ⴱⴰⵔⵉⵣ: ⵉⴷⵔⵓ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⴳ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵜⵉⵙⵔⵜⴰⵏⵉⵏ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ, 5 ⵎⴰⵕⵙ 2024
ⵉⴷⵔⵓ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⴰⵎⵖⵔⵉⴱⵉ ⴳ ⵜⵡⵓⵔⵉⵡⵉⵏ ⵏ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵜⵉⵙⵔⵜⴰⵏⵉⵏ ⴷ ⵜⴷⵉⵎⵓⵇⵔⴰⵟⵉⵜ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⵇⵇⵉⵎ ⵏ ⵓⵔⵓⴱⴱⴰ, ⴰⵙⵙ ⵏ 5 ⵎⴰⵕⵙ 2024 ⴳ ⴱⴰⵔⵉⵣ.
ⵔⴰⴷ ⵢⵉⵍⵉ ⵓⵎⴹⴰⴽⴰⵕ ⵏ ⵜⵎⵙⴰⵔⵉⵏ ⵍⵍⴰⵏⵉⵏ ⴳ ⵓⵎⴰⴹⴰⵍ, ⵖⵎⴽ ⴰⵏⵏ ⴷ ⵜⵎⵙⴰⵔⵉⵏ ⵣⴷⵉⵏⵉⵏ ⴷ ⵓⵙⵎⵖⵔ ⵏ ⵉⵙⵖⵡⴰⵏ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ ⴳ ⵓⵙⵎⵖⵔ ⵏ ⵜⴷⵉⵎⵓⵇⵔⴰⵟⵉⵜ ⴳ ⵓⵕⵓⴱⴱⴰ ⴳ ⵎⴰ ⴰⴷ ⴰⵙ ⵉⵙⵙⵓⵜⵍⵏ, ⵙⵍⴰⵡⴰⵏ ⴰⴽⴽⵯ ⴰⵙⵎⵖⵔ ⵏ ⵓⵙⵍⴳⵏ ⵏ ⵜⵎⵙⴽⴰⵔ ⵥⵉⵍⵏⵉⵏ ⴳ ⵉⵙⵜⴰⵢⵏ, ⵜⵉⵣⴷⴰⵢⵉⵏ ⵊⴰⵔ ⵜⵓⴳⵜ ⵜⴰⴱⵕⵍⴰⵎⴰⵏⵉⵜ ⴷ ⵜⵓⵣⵍⵜ ⴳ ⵜⴷⵉⵎⵓⵇⵔⴰⵟⵉⵜ ⴷ ⵓⵙⴷⵓⵙ ⵏ ⵜⴷⵉⵎⵓⵇⵔⴰⵟⵉⵜ ⵙ ⵉⴱⵔⴷⴰⵏ ⵏ ⵜⵎⴷⵔⴰⵡⵜ.
ⵜⵍⵍⴰ ⵜⵙⵎⵓⵏⵉ ⴰⴷ ⴷⴼⴼⵉⵔ , ⵓⵙⵜⴰⵢ ⵏ ⵓⵏⵙⵙⵉⵅⴼ ⴰⵎⴰⵢⵏⵓ ⵏ ⵜⵎⵙⵎⵓⵏⵜ ⴰⴷ ⵎⴰⵙⵙ Theodoros Rousopoulos ⵙⴳ ⵍⵢⵓⵏⴰⵏ ⴳ ⵓⵎⵔⴰⵙ ⵏ ⵎⴰⵙⵙ Tiny Kox ⵙⴳ ⵏⵢⵓⵔⵍⴰⵏⴷ.
ⵔⴰⴷ ⵢⴰⵡⵙ ⵓⵙⵓⵔⵙ ⵏ ⵖⵉⵍⵍⴰⴷ ⴰⴷ ⵉⵟⵟⴼ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⴰⵎⵔⴰⵙ ⵉⵥⵉⵍⵏ ⴷⴼⴼⵉⵔ ⵎⴰ ⴰⴷ ⵉⴳⴰ ⴰⵎⴷⵔⴰⵡ ⵉ ⵜⴷⵉⵎⵓⵇⵔⴰⵟⵉⵜ ⴷⴰⵔ ⵜⵎⵙⵎⵓⵏⵜ ⴰⴷ ⵙⴳ 2011, ⵜⵉⵔⵎⵉⵜ ⵍⵍⵉ ⵉⵍⴽⵎⵏ ⴰⵎⵓⵔⵙ ⴷⴼⴼⵉⵔ ⵏ ⴽⵕⴰⴷ ⵉⵏⵇⵇⵉⵙⵏ ⵏ ⵓⵣⵣⵔⴰⵢ ⴳ 2013 ⴷ 2015 ⴷ 2019.
ⵉⵍⵍⴰ ⵓⵏⴰⵔⵓⵣ ⵉ ⵜⵎⴷⵔⴰⵡⵜ ⵉⵣⵣⵉⴳⵣⵏ ⴷⴰⵔ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⴳ ⵎⵏⵏⴰⵡⵜ ⵜⵎⵍⴷⴰ. ⵜⵍⴽⵎ ⵜⵉⵣⵉ ⵉ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ, ⴰⵎⴷⵔⴰⵡ ⵉⴳⴰⵏ ⴰⵏⴰⵡ, ⴰⴷ ⵢⵉⵍⵉ ⴳ ⵓⴷⵖⴰⵔ ⵏ ⵉⵎⴷⵔⴰⵡⵏ ⵉⵎⴰⵢⵏⵓⵜⵏ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⵇⵇⵉⵎ ⵏ ⵓⵔⵓⴱⴱⴰ.