ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⵎⴰⵔⵉ ⴰⵎⵣⵡⴰⵔⵓ ⵏ ⵜⵏⵙⵙⵉⵅⴼⵜ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⵜⴳⴷⵓⴷⴰⵏⵜ ⵏ ⵎⴰⵍⴰⵡⵉ

ⵉⵙⵏⵓⴱⴳ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵢⵏⴰⵙ 24 ⵢⵏⵓⵢⵓ 2024 ⴳ ⵕⵕⴱⴰⵟ, ⵎⴰⵙⵙ Madalitso Kwaderanji Kazombo ⴰⵎⴰⵔⵉ ⴰⵎⵣⵡⴰⵔⵓ ⵏ ⵜⵏⵙⵙⵉⵅⵜ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⵜⴳⵓⴷⴰⴷⴰⵏⵜ ⵏ ⵎⴰⵍⴰⵡⵉ ⵉⵔⵣⴼⵏ ⵜⴰⴳⵍⴷⵉⵜ ⵏ ⵍⵎⵖⵔⵉⴱ ⵏⵜⵜⴰⵏ ⴷ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⵉⵙⵜⴰⵡⵀⵎⵎⴰⵏ. 

ⵉⴳⴰ ⵓⵏⵎⵓⵇⵇⴰⵔ ⵜⴰⵎⵍⴷⴰ ⵖ ⵉⵙⵎⵏⵉⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵉⵙⴰⵡⵓⵔⵏ ⵓⵏⴳⵉⵎⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⵙ ⵜⵏⴰⵔⴰ ⵜⵓⵏⵥⵉⵥⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⵉⵙⴰⵡⵍ ⴼ ⵜⵙⵏⵜⴰⵢⵉⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵓⵙⴷⵓⵙ ⵏ ⵓⵎⵢⴰⵡⴰⵙ ⵉⴼⴼⵓⵙ-ⵉⴼⴼⵓⵙ ⵉ ⵜⴳⵎⵉ ⵜⴰⵎⴰⵜⴰⵢⵜ ⴳ ⵉⴼⵔⵉⵇⵢⴰ. 

ⵉⵍⵍⴰ ⵓⵎⴹⴰⴽⴰⵕ ⴼ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⵊⴰⵔ ⵍⵎⵖⵔⵉⴱ ⴷ ⵎⴰⵍⴰⵡⵉ, ⴷ ⵓⵙⴷⴷⵉⴷ ⵏ ⵡⴰⵜⵉⴳ ⵏ ⵓⵔⵣⴰⴼ ⴰⴷ ⴳ ⵓⵙⴷⵓⵙ ⵏ ⵓⵙⴷⵓⵙ ⵏ ⵓⵎⵢⴰⵡⴰⵙ ⵊⴰⵔ ⵜⵉⵎⵉⵣⴰⵔ ⵜⵉⵎⴷⴷⵓⴽⴽⵯⴰⵍ ⴷ ⵜⵎⵔⵙⴰⵍ ⵏⵏⵙⵏⵜ ⵜⵉⵣⵣⵔⴰⴼⵉⵏ. 

ⵉⵙⴷⴷⵉⴷ ⵎⴰⵙⵙ ⵎⴰⵙ ⵜⴳⴰ ⵜⴳⵍⴷⵉⵜ ⵏ ⵍⵎⵖⵔⵉⴱ ⴰⵎⴷⵔⴰⵡ ⴰⵙⵜⵔⴰⵜⵉⵊⵉ ⵏ ⵎⴰⵍⴰⵡⵉ , ⵢⵉⵏⵉ ⵎⴰⵙ ⵜⵔⴰ ⵜⵎⴰⵣⵉⵔⵜ ⵏⵏⵙ ⴰⵙⴷⵓⵙ ⵏ ⵓⵎⵢⴰⵡⴰ ⴰⴷⵎⵙⴰⵏ ⴷ ⵓⵏⴼⵍⴰⵃ ⴷ ⵓⵏⵙⴱⴰⴱ ⴷ ⵡⵉⵏ ⵜⵎⴰⵍⵍⴰⵢⵜ ⴷ ⵡⵉⵢⵢⴰⴹ. 

ⵃⴰⴹⵕⵏ ⴳ ⵓⵏⵎⵓⵇⵇⴰⵔ ⴰⴷ ⵎⴰⵙⵙ ⵄⴰⵣⵉⵣ ⵍⴼⵉⴷⵉ ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵜⴰⴱⵕⵍⴰⵎⴰⵏⵉⵜ ⵍⵎⵖⵔⵉⴱ-ⵎⴰⵍⴰⵡⵉ, ⴷ ⵎⴰⵙⵙ Kennedy Bisani Lweya ⵉⵍⵍⴰⵏ ⴼ ⵜⵎⵙⵇⵇⴰⴷⵜ ⵏ ⵎⴰⵍⴰⵡⵉ ⴳ ⵕⵕⴱⴰⵟ. ⴷ ⵉⴷ ⵎⴰⵙⵙ: Lilian Estella Patel, Georges Charles Zulu , وNoah  Freeman Chimpen, Crispin Christopher Mphandeⵙⴳ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⵎⴰⵍⴰⵡⵉ, ⴷ ⵉⴳⵎⴰⵎⵏ ⵏ ⵜⵎⵙⵙⵓⴳⵓⵔⵜ ⵜⴰⴱⵕⵍⴰⵎⴰⵏⵉⵜ ⴳ ⵜⵎⵙⵎⵓⵏⵜ.