ⴰⵎⴹⴰⴽⴰⵕ ⵏ ⵎⴰⵙⵙⴰ ⵙⴰⵍⵎ ⴱⵏⵄⵣⵉⵣ, ⵜⴰⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵏ ⴱⵕⵕⴰ, ⴷ ⵓⵎⴰⵔⵉ ⴰⵎⵣⵡⴰⵔⵓ ⵏ ⵜⵏⵙⵙⵉⵅⴼⵜ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⵎⴰⵍⴰⵡⵉ

ⵜⵎⴹⴰⴽⴰⵕ ⵎⴰⵙⵙⴰ ⵙⴰⵍⵎⴰ ⴱⵏⵄⵣⵉⵣ, ⵜⴰⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵣⴰⵖ ⴰⵏⴰⵎⵓⵔⴷ ⵜⵖⴰⵡⵙⵉⵡⵉⵏ ⵜⵓⵙⵍⵉⵎⵉⵏ ⴷ ⵉⵎⵖⵔⵉⴱⵉⵢⵏ ⵏ ⴱⵕⵕⴰ, ⴰⵙⵉⵏⴰⵙ 25 ⵢⵓⵏⵢⵓ 2024 ⴳ ⵕⵕⴱⴰⵟ, ⴷ ⵎⴰⵙⵙ Madalitso Kwaderanji Kazombo     ⴰⵎⴰⵔⵉ ⴰⵎⵣⵡⴰⵔⵓ ⵏ ⵜⵏⵙⵙⵉⵅⴼⵜ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⵎⴰⵍⴰⵡⵉ ⵉⵔⵣⴼⵏ ⵜⴰⴳⵍⴷⵉⵜ ⵏ ⵍⵎⵖⵔⵉⴱ ⴷ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ. 

ⵉⵍⵍⴰ ⵓⵎⴹⴰⴽⴰⵕ ⴼ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⵊⴰⵔ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⵎⴰⵍⴰⵡⵉ ⴷ ⵜⵎⵙⴰⵔⵉⵏ ⵛⵛⴰⵔⵏⵉⵏ. 

ⵜⵙⴷⴷⵉⴷ ⵎⴰⵙⵙⴰ ⴱⵏⵄⵣⵉⵣ ⵎⴰⵙ ⵉⵡⴰⵜⵜⵙ ⵓⵔⵣⴰⴼ ⴰⵙⴷⵓⵙ ⵏ ⵜⵣⴷⴰⵢⵉⵏ ⵏ ⵓⵎⵢⴰⵡⴰⵙ ⵊⴰⵔ ⵙⵏⴰⵜ ⵜⵎⵉⵣⴰⵔ ⴷ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⴷ ⵓⵎⵛⴰⵡⴰⵕ ⵅⴼ ⵉⵙⵏⵜⵍⵏ ⵛⵛⴰⵔⵏⵉⵏ, ⵜⵉⵏⵉ ⵎⴰⵙ ⵉⴳⴰ ⵍⵎⵖⵔⵉⴱ ⴰⵏⴰⵡ ⴳ ⵓⵙⵡⵉⵔ ⴰⵏⵎⵏⴰⴹ ⵙ ⵉⵙⴰⵡⵓⵔⵏ ⵉⵅⴰⵜⴰⵔⵏ ⵍⵍⵉ ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ. 

ⵜⵉⵏⵉ ⵎⴰⵙⵙⴰ ⴱⵏⵄⵣⵉⵣ ⵎⴰⵙ ⵉⵟⵟⴰⴼ ⵍⵎⵖⵔⵉⴱ ⵜⵉⵎⴷⵔⴰⵡⵉⵏ ⴷ ⴽⵉⴳⴰⵏ ⵏ ⵉⵡⴰⵏⴽⵏ ⴳ ⵓⵎⴰⴹⴰⵍ, ⵉⵏⵏⵓⵔⵣ ⴰⵙⵎⵖⵔⵏ ⵜⵎⴷⵔⴰⵡⵜ ⴰⴷ ⴷ ⵉⵡⴰⵏⵍⵏ ⵓⵇⵇⵔⵏⵉⵏ ⵜⵉⵅⵅⵓⵜⵔⴰ ⴷ ⵜⵢⴰⵏⵜ ⵜⴰⵏⴰⵎⵓⵔⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ. 

ⴳ ⵜⴽⵛⵛⵓⵎⵉⵏ ⵏⵏⵙⵏ, ⵙⵓⵜⴳⵏ ⵉⴳⵎⴰⵎⵏ ⵏ ⵓⵙⵉⵔⴰ ⵏ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴰⵔⵣⴰⴼ ⵏ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⵏ ⵎⴰⵍⴰⵡⵉ ⵏ ⵜⴳⵍⴷⵉⵜ ⵍⵍⵉ ⵔⴰⴷ ⵢⴰⵡⵙ ⴳ ⵓⵙⴷⵓⵙ ⵏ ⵜⵣⴷⴰⵢⵉⵏ ⵏ ⵓⵎⵢⴰⵡⴰⵙ ⵏ ⵜⵣⴷⴰⵢⵉⵏ ⵊⴰⵔ ⵜⵉⵎⵉⵣⴰⵔ ⴷ ⵓⵙⴷⵓⵙ ⵏ ⵜⴷⴷⵓⴽⴽⵯⵍⴰ ⵊⴰⵔ ⵉⵎⴰⴷⴰⵏⵏ, ⵙⴰⵡⵍⵏ ⴼ ⵓⵎⵓⵔⵙ ⵏ ⵜⵙⵔⵜⵉⵜ ⵜⴰⴼⵔⵉⵇⵉⵜ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⴰⵎⴷ ⵡⵉⵙ ⵚⴹⵉⵚ ⵉⵡⴰⵜⵜⵙⵏ ⴰⵙⴷⵓⵙ ⵏ ⵓⵎⵢⴰⵡⴰⵙ ⵉⴼⴼⵓⵙ-ⵉⴼⴼⵓⵙ ⴷ ⵜⴳⵎⵉ ⴷ ⵓⴱⵓⵖⵍⵓ ⴳ ⵉⴼⵔⵉⵇⵢⴰ. 

ⵉⵏⵏⴰ ⵓⵏⵙⵙⵉⵅⴼ ⴰⵎⵣⵡⴰⵔⵓ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⵜⴳⴷⵓⴷⴰⵏⵜ ⵏ ⵎⴰⵍⴰⵡⵉ ⵎⴰⵙ ⵉⴳⴰ ⵓⵔⵣⴰⴼ ⴰⴷ ⵜⴰⵎⴰⵜⴰⵔⵜ ⵏ ⵓⵎⵢⴰⵡⴰⵙ ⴰⵙⵉⵏⵔⴰⵏ ⵊⴰⵔ ⵙⵏⴰⵜ ⵜⵎⵉⵣⴰⵔ ⴷ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ. 

ⴳ ⵜⵙⴳⴰ ⵜⴰⵎⵖⵔⵉⴱⵉⵜ, ⵃⴰⴹⵕⵏ ⵉⴳⵎⴰⵎⵏ ⵏ ⵓⵙⵉⵔⴰ ⵏ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⵎⴰⵙⵙⴰ ⵏⴰⴷⵢⴰ ⵍⵇⵏⵚⵓⵕⵉ ⴷ ⵎⴰⵙⵙⴰ ⵄⵉⵛⴰ ⵍⴽⵔⵊⵉ ⴷ ⵎⴰⵙⵙ ⵄⴰⴱⴷ ⵍⵄⴰⵍⵉ ⴱⵔⵓⴽⵉ ⴷ ⵎⴰⵙⵙ ⵃⴰⵜⵉⵎ ⴱⵏ ⵔⵇⵉⵢⵢⴰ. 

ⴳ ⵜⵙⴳⴰ ⵏ ⵎⴰⵍⴰⵡⵉ ⵉⵃⴰⴹⵕ ⵎⴰⵙⵙ Kennedy Bisani Lweya ⵙⴳ ⵜⵎⵙⵇⵇⴰⴷⵜ ⵏ ⵎⴰⵍⴰⵡⵉ ⴳ ⵕⵕⴱⴰⵟ, ⴷ ⵉⵎⵙⵖⴰⵏⵏ ⵉⵎⵙⵙⵓⴳⵓⵔⵏ ⴳ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ, ⴷ ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ: Lilian Estella Patel, Georges Charles Zulu, Noah Freeman Chimpeni, Crispin Christopher Mphande.