ⵕⵕⴱⴰⵟ: ⴰⵎⴹⴰⴽⴰⵕ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⵍⴰ ⵜⴰⴱⵕⵍⴰⵎⴰⵏⵉⵜ ⵍⵎⵖⵔⵉⴱ-ⵍⵓⵕⴹⵓⵏ ⴷ ⵜⵎⵙⵇⴰⴷⵜ ⵏ ⵜⴳⵍⴷⵉⵜ ⵏ ⵍⵓⵕⴹⵓⵏ

ⵜⵙⵏⵓⴱⴳ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵍⴰ ⵜⴰⴱⵕⵍⴰⵎⴰⵏⵉⵜ ⵍⵎⵖⵔⵉⴱ ⵍⵓⵕⴹⵓⵏ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙⴰ ⵅⴰⴷⵉⵊⴰ ⴰⵕⵓⵀⴰⵍ, ⵙⴳ ⵜⵔⴰⴱⴱⵓⵜ ⵏ ⵡⴰⵍⴰⵢ ⴷ ⵜⵙⵔⵎⵓⵏⵜ, ⵎⴰⵙⵙⴰ ⵊⵓⵎⴰⵏⴰ ⵙⵓⵍⴰⵢⵎⴰⵏ ⵖⴰⵏⵉⵎⴰⵜ, ⵜⴰⵎⵙⵇⴰⴷⵜ ⵏ ⵍⵓⵕⴹⵓⵏ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ. ⴰⴽⵡⴰⵙ 29 ⴱⵕⴰⵢⵕ 2024 ⴳ ⵓⵙⵖⵉⵎ ⵏ ⵓⵙⵇⵇⵉⵎ.

ⴳ ⵜⵣⵡⵉⵔⵉ, ⵙⴷⴷⵉⴷⵏ ⵉⴳⵎⴰⵎⵏ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⵍⴰ ⵜⴰⴱⵕⵍⴰⵎⴰⵏⵉⵜ ⵍⵎⵖⵔⵉⴱ ⵍⵓⵕⴹⵓⵏ ⵜⵉⵕⵡⵉ ⴷ ⵜⴷⵓⵙⵉ ⵏ ⵜⵣⴷⴰⵢⵉⵏ ⵊⴰⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⴳⵍⴷⵉⵜ ⵜⴰⵀⴰⵛⵉⵎⵉⵜ ⵏ ⵍⵓⵕⴹⵓⵏ ⴳ ⵎⴰⵕⵕⴰ ⵏ ⵉⵙⵡⵉⵔⵏ, ⴷ ⵜⴷⵉⵏⴰⵎⵉⵜ ⵏⵏⵙⵏⵜ ⴳ ⵉⵙⴳⴳⵯⴰⵙⵏ ⵉⵎⴳⴳⵓⵔⴰ, ⵙⵓⵜⴳⵏ ⵓⵍⴰ ⴰⵎⵢⴰⴷⴰⵙ ⵉⵍⵍⴰⵏ ⵊⴰⵔ ⵍⵎⵖⵔⵉⴱ ⴷ ⵍⵓⵕⴹⵓⵏ, ⴷ ⵜⵉⵔⴰⵜ ⵃⵎⴰ ⴰⴷ ⵢⴰⵡⵙ ⵓⵏⵎⵓⵇⵇⴰⵔ ⴰⴷ ⴳ ⵓⵙⵔⵙ ⵏ ⵜⴽⴰⵕⴹⴰ ⵏ ⵓⴱⵔⵉⴷ ⵉ ⵓⵙⵎⵖⵔ ⵏ ⵜⵣⴷⴰⵢⵉⵏ ⵊⴰⵔ ⵉⵙⵇⵇⵉⵎⵏ ⵏ ⵉⵎⵓⵔⴰ ⴳ ⵙⵏⴰⵜ ⵜⵎⵉⵣⴰⵔ.

ⵜⵙⵙⴽⵯⵜⵉ ⴷ ⵜⵏⵙⵙⵉⵅⴼⵜ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⵍⴰ ⵜⴰⴱⵕⵍⴰⵎⴰⵏⵉⵜ ⵍⵎⵖⵔⵉⴱ-ⵍⵓⵕⴹⵓⵏ ⴰⵔⵣⴰⴼ ⵉⵍⴰⵏ ⵜⴰⵢⴰⴼⵓⵜ ⵍⵍⵉ ⵙⴽⵔⵏ ⵉⵎⵓⵔⴰ ⵙⴳ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵍⵓⵕⴹⵓⵏ ⵉ ⵍⵎⵖⵔⵉⴱ ⴳ ⵛⵓⵜⴰⵏⴱⵉⵔ 2022, ⴷ ⵓⵙⵡⵓⵔⵉ ⵉⵍⵍⴰⵏ ⵉ ⵓⵙⵎⵀⵍ ⵏ ⵜⵢⴰⴼⵓⵜⵏ ⵏ ⵓⵔⵣⴰⴼ ⴰⵏⵏ.

ⴳ ⵓⵎⵏⵉⴷ ⵏⵏⵙ, ⵜⵙⴷⴷⵉⴷ ⵎⴰⵙⵙⴰ ⵊⵓⵎⴰⵏⴰ ⵙⵓⵍⴰⵢⵎⴰⵏ ⵖⴰⵏⵉⵎⴰⵜ ⵎⴰⵙ ⴳⴰⵏⵜ ⵜⵣⴷⴰⵢⵉⵏ ⵊⴰⵔ ⵍⵎⵖⵔⵉⴱ ⴷ ⵍⵓⵕⴹⵓⵏ ⵜⵉⴷ ⵥⵉⵍⵏⵉⵏ ⵟⵟⴼⵏⵜ ⴰⵎⵣⵔⵓⵢ, ⵜⵉⵔⵉ ⵜⵎⴰⵣⵉⵔⵜ ⵏⵏⵙ ⴰⵙⴷⵓⵙ ⵏⵏⵙⵏⵜ ⵙ ⵓⵙⵏⴼⵍ ⵏ ⵉⵔⵣⴰⴼⵏ ⴷ ⵜⵔⵓⴱⴱⴰ ⵏ ⵜⴷⴷⵓⴽⵍⴰ ⴷ ⵓⵣⴷⴰⵢ ⴰⴱⵕⵍⴰⵎⴰⵏⵉ ⵉⵙⵓⵍⵏ.

ⵜⵙⴰⵡⵍ ⴼ ⵜⵉⵔⴰⵜ ⵏⵏⵙ ⵉ ⵓⵙⴷⵓⵙ ⵏ ⵜⵣⴷⴰⵢⵉⵏ ⴳ ⵢⵉⴳⵔ ⴰⴷⵍⵙⴰⵏ ⵊⴰⵔ ⵙⵏⴰⵜ ⵜⵎⵉⵣⴰⵔ, ⵜⵙⵎⵏⵉⴷ ⴰⵖⴰⵡⴰⵙ ⵏ ⵓⵙⴳⵎⵉ ⴰⵙⵏⵖⵎⴰⵙ ⴳ ⵍⵓⵕⴹⵓⵏ ⵍⵍⵉ ⵜⵙⴽⵔ ⴳ ⵓⵣⵎⵣ ⵖ ⵜⴳⴰ ⵜⴰⵎⵡⴰⵙⴰⵙⵜ ⵏ ⵓⵙⵏⵖⵎⵙ.

ⵜⵉⵏⵉ ⵎⴰⵙ ⴷ ⵉⵇⵇⴰⵏ ⵓⵙⵏⴳⵉⴷⴷⵉ ⵏ ⵓⵔⵣⴰⴼ ⵏ ⵉⴳⵎⴰⵎⵏ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⵍⴰ ⵜⴰⴱⵕⵍⴰⵎⴰⵏⵉⵜ ⵍⵎⵖⵔⵉⴱ ⵍⵓⵕⴹⵓⵏ ⵉ ⵜⵎⴰⵣⵉⵔⵜ ⵏⵏⵙ ⴳ ⵎⴰ ⵏⵏ ⵓⵔ ⵢⴰⴳⴳⵓⴳⵏ.

ⵃⴰⴹⵕⵏ ⴳ ⵓⵏⵎⵓⵇⵇⴰⵔ ⵎⴰⵙⵙⴰ ⵜⴰⵏⵙⵙⵉⵅⴼⵜ ⵏ ⵜⵔⴰⴱⴱⵓⵜ ⴷ ⵉⴳⵎⴰⵎⵏ ⵏⵏⵙ ⵎⴰⵙ ⵄⴰⴱⴷ ⵏⵏⵓⵕ ⵍⵃⵙⵏⴰⵡⵉ, ⵙⴳ ⵜⵔⴰⴱⴱⵓⵜ ⵜⴰⵙⵔⵎⵓⵏⵜ-ⵜⵓⵣⵍⵜ ⵏ ⵍⵉⵜⵜⵉⵃⴰⴷ, ⴷ ⵎⴰⵙⵙⴰ ⵀⵉⵏⴷ ⵕⵕⵟⵍ ⴱⵏⵏⴰⵏⵉ, ⵙⴳ ⵜⴳⵔⵓⵎⵎⴰ ⵏ ⵜⵣⵔⴼⵜ ⴷ ⵜⴳⵎⵉ.