ⵜⵙⵏⵓⴱⴳ ⵜⵏⵙⵙⵉⵅⴼⵜ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⵯⵍⴰ ⵜⴰⴱⵕⵍⴰⵎⴰⵏⵉⵜ ⵍⵎⵖⵔⵉⴱ-ⵍⵓⵕⴹⵓⵏ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⴰⴽⴰⴱⴰⵕ ⵏ ⵜⵙⵇⵇⵉⵎⵜ ⵜⴰⵣⵔⴼⴰⵏⵜ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵍⵓⵕⴹⵓⵏ
ⵜⵙⵏⵓⴱⴳ ⵎⴰⵙⵙⴰ ⵅⴰⴷⵉⵊⴰ ⴰⵕⵓⵀⴰⵍ, ⵜⴰⵏⵙⵙⵉⵅⴼⵜ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⵍⴰ ⵜⴰⴱⵕⵍⴰⵎⴰⵏⵉⵜ ⵍⵎⵖⵔⵉⴱ-ⵍⵓⵕⴹⵓⵏ ⴳ ⵓⵙⵇⵇⵉⵎ ⵏ ⵉⵎⵓⵔⴰ, ⴰⴽⵕⴰⵙ 6 ⵎⴰⵕⵙ 2024, ⴰⴽⴰⴱⴰⵕ ⵏ ⵜⵙⵇⵇⵉⵎⵜ ⵜⴰⵣⵔⴼⴰⵏⵜ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵍⵓⵕⴷⵓⵏ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵀⴰⵢⵜⴰⵎ ⵣⵉⵢⴰⴷⵉⵏ.
ⴳ ⵓⵏⵎⵓⵇⵇⴰⵔ ⵖ ⵜⵃⴰⴹⵕ ⵎⴰⵙⵙⴰ ⵀⵉⵏⴷ ⴱⵏⵏⴰⵏⵉ ⵕⵕⵟⵍ, ⵜⴰⴳⵎⴰⵎⵜ ⵏ ⵜⵔⴰⴱⴱⵓⵜ, ⵉⵙⴷⴷⵉⴷ ⵓⴽⴰⴱⴰⵕ ⵏ ⵍⵓⵕⴷⵓⵏ ⴼ ⵡⴰⵜⵉⴳ ⵏ ⵜⵣⴷⴰⵢⵉⵏ ⵍⵍⴰⵏⵉⵏ ⵊⴰⵔ ⵜⵉⵎⵔⵙⴰⵍ ⵜⵉⵣⵣⵔⴰⴼⵉⵏ ⴷ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⵎⵔⵙⵍⴰⵏ ⴷ ⵓⵙⵏⴼⵍ ⵏ ⵜⵉⵔⵎⵉⵜⵉⵏ ⴷ ⵜⵎⵓⵣⴰⵢⵉⵏ ⴳ ⵉⴳⵔⴰⵏ ⵛⵛⴰⵔⵏⵉⵏ, ⴰⵢⵍⵍⵉ ⵉⵎⵎⴰⵍⴰⵏ ⵜⴰⴷⵓⵙⵉ ⵏ ⵜⵣⴷⴰⵢⵉⵏ ⵊⴰⵔ ⵙⵏⴰⵜ ⵜⵎⵉⵣⴰⵔ ⴷ ⵉⵎⴰⴷⴰⵏⵏ ⴰⵢⵜⵎⴰⵜⵏ.
ⵖⵎⴽ ⵍⵍⵉ ⵉⵙⴰⵡⴰⵍ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⵏ ⵍⵓⵕⴹⵓⵏ ⴼ ⵜⵎⵍⴷⴰ ⵏ ⵓⵎⵢⴰⵡⴰⵙ ⵊⴰⵔ ⵙⵏⴰⵜ ⵜⵎⵉⵣⴰⵔ ⴳ ⵉⴳⵔ ⵏ ⵜⴷⵎⵙⴰ ⴷ ⵜⵎⴰⵍⵍⴰⵢⵜ ⴷ ⵓⵙⵍⵎⴷ ⴰⴰⵜⵜⵓⵢ ⴷ ⵓⵙⵙⴰⵔⵓ, ⴷ ⵓⵙⴷⴷⴻⴷ ⵎⴰⵙ ⴳⴰⵏⵜ ⵜⵔⵓⴱⴱⴰ ⵏ ⵜⴷⴷⵓⴽⵍⴰ ⵉⵎⵉⵙ ⵏ ⵓⵎⵢⴰⵡⴰⴹ ⵉ ⵓⵎⵢⴰⴷⴰⵙ ⵏ ⵜⴰⵏⵏⴰⵢⵢⵉⵏ ⴷ ⵓⵙⴱⴷⴷⵉ ⵏ ⵜⵏⴰⵥⴰⵕⵉⵏ ⵛⵛⴰⵔⵏⵉⵏ.
ⵜⵏⵏⴰ ⵎⴰⵙⵙⴰ ⵜⴰⵏⵙⵙⵉⵅⵜ ⵎⴰⵙ ⵉⵙⵔⵙ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⵜⴰⵎⵙⴰⵔⵜ ⵏ ⴼⴰⵍⵉⵙⵟⵉⵏ ⴳ ⵓⵙⵡⵉⵔ ⵏ ⵜⵎⵙⴰⵔⵜ ⵏ ⵚⵚⵃⵟⴰ ⵜⴰⵖⵔⵉⴱⵉⵜ, ⵜⵉⵏⵉ ⵎⴰⵙ ⵍⵍⴰⵏⵜ ⵜⵉⵏⴰⵥⴰⵕⵉⵏ ⵛⵛⴰⵔⵏⵉⵏ ⴷⴰⵜ ⵏ ⵙⵏⴰⵜ ⵜⵎⵉⵣⴰⵔ ⴳ ⵎⴰⴷ ⵉⵥⵍⵉⵏ ⵙ ⵓⵣⵡⴰⴳ, ⵖⵎⴽ ⵍⵍⵉ ⵜⵙⵎⵏⵉⴷ ⵜⴰⵙⵜⵔⴰⵜⵉⵊⵉⵜ ⵜⴰⵏⴰⵎⵓⵔⵜ ⵏ ⵓⵣⵡⴰⴳ ⵙⵍⴰⵡⴰⵏ ⴰⴽⴽⵯ ⵎⴰⴷ ⵉⵣⴷⵉⵏ ⴷ ⵓⵙⵉⴷⴼ ⵏ ⵉⵎⵣⵡⴰⴳ ⴳ ⵓⵥⵟⵟⴰ ⴰⵏⴰⵎⵓⵏ ⴰⵎⵖⵔⵉⴱⵉ.
ⵉⴳⴰ ⵓⵏⵎⵓⵇⵇⴰⵔ ⴰⴷ ⵜⴰⵎⵍⴷⴰ ⵏ ⵓⵙⵏⴼⵍ ⵏ ⵜⴰⵏⵏⴰⵢⵢⵉⵏ ⵅⴼ ⵜⵉⵎⵙⴰⵔⵉⵏ ⵛⵛⴰⵔⵉⵏ ⴷⴰⵔ ⵜⵉⵎⵔⵙⴰⵍ ⵜⵉⵣⵣⵔⴰⴼⵉⵏ ⴳ ⵙⵏⴰⵜ ⵜⵎⵉⵣⴰⵔ.
ⵃ ⴰⴹⵕⵏ ⴳ ⵓⵏⵎⵓⵇⵇⴰⵔ ⴰⴷ ⵉⴷ ⵎⴰⵙⵙ: ⵀⴰⵢⵜⴰⵎ ⵣⵉⵢⴰⴷⵉⵏ, ⵎⵓⵃⴰⵎⵎⴰⴷ ⵊⵔⴰⴷⴰⵜ ,ⵚⴰⵍⴰⵃ ⵍⵡⴰⵅⵢⴰⵏ, ⵕⴰⵎⵥⵉ ⵍⵄⵊⴰⵔⵎⴰ, ⵎⵓⵃⴰⵎⵎⴰⴷ ⵍⵀⵉⵍⴰⵍⴰⵜ, ⴼⴰⵢⵣ ⴱⴰⵚⴱⵓⵚ, ⵙⵓⵍⴰⵢⵎⴰⵏ ⵍⵇⵍⴰⴱ ⵍⵄⵎⵓⵛ, ⵃⴰⴱⵉⵙ ⵛⵛⴱⵉⴱ, ⵄⴰⵔⵉⴼ ⵙⵄⴰⵢⴷⴰ ⵍⵄⴱⴱⴰⴷⵉ, ⵎⵓⵃⴰⵎⵎⴰⴷ ⵍⵎⵔⴰⵢⴰⵜ.