ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⴽⴰⴱⴰⵕ ⵏ ⵜⵙⵇⵇⵉⵎⵜ ⵏ ⵜⴼⵍⵍⴰⵃⵜ ⴳ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⵥⴰⵎⴱⵢⴰ

ⵉⵙⵏⵓⴱⴳ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵢⵏⴰⵙ 22 ⵉⴱⵔⵉⵔ 2024 ⴳ ⵕⵕⴱⴰⵟ, ⵎⴰⵙⵙ Kasautu Saiti Michelo ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵜⴼⵍⵍⴰⵃⵜ ⴷ ⵉⴽⴰⵍⵉⵡⵏ ⵉⵏⴼⵍⴰⵃⵏ ⴷ ⵉⵙⵓⴳⴰⵎ ⵉⴳⴰⵎⴰⵏⵏ ⴳ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⵥⴰⵎⴱⵢⴰ, ⵉⵍⵍⴰⵏ ⴳ ⵓⵔⵣⴰⴼ ⵏ ⵜⵡⵓⵔⵉ ⵉ ⵜⴳⵍⴷⵉⵜ ⵏ ⵍⵎⵖⵔⵉⴱ, ⴰⴽⴷ ⴰⴽⴰⴱⴰⵕ ⵏⵏⵙ.

ⵉⵃⴰⴹⵕ ⵎⴰⵙⵙ ⵎⵓⵃⵎⵎⴰⴷ ⵍⵃⵊⵉⵕⴰ, ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵍⵎⵖⵔⵉⴱ-ⵥⴰⵎⴱⵢⴰ, ⵢⵉⵍⵉ ⵓⵎⴹⴰⴽⴰⵕ ⴼ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⴳ ⵉⴳⵔⴰ ⴰⵏⴼⵍⴰⵃ ⵉⵛⵛⴰⵔⵏ.

ⵉⵍⵍⴰ ⵓⵙⵎⵏⵉⴷ ⵏ ⵉⴷⵎⴰⵡⵏ ⵏ ⵓⵎⵢⴰⵡⴰⵙ ⵊⴰ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵙ ⵓⵙⵏⴼⵍ ⵏ ⵜⵉⵔⵎⵉⵜⵉⵏ ⴷ ⵓⵣⴷⴰⵢ ⴰⴱⵕⵍⴰⵎⴰⵏⵉ ⴳ ⵉⵏⵎⵓⵇⴰⵔⵏ ⵉⵏⵎⵏⴰⴹⵏ ⴷ ⵉⴳⵔⴰⵖⵍⴰⵏⵏ.

ⵉⵏⵏⴰ ⵓⴽⴰⴱⴰⵕ ⵏ ⵥⴰⵎⴱⵢⴰ ⵎⴰⵙ ⵉⵔⴰ ⴰⴷ ⵉⵙⵙⵏ ⵜⵉⵔⵎⵉⵜ ⵏ ⵍⵎⵖⵔⵉⴱ ⴳ ⵢⵉⴳⵔ ⵏ ⵜⴼⵍⵍⴰⵃⵜ, ⴳ ⵎⴰⴷ ⵉⵥⵍⵉⵏ ⵙ ⵉⵙⵍⴳⵏⵏ ⵏⵏⵙ,ⴷ ⵜⵓⴳⴳⴰⵙ ⵉ ⵓⵙⴱⴷⴷⵉ ⵏ ⵉⵙⵏⴼⵍⵏ ⵏ ⵓⵏⵣⵡⵉ ⴷ ⵜⴰⵖⴰⵔⵜ, ⴷ ⵜⴳⵎⵉ ⵜⴰⵙⵓⵍⴰⵏⵜ ⴷ ⵜⵥⴹⴰⵕⵉⵏ ⵜⵉⵎⴰⵢⵏⵓⵜⵉⵏ, ⴷ ⵍⴰⵏⴳⵔⵉⵢⴰⵜ ⴷ ⵉⵎⵔⵙⵉⵡⵏ ⵢⴰⴹⵏⵉⵏ.

ⵉⵎⵍⴰ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰⵉⵎⵓⴽⵏⵏ ⴷⵔⴰⵏⵉⵏ ⴷ ⵉⵙⴰⵡⵓⵔⵏ ⵓⵏⴳⵉⵎⵏ  ⵉⵅⴰⵜⴰⵔⵏ ⵍⵍⴰⵏⵉⵏ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⴷ ⵜⵓⴳⴳⴰⵙ ⵏ ⵍⵎⵖⵔⵉⴱ ⴳ ⵓⵙⴽⵔ ⵏ ⵜⴳⵎⵉ ⵜⴰⵙⵓⵍⴰⵏⵜ ⴷ ⵓⵙⵎⵖⵔ ⵏ ⵜⴼⵍⵍⴰⵃⵜ ⴷ ⵓⴼⵔⴰⴳ ⵏ ⵡⴰⵡⵏⴰⴹ ⴷ ⵜⵥⴹⴰⵕⵉⵏ ⵜⵉⵎⴰⵢⵏⵓⵜⵉⵏ ⴷ ⵓⵙⴱⴷⴷⵉ ⵓⵜⵖⴰⵔⵜ ⴷ ⵓⵛⵃⵓ ⵏ ⵡⴰⵎⴰⵏ, ⴷ ⵜⵏⴼⵔⵓⵜ ⵏ ⵓⵜⵛⵓ.

ⵔⴰⴷ ⵉⵙⴽⵔ ⵓⴽⴰⴱⴰⵕ ⵏ ⵥⴰⵎⴱⵢⴰ ⵉⵏⵎⵓⵇⵇⴰⵔⵏ ⴷ ⴽⵉⴳⴰⵏ ⵏ ⵉⵎⵙⵜⴳⴳⴰⵔⵏ, ⴷ ⵉⵔⵣⴰⴼⵏ ⵉ ⵉⵙⴰⵡⵓⵔⵏ ⵉⵅⴰⵜⴰⵔⵏ ⵏ ⵍⵎⵖⵔⵉⴱ.

ⵢⵓⵎⴰ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⵏ ⵥⴰⵎⵏⵢⴰ ⵎⴰⵙⵙⴰ Maureen Mabonga ⵜⴰⵎⴰⵔⵉⵜ ⵏ ⵓⵏⵙⵙⵉⵅⴼ, ⴷ ⵉⴷ ⵎⴰⵙⵙ: Michael Katambo , Andrew Tayengwa , Yotam Mtayachalo,Tyson Simuzingili , Peter Phiri و Ackleo Banda , Mweemba Malambo , Lusale Simbao.