ⵢⴰⵡⵉⵏⴷⵉ : ⵉⴷⵔⵓ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⵙⵓⵜⵍⵜ 30 ⵏ ⵜⵎⵙⵎⵓⵏⵜ ⵜⴰⵏⵎⵏⴰⴹⵜ ⵉⴹⴼⵕⵏ ⵜⴰⵎⵙⵎⵓⵏⵜ ⵜⴰⴱⵕⵍⵎⴰⵏⵉⵜ ⵉ ⵜⴼⵕⴰⵏⴽⵓⴼⵓⵏⵉⵜ
ⵉⴷⵔⵓ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵃⴰⵙⴰⵏ ⴱⵏ ⵄⵓⵎⴰⵕ ⵙⴳ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ, ⴳ ⵜⵙⵓⵜⵍⵜ 30 ⵏ ⵜⵎⵙⵎⵓⵏⵜ ⵜⴰⵏⵎⵏⴰⴹⵜ ⵜⴰⵙⴳⴰⵡⴰⵏⵜ ⵏ ⵉⴼⵔⵉⵇⵢⴰ ⵉⴹⴼⵕⵏ ⵜⴰⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵉ ⵜⴼⵕⴰⵏⴽⵓⴼⵓⵏⵉⵜ ⴳ ⵢⴰⵡⵉⵏⴷⵉ ⴳ ⵍⴽⴰⵎⵉⵕⵓⵏ ⴰⵙⵙ ⵏ 28 ⵎⴰⵢ 2024.
ⵢⵓⵎⴰ ⵓⴽⴰⴱⴰⵕ ⴰⴷ : ⵎⴰⵙⵙ ⵍⵃⵓⵙⴰⵢⵏ ⵓⵄⵍⴰⵍ, ⵙⴳ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ, ⵎⴰⵙⵙⴰ ⵍⴰⵟⵉⴼⴰ ⵍⴱⵍⵉⵃ ⵙⴳ ⵜⵔⴰⴱⴱⵓⵜ ⵏ ⵜⵥⵖⵓⵕⵜ ⴷ ⵜⵎⴰⵜⵔⴰⵔⵜ, ⵎⴰⵙⵙ ⵛⵛⴰⴼⵉⵇ ⵀⴰⵛⵉⵎ ⴰⵎⵉⵏ ⵙⴳ ⵜⵔⴰⴱⴱⵓⵜ ⵜⴰⵙⵉⵎⴰⵏⵜ ⵉ ⵜⵎⵓⵏⵉ ⴷ ⵢⵉⵙⴽⵉⵍ.
ⵉⵍⵍⴰ ⴳ ⵓⵖⴰⵡⴰⵙ ⵏ ⵜⵡⵓⵔⵉ ⴰⵙⵎⵏⵉⴷ ⵏ ⵓⵏⵇⵇⵉⵙ ⴼ ⵜⵉⵍⴰⵍ ⵏ ⵜⵎⵏⴰⴹⵜ ⵏ ⵉⴼⵔⵉⵇⵢⴰ, ⴰⵎⴹⴰⴽⴰⵕ ⵏ ⵓⵙⵓⵔⵙ ⴰⵙⵔⵜⴰⵏ ⴷ ⵓⵏⴰⵎⵓⵏ ⴷ ⵡⵉⵏ ⵜⵏⴼⵔⵓⵜ ⴳ ⵉⴼⵔⵉⵇⵢⴰ ⵜⴰⴼⵕⴰⵏⴽⵓⴼⵓⵏⵉⵜ, ⴰⵎⴹⴰⴽⴰⵕ ⵏ ⵉⵙⵏⵜⵍⵏ ⴼ : ⴰⵎⵙⴰⵡⴰⵍ ⵏ ⵓⵙⵓⵔⵙ ⴰⵙⵔⵜⴰⵏ ⴷ ⵜⵡⵓⵔⵉ ⵏ ⵜⵎⵔⵙⴰⵍ ⵏ ⵓⵡⴰⵏⴽ, ⵜⵉⵍⴰⵍ ⴷ ⵡⴰⵜⵉⴳ ⵏ ⵜⴷⵉⴱⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ ⴳ ⵉⴼⵔⵉⵇⵢⴰ ⵜⴰⴼⵕⴰⵏⴽⵓⴼⵓⵏⵉⵜ. ⵖⵎⴽ ⴰⵏⵏ ⴷ ⵓⵎⴹⴰⴽⴰⵕ ⴼ ⵓⵏⴳⵔⴰⵡ ⴰⴳⵯⵏⵙⴰⵏ ⵏ ⵉⴼⵔⵉⵇⵢⴰ, ⴰⵙⵏⵎⴰⵍⴰ ⵏ ⵓⵙⵏⴼⴰⵔ ⵏ ⵡⴰⵍⴰⵙ ⵏ ⵜⵣⵣⵓⵍⵉⵏ ⵏ ⵜⵎⴰⵙⴰⵢⵜ ⵥⵍⵉⵏⵉⵏ ⵙ ⵜⵎⵏⴰⴹⵜ ⵏ ⵉⴼⵔⵉⵇⵢⴰ (2024-2026) ⴳ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵉ ⵜⴼⵕⴰⵏⴽⵓⴼⵓⵏⵉⵜ.
ⵔⴰⴷ ⵉⵎⴹⴰⴽⴰⵕ ⵓⴽⴰⴱⴰⵕ ⵏ ⵍⵎⵖⵉⴱ ⴷ ⵉⴽⴰⴱⴰⵕⵏ ⴷⵔⵓⵏⵉⵏ ⴳ ⵓⵏⵎⵓⵇⵇⴰⵔ ⴰⴷ ⵉ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⴰⵙⵉⵏⵔⴰⵏ ⴷ ⵓⴳⵜⵉⵔⴰⵏ.
ⵉⴳⴰ ⵓⵏⵎⵓⵇⵇⴰⵔ ⴰⴷ ⵜⴰⵎⵍⴷⴰ ⵏ ⵉⴳⵯⵏⵙⴰⵙⵏ ⵏ ⵜⴰⵢⵢⴰⵡⵉⵏ ⵜⵉⵏⴰⵎⵓⵔⵉⵏ ⵏ ⵉⴼⵔⵉⵇⵢⴰ ⵉⴳⵎⴰⵎⵏ ⴳ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵉ ⵜⴼⵕⴰⵏⴽⵓⴼⵓⵏⵉⵜ ⵉ ⵓⵣⴷⴰⵢ ⴷ ⵢⵎⵛⴰⵡⴰⵕ ⴷ ⵓⵙⵏⴼⵍ ⵏ ⵜⴰⵏⵏⴰⵢⵢⵉⵏ ⴷ ⵓⵎⵙⴰⵡⴰⵍ ⵉ ⵓⵙⴷⵓⵙ ⵏ ⵓⵎⵢⴰⵡⴰⵙ ⵊⴰⵔ ⵉⴱⵕⵍⴰⵎⴰⵏⵏ ⴳ ⵓⵙⴰⵢⵔⵓⵔ ⴰⴼⵔⵉⵇⵉ ⴰⴼⵕⴰⵏⴽⵓⴼⵓⵏⵉ.