ⵉⵎⴹⴰⴽⴰⵕ ⵓⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵜⴰⴱⵕⵍⴰⵎⴰⵏⵉⵜ ⵍⵎⵖⵔⵉⴱ-ⵥⴰⵎⴱⵢⴰ ⴷ ⵓⴽⴰⴱⴰⵕ ⵏ ⵜⵙⵇⵇⵉⵎⵜ ⵏ ⵜⴼⵍⵍⴰⵃⵜ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⵥⴰⵎⴱⵢⴰ

ⵉⵙⵏⵓⴱⴳ ⵎⴰⵙⵙ ⵎⵓⵃⴰⵎⵎⴰⴷ ⵍⵃⵊⵉⵕⴰ, ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵜⴰⴱⵕⵍⴰⵎⴰⵏⵉⵜ ⵍⵎⵖⵔⵉⴱ ⵥⴰⵎⴱⵢⴰ, ⴰⵢⵏⴰⵙ 22 ⵉⴱⵔⵉⵔ 2024 ⴳ ⵕⵕⴱⴰⵟ, ⴰⴽⴰⴱⴰⵕ ⵏ ⵜⵙⵇⵇⵉⵎⵜ ⵏ ⵜⴼⵍⵍⴰⵃⵜ ⴷ ⵉⴽⴰⵍⵉⵡⵏ ⵉⵏⴼⵍⴰⵃⵏ ⴷ ⵉⵙⵓⴳⴰⵎ ⵉⴳⴰⵎⴰⵏⵏ ⴳ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⵥⴰⵎⴱⵢⴰ ⵉⵍⵍⴰⵏ ⴳ ⵓⵔⵣⴰⴼ ⵏⵜ ⵡⵓⵔⵉ ⵉ ⵍⵎⵖⵔⵉⴱ.

ⵉⵙⵓⵜⴳ ⵎⴰⵙⵙ ⵍⵃⵊⵉⵕⴰ ⵜⵉⵣⴷⴰⵢⵉⵏ ⵏ ⵜⴳⵯⵎⴰⵜ ⵊⴰⵔ ⵍⵎⵖⵔⵉⴱ ⴷ ⵥⴰⵎⴱⵢⴰ, ⵍⵍⵉⵖ ⵢⴰⴽⴽⴰ ⵍⵎⵖⵔⵉⴱ ⴰⵜⵉⴳ ⴰⵅⴰⵜⴰⵔ ⵉ ⵓⵎⵢⴰⵡⴰⵙ ⵉⴼⴼⵓⵙ ⵉⴼⴼⵓⵙ, ⵢⵉⵔⵉ ⴰⵙⵎⵖⵔ ⵏ ⵜⵣⴷⴰⵢⵉⵏ ⵜⵉⵎⵣⵔⴰⵢⵉⵏ ⵊⴰⵔ ⵙⵏⴰⵜ ⵜⵎⵉⵣⴰⵔ.

ⵙ ⵜⵎⵍⴷⴰ, ⵉⵙⴰⵡⵍ ⵎⴰⵙⵙ ⵍⵃⵊⵉⵕⴰ ⴼ ⵜⵣⵣⵉⴳⵣⵜ ⵏ ⵍⵎⵖⵔⵉⴱ ⴳ ⵢⵉⴳⵔ ⵏ ⵜⴼⵍⵍⴰⵃⵜ ⵙ ⵉⵙⴰⵡⵓⵔⵏ ⵉⵅⴰⵜⴰⵔⵏ ⵍⵍⴰⵏⵉⵏ ⴳ ⵜⴳⵍⴷⵉⵜ ⴰⵎ ⴰⵖⴰⵡⴰⵙ ⵏ ⵍⵎⵖⵔⵉⴱ ⴰⵣⴳⵣⴰⵡ ⴷ ⵜⵙⵜⵔⴰⵜⵉⵊⵉⵜ ⵏ ⵜⴰⵙⵓⵜ ⵜⴰⵣⴳⵣⴰⵡⵜ, ⴷ ⵉⵙⵜⴰⵢⵏ ⵉⵙⵜⵔⴰⵜⵉⵊⵉⵢⵏ ⵉ ⵓⵙⴽⵔ ⵏ ⵜⵅⵅⵓⵜⵔⴰ ⵜⴰⵙⵓⵍⴰⵏⵜ, ⵉⵙⴰⵡⵍ ⴳ ⵓⵎⵏⴰⴹ ⴰⴷ ⴼ ⵓⴷⵖⴰⵔ ⴰⵙⵜⴰⵔⵜⵉⵊⵉ ⵍⵍⵉ ⵜⵟⵟⴰⴼ ⵜⵏⴼⵔⵓⵜ ⵏ ⵡⴰⵎⴰⵏ.

ⴳ ⵓⵎⵏⵉⴷ ⵏⵏⵙ, ⵉⵙⴷⴷⵉⴷ ⵓⴽⴰⴱⴰⵕ ⵏ ⵥⴰⵎⴱⵢⴰ ⵎⴰⵙ ⵉⴳⴰ ⵓⵔⵣⴰⴼ ⴰⴷ ⵜⴰⵎⵍⴷⴰ ⵏ ⵓⵙⵙⵏ ⵏ ⵜⵉⵔⵎⵉⵜ ⵏ ⵍⵎⵖⵔⵉⴱ ⴳ ⵢⵉⴳⵔ ⵏ ⵜⴼⵍⵍⴰⵃⵜ, ⵉⵙⵓⵜⴳ ⵜⵉⵎⵙⴽⵔⵜ ⵏ ⵍⵎⵖⵔⵉⴱ ⴳ ⵢⵉⴳⵔ ⴰⴷ, ⵢⵉⵔⵉ ⴰⴷ ⵉⵙⵙⵏ ⵜⵉⵔⵎⵉⵜ ⵏ ⵍⵎⵖⵔⵉⴱ ⵉ ⵓⵙⵖⵓⴷⵓ ⵏ ⵓⵢⴰⴼⵓ ⴰⵏⴼⵍⴰⵃ ⴳ ⵥⴰⵎⴱⵢⴰ.

ⵉⵍⵍⴰ ⵓⵍⴰ ⵓⵙⴷⴷⵉⴷ ⴼ ⵓⵣⴷⴰⵢ ⴷ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⵙ ⵓⵙⵏⴼⵍ ⵏ ⵉⵔⵣⴰⴼⵏ ⴷ ⵜⵎⵓⵣⴰⵢⵉⵏ ⵉ ⵙⴰⵃⴰ ⵏ ⵙⵏⴰⵜ ⵜⵎⵉⵣⴰⵔ.

ⵉⵃⴰⴹⵕ ⴳ ⵓⵏⵎⵓⵇⵇⴰⵔ ⴰⴷ ⵎⴰⵙⵙ ⴰⵃⵎⴰⴷ ⵍⵄⴱⴱⴰⴷⵉ, ⴰⴳⵎⴰⵎ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵍⵎⵖⵔⵉⴱ-ⵥⴰⵎⴱⵢⴰ.

ⵢⵓⵎⴰ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⵏ ⵥⴰⵎⵏⵢⴰ ⵎⴰⵙⵙⴰ Maureen Mabonga ⵜⴰⵎⴰⵔⵉⵜ ⵏ ⵓⵏⵙⵙⵉⵅⴼ, ⴷ ⵉⴷ ⵎⴰⵙⵙ: Michael Katambo , Andrew Tayengwa , Yotam Mtayachalo,Tyson Simuzingili , Peter Phiri و Ackleo Banda , Mweemba Malambo , Lusale Simbao.