ⵜⵙⵏⵓⴱⴳ ⵎⴰⵙⵙⴰ ⵏⴰⴷⵢⴰ ⵜⵓⵀⴰⵎⵉ, ⵜⴰⵎⴰⵔⵉⵜ ⵏ ⵓⵏⵙⵙⵉⵅⴼ, ⴰⵎⴰⵔ ⵏ ⵜⵙⵇⵇⵉⵎⵜ ⵜⴰⵏⴰⵎⵎⴰⵙⵜ ⵏ ⴰⴽⴰⴱⴰⵕ ⴰⵏⵊⵎⴰⵡ ⵏ ⴼⵉⵏⴰⵎ

ⵜⵙⵏⵓⴱⴳ ⵎⴰⵙⵙⴰ ⵏⴰⴷⵢⴰ ⵜⵓⵀⴰⵎⵉ, ⵜⴰⵎⴰⵔⵉⵜ ⵏ ⵓⵏⵙⵙⵉⵅⴼ, ⵎⴰⵙⵙ NGUYEN Trong Nghia  ⴰⵎⴰⵔⴰ ⵏ ⵜⵙⵇⵇⵉⵎⵜ ⵜⴰⵏⴰⵎⵎⴰⵙⵜ ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵓⵙⵙⴼⵔⴽ ⴷ ⵓⵙⴳⵎⵉ ⵏ ⵓⴽⴰⴱⴰⵕ ⴰⵏⵊⵎⴰⵡ ⵏ ⴼⵉⵜⵏⴰⵎ, ⴰⴽⵡⴰⵙ 30 ⵢⵓⵏⵢⵓ 2024, ⵉⵍⵍⴰⵏ ⴳ ⵓⵔⵣⴰⴼ ⵏ ⵜⵡⵓⵔⵉ ⴳ ⵕⵕⴱⴰⵟ.

ⵜⵃⴰⴹⵕ ⵎⴰⵙⵙⴰ LE Kim Quy ⵜⴰⵎⵙⵇⵇⴰⴷⵜ ⵏ ⴼⵉⵜⵏⴰⵎ ⴳ ⵕⵕⴱⴰⵟ. ⵜⵏⵏⴰ ⵎⴰⵙⵙⴰ ⵜⵀⴰⵎⵉ ⴰⵣⵓⵍⵏ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⵉ ⵓⴽⴰⴱⴰⵕ ⵏ ⴼⵉⵜⵏⴰⵎ, ⵜⵉⵏⵉ ⴰⵙⵓⵜⴳ ⴷ ⵓⵙⵏⵉⵎⵎⵉⵔ ⴼ ⵓⵔⵣⴰⴼ ⵏ ⵜⴳⵍⴷⵉⵜ.

ⵜⵙⵓⵜⴳ ⵎⴰⵙⵙⴰ ⵜⵓⵀⴰⵎⵉ ⵜⵉⵣⴷⴰⵢⵉⵏ ⵥⵉⵍⵏⵉⵏ ⴷ ⴷⵓⵙⵏⵉⵏ ⵊⴰⵔ ⵍⵎⵖⵔⵉⴱ ⴷ ⴼⵉⵜⵏⴰⵎ ⵍⵍⵉ ⵜⵙⵎⵓⵏ ⵜⵖⵏⵙⴰ ⵉⵛⵛⴰⵔⵏ ⵉ ⵜⵍⴻⵍⵍⵉ, ⵜⵉⵏⵉ ⵎⴰⵙ ⵉⴳⴰ ⵓⴽⵯⵜⵜⴰⵢ 60 ⵏ ⵓⵙⴳⴳⵯⴰⵙ ⴳ 2021 ⴼ ⵜⵣⴷⴰⵢⵉⵏ ⵜⵉⴷⵉⴱⵍⵓⵎⴰⵙⵉⵢⵉⵏ ⵊⴰⵔ ⵙⵏⴰⵜ ⵜⵎⵉⵣⴰⵔ, ⴰⵢⵍⵍⵉ ⵉⵎⵎⴰⵍⴰⵏ ⵜⴰⴷⵔⴰⵡⵜ ⵏ ⵜⵣⴷⴰⵢⵉⵏ ⵊⴰⵔ ⵙⵏⴰⵜ ⵜⵎⵉⵣⴰⵔ ⵍⵍⵉ ⵉⴱⴷⴷⵏ ⴼ ⵓⵡⵇⵇⵔ ⵉⵜⵜⵓⵙⵏⴼⴰⵍⵏ ⴷ ⵓⵎⵢⴰⵡⵙ ⴳ ⵉⵏⵎⵓⵇⵇⴰⵔⵏ ⵉⵏⵎⵏⴰⴹⵏ ⴷ ⵉⴳⵔⴰⵖⵍⴰⵏⵏ ⴷ ⵓⵎⵢⴰⵡⴰⵙ ⴰⴳⵜⵉⵔⴰⵏ ⴳ ⵜⵙⵔⵜⵉⵜ ⴷ ⵜⴷⵎⵙⴰ ⴷ ⵜⴷⵍⵙⴰ.

ⵜⵙⴷⴷⵉⴷ ⵎⴰⵙⵙⴰ ⵜⵓⵀⴰⵎⵉ ⵎⴰⵙ ⵉⵔⴰ ⵍⵎⵖⵔⵉⴱ ⵜⵉⵍⵉⵜ ⵏ ⵜⵎⴷⵔⴰⵡⵜ ⵜⴰⵙⵜⵔⴰⵜⵉⵊⵉⵜ ⵊⴰⵔ ⵙⵏⴰⵜ ⵜⵎⵉⵣⴰⵔ ⵉ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⴽⴷ ⵉⵡⴰⵏⴽⵏ ⵏ ⵉⴼⴼⵓⵙ ⵏ ⵍⵇⴱⵍⵜ ⵏ ⴰⵙⵢⴰ, ⵍⵍⵉⵖ ⵉⴳⴰ ⵍⵎⵖⵔⵉⴱ ⴰⵙⴰⴷⴼ ⵏ ⴼⵉⵜⵏⴰⵎ ⵙ ⵉⴼⵔⵉⵇⵢⴰ.

ⵜⵉⵏⵉ ⵎⴰⵙⵙⴰ ⵜⵓⵀⴰⵎⵉ ⵎⴰⵙ ⵉⵣⵣⵉⴳⵣ ⵓⵙⵏⴼⵍ ⴰⵏⵙⴱⴰⴱ ⵊⴰⵔ ⵙⵏⴰⵜ ⵜⵎⵉⵣⴰⵔ ⴳ ⵉⵙⴳⴳⵯⴰⵙⵏ ⴳⴳⵓⵔⴰⵏⵉⵏ, ⵜⴳ ⴼⵉⵜⵏⴰⵎ ⴰⵎⴷⵔⴰⵡ ⴰⵏⵙⴱⴰⴱ ⵉⵙⵜⴰⵡⵀⵎⵎⴰⵏ ⴳ ⵜⵣⵍⵖⴰ ⵏ ⵉⵡⴰⵏⴽⵏ ⵏ ⵉⴼⴼⵓⵙ ⵏ ⵍⵇⴱⵍⵜ ⵏ ⴰⵙⵢⴰ (ⴰⵙⵢⴰⵏ), ⵢⵉⵔⵉ ⵍⵎⵖⵔⵉⴱ ⴰⵙⴷⵓⵙ ⵏ ⵓⵎⵢⴰⵡⴰⵙ ⴰⴷⵎⵙⴰⵏ ⴷ ⵡⴰⵍⴰⵢ ⵏ ⵓⵏⵛⴽ ⵏ ⵉⵙⵏⴼⵍⵏ ⵉⵏⵙⴱⴰⴱⴰⵏ, ⴰⵢⵍⵍⵉ ⵎⵎⴰⵍⴰⵏⵜ ⵜⵎⵢⴰⵇⵇⴰⵏⵉⵏ ⴳ ⵉⴳⵔⴰⵏ ⵏ ⵜⵙⴱⴱⴰⴱⵜ ⴷ ⵓⵙⵙⴰⵔⵓ ⴷ ⵜⵥⴹⴰⵕⵜ ⴷ ⵉⵣⵓⵖⴰⵣ ⴷ ⵍⴰⴱⵏⴰⴽ ⴷ ⵓⵙⵙⵍⵎⴷ ⴷ ⵜⵎⴰⵏⵓⵏⵜ ⴷ ⵜⵏⵓⴼⴰ ⵜⴰⵢⵍⴰⵍⵉⵏ.

ⵜⵙⵙⵉⵙⴼⵉⵡ ⵎⴰⵙⵙⴰ ⵜⵓⵀⴰⵎⵉ ⵎⴰⵙ ⴷ ⵜⵉⵎⵍⴷⴰ ⵏ ⵓⵙⵙⴰⵔ ⵊⴰⵔ ⵙⵏⴰⵜ ⵜⵎⵉⵣⴰⵔ ⴷ ⵜⵥⴹⴰⵕⵜ ⵏ ⵓⵎⵢⴰⵡⴰⵙ ⵊⴰⵔ ⵏⵏⵙⵏ ⴳⴳⵓⵜⵏ ⴱⴰⵀⵔⴰ, ⵢⵉⵥⴹⵉⵕ ⴰⴷ ⵉⵍⵉⵏ ⵉⵙⵏⴼⴰⵔⵏ ⵏ ⵓⵙⵙⴰⵔⵓ ⴳ ⵜⵎⵉⵣⴰⵔ ⵏ ⵉⴼⵔⵉⵇⵢⴰ ⵙⵍⴰⵡⴰⵏ ⴰⴽⴽⵯ ⴳ ⵢⵉⴳⵔ ⴰⵏⴼⵍⴰⵃ.

ⵜⵙⴷⴷⵉⴷ ⵎⴰⵙⵙⴰ ⵜⵓⵀⴰⵎⵉ ⴼ ⵜⵣⵣⵉⴳⵣⵜ ⵏ ⵓⵎⵢⴰⵡⴰⵙ ⴰⵙⵉⵏⵔⴰⵏ ⵙ ⵓⵙⵏⴼⵍ ⵏ ⵉⵔⵣⴰⴼⵏ ⵊⴰⵔ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵍⵎⵖⵔⵉⴱ ⴷ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⴼⵉⵜⵏⴰⵎ, ⵙ ⵓⵣⵎⵎⴻⵎ ⵏ ⵓⵎⵢⴰⵡⴰⵙ ⴳ 2017 ⴷ ⵜⵉⵍⵉⵜ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵉⵡⴰⵏⴽⵏ ⵏ ⵉⴼⴼⵓⵙ ⵏ ⵍⵇⴱⵍⵜ ⵏ ⴰⵙⵢⴰ ⴳ 2020 ⴷ ⴰⴳⵎⴰⵎ ⵉⵎⵥⵕⵉ, ⵜⵙⴰⵡⵍ ⴼ ⵜⵡⵉⵣⵉ ⵏ ⴼⵉⵜⵏⴰⵎ ⴳ ⵓⵎⵏⵉⴷ ⴰⴷ ⵖ ⵜⵉⵡⵙ ⵉ ⵓⵙⵇⵇⵉⵎ ⵏ ⵉⵎⵓⵔⴰ.

ⵜⵙⴷⴷⵉⴷ ⵜⵎⴰⵔⵉⵜ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵉⵎⵉⵥ ⵏ ⵜⵎⴰⵣⵉⵔⵜ ⵏⵏⵖ ⴳ ⵜⵔⵙⴰⵍ ⵏ ⵓⵙⵍⴳⵏ ⴰⴳⵔⴰⵖⵍⴰⵏ ⴷ ⵓⵎⵣⴰⵖ ⵏ ⵓⴼⵔⴰ ⴷ ⵜⵎⵉⴷⵉⵔⵜ ⴷ ⵓⴼⵓⴽⴽⵓ ⵏ ⵜⵎⵓⴽⵔⵉⵙⵉⵏ ⵙ ⵓⴼⵔⴰ ⴷ ⵓⵎⵙⴰⵙⴰ ⴷ ⵜⵖⵜⴰⵙⵉⵏ ⵏ ⵜⵎⵜⵜⴰ ⵎⵓⵏⵏⵉⵏ ⴷⴰ ⴰⵔⴰⴽⵛⵓⵎ ⴳ ⵜⵖⴰⵡⵙⵉⵡⵉⵏ ⵜⵉⴳⵯⵏⵙⴰⵏⵉⵏ ⵏ ⵉⵡⴰⵏⴽⵏ ⴷ ⵓⵡⵇⵇⵔ ⵏ ⵜⵢⴰⵏⵜ ⵏⵏⵙⵏ ⵜⴰⵏⴰⴽⴰⵍⵜ ⴷ ⵜⵅⵅⵓⵜⵔⴰ ⵏⵏⵙⵏ ⴼ ⵉⴽⴰⵍⵉⵡⵏ ⵏⵏⵙ.

ⴳ ⵓⵎⵏⵉⴷ ⵏⵏⵙ, ⵉⵙⴰⵡⵍ ⵎⴰⵙⵙ NGUYEN Trong Nghiaⴼ ⵡⴰⵣⵓⵍⵏ ⵏ ⵓⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⴼⵉⵜⵏⴰⵎ ⴷ ⵡⵄⵏ ⵏ ⵜⵏⴱⴰⴹⵜ ⴷ ⵉⵎⵙⵜⴳⴳⴰⵔⵏ ⵏ ⴼⵉⵜⵏⴰⵎ, ⵢⵉⵏⵉ ⵎⴰⵙ ⵉⵡⴰⵜⵜⵙ ⵓⵔⵣⴰⴼ ⴰⴷ ⴰⵙⴷⵓⵙ ⵏ ⵜⴷⴷⵓⴽⴽⵯⵍⴰ ⴷ ⵜⵡⵉⵣⵉ ⵊⴰⵔ ⴼⵉⵜⵏⴰⵎ ⴷ ⵍⵎⵖⵔⵉⴱ.

ⵖⵎⴽ ⵍⵍⵉ ⵉⵙⴷⴷⵉⴷ ⴼ ⵜⵡⵓⵔⵉ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵉⵎⵓⴽⵏⵏ ⵏⵏⵙ ⴳ ⵎⴰⵕⵕⴰ ⵏ ⵉⴳⵔⴰⵏ, ⵢⵉⵏⵉ ⵎⴰⵙⵙ ⵜⵎⵔⵔⵡⴰⵙ ⴼⵉⵜⵏⴰⵎ ⴷ ⵍⵎⵖⵔⵉⴱ, ⵉⵍⵉⵏ ⵓⵍⴰ ⵉⴳⵔⴰⵏ ⵍⵍⵉ ⵔⴰⴷ ⵉⴳ ⵜⴰⵙⵉⵍⴰ ⵏ ⵓⵙⵕⵚⵓ ⵏ ⵓⵎⵢⴰⵡⴰⵙ ⴰⵙⵉⵏⵔⴰⵏ.

ⵉⵙⴷⴷⵉⴷ ⵓⵍⴰ ⴼ ⵜⵉⵍⴰⵍⵜ ⵏ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⴳ ⴼⵉⵜⵏⴰⵎ ⴷ ⵍⵎⵖⵔⵉⴱ ⴳ ⵓⵙⴷⵓⵙ ⵏ ⵓⵎⵢⴰⵡⴰⵙ ⵊⴰⵔ ⵙⵏⴰⵜ ⵜⵎⵉⵣⴰⵔ, ⵉⵙⵓⵜⴳ ⴰⴷⴷⴰⴷⵏ ⵏ ⵉⴱⵕⵍⴰⵎⴰⵏⵏ ⵏ ⵍⵎⵖⵔⵉⴱ ⴳ ⵉⵏⵎⵓⵇⵇⴰⵔⵏ ⵉⵏⵎⵏⴰⴹⵏ ⴷ ⵉⴳⵔⴰⵖⵍⴰⵏⵏ ⵉ ⵚⴰⵃⴰ ⵏ ⵜⵏⵓⴼⴰ ⵛⵛⴰⵔⵏⵉⵏ.

ⵉⵙⵎⴰⵢⵏⵓ ⵓⵎⴰⵙⴰⵢ ⵏ ⴼⵉⵜⵏⴰⵎ ⵉⵎⵉⵥ ⵏ ⵜⵎⴰⵣⵉⵔⵜ ⵏⵏⵙ ⴳ ⵓⴼⵔⴰ ⴷ ⵜⵢⴰⵏⵜ ⵜⴰⵏⴰⴽⴰⵍⵜ ⵏ ⵎⴰⵕⵕⴰ ⵏ ⵉⵡⴰⵏⴽⵏ, ⵢⵉⵏⵉ ⵎⴰⵙ ⵎⴰⵙ ⵜⴷⵔⵓ ⴼⵉⵜⵏⴰⵎ ⴷ ⵍⵎⵖⵔⵉⴱ ⴳ ⵜⴳⴳⴰⵍⵉⵏ ⵏ ⵓⴼⵔⴰⴳ ⵏ ⵓⴼⵔⴰ ⴳ ⵓⵎⴰⴹⴰⵍ.

ⵉⵙⵏⵉⵎⵎⵔ ⵓⵍⴰ ⴰⵙⵏⴰⵍ ⵏ ⵉⵙⵔⴷⴰⵙⵏ ⵏ ⵍⵎⵖⵔⵉⴱ ⵍⵍⵉ ⵉⵡⵙⵏⵉⵏ ⵉ ⴼⵉⵜⵏⴰⵎ ⵃⵎⴰ ⴰⴷ ⵜⴰⵎⵥ ⵜⴰⵙⵉⵎⴰⵏⵜ ⵏⵏⵙ.