ⵉⴳⵏⵙⴻⵙ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵜⴼⵓⴳⵍⴰ ⵏ ⵓⵙⵔⵙ ⵏ ⵓⵏⵙⵙⵉⵅⴼ ⵉⵜⵜⵓⵙⵜⴰⵢⵏ ⴳ ⵜⵛⴰⴷ

ⵉⴳⵏⵙⴻⵙ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴳ ⵜⴼⵓⴳⵍⴰ ⵜⴰⵎⴰⴷⴷⵓⴷⵜ ⵏ ⵓⵙⵔⵙ ⵏ ⵓⵏⵙⵙⵉⵅⴼ ⵉⵜⵜⵓⵙⵜⴰⵢⵏ ⵏ ⵜⴳⴷⵓⴷⴰⵏⵜ ⵏ ⵜⵛⴰⴷ ⵎⴰⵙⵙ ⵎⴰⵃⴰⵎⴰⵜ ⵉⴷⵔⵉⵙ ⴷⵉⴱⵉ ⵉⵏⵜⵄ. 

ⵜⵍⵍⴰ ⵜⴼⵓⴳⵍⴰ ⴰⴷ ⴳ ⵜⵎⴰⵥⵓⵏⵜ ⵏⴷⵊⴰⵎⵉⵏⴰ ⵙ ⵜⵉⵍⵉⵜ ⵏ ⵉⵏⵙⵙⵉⵅⴼⵏ ⵏ ⵉⵡⴰⵏⴽⵏ ⴷ ⵉⴱⵕⵍⴰⵎⴰⵏⵏ ⴷ ⵉⵎⴰⵡⵙⴰⵙⵏ ⴷ ⵉⵏⵙⵙⵉⵅⴼⵏ ⵏ ⵉⴽⴰⴱⴰⵕⵏ ⴷ ⵉⴷⵉⴱⵍⵓⵎⴰⵙⵉⵢⵏ ⵍⵍⴰⵏⵉⵏ ⴳ ⵜⵛⴰⴷ ⴷ ⵉⵡⵔⵉⴽⵏ ⵢⴰⴹⵏⵉⵏ. 

ⵉⵃⴰⴹⵕ ⴳ ⵜⴼⵓⴳⵍⴰ ⴰⴷ ⴰⵎⵙⵇⵇⴰⴷ ⵏ ⵍⵎⵖⵔⵉⴱ ⴳ ⵜⵛⴰⴷ ⵎⴰⵙⵙ ⵄⴰⴱⴷⵍⵍⴰⵟⵉⴼ ⵕⵕⵓⵊⴰ, ⵉⵏⵏⴰ ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ ⵉ ⵓⵏⵙⵙⵉⵅⴼ ⵎⴰⵃⴰⵎⴰⵜ ⵉⴷⵔⵉⵙ ⴷⵉⴱⵉ ⵉⵏⵜⵓ ⴰⵙⵙⵔⵖⴷ ⴷ ⵓⵣⵓⵍ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴷ ⵜⵉⵔⴰⵜ ⵉ ⵓⵎⵢⴰⵡⵙ ⴰⵙⵉⵔⴰⵏ ⵉ ⵜⴳⵎⵉ ⴷ ⵓⵔⴳⴳⵉⴳ ⵏ ⵉⴼⵔⵉⵇⵢⴰ. 

ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⴰⴱⵔⴰⵜ ⵏ ⵓⵙⵙⵔⵖⴷ ⵉ ⵓⵏⵙⵙⵉⵅⴼ ⵏ ⵜⵛⴰⴷ ⵙ ⵜⵎⵍⴷⴰ ⵏ ⵓⵙⵜⴰⵢ ⵏⵏⵙ ⴷ ⴰⵏⵙⵙⵉⵅⴼ ⵏ ⵜⵎⴰⵣⵉⵔⵜ ⵏⵏⵙ. 

ⵉⵙⴰⵡⵍ ⴱⴰⴱ ⵏ ⵡⴰⴷⴷⵓⵔ ⴳ ⵜⴱⵔⴰⵜ ⵏⵏⵙ ⵉ ⵎⴰⵙⵙ ⵎⴰⵃⴰⵎⴰⵜ ⵉⴷⵔⵉⵙ ⴷⵉⴱⵉ ⵉⵏⵜⵓ ⴼ ⵉⵙⵙⵔⵖⴷⵏ ⵏⵏⵙ ⵔⵖⴰⵏⵉⵏ ⴷ ⵉⵙⵉⵜⵉⵎⵏ ⵏⵏⵙ ⵉ ⵓⵔⵎⴰⵙ ⴳ ⵜⵙⵎⵉⴳⵍⵜ ⵏⵏⵙ ⵉⵥⵉⵍⵏ. 

ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴳ ⵜⴱⵔⴰⵜ ⵏⵏⵙ: “ⵜⴰⵎⵢⵉⵎⴰⵏⵜ ⵜⴰⵎⴰⵜⵜⵓⵢⵜ ⵍⵍⵉ ⵜⵉⵡⵉⵎ ⴳ ⵉⵙⵜⴰⵢⵏ ⴰⴷ ⵏ ⵜⵏⵙⵙⵉⵅⴼⵜ ⴳⴰⵏ ⴰⵙⵓⵜⴳ ⴷ ⵓⵙⵙⵏ ⵏ ⵓⵎⴰⴷⴰⵏ ⵏ ⵜⵛⴰⴷ ⴼ ⵉⵡⵉⵣ ⵏⵏⵓⵏ ⵉⵖⵣⴰⵏⵏ ⵎⵏⵉⴷ ⵏ ⵜⵏⵓⴼⴰ ⵏⵏⵙ ⵜⵉⵎⴰⵜⵜⵓⵢⵢⵉⵏ, ⴷ ⵜⵉⵔⴰⵜ ⵏⵏⵙ ⵉ ⵓⵙⵕⵚⵓ ⵏ ⵓⴱⵔⵉⴷ ⵏ ⵓⵙⵎⴰⵜⵜⵉ ⴰⴷⵉⵎⵓⵇⵔⴰⵟⵉ ⵉ ⵜⵎⴰⵣⵉⵔⵜ ⵏⵏⵓⵏ, ⴷ ⵜⵣⵣⵉⴳⵣⵜ ⵉ ⵓⵙⴽⵔ ⵏ ⵉⵏⴰⵔⵓⵣⵏ ⵏⵏⵙ ⵉ ⴽⵉⴳⴰⵏ ⵏ ⵓⴱⵓⵖⵍⵓ ⴷ ⵣⵣⵀⵔⵜ” .

ⵢⵉⵡⵉ ⵓⵏⵙⵙⵉⵅⴼ ⵎⴰⵃⴰⵎⴰⵜ ⵉⴷⵔⵉⵙ ⴷⵉⴱⵉ ⵉⵏⵜⵓ 61 % ⵏ ⵜⵢⴰⴼⵓⵜ ⵏ ⵉⵙⵜⴰⵢⵏ ⵏ ⵜⵏⵙⵙⵉⵅⴼⵜ.