ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⵜⵔⴰⴱⴱⵓⵜ ⴱ ⵜⴷⴷⵓⴽⵯⵍⴰ ⵍⵎⵖⵔⵉⴱ-ⴽⴰⵥⴰⵅⵉⵙⵜⴰⵏ ⵜⴰⵎⵙⵇⴰⴷⵜ ⵏ ⴽⴰⵥⴰⵅⵉⵙⵜⴰⵏ ⴳ ⵕⵕⴱⴰⵟ
ⵉⵙⵏⵓⴱⴳ ⵎⴰⵙⵙ ⵄⴰⴱⴷ ⵍⵇⴰⴷⵔ ⵟⵟⴰⵀⵕ, ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⵯⵍⴰ ⵜⴰⴱⵕⵍⴰⵎⴰⵏⵉⵜ ⵍⵎⵖⵔⵉⴱ-ⴽⴰⵥⴰⵅⵉⵙⵜⴰⵏ ⴳ ⵓⵙⵇⵇⵉⵎ ⵏ ⵉⵎⵓⵔⴰ, ⴰⴽⵕⴰⵙ 6 ⵎⴰⵕⵙ 2024, ⵜⴰⵎⵙⵇⴰⴷⵜ ⵏ ⴽⴰⵥⴰⵅⵉⵙⵜⴰⵏ ⴳ ⵍⵎⵖⵔⵉⴱ ⵎⴰⵙⵙⴰ Saulekul Sailaukyzy .
ⵉⵙⴱⵔⵔⴽ ⵎⴰⵙⵙ ⵟⵟⴰⵀⵕ ⵜⴰⵎⵙⵇⴰⴷⵜ, ⵉⵙⵓⵜⴳ ⵜⵉⵣⴷⴰⵢⵉⵏ ⵜⵉⵎⵣⵔⴰⵢⵉⵏ ⵊⴰⵔ ⵍⵎⵖⵔⵉⴱ ⴷ ⴽⴰⵥⴰⵅⵉⵙⵜⴰⵏ, ⵉⵙⴰⵡⵍ ⴼ ⵓⵣⵔⴰⵢ ⵏ ⵓⵏⵎⵖⵓⵔ ⴰⵎⵖⵔⵉⴱⵉ ⵉⴱⵏ ⴱⴰⵟⵟⵓⵟⴰ ⴳ ⴽⴰⵥⴰⵅⵉⵙⵜⴰⵏ ⴳ ⵜⴰⵙⵓⵜ ⵜⵉⵙ 14.
ⵜⵙⵎⵏⵉⴷ ⵜⵎⵙⵇⴰⴷⵜ ⵓⴷⵎⴰⵡⵏ ⵏ ⵓⵣⴷⴰⵢ ⵊⴰⵔ ⵍⵎⵖⵔⵉⴱ ⴷ ⴽⴰⵥⴰⵅⵉⵙⵜⴰⵏ ⴳ ⵉⵍⵍⴰ ⵓⵙⵏⴼⵍ ⵏ ⵉⵔⵣⴰⴼⵏ ⴷ ⴽⵉⴳⴰⵏ ⵜⵎⵢⴰⵇⵇⴰⵏⵉⵏ ⵏ ⵜⴳⵯⵎⴰⵜ ⵉⵍⵍⴰⵏ ⴳ 1981 ⵊⴰⵔ ⵜⵉⵖⵔⵎⵜ ⵏ ⵎⴽⵏⴰⵙ ⴷ ⵜⵉⵖⵔⵎⵜ ⵏ ⴰⵍⵎⴰⵜⵉ, ⴷ ⵉⵎⵣⵔⴰⵡⵏ ⵏ ⴽⴰⵥⴰⵅⵉⵙⵜⴰⵏ ⴰⵇⵔⴰⵏⵉⵏ ⴳ ⵍⵎⵖⵔⵉⴱ.
ⵜⵖⵔ ⵓⵍⴰ ⵉ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵜⵔⴰⴱⴱⵓⵜ ⵏ ⵜⴷⴷⵓⴽⵯⵍⴰ ⴽⴰⵥⴰⵅⵉⵙⵜⴰⵏ-ⵍⵎⵖⵔⵉⴱ ⵉ ⵓⵔⵣⴰⴼ ⵏ ⵜⵡⵓⵔⵉ ⵉ ⵜⵎⴰⵣⵉⵔⵜ ⵏⵏⵙ ⴷ ⵓⵔⵣⵣⵓ ⵏ ⵜⵎⵙⴰⵔⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵛⵛⴰⵔⵏⵉⵏ.
ⵉⴳⴰ ⵓⵏⵎⵓⵇⵇⴰⵔ ⵜⴰⵎⵍⴷⴰ ⵏ ⵓⵙⴷⵓⵙ ⵏ ⵓⵎⵢⴰⵡⴰⵙ ⵊⴰⵔ ⵜⵉⵎⵔⵙⴰⵍ ⵜⵉⵣⵣⵔⴰⴼⵉⵏ ⵉ ⵓⵙⴷⵓⵙ ⵏ ⵓⵎⵢⴰⵡⴰⵙ ⴳ ⵉⴳⵔⴰⵏ ⵏ ⵜⴷⵎⵙⴰ ⴷ ⵜⵙⴱⴱⴰⴱⵜ ⴷ ⵜⵎⴰⵍⵍⴰⵢⵜ ⴷ ⵜⴷⵍⵙⴰ ⴷ ⵡⴰⵙⵙⴰⵢ ⵏ ⵉⴳⵏⵏⴰ ⵊⴰⵔ ⵙⵏⴰⵜ ⵜⵎⵉⵣⴰⵔ.