ⴰⵙⵉⵔⴰ ⵏ ⵓⵙⵇⵇⵉⵎ ⵏ ⵉⵎⵓⵔⴰ: ⵜⴰⵡⴰⵍⴰ ⵜⴰⵣⵣⵔⴰⴼⵜ ⵜⵉⵙ 11, 2021-2026:
ⵉⵙⴰⵡⵍ ⵎⴰⵙⵙ ⵎⵓⵃⴰⵎⵎⴰⴷ ⵚⵚⴱⴱⴰⵕⵉ, ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴼ ⵜⵏⴰⵥⴰⵕⵉⵏ ⴷⴰⵜ ⵏ ⵜⵎⵜⵜⴰ ⵜⴰⵄⵕⴰⴱⵜ, ⵉⵙⴷⴷⵉⴷ ⴼ ⵓⵙⵏⴰⵍ ⵏ ⵍⵎⵖⵔⵉⴱ ⵉ ⴼⴰⵍⵉⵚⵙⵟⵉⵏ ⴳ ⵓⴳⵔⴰⵡ 36 ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⵄⵕⴰⴱⵜ ⴳ ⴷⴷⵣⴰⵢⵔ
ⵉⵙⴰⵡⵍ ⵎⴰⵙⵙ ⵎⵓⵃⴰⵎⵎⴰⴷ ⵚⵚⴱⴱⴰⵕⵉ, ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵙ ⵉⵙⵎ ⵏ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⴳ ⵓⴳⵔⴰⵡ ⵡⵉⵙ 36 ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⵄⵕⴰⴱⵜ ⴼ ⵜⵎⵓⴽⵔⵉⵙⵉⵏ ⵏ ⵜⵎⵜⵜⴰ ⵜⴰⵄⵕⴰⴱⵜ ⵍⵍⵉ ⵓⵔ ⵍⵍⵉⵏⵉⵏ ⴳ ⵓⵎⴰⴹⴰⵍ ⴰⵄⵕⴰⴱ ⴳ ⵎⴰⴷ ⵉⵣⵔⵉⵏ.
ⵖⵎⴽ ⵍⵍⵉ ⵉⵙⴰⵡⵍ ⴼ ⵉⴷⵔⵉⵣⵏ ⴰⴷ ⴼ ⵜⵔⴰⴱⴱⵓⵜ ⵜⴰⵄⵕⴰⴱⵜ ⴳ ⵓⵎⴰⴹⴰⵍ ⴼ ⵜⵎⵙⴰⵔⵜ ⵏ ⴼⴰⵍⵉⵙⵟⵉⵏ, ⵍⵍⵉⵖ ⵉⵔⴼⵓⴼⴰ ⵓⵎⴰⴷⴰⵏ ⵏ ⴼⴰⵍⵉⵙⵟⵉⵏ ⴳ ⵖⴰⵥⵥⴰ ⵙ ⵜⵔⴰⵄⴰⵢⵜ ⵏ ⴼⴰⵍⵉⵙⵟⵉⵏ ⵙ ⵉⵎⵏⵖⴰⵏ ⴷ ⵓⵅⵍⵓ ⴷ ⵜⵉⵕⵥⵉ ⵏ ⵡⴰⴷⴷⵓⵔ ⴷ ⵓⵙⵙⵣⵓⴳ. ⵉⵙⴰⵡⵍ ⴼ ⵓⵖⵉⵍⵓⴼ ⵏⵏⵙ ⵍⵍⵉⵖ ⵓⵔ ⵉⵎⵎⴰⵙⵙ ⵡⴰⵎⵓⵏ ⴰⴳⵔⴰⵖⵍⴰⵏ ⵉ ⵓⵙⴱⴷⴷⵉ ⵏ ⵜⵔⴰⵄⴰⵢⵜ ⵏ ⵉⵙⵕⴰⵉⵍ ⵎⵏⵉⴷ ⵏ ⵓⵎⴰⴷⴰⵏ ⴰⴼⵉⵍⵉⵙⵟⵉⵏⵉ.
ⵉⵙⴷⴷⵉⴷ ⵎⴰⵙ ⵉⵎⵎⴰⵖ ⵓⵎⴰⴷⴰⵏ ⵏ ⴼⴰⵍⵉⵙⵟⵉⵏ ⵉ ⵚⴰⵃⴰ ⵏ ⵜⵎⵙⴰⵔⵜ ⵏⵏⵙ, ⴰⵔ ⵢⴰⴽⴽⴰ ⵉⴷⴰⵎⵎⵏ ⵏⵏⵙ ⵉ ⵚⴰⵃⴰ ⵏ ⵉⵣⵔⴼⴰⵏ ⵏⵏⵙ ⵙⵓⵍⵏⵉⵏ . ⵢⵉⵏⵉ ⵎⴰⵙ ⵉⵙⴰⵡⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⴳ ⵉⵏⴰⵡ ⵏⵏⵙ ⴳ ⵓⴳⵔⴰⵡ ⴰⵄⵕⴰⴱ ⵡⵉⵙ 33 ⴳ ⵍⵎⴰⵏⴰⵏⵎⴰ ⴳ ⵜⴳⵍⴷⵉⵜ ⵏ ⵍⴱⴰⵃⵕⴰⵢⵏ, ⵍⵍⵉⵖ ⵉⵙⴰⵡⵍ ⴼ ⵜⵎⵙⵓⵜⵍⵉⵏ ⵛⴷⴷⴰⵏⵉⵏ ⴷⴰⵜ ⵏ ⵜⵎⵙⴰⵔⵜ ⵏ ⴼⴰⵍⵉⵙⵟⵉⵏ ⴷⴼⴼⵉⵔ ⵏ ⵜⵜⴰⵄⴰⴷⵓ ⵏ ⵉⵙⵕⴰⵉⵍ ⴼ ⵖⴰⵥⵥⴰ: “ⴷⴰ ⵏⵙⴷⴷⵉⴷ ⴽⵉⴳⴰⵏ ⵎⴰⵙ ⵜⵍⵍⴰ ⵜⵎⵙⴰⵔⵜ ⵏ ⴼⴰⵍⵉⵙⵟⵉⵏ ⴳ ⵓⴳⵯⵏⵙ ⵏ ⵓⵙⴽⵔ ⵏ ⵓⴼⵔⴰ ⴰⵣⵔⴼⴰⵏ ⴷ ⵉⵙⵓⵍⵏ ⴳ ⵜⵙⴳⴰ ⵏ ⵍⵇⴱⵍⵜ ⵜⴰⵏⴰⵎⵎⴰⴷⵜ”. ⵢⵉⵏⵉ ⵎⴰⵙ ⵓⴼⵔⴰ ⴷ ⵜⵎⵢⵉⴷⵉⵔⵜ ⵙⴳ ⵉⴼⵔⴷⴰⵙ ⵏ ⵜⴷⵉⴱⵍⵓⵎⴰⵙⵉⵜ ⵜⴰⵎⵖⵔⵉⴱⵉⵜ ⵍⵍⵉ ⵔⴰⴷ ⴱⴷⴷⴰ ⵉⵙⵏⴰⵍ ⵜⴰⵎⵙⴰⵔⵜ ⵏ ⴼⴰⵍⵉⵙⵟⵉⵏ.
ⵉⵖⵔⴰ ⵓ ⵓⵙⵎⵓⵙⵙⵓ ⵏ ⵓⵙⵏⴰⵍ ⴰⵙⵔⵜⴰⵏ ⵉ ⵜⵎⵙⴰⵔⵜ ⵏ ⴼⴰⵍⵉⵙⵟⵉⵏ ⵙ ⵓⵙⵎⵓⵏ ⵏ ⵡⴰⴷⴷⴰⴷ ⴰⵄⵕⴰⴱ ⴷ ⵓⵚⴽⵓ ⵏ ⵡⴰⵡⵏⴰⴹ ⴰⵄⵕⴰⴱ ⴷ ⵜⵣⴷⴰⵢⵉⵏ ⴱⴷⴷⵏⵉⵏ ⴼ ⵓⵡⵇⵇⵔ ⴷ ⴰⵔⴰⴽⵛⵓⵎ ⴳ ⵜⵖⴰⵡⵙⵉⵡⵉⵏ ⵜⵉⴳⵯⵏⵙⴰⵏⵉⵏ ⵏ ⵉⵡⴰⵏⴽ, ⴷ ⵓⵡⵇⵇⵔ ⵏ ⵜⵅⵅⵓⵜⵔⴰ ⵏ ⵉⵡⴰⵏⴽⵏ ⴷ ⵜⵢⴰⵏⵜ ⵜⴰⵏⴰⴽⴰⵍⵜ ⵏⵏⵙⵏ, ⴷ ⵓⵙⵎⵓⵙⵙⵓ ⴳ ⵉⵏⵎⵓⵇⵇⴰⵔⵏ ⵉⵏⵎⵏⴰⴷⵏ ⴷ ⵉⴳⵔⴰⵖⵍⴰⵏⵏ ⵉ ⵓⵙⴱⴷⴷⵉ ⵏ ⵜⵜⴰⵄⴷⴷⵓ ⴼ ⵓⵎⴰⴷⴰⵏ ⴰⴼⵉⵍⵙⵟⵉⵏⵉ ⴷ ⵓⵙⵎⵓⵙⵙⵓ ⵏ ⵓⵙⵏⴰⵍ ⴰⴱⵕⵍⴰⵎⴰⵏⵉ ⵉ ⵓⵚⴽⵓ ⵏ ⵓⴼⵔⴰ ⴰⵣⵔⴼⴰⵏ ⴷ ⵓⵙⵓⵍⴰⵏ ⴳ ⵜⵙⴳⴰ.
ⵉⵙⴰⵡⵍ ⵎⴰⵙⵙ ⵚⵚⴱⴱⴰⵕⵉ ⵓⵍⴰ ⴼ ⵜⵏⴰⵥⴰⵕⵉⵏ ⴷⴰⵜ ⵏ ⵓⵎⴰⴹⴰⵍ ⴰⵄⵕⴰⴱ ⴳ ⵍⵍⴰⵏ ⵉⵖⴰⵡⴰⵙⵏ ⵏ ⵓⴼⵓⴽⴽⵓ ⵏ ⴽⵔⴰ ⵏ ⵉⵡⴰⵏⴽⵏ ⴰⵄⵕⴰⴱⵏ ⴷ ⵓⴱⵔⵙⵙⵉⵡⴷ ⴷ ⵓⵣⵡⴰⴳ ⴷ ⵉⵙⵏⴼⵍⵏ ⵏ ⵓⵏⵣⵡⵉ ⴷ ⵜⵖⴰⵔⵜ. ⵉⵖⵔⴰ ⵉ ⵓⵙⵎⴰⵢⵏⵓ ⵏ ⵜⵡⵓⵔⵉ ⵏ ⵜⵎⵔⵙⴰⵍ ⵏ ⵔⵡⵓⵔⵉ ⵜⴰⵄⵕⴰⴱⵜ ⵉⵛⵛⴰⵔⵏ, ⵉⵖⵔ ⵉ ⵉⴱⵕⵍⴰⵎⴰⵏⵏ ⴰⵄⵕⴰⴱⵏ ⵉ ⵓⵙⵎⴰⵢⵏⵓ ⵏ ⵉⴼⵙⵙⴰⵢⵏ ⵕⵡⴰⵏⵉⵏ ⵉ ⵓⵙⵎⵔⵙ ⵏ ⵜⵥⴹⴰⵕⵉⵏ ⴷ ⵓⵎⵣⵔⵓⵢ ⵉⴷⵔⴰⵏ ⵉ ⵓⵙⴽⵔ ⵏ ⵜⴳⵎⵉ.