ⵉⵎⴹⴰⴽⴰⵕ ⵓⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵜⵣⵔⴼⵜ ⴷ ⵓⵣⵣⵔⴰⴼ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵓⴽⴰⴱⴰⵕ ⵏ ⵜⵙⵇⵇⵉⵎⵜ ⵜⴰⵣⵔⴼⴰⵏⵜ ⵙⴳ ⵓⵙⵇⵇⵉⵎ ⵏ ⵍⵓⵕⴹⵓⵏ
ⵉⵙⵏⵓⴱⴳ ⵎⴰⵙⵙ ⵙⴰⵄⵉⴷ ⵙⵔⴰⵔ, ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵜⵣⵔⴼⵜ ⴷ ⵓⵣⵣⵔⴰⴼ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵉⵏⴰⵙ 5 ⵎⴰⵕⵙ 2024, ⴳ ⵓⵙⵖⵉⵎ ⵏ ⵓⵙⵇⵇⵉⵎ ⴳ ⵕⵕⴱⴰⵟ, ⴰⴽⴰⴱⴰⵕ ⵏ ⵜⵙⵇⵇⵉⵎⵜ ⵜⴰⵣⵔⴼⴰⵏⵜ ⵙⴳ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵍⵓⵕⴹⵓⵏ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵀⴰⵢⵜⴰⵎ ⵣⵉⵢⴰⴷⵉⵏ.
ⵉⵍⵍⴰ ⵓⵎⴹⴰⴽⴰⵕ ⴼ ⵜⵉⵔⵎⵉⵜⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵏ ⵍⵎⵖⵔⵉⴱ ⴷ ⵍⵓⵕⴹⵓⵏ,ⵉⵙⴰⵡⵍ ⵓⴽⴰⴱⴰⵕ ⵏ ⵍⵓⵕⴹⵓⵏ ⴼ ⵜⵉⵔⴰⵜ ⴰⴷ ⵉⵙⵙⵏ ⵜⵉⵔⵎⵉⵜ ⵜⴰⵎⵖⵔⵉⴱⵉⵜ ⵙ ⵓⵎⵙⴰⵙⴰ ⴷ ⵜⴼⵔⴽⴰ ⵜⴰⵎⴰⵢⵏⵓⵜ ⴷ ⵉⵎⵓⴽⵏⵏ ⵍⵍⴰⵏⵉⵏ ⴳ ⵜⴳⵍⴷⵉⵜ ⵜⴰⵀⴰⵛⵉⵎⵉⵜ ⵏ ⵍⵓⵕⴷⵓⵏ.
ⵉⵙⵎⵏⵉⴷ ⵎⴰⵙⵙ ⵙⴰⵄⵉⴷ ⵙⵔⴰⵔ ⴷ ⵜⵎⴰⵔⵉⵜ ⵎⴰⵙⵙⴰ ⵍⵓⴱⵏⴰ ⵚⵚⴰⵖⵉⵔⵉ ⵜⴰⵎⴰⵎⴽⵜ ⵏ ⵓⵙⵡⵓⵔⵉ ⵏ ⵜⵙⵇⵇⵉⵎⵜ ⵏ ⵜⵣⵔⴼⵜ ⴷ ⵓⵣⵣⵔⴰⴼ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵥⵍⴰⵢⵉⵏ ⵏⵏⵙ ⴷ ⵉⵙⵍⴳⵏⵏ ⵍⵍⵉ ⵜⵙⴽⵔ ⴳ ⵓⵎⵏⵉⴷ ⴰⵏⴱⴽⴰⴹ ⴷ ⵓⵖⵔⵎⴰⵏ.
ⵉⵍⵍⴰ ⵓⵍⴰ ⵓⵙⵎⵏⵉⴷ ⵏ ⵜⵉⵔⵎⵉⵜ ⵏ ⵍⵎⵖⵔⵉⴱ ⴳ ⵜⵎⵏⵏⴰⵡⵜ ⵜⴰⵙⵔⵜⴰⵏⵜ ⵙⴳ ⵓⵣⵎⵣ ⵏ ⵜⵙⵉⵎⴰⵏⵜ, ⴷ ⵉⵎⵓⴽⵏⵏ ⵉⴷⵙⵜⴰⵔⵏ ⴳⴰⵏⵉⵏ ⵚⴹⵉⵚ, ⵖⵎⴽ ⵍⵍⵉ ⵜⵣⵣⵉⴳⵣⵜ ⵜⵡⵓⵔⵉ ⵏ ⵉⴽⴰⴱⴰⵕⵏ ⵉⵙⵔⵜⴰⵏⵏ ⴳ ⵓⵙⴰⵜⵉ ⵏ ⵉⵏⵎⵓⵔⴰⵏ.
ⴳ ⵓⵎⵏⵉⴷ ⵏⵏⵙ, ⵉⵙⵓⵜⴳ ⵓⴽⴰⴱⴰⵕ ⵏ ⵍⵓⵕⴷⵓⵏ ⵜⵉⵔⵎⵉⵜ ⵏ ⵍⵎⵖⵔⵉⴱ ⴳ ⵜⵎⵏⵏⴰⵡⵜ ⵜⴰⵙⵔⵜⴰⵏⵜ ⵉⵣⴷⵉⵏ ⴷ ⵓⵙⵜⴰⵢ ⴰⴷⵉⵎⵓⵇⵔⴰⵟⵉ ⵍⵍⵉ ⵉⴳⴰⵏ ⴰⵏⴰⵡ.
ⵢⵓⵎⴰ ⵓⴽⴰⴱⴰⵕ ⵎⴰⵙⵙ ⵀⴰⵢⵜⴰⵎ ⵣⵉⵢⴰⴷⵉⵏ ⴰⵏⵙⵙⵉⵅⴼ ⴷ ⵉⴷ ⵎⴰⵙⵙ ⵉⵎⵓⵔⴰ ⵎⵓⵃⴰⵎⵎⴰⴷ ⵊⵔⴰⴷⴰⵜ, ⵚⴰⵍⴰⵃ ⵍⵡⴰⵅⵢⴰⵏ, ⵕⴰⵎⵥⵉ ⵍⵄⵊⴰⵔⵎⴰ, ⵎⵓⵃⴰⵎⵎⴰⴷ ⵍⵀⵉⵍⴰⵍⴰⵜ, ⴼⴰⵢⵣ ⴱⴰⵚⴱⵓⵚ, ⵙⵓⵍⴰⵢⵎⴰⵏ ⵍⵇⵍⴰⴱ ⵍⵄⵎⵓⵛ, ⵃⴰⴱⵉⵙ ⵛⵛⴱⵉⴱ, ⵄⴰⵔⵉⴼ ⵙⵄⴰⵢⴷⴰ ⵍⵄⴱⴱⴰⴷⵉ, ⵎⵓⵃⴰⵎⵎⴰⴷ ⵍⵎⵔⴰⵢⴰⵜ.