ⴰⴱⵉⴷⵊⵓⵏ: ⵉⴷⵔⵓ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⴳ ⵜⵙⵓⵜⵍⵜ ⵜⵉⵙ 18 ⵏ ⵜⴰⵎⵓⵏⵜ ⵏ ⵉⵙⵇⵇⵉⵎⵏ ⵏ ⵉⵡⴰⴽⵏ ⵉⴳⵎⴰⵎⵏ ⵏ ⴳ ⵜⵎⴰⴷⴷⴰⵙⵜ ⵏ ⵓⴳⵔⴰⵡ ⵓⵙⵍⵉⵎ
ⵉⴷⵔⵓ ⵓⴱⵕⵍⴰⵎⴰⵏ ⵏ ⵎⵖⵔⵉⴱ ⴳ ⵜⵙⵓⵜⵍⵜ ⵜⵉⵙ 18 ⵏ ⵓⴳⵔⴰⵡ ⵏ ⵜⴰⵎⵓⵏⵜ ⵏ ⵉⵙⵇⵇⵉⵎⵏ ⵏ ⵉⵡⴰⵏⴽⵏ ⵉⴳⵎⴰⵎⵏ ⵏ ⵜⵎⴰⴷⴷⴰⵙⵜ ⵏ ⵓⴳⵔⴰⵡ ⵓⵙⵍⵉⵎ, ⴳ ⴰⴱⵉⴷⵊⵓⵏ ⵙⴳ 2 ⴰⵔ 5 ⵎⵕⵙ.
ⵜⵍⵍⴰ ⵜⵙⵓⵜⵍⵜ ⵜⵉⵙ 18 ⵏ ⵉⴳⵔⴰⵡ ⴰⴷ ⴼ: “ⵉⵙⵏⴼⵍⵏ ⵏ ⵓⵏⵣⵡⵉ ⴳ ⵓⵎⴰⴹⴰⵍ, ⵎⴰⵏ ⵜⴰⵎⵔⴰⵔⵓⵜ ⵏ ⵉⵡⴰⵏⵍⵏ ⵉⴳⵎⴰⵎⵏ?”.
ⵢⵓⵎⴰ ⵓⴽⴰⴱⴰⵕ: ⵎⴰⵙⵙⴰ ⵏⴰⵊⵡⴰ ⴽⵓⴽⴽⵓⵙ, ⵙⴳ ⵜⵥⵖⵕⵜ ⴷ ⵜⵎⴰⵜⵔⴰⵔⵜ, ⵎⴰⵙⵙ ⵎⵓⵃⴰⵎⵎⴰⴷ ⵛⵛⴱⴱⴰⴽ ⵙⴳ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ, ⵎⴰⵙⵙ ⵅⴰⵍⵉⴷ ⵛⵛⵏⵏⴰⵇ ⵙⴳ ⵜⵔⴰⴱⴱⵓⵜ ⵜⴰⵙⵉⵎⴰⵏⵜ ⵉ ⵜⵎⵓⵏⵉ ⴷ ⵢⵉⵙⴽⵉⵍ, ⴳ ⵓⵙⵇⵇⵉⵎ ⵏ ⵉⵎⵓⵔⴰ, ⴷ ⵎⴰⵙⵙ ⵅⴰⵍⵉⴷ ⵙⵙⵟⵟⵉ ⵙⴳ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ.
ⴳ ⵡⴰⵙⵙ ⴰⵎⵣⵡⴰⵔⵓ ⵏ ⵜⵙⵓⵜⵍⵜ ⴰⴷ ⵜⵉⵙ 18, ⵉⵍⵍⴰ ⵓⵙⵏⵎⴰⵍⴰ ⵏ ⵜⵙⵓⵜⵍⵜ 51 ⵏ ⵜⵙⵇⵇⵉⵎⵜ ⵜⴰⵎⵣⵣⴳⴰⵔⵜ ⵏ ⵜⴰⵎⵓⵏⵜ ⵏ ⵉⵙⵇⵇⵉⵎⵏ ⵏ ⵉⵡⴰⵏⴽⵏ ⵉⴳⵎⴰⵎⵏ ⴳ ⵜⵎⴰⴷⴷⴰⵙⵜ ⵏ ⵓⴳⵔⴰⵡ ⵓⵙⵍⵉⵎ. ⵢⵉⵍⵉ ⵓⵙⵜⴰⵢ ⵏ ⵍⵎⵖⵔⵉⴱ ⴷ ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⴰⴷ ⵙⴳ ⵜⵔⴰⴱⴱⵓⵜ ⵜⴰⵄⵕⴰⴱⵜ.
ⵢⵉⵍⵉ ⴳ ⵓⵖⴰⵡⴰⵙ ⵓⵙⵏⵎⴰⵍⴰ ⵏ ⵜⵙⵎⵓⵏⵉ ⵜⵉⵙ ⵙⵎⵎⵓⵙⵜ ⵏ ⵜⵎⵙⵎⵓⵏⵜ ⵏ ⵉⵏⴼⵍⴰⵙ ⵉⵎⴰⵜⴰⵢⵏ ⵏ ⵉⴱⵕⵍⴰⵎⴰⵏⵏ ⵉⴳⵎⴰⵎⵏ, ⴷ ⵜⵙⵎⵓⵏⵉ ⵜⵉⵙ 12 ⵏ ⵜⵙⵇⵇⵉⵎⵜ ⵜⴰⵙⵓⵍⴰⵏⵜ ⵏ ⴼⴰⵍⵉⵙⵟⵉⵏ, ⴷ ⵜⵙⵎⵓⵏⵉ ⵜⵉⵙ ⴽⵕⴰⴹⵜ ⵏ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵏ ⵉⵎⵣⵡⴰⴳⵏ ⴷ ⵜⴷⵔⵓⵙⵉⵏ ⵜⵓⵙⵍⵉⵎⵉⵏ, ⴷ ⵜⵙⵎⵓⵏⵉ ⵜⴰⵎⵛⴰⵡⴰⵕⵜ ⵏ ⵜⵔⴰⴱⴱⵓⵜ ⵜⴰⵄⵕⴰⴱⵜ.
ⵔⴰⴷ ⵢⵉⵍⵉ, ⴳ ⵜⵙⵓⵜⵍⵜ ⴰⴷ ⵜⵉⵙ 18, ⵓⵍⴰ ⵓⵙⵎⴰⵢⵏⵓ ⵏ ⵜⵙⵇⵇⵉⵎⵉⵏ ⵏ ⵜⴰⵎⵓⵏⵜ: ⵜⴰⵙⵇⵇⵉⵎⵜ ⵜⴰⵎⵣⵣⴳⴰⵔⵜ ⴷ ⵎⴰⵜⴰⵢⵜ ⴷ ⵜⵙⵇⵇⵉⵎⵉⵏ ⵜⵉⵎⵖⵍⴰⵍⵉⵏ.