ ⵓⵎⵓⴽⵏ ⵏ ⵍⵎⵖⵔⵉⴱ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⵉ ⵓⵙⵉⵥⴹⵕ ⴰⴷⵎⵙⴰⵏ ⴷ ⵓⵙⵔⵜⴰⵏ ⵏ ⵜⵎⵖⴰⵔⵉⵏ ⴷ ⵓⵙⵎⵖⵔ ⵏ ⵜⵉⵍⵉⵜ ⵏⵏⵙⵏⵜ ⴳ ⵡⴰⵎⵎⴰⵙⵏ ⵏ ⵜⵖⵜⴰⵙⵜ ⴷ ⵜⵓⴷⵔⵜ ⵜⴰⵎⴰⵜⴰⵢⵜ. 

ⵜⵙⵙⴽⵯⵜⵉ ⴷ ⵓⵟⵟⵓⵏⵏ ⵏ ⵜⵉⵍⵉⵜ ⵏ ⵜⵎⵖⴰⵔⵉⵏ ⴳ ⵓⵙⵇⵇⵉⵎ ⵏ ⵉⵎⵓⵔⴰ, ⵜⵉⵏⵉ ⵎⴰⵙ ⵉⵍⵍⴰ ⵉⵡⵉⵣ ⴰⴳⵍⴷⴰⵏ ⵉ ⵜⴷⵔⴰⵡⵜ ⵏ ⵜⵎⵖⴰⵔⵉⵏ ⴳ ⵜⵓⴷⵔⵜ ⵜⴰⵙⵔⵜⴰⵏⵜ ⴷ ⵜⵎⵔⵙⵍⴰⵏⵜ, ⵜⵙⴰⵡⵍ ⴼ ⵜⵓⵎⴰⵢⵉⵏ ⵏ ⵓⴷⵓⵙⵜⵓⵔ ⵏ ⵜⴳⵍⴷⵉⵜ ⴳ ⵓⵙⵕⵙⵓ ⴷ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵜⵎⵖⴰⵔⵉⵏ ⴷ ⵡⴰⵣⵣⴰⵏⵏ ⴷ ⵜⵓⵡⵊⴰ, ⵜⵉⵏⵉ ⵜⵉⵎⵔⵙⴰⵍ ⴷ ⵜⵙⵔⵜⴰⵢ ⵙⴽⴰⵔⵏⵉⵏ ⴰⵡⵜⵜⴰⵙ ⴰⴷ. 

ⵜⵙⴰⵡⵍ ⵓⵍⴰ ⴼ ⵓⵎⵓⴽⵏ ⵉⵍⵍⴰⵏ ⴳ ⵍⵎⵖⵔⵉⴱ ⵉ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵢⵉⵙⴽⵉⵍ, ⵖ ⵉⵍⵍⴰ ⵓⵙⴰⵡⵓⵔ ⵏ ⵓⵣⵣⵔⴰⵢ ⵏ ⵓⵍⵓⴳⵏ ⵏ ⵜⵓⵡⵊⴰ ⵙ ⵜⵙⵏⵜⴰⵢⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⴳⵍⴷⵓⵏ ⵏ ⵉⵎⵓⵎⵏⵏ, ⴷ ⵓⵙⴰⵡⵓⵔ ⵏ ⵓⵙⵏⴰⵍ ⴰⵏⴰⵎⵓⵏ ⴷ ⵓⴼⵔⴰⴳ ⴰⵏⴰⵎⵓⵏ ⵉⵙⵜⴰⵡⵀⵎⵎⴰⵏ ⵙ ⵜⵎⵖⴰⵔⵉⵏ, ⴷ ⵉⵡⵉⵣ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⵓ ⵓⵎⵓⵔⵙ ⵏ ⵓⵙⴰⵡⵓⵔ ⴰⴷ ⵉⵣⵉⵍⵏ. 

ⵖⵎⴽ ⵍⵍⵉ ⵜⵙⵎⵏⵉⴷ ⵉⵎⴰⵙⵙⵏ ⵏ ⵓⵙⵡⵓⵔⵉ ⵏ ⵜⵔⴰⴱⴱⵓⵜ ⴳ ⵜⵣⴷⴰⵢⵜ ⵏⵏⵙ ⴷ ⵜⵏⴱⴰⴹⵉⵏ ⵢⴰⴹⵏⵉⵏ ⴷ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⴷ ⵜⴳⵔⴰⵡⵉⵏ ⵏ ⵜⵏⵏⵓⴱⴹⴰ ⵙ ⵓⵎⵢⴰⵡⴰⵙ ⴷ ⵓⴷⵔⴰⵡ. 

ⵜⵙⴰⵡⵍ ⴼ ⵡⴰⵜⵉⴳ ⵏ ⵓⵙⴽⵔ ⵏ ⵓⵏⵎⵓⵇⵇⴰⵔ ⴰⴱⵕⵍⴰⵎⴰⵏⵉ ⵏ ⵜⵎⵖⴰⵔⵉⵏ ⴳ ⵍⵍⴰⵏⵜ ⵜⴱⴰⵕⵍⴰⵎⴰⵏⵉⵢⵉⵏ ⵏ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⵍⵍⴰⵏⵉⵏ ⴳ ⵜⴳⵯⵎⴰⵜ ⵜⴰⵎⵔⵙⵍⴰⵏⵜ ⵍⵍⵉ ⵜⵙⵙⵥⵕⴼ ⵜⴰⵎⵓⵏⵜ ⵏ ⵓⵕⵓⴱⴱⴰⵃⵎⴰ ⴰⴷ ⵉⴳ ⴰⵏⵎⵓⵇⵇⴰⵔ ⵏ ⵓⵎⵙⴰⵡⴰⵍ ⵅⴼ ⵜⵎⵙⴰⵔⵉⵏ ⵏ ⵜⵎⵖⴰⵔⵉⵏ ⴷ ⵓⴷⵔⴰⵡ ⵏⵏⵙⵏⵜ ⴳ ⵓⵙⵡⵓⴷⴷⵓ ⵏ ⵜⵖⴰⵡⵙⴰ ⵜⴰⵎⴰⵜⴰⵢⵜ ⴷ ⵉⵎⴰⵙⵙⵏ ⵏ ⵜⵖⵜⴰⵙⵜ. 

ⵜⵙⴰⵡⵍ ⵓⵍⴰ ⴼ ⵡⴰⵜⵉⴳ ⵏ ⵜⵍⴳⴰⵎⵜ ⵜⴰⵏⴰⵎⵓⵔⵜ ⴷ ⵜⵍⴳⴰⵎⵉⵏ ⵜⵉⵏⵎⵏⴰⴹⵉⵏ ⵥⵍⵉⵏⵉⵏ ⵉ ⵜⵎⵖⴰⵔⵉⵏ ⴳ ⵉⵙⵜⴰⵢⵏ ⵏ ⵓⵙⵇⵇⵉⵎ ⵍⵍⵉ ⴼⴽⴰⵏⵉⵏ 90 ⵏ ⵜⵎⵖⴰⵔⵜ ⴰⴷ ⵉⵍⵉⵏⵜ ⴳ ⵓⵙⵇⵇⵉⵎ ⴷ ⵜⵎⵖⴰⵔⵉⵏ ⵍⵍⵉ ⵔⵎⵙⵏⵉⵏ ⴳ ⵉⵙⵜⴰⵢⵏ ⵉⴷⵖⴰⵔⴰⵏⵏ, ⵜⴱⴷⴷ ⴼ ⵜⵉⵍⵉⵜ ⵏ ⵜⵎⵖⴰⵔⵉⵏ ⴳ ⵉⵏⴳⵎⴰⵎⵏ ⵏ ⵓⵙⵇⵇⵉⵎ ⴷ ⵜⵔⵓⴱⴱⴰ ⵜⵉⵙⴳⵓⵎⴰⵏⵉⵏ ⴷ ⵓⴼⴰⵔⵙ ⵏⵏⵙⵏⵜ ⴳ ⵜⵡⵓⵔⵉ ⵜⴰⴱⵕⵍⴰⵎⴰⵏⵉⵜ. 

ⴳ ⵓⵏⵎⵓⵇⵇⴰⵔ ⴷ ⵎⴰⵙⵙ VICTOR VOJTKO  ⴰⵏⵙⵙⵉⵅⴼ ⵏ ⵜⴰⵢⴰⵢⵡⵜ ⵜⴰⵏⴰⵎⵓⵔ ⵜⵜⴰⵜⵛⵉⴽⵉⵜ ⴳ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ ⵏ ⴷ ⵎⴰⵙⵙ PETER FIPKA  ⴰⴳⵎⴰⵎ ⵏ ⵜⴰⵢⵢⵡⵜ, ⵉⵙⵓⵜⴳ ⵓⵎⵣⵡⴰⵔⵓ ⵜⵉⵎⵙⴽⵔⵜ ⵜⴰⵎⵖⵔⵉⴱⵉⵜ ⴳ ⵉⴳⵔ ⵏ ⵓⵙⵉⵥⴹⵕ ⵏ ⵜⵎⵖⴰⵔⵉⵏ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⵙ ⵉⵎⵉⵙⵙ ⵏ ⵓⵙⵏⵓⵃⵢⵓ ⵉⵥⵉⵍⵏ, ⵉⵙⵓⵜⴳ ⵎⴰⵙ ⴷ ⵜⵉⵎⵖⵔⵉⴱⵉⵢⵉⵏ ⵥⴹⴰⵔⵏⵜ ⴰⴷ ⵙⵜⵉⵏⵜ ⴳⵉⵏⵜ ⵉⵎⵏⴽⴰⴷ ⵏ ⵜⵙⵎⵉⴳⴰⵍ ⵜⵉⴳⵯⵏⵙⴰⵙⵉⵏ  ⵜⵉⴱⵕⵍⴰⵎⴰⵏⵉⵢⵉⵏ, ⵜⵉⵏⵉ ⵎⴰⵙ ⵜⵔⴰ ⵜⵎⴰⵣⵉⵔⵜ ⵏⵏⵙ ⴰⵙⵎⵖⵔ ⵏ ⵓⵟⵟⵓⵏ ⵏⵜ ⵎⵖⴰⵔⵉⵏ ⴳ ⵓⴱⵕⵍⴰⵎⴰⵏ. 

ⵎⴰⵙⵙ PETER FIPKA  ⵍⵍⵉ ⴰⴷ ⵉⵔⵣⴼⵏ ⵍⵎⵖⵔⵉⴱ, ⵉⵙⵓⵜⴳ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⴷⵉ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴷ ⵜⵙⵔⵜⵉⵜ ⵏⵏⵙ ⵃⵎⴰ ⴰⴷ ⵢⵉⵍⵉ ⵍⵎⵖⵔⵉⴱ ⴳ ⵓⴱⵔⵉⴷ ⵏ ⵜⴷⵉⵎⵓⵇⴰⵔⴰⵟⵉⵜ ⴷ ⵓⵎⵓⴽⵏ, ⵖⵎⴽ ⴰⵏⵏ ⴷ ⵉⵎⵓⴽⵏⵏ ⵏ ⵜⴳⵍⴷⵉⵜ.  

ⵜⵙⴰⵡⵍ ⵎⴰⵙⵙⴰ ⴽⵓⴽⵓⵙ ⴼ ⵜⵡⵉⵙⵉ ⵏ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⴷ ⵜⵉⵍⵉⵜ ⵏⵏⵙ ⴳ ⵜⵎⴰⴷⴷⴰⵙⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⴰⵎ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ ⵍⵍⵉ ⴰⴷ ⵉⵙⵙⵉⵅⴼ ⵉⵙⵏⵓⴳ ⵜⵉⵙⵎⵓⵏⴰⵢ ⵏⵏⵙ.

ⵜⵙⵎⵏⵉⴷ ⵓⴷⵎⴰⵡⵏ ⵏ ⵜⵉⵍⵉⵜ ⴷ ⵜⵡⵉⵣⵉ ⵏ ⵜⵎⵖⴰⵔⵉⵏ ⵜⵉⵎⵖⵔⵉⴱⵉⵢⵉⵏ ⴳ ⵜⵎⵔⵙⴰⵍ ⴷ ⵜⵣⵣⵓⵍⵉⵏ ⴷ ⵉⵣⵣⵔⴰⴼⵏ ⵉⵏⴰⵎⵓⵔⵏ ⵣⴷⵉⵏⵉⵏ ⴷ ⵓⵙⵉⵥⴹⵕ ⵏ ⵜⵎⵖⴰⵔⵉⵏ ⴷ ⵉⵣⵔⴼⴰⵏ ⵏⵏⵙⵏⵜ. 

ⵜⵙⴰⵡⵍ ⴼ ⵓⵖⴰⵡⴰⵙ ⵏ ⵜⵡⵓⵔⵉ ⵏ ⵜⵔⴰⴱⴱⵓⵜ ⵏ ⵢⵉⵙⴽⵉⵍ ⴷ ⵓⵙⴰⵎⵓ ⵍⵍⵉ ⵉⴳⴰⵏ ⵉⵎⵉⵙⵙ ⵉⵍⵍⴰⵏ ⴳ ⵓⵏⴳⵔⴰⵡ ⴰⴳⵯⵏⵙⴰⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵍⵍⵉ ⵉⴱⴷⴷⵏ ⴼ ⵓⵙⵓⵜⴳ ⴷ ⵜⵉⴹⴰⴼ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⵣⴷⵉⵏⵉⵏ ⴷ ⵜⵎⵖⴰⵔⵉⵏ ⴷ ⵢⵉⵙⴽⵉⵍ ⴷ ⵜⵏⴳⴰⴷⴷⴰⵢⵜ. 

ⵉⵍⵍⴰ ⵓⵔⵣⴰⴼ ⴰⴷ ⴳ ⵓⵙⴰⵜⵉ ⵏ ⵓⵙⵏⴼⴰⵔ ⵏ ⵜⴳⵯⵎⴰⵜ ⵜⴰⵎⵔⵙⵍⴰⵏⵜ ⵊⴰⵔ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⵏ ⵓⵕⵓⴱⴱⴰ ⵙ ⵓⵙⵙⵥⵕⴼ ⵏ ⵜⴰⵎⵓⵏⵜ ⵏ ⵓⵕⵓⴱⴱⴰ.