ⵙⵡⵉⵙⵔⴰ: ⵉⴷⵔⵓ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⴳ ⵓⴳⵔⴰⵡ ⵡⵉⵙ 148 ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ ⴷ ⵜⵙⵓⵜⵍⵜ ⵜⵉⵙ 213 ⵏ ⵓⵙⵇⵇⵉⵎ ⵏⵏⵙ ⴰⵏⴱⴰⴹ
ⵜⴷⵔⵓ ⵜⴰⵢⵢⴰⵡⵜ ⵜⴰⴱⵕⵍⴰⵎⴰⵏⵉⵜ ⵜⴰⵏⴰⵎⵓⵔⵜ ⵏ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⴳ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ, ⴳ ⵓⴳⵔⴰⵡ ⴰⵎⴰⵜⴰⵢ ⵡⵉⵙ 148 ⵏ ⵜⴰⵎⵓⵏⵜ ⴷ ⵜⵙⵓⵜⵍ ⵜⵉⵙ 213 ⵏ ⵓⵙⵇⵇⵉⵎ ⵏⵏⵙ ⴰⵏⴱⴰⴹ ⴳ 23 ⴰⵔ 27 ⵎⴰⵕⵙ ⴳ ⵡⴰⵎⵎⴰⵙ ⴰⴳⵔⴰⵖⵍⴰⵏ ⵏ ⵉⴳⵔⴰⵡⵏ ⴳ ⵊⵓⵏⵉⴼ ⴳ ⵙⵡⵉⵙⵔⴰ ⴼ: “ⵜⴰⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ, ⴰⵚⴽⵓ ⵉ ⵓⴼⵔⴰ ⴷ ⵓⵏⵔⴰⵎⴰⵙ”.
ⵢⵓⵎⴰ ⵓⴽⴰⴱⴰⵕ ⵎⴰⵙⵙ ⴰⵃⵎⴰⴷ ⵜⵜⵡⵉⵣⵉ, ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⵥⵖⵕⵜ ⴷ ⵜⵎⴰⵜⵔⴰⵔⵜ, ⵎⴰⵙⵙ ⵎⵓⵚⵟⴰⴼⴰ ⵔⴷⴷⴰⴷ, ⵙⴳ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ, ⵎⴰⵙⵙ ⵄⵓⵎⴰⵕ ⵃⵊⵉⵔⴰ, ⵙⴳ ⵜⵔⴰⴱⴱⵓⵜ ⵜⴰⵙⵉⵎⴰⵏⵜ ⵉ ⵜⵎⵓⵏⵉ ⴷ ⵢⵉⵙⴽⵉⵍ, ⵎⴰⵙⵙⴰ ⵅⴷⴷⵓⵊ ⵙⵙⵍⴰⵙⵉ, ⵙⴳ ⵜⵔⴰⴱⴱⵓⵜ ⵜⴰⵙⵔⵎⵓⵏⵜ-ⵜⵓⵣⵎⵜ ⵏ ⵍⵉⵜⵜⵉⵃⴰⴷ, ⵎⴰⵙⵙ ⴽⴰⵎⴰⵍ ⴰⵢⵜ ⵎⵉⴽ ⵙⴳ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ, ⵎⴰⵙⵙ ⵏⴰⵊⵉⴱ ⵍⵅⴰⴷⴷⵉ, ⴰⵎⴰⵔⴰ ⴰⵎⴰⵜⴰⵢ ⵏ ⵓⵙⵇⵇⵉⵎ ⵏ ⵉⵎⵓⵔⴰ.
ⵉⵍⵍⴰ ⵓⴳⵔⴰⵡ ⴳ ⵜⵡⵓⵔⵉ ⵏ ⵜⵔⴰⴱⴱⵓⵜ ⵜⴰⵊⵢⵓⵙⵔⵜⴰⵏⵜ ⵜⴰⴼⵔⵉⵇⵉⵉⵜ ⴷ ⵜⵄⵕⴰⴱⵜ ⴷ ⵜⵓⵙⵍⵉⵎⵜ, ⵓⵙⵙⴰⵏ ⵏ 22 ⴷ 23 ⵎⴰⵕⵙ 2024, ⴳ ⵉⵍⵍⴰ ⵓⵙⵎⵏⵉⴷ ⵏ ⵉⵙⵏⵜⴰⵍ ⵏ ⵜⵡⵓⵔⵉ ⵏ ⵓⵖⴰⵡⴰⵙ ⵏⵏⵙ ⴷ ⵓⵣⵣⵔⴰⵢ ⵏ ⵜⵣⵣⵓⵍⵉⵏ ⵅⵡⴰⵏⵉⵏ ⴳ ⵜⴰⵎⵓⵏⵜ, ⴷ ⵓⵔⵣⵣⵓ ⵏ ⵜⵎⵙⴰⵔⵉⵏ ⴷⴰⵜ ⵏ ⵜⴰⵎⵓⵏⵜ ⵣⴷⵉⵏⵉⵏ ⴳ ⴳⴰⵔ ⴰⵙⵓⵔⵙ ⴳ ⴷⴷⵔⵏ ⵉⴼⴰⵍⵉⵙⵟⵉⵏⵉⵢⵏ ⴳ ⵖⴰⵥⵥⴰ.
ⵉⵙⴷⴷⵉⴷ ⵎⴰⵙⵙ ⵜⵜⵡⵉⵣⵉ, ⴰⵏⵙⵙⵉⵅⴼ ⵏ ⵓⴽⴰⴱⴰⵕ, ⵎⴰⵙ ⴷ ⵉⵇⵇⴰⵏ ⵓⵙⵎⵓⵏ ⵏ ⵡⴰⴷⴷⴰⴷⵏ ⵏ ⵜⵔⵓⴱⴱⴰ ⵜⴰⵄⵕⴰⴱⵜ ⴷ ⵜⵓⵙⵍⵉⵎⵜ ⴷ ⵜⴰⴼⵔⵉⵇⵉⵜ ⵃⵎⴰ ⴰⴷ ⵜⴼⴼⵖ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ ⵙ ⵡⴰⴷⴷⴰⴷ ⵉⵍⵍⴰⵏ ⴷ ⵉⵣⵔⴼⴰⵏ ⵏ ⵉⴼⴰⵍⵉⵙⵟⵉⵏⵉⵢⵏ ⵉⴱⴷⴷⵏ ⴼ ⵜⵖⵜⴰⵙⵉⵏ ⵏ ⵜⵍⵍⵓⴳⵏⴰ ⵜⴰⴳⵔⴰⵖⵍⴰⵏⵜ ⴷ ⵓⴼⵙⴰⵢ ⵙⵉⵏ ⵉⵡⴰⵏⴽⵏ ⴼ ⵉⵍⵍⴰ ⵓⵎⵙⴰⵙⴰ, ⵍⵍⵉ ⵉⴳⴰⵏ ⴰⴼⵙⴰⵢ ⵏ ⵜⵉⵍⴰⵡⵜ ⵉ ⵜⵉⵍⵉⵜ ⵏ ⵓⵔⴳⴳⵉⴳ ⴷ ⵓⴼⵔⴰ ⴳ ⵜⵙⴳⴰ ⴰⴷ.
ⵔⴰⴷ ⵉⴷⵔⵓ ⵓⴽⴰⴱⴰⵕ ⴳ ⵜⵙⵎⵓⵏⴰⵢ ⵏ ⵉⴳⵔⴰⵡⵏ ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ: ⴰⵙⵇⵇⵉⵎ ⴰⵏⴱⴰⴹ, ⵜⵉⵙⵎⵓⵏⴰⵢ ⵜⵉⵙⵓⵍⴰⵏⵉⵏ, ⵜⴰⵙⵇⵇⵉⵎⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵉⵥⵍⵉⵏ ⵙ ⵉⴱⵕⵍⴰⵎⴰⵏⵉⵢⵏ, ⵜⴰⵙⵇⵇⵉⵎⵜ ⵏ ⵜⵎⵙⴰⵔⵉⵏ ⵣⴷⵉⵏⵉⵏ ⴷ ⵍⵇⴱⵍⵜ ⵜⴰⵏⴰⵎⴰⵎⵙⵜ, ⴰⴳⵔⴰⵡ ⵏ ⵜⴱⵕⵍⴰⵎⴰⵏⵉⵢⵉⵏ ⴷ ⵉⴱⵕⵍⴰⵎⴰⵏⵉⵢⵏ ⵉⵄⵔⵔⵉⵎⵏ, ⵉ ⵓⵎⴹⴰⴽⴰⵔ ⵏ ⵜⵎⵙⴰⵔⵉⵏ ⵏ ⵓⴼⵔⴰ ⴷ ⵓⵎⵙⴰⵡⴰⵍ ⵏ ⵉⵙⴳⴷⵏ, ⵜⵏⴳⴰⴷⴷⴰⵢⵜ ⴳ ⵡⴰⵏⵏⴰⵣⵏ, ⵜⴰⴷⵓⵙⵉ ⴷ ⵓⴼⵔⴰⴳ ⵏ ⵡⴰⵡⵏⴰⴹ ⴷ ⵓⵙⵏⴼⵍ ⵏ ⵓⵏⵣⵡⵉ ⴷ ⵜⵖⵉⵙⵜ ⵜⴰⵎⴳⵓⵔⴰⵏⵜ.
ⵔⴰⴷ ⵉⵙⵙⵛⵣⵏ ⵓⴳⵔⴰⵡ ⴰⴷ ⴰⵎⴰⵜⴰⵢ ⵜⴰⵖⵜⵙⵜ ⵅⴼ ⵉⴷⵔⵉⵣⵏ ⵉⵏⴰⵎⵓⵏⵏ ⴷ ⵉⵏⴼⴳⴰⵏⵏ ⵏ ⵉⵏⴳⵔⴰⵡⵏ ⵏ ⵉⵎⵉⵥ ⵏ ⵉⵔⴱⴰⴱⵏ ⵉⵏⵉⵎⴰⵏⵏ ⴷ ⵓⵙⵡⵓⵔⵉ ⴷ ⵜⵖⵉⵙⵉⵜ ⵜⴰⵎⴳⵓⵔⴰⵏⵜ, ⵜⴰⵖⵜⴰⵙⵜ ⵅⴼ ⵜⵎⴷⵔⴰⵡⵉⵏ ⵉ ⵓⵙⴱⴷⴷⵉ ⵏ ⵓⵏⵣⵡⵉ: ⴰⵙⴷⵓⵙ ⵏ ⵡⴰⵍⴽⴰⵎ ⵙ ⵜⵥⴹⴰⵕⵜ ⵉⵖⵓⵙⵏ, ⴷ ⵜⵉⵎⵉⵜ ⵏ ⵓⵙⵎⴰⵢⵏⵓ ⴷ ⵜⵎⴰⵙⴰⵢⵜ ⴷ ⵢⵉⵙⴽⵉⵍ.