ⵉⴷⵔⵓ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⴳ ⵜⵙⵓⵜⵍⵜ 34 ⵏ ⵜⵙⵇⵇⵉⵎⵜ ⵜⴰⵎⵣⵣⴳⴰⵔⵜ ⴷ ⵓⴳⵔⴰⵡ 36 ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⵄⵕⴰⴱⵜ

ⵉⴷⵔⵓ ⵓⴱⵕⵍⴰⵎⴰⵏ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵎⵓⵃⴰⵎⴰⵎⴷ ⵚⵚⴱⴱⴰⵕⵉ, ⴰⵎⴰⵔⵉ ⵏ ⵓⵏⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴳ ⵜⵙⵓⵜⵍⵜ 34 ⵏ ⵜⵙⵇⵇⵉⵎⵜ ⵜⴰⵎⵣⵣⴳⴰⵔⵜ ⴷ ⵓⴳⵔⴰⵡ 36 ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⵄⵕⴰⴱⵜ ⴳ ⴷⴷⵣⴰⵢⵔ, ⵙⴳ 25 ⴰⵔ 27 ⵎⴰⵢ 2024 ⵙ ⵜⴷⵔⴰⵡ ⵏ ⵉⵏⵙⵙⵉⵅⴼⵏ ⴷ ⵉⴳⵎⴰⵎⵏ ⵏ ⵉⴱⵕⵍⴰⵎⴰⵏⵏ ⴰⵄⵕⴰⴱⵏ ⴷ ⵉⴳⵏⵙⴰⵙⵏ ⵏ ⵜⵎⴰⴷⴷⴰⵙⵉⵏ ⵜⴰⵄⵕⴰⴱⵉⵏ ⴷ ⵜⵎⵏⴹⴰⵡⵉⵏ ⴷ ⵜⴳⵔⴰⵖⵍⴰⵏⵉⵏ. 

ⵢⵓⵎⴰ ⵓⴽⴰⴱⴰⵕ ⴰⴷ ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ: ⴼⵟⵉⵎⴰ ⵅⴰⵢⵔ ⴷ ⵃⴰⴼⵉⴹ ⵡⵓⵛⴰⴽ ⵙⴳ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ, ⵄⴰⴱⴷ ⵕⵕⵥⵥⴰⵇ ⴰⵃⵍⵓⵛ ⵙ ⵜⵔⴰⴱⴱⵓⵜ ⵜⴰⵙⵉⵎⴰⵏⵜ, ⴼⴰⵢⵚⴰⵍ ⵥⵥⵕⵀⵓⵏⵉ ⵙⴳ ⵜⵔⴰⴱⴱⵓⵜ ⵜⴰⴷⵙⵜⴰⵔⵜ ⵜⴰⴷⵉⵎⵓⵇⵔⴰⵟⵉⵜ ⵜⴰⵏⴰⵎⵓⵏⵜ, ⴳ ⵓⵙⵇⵇⵉⵎ ⵏ ⵉⵎⵓⵔⴰ. ⵉⴷ ⵎⴰⵙⵙ: ⵛⵛⵉⵅ ⴰⵃⵎⴰⴷⵓ ⵉⴷⴱⴷⴰ, ⵙⴳ ⵜⵔⴰⴱⴱⵓⵜ ⵏ ⵜⵥⵖⵓⵕⵜ ⴷ ⵜⵎⴰⵜⵔⴰⵔⵜ, ⵄⴰⴱⴷ ⵍⵍⴰⵟⵉⴼ ⵎⵓⵙⵜⴰⵇⵉⵎ ⵙⴳ ⵜⴰⵎⵓⵏⵜ ⵜⴰⵎⵜⴰⵢⵜ ⵏ ⵉⵎⵙⵡⵓⵔⵉⵢⵏ ⴳ ⵍⵎⵖⵔⵉⴱ, ⵙⴳ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ. 

ⵔⴰⴷ ⵉⴷⵔⵓ ⵎⴰⵙⵙ ⵚⵚⴱⴱⴰⵕⵉ ⴳ ⵉⵎⵛⴰⵡⴰⵕⵏ ⵏ ⵉⵏⵙⵙⵉⵅⵏ ⵏ ⵉⴱⵕⵍⴰⵎⴰⵏⵏ, ⵔⴰⴷ ⵉⵙⵎⵏⵉⴷ ⵜⴰⴳⵓⵔⵉ ⵙ ⵉⵙⵎ ⵏ ⵜⴰⵢⵢⴰⵡⵜ ⵜⴰⴱⵕⵍⴰⵎⴰⵏⵉⵜ ⴳ ⵜⵖⵉⵎⵉⵜ ⵜⴰⵎⴰⵜⴰⵢⵜ ⵏ ⵓⴳⵔⴰⵡ. 

ⵔⴰⴷ ⵢⵉⵍⵉ ⵓⴷⵔⴰⵡ ⴳ ⵜⵙⵓⵜⵍⵜ ⵜⵉⵙ 34 ⵏ ⵜⵙⵇⵇⵉⵎⵜ ⵜⴰⵎⵣⵣⴳⴰⵔⵜ ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⵄⵕⴰⴱⵜ , ⴷ ⵜⵙⵎⵓⵏⴰⵢ ⵏ ⵜⵙⵇⵇⵉⵎⵉⵏ ⵜⵉⵙⵓⵍⴰⵏⵉⵏ: ⴼⴰⵍⵉⵚⵟⵉⵏ, ⵜⵉⵖⴰⵡⵙⵉⵡⵉⵏ ⵜⵉⵙⵔⵜⴰⵏⵉⵏ ⴷ ⵜⵣⴷⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉⵏ, ⵜⵉⵖⴰⵡⵙⵉⵡⵉⵏ ⵜⵉⵏⴰⵎⵓⵏⵉⵏ ⴷ ⵜⵎⵖⴰⵔⵜ ⴷ ⵡⴰⵣⵣⴰⵏ ⴷ ⵉⵄⵔⵔⵉⵎⵏ. 

ⵔⴰⴷ ⵢⵉⵍⵉ ⵓⵎⴹⴰⴽⴰⵕ ⵏ ⵜⵙⵓⵜⵍⵉⵏ ⵏ ⵉⵏⵇⵇⵉⵙⵏ ⵏ ⵜⵙⵓⵜⵍⵉⵏ ⵣⵔⵉⵏⵉⵏ, ⴷ ⵜⵉⵍⴰⵍ ⵏ ⵜⵏⴼⵍⵓⵙⵜ ⵜⴰⵎⴰⵜⴰⵢⵜ ⵙⴳ ⵓⴳⵔⴰⵡ 35, ⴷ ⵜⵏⴰⵥⴰⵕⵉⵏ ⵍⵍⴰⵏⵉⵏ ⴳ ⵜⵙⴳⴰ ⵜⴰⵄⵕⴰⴱⵜ ⵙⵍⴰⵡⴰⵏ ⴰⴽⴽⵯ ⴰⵙⵓⵔⵙ ⴳ ⵖⴰⵥⵥⴰ. 

ⵔⴰⴷ ⵢⵉⵍⵉ ⵓⵍⴰ ⵓⵙⵜⴰⵢ ⵏ ⵓⵏⴼⵍⵓⵙ ⴰⵎⴰⵢⵏⵓ ⵏ ⵜⴰⵎⵓⵏⵜ,ⴷ ⵓⵙⴼⵓⴳⵍⵓ ⵏ ⵓⴽⵜⵜⴰⵢ ⵡⵉⵙ 20, ⴰⵙⵎⵖⵔ ⵏ ⵓⵏⵙⵙⵉⵅⴼ ⴷ ⵓⵏⴼⵍⵓ ⵣⵔⵉⵏⵉⵏ, ⵜⵉⴽⴽⵉ ⵏ ⵜⵙⵎⵖⵓⵔⵜ ⵏ ⵜⵥⵍⴰⵢⵜ ⵜⴰⴱⵕⵍⴰⵎⵏⵉⵜ ⵜⴰⵄⵕⴰⴱⴰⵜ, ⴰⵣⵣⵔⴰⵢ ⵏ ⵜⵏⵙⵙⵉⵅⴼⵜ ⵏⵜⴰⵎⴰⵢⵏⵓⵜ. 

ⵜⵜⵓⵙⴽⴰⵔ ⵜⴰⵎⵓⵏⵜ ⵜⴰⴱⵕⵍⴰⵎⵏⵉⵜ ⵜⴰⵄⵕⴰⴱⵜ ⴳ 1974, ⵜⴳⴰ ⵜⴰⵎⴰⴷⴷⴰⵙⵜ ⵜⴰⴱⵕⵍⴰⵎⴰⵏⵉⵜ ⵏ ⵜⵙⴳⴰ ⵜⴰⵄⵕⴰⴱⵜ. ⵜⵡⴰⵜⵜⵙ ⴰⵙⴷⵓⵙ ⵏ ⵓⵎⵢⴰⵡⴰ ⴰⵄⵕⴰⴱ ⵄⵛⵛⴰⵔⵏ, ⴰⵙⵎⵓⵏ ⵏ ⵡⴰⴷⴷⴰⴷⵏⴳ ⵉⵏⵎⵓⵇⵇⴰⵔⵏ ⵉⴳⵔⴰⵖⵍⴰⵏⵏ ⴷ ⵓⵣⴷⴰⵢ ⵏ ⵉⵣⵣⵔⴰⴼⵏ ⴳ ⵉⵡⴰⵏⴽⵏ ⴰⵄⵕⴰⴱⵏ.