ⵎⵉⴷⵔⴰⵏⴷ: ⵉⴷⵔⵓ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⴳ ⵜⵙⵓⵜⵍⵜ ⵉⵥⵍⵉⵏ ⵏ ⵜⵡⴰⵍⴰ ⵜⴰⵣⵣⵔⴰⴼⵜ ⵜⵉⵙ ⵚⴹⵉⵚⵜ ⵏ ⵓⴱⵕⵍⴰⵎⴰⵏ ⴰⴼⵔⵉⵇⵉ
ⵉⴷⵔⵓ ⵓⴽⴰⴱⴰⵕ ⵏ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⴳ ⵜⵙⵓⵜⵍⵜ ⵉⵥⵍⵉⵏ ⵏ ⵜⵡⴰⵍⴰ ⵜⴰⵣⵣⵔⴰⴼⵜ ⵜⵉⵙ ⵚⴹⵉⵚⵜ ⵏ ⵓⴱⵕⵍⴰⵎⴰⵏ ⴰⴼⵔⵉⵇⵉ, ⴳ 20 ⴰⵔ 27 ⵎⴰⵕⵙ 2024 ⴳ ⵎⵉⴷⵔⴰⵏⴷ ⴳ ⵉⴼⴼⵓⵙ ⵏ ⵉⴼⵔⵉⵇⵢⴰ.
ⵢⵓⵎⴰ ⵓⴽⴰⴱⴰⵕ ⵎⴰⵙⵙⴰ ⵍⴰⵢⵍⴰ ⴷⴰⵀⵉ, ⵙⴳ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ, ⵎⴰⵙⵙⴰ ⵅⴰⴷⵉⵊⴰ ⴰⵕⵓⵀⴰⵍ ⵙⴳ ⵜⵔⴰⴱⴱⵓⵜ ⵏ ⵡⴰⵍⴰⵢ ⴷ ⵜⵙⵔⵎⵓⵏⵜ, ⵎⴰⵙⵙ ⵄⴰⴱⴷ ⵚⵚⴰⵎⴰⴹ ⵃⵉⴽⵕ ⵙⴳ ⵜⴳⵔⵓⵎⵎⴰ ⵏ ⵜⵣⵔⴼⵜ ⴷ ⵜⴳⵎⵉ ⵙⴳ ⵓⵙⵇⵇⵉⵎ ⵏ ⵉⵎⵓⵔⴰ. ⵎⴰⵙⵙ ⵢⵓⵙⵓⴼ ⵉⴷⵉ ⴰⴳ ⵜⵔⴰⴱⴱⵓⵜ ⵜⴰⵙⵔⵎⵓⵏⵜ, ⵎⴰⵙⵙⴰ ⵀⴰⵏⴰ ⴱⵍⵅⵉⵔ, ⵙⴳ ⵜⵔⴰⴱⴱⵓⵜ ⵏ ⵜⴰⵎⵓⵏⵜ ⵜⴰⵎⴰⵜⴰⵢⵜ ⵏ ⵉⵎⵙⵡⵓⵔⵉⵢⵏ ⴳ ⵍⵎⵖⵔⵉⴱ.
ⵜⵥⵍⵉ ⵜⵙⵓⵜⵍⵜ ⴰⴷ ⵉ ⵓⵙⵎⴰⵢⵏⵓ ⵏ ⵜⵓⵚⴽⴰ ⵏ ⵓⵙⵉⵔⴰ ⵏ ⵓⴱⵕⵍⴰⵎⴰⵏ ⴰⴼⵔⵉⵇⵉ ⵙ ⵓⵙⵜⴰⵢ ⵏ ⵓⵏⵙⵙⵉⵅⴼ ⴰⵎⴰⵢⵏⵓ ⴷ ⵉⵎⵓⵔⴰ ⵏⵏⵙ ⴰⵎⵣⵡⴰⵔⵓ ⴷ ⵡⵉⵙ ⴽⴽⵓⵥ, ⵙ ⵓⵎⵙⴰⵙⴰ ⴷ ⵜⵖⵜⴰⵙⵜ ⵏ ⵜⵙⵎⵓⵏⵉ ⵏ ⵓⵙⵇⵇⵉⵎ ⴰⵎⵣⵣⴳⴰⵔ ⵏ ⵜⴰⵎⵓⵏⵜ ⴳ ⵜⵙⵓⵜⵍⵜ ⵏⵏⵙ ⵜⵉⵙ 44 ⵉⵍⵍⴰⵏ ⴳ ⴰⴷⵉⵙ ⴰⴱⴰⴱⴰ ⴳ ⴱⵕⴰⵢⵕ ⵉⵣⵔⵉⵏ, ⵉ ⵓⵙⵎⴰⴷ ⵏ ⵉⴳⵎⴰⵎⵏ ⵏ ⵓⵙⵉⵔⴰ ⵏ ⵓⴱⵕⵍⴰⵎⴰⵏ ⴰⴼⵔⵉⵇⵉ, ⵃⵎⴰ ⴰⴷ ⵜⵙⴽⵔ ⵜⵎⵔⵙⵍⵜ ⴰⴷ ⵜⴰⵎⵥⴰⵡⵜ ⵜⴰⵡⵙ ⴳ ⵓⵙⵙⵍⴽⵎ ⵏ ⵉⵎⵙⵍⵉ ⵏ ⵉⵎⴰⴷⴰⵏⵏ ⵉⴼⵔⵉⵇⵉⵢⵏ ⴷ ⵓⵎⵣⴰⵖ ⵏ ⵜⵏⵓⴼⴰ ⵏⵏⵙ ⵜⵓⴷⴷⵉⵔⵉⵏ ⴷ ⵓⵙⴽⵔ ⵏ ⵉⵖⴰⵡⴰⵙⵏ ⴷ ⵜⵙⵔⵜⴰⵢ ⵏ ⵜⴰⵎⵓⵏⵜ.
ⵉⴽⵍⵍⴼ ⵓⵙⵇⵇⵉⵎ ⴰⵎⵣⵣⴳⴰⵔ ⵜⴰⵙⵏⵓⵔⴰⵢⵜ ⵏ ⵜⴰⵎⵓⵏⵜ ⵜⴰⴼⵔⵉⵇⵉⵜ ⵙ ⵓⵙⴽⵔ ⵏ ⵉⵙⵜⴰⵢⵏ ⴰⴷ ⵉⴳⵣⵎⴰⵏⵏ, ⵃⵎⴰ ⴰⴷ ⵣⵔⵉⵏ ⵙ ⵜⵎⴰⴼⴰⵡⵜ.
ⵉⵜⵜⵓⵙⵙⴰⵏ ⵎⴰⵙ ⵉⵙⵎⵓⵏ ⵓⴱⵕⵍⴰⵎⴰⵏ ⴰⴼⵔⵉⵇⵉ ⵉⴱⵕⵍⴰⵎⴰⵏⵏ ⵏ ⵉⵡⴰⵏⴽⵏ ⵉⴳⵎⴰⵎⵏ ⴳ ⵜⴰⵎⵓⵏⵜ ⵜⴰⴼⵔⵉⵇⵉⵜ, ⵉⵜⵜⵓⵙⴽⴰⵔ ⵙ ⵓⵎⵙⴰⵙⴰ ⵏ ⵓⵎⵏⵏⵉ 5 ⵏ ⵓⵎⵇⵇⵏ ⴰⵎⵙⴽⴰⵔ ⵏ ⵜⴰⵎⵓⵏⵜ, ⵉⵙⵙⵏⵜⵉ ⵜⴰⵡⵓⵔⵉ ⵏⵏⵙ ⵜⴰⵎⴰⴷⴷⵓⴷⵜ ⴳ 18 ⵎⴰⵕⵙ 2004. ⴰⵔ ⵉⵙⵡⵓⵔⵉ ⵉ ⵜⵡⵉⵣⵉ ⵏ ⵉⵎⴰⴷⴰⵏⵏ ⵉⴼⵔⵉⵇⵉⵢⵏ ⴳ ⵜⴳⵎⵉ ⵏ ⵓⵎⵏⵥⴰⵡ ⴷ ⵓⵙⵎⴰⴷ ⵏⵏⵙ ⴰⴷⵎⵙⴰⵏ, ⴷⴰⵔ ⴰⴼⵔⵉⵙ ⴰⵎⵛⴰⵡⴰⵕ ⴷ ⵡⵉⵏ ⵜⵉⴹⴰⴼ ⵏ ⵜⵎⵙⴰⵙⵜⵍⵜ ⴳ ⵜⴰⵎⵓⵏⵜ ⵜⴰⴼⵔⵉⵇⵉⵜ.
ⴷⴰ ⵉⵜⵜⵓⴳⵏⵙⵉⵙ ⴽⴰ ⴰⵡⵏⴽ ⴰⴳⵎⴰⵎ ⴳ ⵓⴱⵕⵍⴰⵎⴰⵏ ⴰⴼⵔⵉⵇⵉ ⵙ ⵙⵎⵎⵓⵙ ⵉⴱⵕⵍⴰⵎⴰⵏⵉⵢⵏ ⴳ ⵜⵓⴳⵜ ⴷ ⵜⵓⵣⵍⵜ, ⴳⵉⵙⵏ ⵢⴰⵜ ⵜⵎⵖⴰⵔⵜ ⵙ ⵓⵙⵉⴷⵔⵓⵙ, ⴰⵔ ⵜⵜⵓⵙⵜⴰⵢⵏ ⵏⵖ ⴰⵔ ⵉⵜⵜⵉⵍⵉ ⵓⵙⵎⵍ ⵏⵏⵙⵏ ⵙⴳ ⵉⴱⵕⵍⴰⵎⴰⵏⵏ ⵏ ⵉⵏⴳⵎⴰⵎⵏ ⵉⵣⵣⵔⴰⴼⵏ ⵉⵏⴰⵎⵓⵔⵏ.