ⴷⴷⴰⵡⵃⴰ: ⵉⴷⵔⵓ ⵓⴽⴰⴱⴰⵕ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵓⴳⵔⴰⵡ ⴰⵎⴰⴹⵍⴰⵏ ⵏ ⵜⵎⵖⴰⵔⵉⵏ ⵜⵉⴱⵕⵍⴰⵎⴰⵏⵉⵢⵉⵏ

ⵉⴷⵔⵓ ⵓⴽⴰⴱⴰⵕ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵓⴳⵔⴰⵡ ⴰⵎⴰⴹⵍⴰⵏ ⵏ ⵜⵎⵖⴰⵔⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⴼ ⵓⵙⵏⵜⵍ: “ⵜⵉⵍⴰⵍⵜ ⵏ ⵜⵎⵖⴰⵔⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⴳ ⵓⵙⵎⵖⵔ ⴷ ⵓⵣⵣⴳⵉⵔ ⴷ ⵜⵉⴹⴰⴼ ⵏ ⵉⵣⵣⵔⴰⴼⵏ ⴷ ⵜⵙⵔⵜⴰⵢ ⴷ ⵜⵙⵜⵔⴰⵜⵉⵊⵉⵢⵉⵏ ⵏ ⵓⵙⴱⴷⴷⵉ ⵏ ⵓⴱⵔⵙⵙⵉⵡⴷ ⴷ ⵓⵙⴳⴷⵍ ⵏ ⵜⴻⵟⵟⵓⵕⴼⴰ”, ⴳ ⴷⴷⴰⵡⵃⴰ ⴳ ⵇⴰⵟⴰⵕ ⵓⵙⵙⴰⵏ ⵏ 26 ⴷ 27 ⵢⵓⵏⵢⵓ. 

ⵢⵓⵎⴰ ⵓⴽⴰⴱⴰⵕ ⵎⴰⵙⵙⴰ ⵏⴰⴷⵢⴰ ⵜⵓⵀⴰⵎⵉ, ⵜⴰⵎⴰⵔⵉⵜ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴷ ⵎⴰⵙⴰ ⵏⴰⴷⵢⴰ ⴱⵓⵣⵏⴷⴼⴰ, ⵜⴰⵏⴼⵍⵓⵙⵜ ⵏ ⵓⵙⵇⵇⵉⵎ ⵏ ⵉⵎⵓⵔⴰ. 

ⵢⵓⵎⴰ ⵓⵖⴰⵡⴰⵙ ⵏ ⵜⵡⵓⵔⵉ ⵚⴹⵉⵚⵜ ⵜⵖⵉⵎⵉⵜⵉⵏ ⵉ ⵓⵎⴹⴰⴽⴰⵕ ⵏ: 

1. ⴰⵙⵎⴰⵇⵇⵍ ⴰⵎⴰⵜⴰⵢ ⴼ ⵓⵙⴱⴷⴷⵉ ⵏ ⵓⴱⵔⵙⵙⵉⵡⴷ ⴷ ⵜⴻⵟⵟⵓⵕⴼⴰ ⴳ ⵉⵎⵏⵉⴷⵏ ⵏ ⵜⵔⴰⵄⴰⵢⵜ, 

2. ⵜⵉⵍⴰⵍⵜ ⵏ ⵉⴱⵕⵍⴰⵎⴰⵏⵉⵢⵏ ⴳ ⵓⵙⴱⴷⴷⵉ ⵏ ⵓⴱⵔⵙⵙⵉⵡⴷ ⴷ ⵜⴻⵟⵟⵓⵕⴼⴰ.

3. ⴰⵙⵉⴷⴼ ⵏ ⵓⵙⴰⵇⵇⵍ ⵏ ⵡⴰⵏⴰⵡ ⴰⵏⴰⵎⵓⵏ ⴳ ⵓⵙⴱⴷⴷⵉ ⵏ ⵓⴱⵔⵙⵙⵉⵡⴷ ⴷ ⵜⴻⵟⵟⵓⵕⴼⴰ,

4. ⵜⴰⴷⵔⴰⵡⵜ ⴷ ⵜⵏⴰⵔⴰ ⵉⵙⵎⴷⵏ ⵏ ⵜⵎⵖⴰⵔⵜ ⴳ ⵓⵙⴱⴷⴷⵉ ⵏ ⵓⴱⵔⵙⵙⵉⵡⴷ ⴷ ⵜⴻⵟⵟⵓⵕⴼⴰ,

5. ⵜⵉⵏⴰⵥⴰⵕⵉⵏ ⴷ ⵜⴱⴱⴰⵢⴹⴰⵕⵉⵏ ⴷ ⵉⵙⵡⵓⴷⴷⵓⵜⵏ ⴷ ⵢⵓⵙⴰⵏ. 

6. ⴰⵣⴷⴰⵢ ⴷ ⵜⵎⴷⵔⴰⵡⵉⵏ. 

ⵉⵍⵍⴰ ⵓⴳⵔⴰⵡ ⴰⴷ ⵙ ⵓⵎⵢⴰⵡⴰⵙ ⵏⴳ ⵓⵙⵇⵇⵉⵎ ⵏ ⵛⵛⵓⵕⴰ ⴰⵇⴰⵟⴰⵕⵉ ⴷ ⵓⵙⵉⵔⴰ ⵏ ⵓⵙⴱⴷⴷⵉ ⵏ ⵓⴱⵔⵙⵙⵉⵡⴷ ⴷ ⵜⴻⵟⵟⵓⵕⴼⴰ ⵉⴹⴼⵕⵏ. ⵔⴰⴷ ⴳⵉⵙ ⴼⴼⵖⵏ ⵉⵙⵖⵍⴰⴼ ⵙⵜⴰⵡⵀⵎⵎⴰⵏⵉⵏ ⵅⴼ ⵜⵉⵍⴰⵍ ⵏ ⵜⴱⴰⵕⵍⴰⵎⴰⵏⵉⵢⵉⵏ ⴳ ⵢⵉⴳⵔ ⵏ ⵓⵙⴱⴷⴷⵉ ⵏ ⵜⴻⵟⵟⵓⵕⴼⴰ ⴷ ⵓⴱⵔⵙⵙⵉⵡⴷ. 

ⵉⵡⴰⵜⵜⵙ ⵓⴳⵔⴰⵡ ⴰⴷ ⴰⵙⴷⵓⵙ ⵏ ⵜⵉⵍⴰⵍⵜ ⵏ ⵜⵎⵖⴰⵔⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⴳ ⵓⵙⴱⴷⴷⵉ ⵏ ⵜⴻⵟⵟⵓⵕⴼⴰ ⴷ ⵓⴱⵔⵙⵙⵉⵡⴷ. ⵔⴰⴷ ⵉⴱⴷⴷ ⴼ ⵜⵏⴰⵥⴰⵕⵉⵏ ⵍⵍⴰⵏⵉⵏ ⴷⴰⵜ ⵏ ⵜⵎⵖⴰⵔⵉⵏ ⴳ ⵓⵎⵏⵉⴷ ⴰⴷ, ⴷ ⵜⵎⵙⴽⴰⵔ ⵥⵉⵍⵏⵉⵏ ⵉ ⵓⵙⵎⵖⵔ ⴷ ⵓⵣⵣⴳⵉⵔ ⵏ ⵜⵙⵔⵜⴰⵢ ⵕⵡⴰⵏⵉⵏ ⴷ ⵜⵉⵍⴰⵍⵜ ⵏ ⵜⴱⴰⵕⵍⴰⵎⴰⵏⵉⵢⵉⵏ ⴳ ⵓⵙⴷⵓⵙ ⵏ ⵜⴷⵍⵙⴰ ⵏ ⵓⵎⵙⵓⵔⵓⴼ ⴷ ⵓⵡⵇⵇⵔ. 

ⵔⴰⴷ ⵉⵎⴹⴰⴽⴰⵕ ⵓⵍⴰ ⵓⴽⴰⴱⴰⵕ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵉⴽⴰⴱⴰⵕⵏ ⵍⵍⵉ ⴷⵔⵓⵏⵉⵏ ⴳ ⵓⴳⵔⴰⵡ ⴰⴷ ⵉ ⵓⵙⴷⵓⵙ ⵏ ⵓⵎⵢⴰⵡⴰⵙ ⴷ ⵓⵙⵙⵔⵇⴱ ⵏ ⵜⴰⵏⵏⴰⵢⵢⵉⵏ, ⴷ ⵓⵙⴽⵔ ⵏ ⵜⴷⵉⵏⴰⵎⵉⵜ ⵜⴰⵎⴰⵢⵏⵓⵜ ⴳ ⵓⵙⵡⵉⵔ ⵏ ⵜⵣⴷⴰⵢⵉⵏ ⵊⴰⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⵏ ⵉⴽⴰⴱⴰⵕⵏ ⴰⴷ.