ⵍⵇⴰⵀⵉⵕⴰ: ⵉⴷⵔⵓ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⴳ ⵜⵙⵎⵓⵏⴰⵢ ⵏ ⵜⵙⵇⵇⵉⵎⵉⵏ ⴷ ⵜⵖⵉⵎⵉⵜ ⵜⵉⵙ ⴽⴽⵓⵥⵜ ⵏ ⵜⵙⵓⵜⵍⵜ ⵜⵉⵙ ⴽⴽⵓⵥⵜ ⵏ ⵉⵎⵉⵔ ⴰⵣⵣⵔⴰⴼ ⵡⵉⵙ ⴽⵕⴰⴹ ⵏ ⵓⴱⵕⵍⴰⵎⴰⵏ ⴰⵄⵕⴰⴱ

ⵉⴷⵔⵓ ⵓⴽⴰⴱⴰⵕ ⵏ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⴳ ⵜⵙⵓⵎⵏⴰⵢ ⵏ ⵜⵙⵇⵇⵉⵎⵉⵏ ⴷ ⵜⵖⵉⵎⵉⵜ ⵜⵉⵙ ⴽⴽⵓⵥⵜ ⵏ ⵜⵙⵓⵜⵍⵜ ⵜⵉⵙ ⴽⴽⵓⵥⵜ ⵏ ⵉⵎⵉⵔ ⴰⵣⵣⵔⴰⴼ ⵡⵉⵙ ⴽⵕⴰⴹ ⵏ ⵓⴱⵕⵍⴰⵎⴰⵏ ⴰⵄⵕⴰⴱⴳ 22 ⴰⵔ 25 ⵎⴰⵢ 2024 ⴳ ⵍⵇⴰⵀⵉⵕⴰ ⴳ ⵎⵉⵚⵕ. 

ⵉⵍⵍⴰ ⴳ ⵓⴽⴰⴱⴰⵕ: 

* ⵎⴰⵙⵙ ⵎⵓⵃⴰⵎⵎⴰⴷ ⵄⵉⵢⵢⴰⵛ, ⴰⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ; 

* ⵎⴰⵙⵙⴰ ⵅⴰⴷⵉⵊⴰ ⵃⵊⵊⵓⴱⵉ, ⵜⴰⵥⵖⵓⵕⵜ ⴷ ⵜⵎⴰⵜⵔⴰⵔⵜ; 

* ⵎⴰⵙⵙ ⵎⵓⵃⴰⵎⵎⴰⴷ ⵍⴰⵃⵎⵓⵛ, ⵜⴰⵔⴰⴱⴱⵓⵜ ⵜⴰⵃⴰⵔⴽⵉⵜ;  

ⵔⴰⴷ ⵢⵉⵍⵉ ⵓⵎⴹⴰⴽⴰⵕ ⵏ ⵜⵎⴰⵢⵏⵓⵜⵉⵏ ⵏ ⵜⵙⴳ ⵜⴰⵄⵕⴰⴱⵜ, ⵉⵍⵍⴰ ⵓⵎⵙⴰⵙⴰ ⴼ ⵓⵙⵔⵓⵙ ⵏ ⵓⵖⴰⵡⴰⵙ ⵏ ⵓⵎⵢⴰⵡⴰⵙ ⴳ ⵜⵙⵇⵇⵉⵎⵜ ⵏ ⵜⵖⴰⵡⵉⵙⵉⵡⵉⵏ ⵜⵉⵣⵣⵔⴰⴼⵉⵏ ⴷ ⵜⵣⵔⴼⴰⵏⵉⵏ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵙⵇⵇⵉⵎⵜ ⵏ ⵓⵎⵇⵇⵏ ⴰⵄⵕⴰⴱ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⴰⵎⵓⵏⵜ ⵏ ⵉⵡⴰⵏⴽⵏ ⴰⵄⵕⴰⴱⵏ, ⴷ ⵓⵙⵎⵏⵉⴷ ⵏ ⵜⵓⵏⵖⵉⵍⵜ ⵜⵉⵙ ⵙⵏⴰⵜ ⵏ ⵓⵙⵏⴼⴰⵔ ⵏ ⵓⵏⵇⵇⵉⵙ ⵏ ⵡⴰⴷⴷⴰⴷ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵓⴰⴹⴰⵍ ⴰⵄⵕⴰⴱ ⴳ 2023, ⴷ ⵉⵥⵉⵕ ⵏ ⵓⵙⵏⴼⴰⵔ ⵏ ⵓⵙⵍⴳⵏ ⵉ ⵓⵙⴱⴷⴷⵉ ⵏ ⵜⵕⴰⵄⴰⵢⵜ ⵍⵍⵉ ⵔⴰⴷ ⵉⵜⵜⵓⵙⵎⵏⵉⴷ ⴷⴰⵔ ⵜⵙⵇⵇⵉⵎⵜ. 

ⵜⵎⴹⴰⴽⴰⵕ ⵜⵙⵇⵇⵉⵎⵜ ⵏ ⵜⵖⴰⵡⵉⵙⵉⵏ ⵜⵉⵏⴰⵎⵓⵏⵉⵏ ⴷ ⵜⵙⴳⵯⵎⴰⵏⵉⵏ ⴷ ⵜⴷⵍⵙⴰⵏⵉⵏ ⴷ ⵜⵎⵖⴰⵔⵜ ⴷ ⵉⵄⵔⵔⵉⵎⵏ ⵜⵉⵎⴰⵢⵏⵓⵜⵉⵏ ⵏ ⵜⵙⵜⵔⴰⵜⵉⵊⵉⵜ ⵜⴰⵄⵕⴰⴱⵜ ⵉ ⵓⵙⴷⵓⵙ ⵏ ⵜⵡⵉⵣⵉ, ⴷ ⵓⵙⵏⵎⴰⵍⴰ ⵏ ⵜⵉⵏⴰⵡⵜ ⴼ ⵓⴼⵔⴰⴳ ⵏ ⵡⴰⵜⵉⴳⵏ ⵉⵏⴰⵎⵓⵏⵏ ⴳ ⵓⵎⴰⴹⴰⵍ ⴰⵄⵕⴰⴱ, ⴷ ⵜⴻⵜⴳⴰⵔⵜ ⵜⴰⴱⵕⵍⴰⵎⵏⵉⵜ ⵏ ⵜⵎⵖⴰⵔⵜ ⵜⴰⵄⵕⴰⴱⵜ, ⴷ ⵓⵙⵓⵊⴷ ⵏ ⵓⵏⵇⵇⵉⵙ ⴼ ⵡⴰⴷⴷⴰⴷ ⴰⵏⴰⵎⵓⵏ ⴳ ⵓⵎⴰⴹⵍ ⴰⵄⵕⴰⴱ ⵏ 2023, ⴷ ⵓⵙⵓⵊⴷ ⵏ ⵜⵙⵉⵍⴰ ⵏ ⵉⴷⵔⵉⵣⵏ ⴰⵄⵕⴰⴱⵏ ⵍⵍⵉ ⴽⴽⴰⵟⵟⵏⵉⵏ ⵏⵖ ⵜⵜⵢⴰⴽⴰⵔⵏ, ⴷ ⵓⵙⵙⵏ ⵏ ⵜⵖⵜⴰⵙⵉⵏ ⵏ ⵓⴳⵔⴰⵡ 33 ⵏ ⵓⵙⵇⵇⵉⵎ ⵏ ⵜⴰⵎⵓⵏⵜ ⵏ ⵉⵡⴰⵏⴽⵏ ⴰⵄⵕⴰⴱⵏ ⵉⵍⵍⴰⵏ ⴳ ⵜⴳⵍⴷⵉⵜ ⵏ ⵍⴱⴰⵃⵕⴰⵢⵏ ⴳ ⵎⴰⵢ. 

ⵜⵥⵕⴰ ⵜⵙⵇⵇⵉⵎⵜ ⵏ ⵜⵖⴰⵡⵉⵙⵉⵡⵉⵏ ⵏ ⴱⵕⵕⴰ ⴷ ⵜⵙⵔⵜⴰⵏⵉⵏ ⵜⴰⵣⵣⵉⴳⵣⵜ ⵜⴰⵙⵔⵜⴰⵏⵜ ⴼ ⵜⵉⵏ ⵜⵏⴼⵔⵓⵜ ⴳ ⵜⴰⵎⵓⵔⵜ ⵜⴰⵄⵕⴰⴱⵜ ⴷ ⵜⵏⴰⵥⴰⵕⵉⵏ ⵍⵍⴰⵏⵉⵏ ⴳ ⵜⵙⴳⴰ ⵜⴰⵄⵕⴰⴱⵜ, ⴷ ⵜⵉⵍⴰⵍⵜ ⵏ ⵓⴱⵕⵍⴰⵎⴰⵏ ⴰⵄⵕⴰⴱ ⵎⵏⵉⴷ ⵏ ⵜⵏⴰⵥⴰⵕⵉⵏ, ⴷ ⵜⵓⵏⵖⵉⵍⵜ ⵉⴳⴳⵓⵔⴰⵏ ⵏ ⵓⵏⵇⵇⵉⵙ ⵏ ⵡⴰⴷⴷⴰⴷ ⴰⵙⵔⵜⴰⵏ ⵏ 2023. 

     ⵜⵎⴹⴰⴽⴰⵕ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵜⵉⴷⵎⵙⴰⵏⵉⵏ ⴷ ⵜⵥⵕⴼⴰⵏⵉⵏ ⵜⴰⵙⵜⵔⴰⵜⵉⵊⵉⵜ ⵜⴰⵄⵕⴰⴱⵜ ⵏ ⵜⵣⵡⵓⵔⵉ ⵏ ⵜⵡⵓⵔⵉⵡⵉⵏ,ⴷ ⵜⵓⵏⵖⵉⵍⵜ ⵏ ⵓⵙⵍⴳⵏ ⵏ ⵓⵙⵏⵎⴰⵍⴰ ⵏ ⵓⵙⴱⴷⴷⵉ ⵏ ⵜⵎⵓⴽⵔⵉⵙⵉⵏ ⵏ ⵓⴱⵔⵉⴷ ⵏ ⵓⵜⵛⵓ (ⵍⵅⵚⵕⴰⵏ ⵏ ⵜⵉⵔⴰⵎ), ⴷ ⵜⵎⵙⵙⴽⵯⵜⵉⵜ ⵅⴼ ⵜⵖⴰⵡⵙⴰ ⵜⴰⴷⵎⵙⴰⵏⵜ ⵏ ⵓⴳⵔⴰⵡ ⵡⵉⵙ 33ⵏ ⵜⴰⵎⵓⵏⵜ ⵏ ⵉⵡⴰⵏⴽⵏ ⴰⵄⵕⴰⴱⵏ.

ⵉⵍⵍⴰ ⵓⵙⵎⵏⵉⴷ ⵏ ⵜⵙⵓⵜⵍⵜ ⴰⴷ ⵙ ⵜⵖⵉⵎⵉ ⵜⵉⵙ ⴽⴽⵓⵥⵜ, ⴳ ⵉⵍⵍⴰ ⵓⵎⴹⴰⴽⴰⵕ ⵏ ⵓⵏⵇⵇⵉⵙ ⵏ ⵜⵙⵇⵇⵉⵎⵜ ⵏ ⴼⴰⵍⵉⵙⵟⵉⵏ, ⵉⵍⵍⴰ ⵓⵙⵎⵏⵉⴷ ⵏ ⵜⵎⴰⵢⵏⵓⵜⵉⵏ ⵏ ⵓⵙⵓⵔⵙ ⵉⵀⵔⵛⵏ ⴳ ⵖⴰⵥⵥⴰ ⴷ ⵜⵓⴳⴳⴰⵙ ⴷ ⵓⵙⴱⴷⴷⵉ ⵏ ⵓⵇⵔⵢⴰⵏ, ⴷ ⵓⵎⴹⴰⴽⵕ ⴷ ⵓⵙⵖⵣⵏ ⵏ ⵉⵏⵇⵇⵉⵙⵏ ⴷ ⵉⵙⵖⵍⴰⴼ ⵏ ⵜⵙⵇⵇⵉⵎⵉⵏ ⵜⵉⵙⵓⵍⴰⵏⵉⵏ.