ⴰⵔⵣⴰⴼ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⵍⴰ ⵜⴰⴱⵕⵍⴰⵎⴰⵏⵉⵜ ⵍⵎⵖⵔⵉⴱ-ⴽⵕⵡⴰⵜⵢⴰ ⵉ ⵓⴱⵕⵍⴰⵎⴰⵏ ⵏ ⴽⵕⵡⴰⵜⵢⴰ

ⵜⵍⵍⴰ ⵜⵔⴰⴱⴱⵓⵜ ⵏ ⵜⴷⴷⵓⴽⵍⴰ ⵜⴰⴱⵕⵍⴰⵎⴰⵏⵉⵜ ⵍⵎⵖⵔⵉⴱ-ⴽⵕⵡⴰⵜⵢⴰ ⴳ ⵓⵔⵣⴰⴼ ⵏ ⵜⵡⵓⵔⵉ ⵉ ⵜⵎⴰⵥⵓⵏⵜ ⵏ ⴽⵕⵡⴰⵜⵢⴰ ⵣⴰⵖⵔⵉⴱ ⵙⴳ 27 ⴱⵕⴰⵢⵕ ⴰⵔ 2 ⵎⴰⵕⵙ 2024, ⵙ ⵜⵖⵓⵔⵉ ⵏ ⵎⴰⵙⵙ Domagoj  Hajdukovic ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵏ ⵓⵕⵓⴱⴱⴰ ⴷ ⵓⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⵍⴰ ⵜⴰⴱⵕⵍⴰⵎⴰⵏⵉⵜ ⴽⵕⵡⴰⵜⵢⴰ-ⵍⵎⵖⵔⵉⴱ ⴳ ⵓⴱⵕⵍⴰⵎⴰⵏ ⵏ ⴽⵕⵡⴰⵜⵢⴰ.

ⵉⵍⵍⴰ ⵓⵔⵣⴰⴼ ⴰⴷ ⴳ ⵓⵙⴰⵜⵉ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⵊⴰⵔ ⵉⴱⵕⵍⴰⵎⴰⵏⵏ ⵏ ⵍⵎⵖⵔⵉⴱ ⴷ ⴽⵕⵡⴰⵜⵢⴰ, ⴷ ⵓⵙⵎⵖⵔ ⵏ ⵜⵎⴷⵔⴰⵡⵜ ⵜⴰⴱⵕⵍⴰⵎⴰⵏⵉⵜ ⵉⵕⵡⴰⵏ ⵉⵎⵎⴰⵍⴰⵏ ⴰⵏⵔⴰⵎⴰⵙ ⵉⵛⵛⴰⵔⵏ ⴷ ⵓⵎⵢⴰⵡⴰⵙ ⵉⵜⵜⵓⵙⵏⴼⴰⵍⵏ. ⴷⴼⴼⵉⵔ ⵏ ⵓⵏⵎⵓⵇⵇⴰⵔ ⴰⴱⵕⵍⴰⵎⴰⵏⵉ ⴳ ⵕⵕⴱⴰⵟ ⴰⴽⴷ ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵜⴰⴱⵕⵍⴰⵎⴰⵏⵉⵜ ⴽⵕⵡⴰⵜⵢⴰ-ⵍⵎⵖⵔⵉⴱ ⴳ 13  ⵢⵓⵍⵢⵓⵣ 2022, ⴳ ⵉⵍⵍⴰ ⵓⵎⴹⴰⴽⴰⵔ ⵏ ⵓⵙⵏⴼⵍ ⵏ ⵜⵎⵙⴽⴰⵔ ⴷ ⵜⵎⵓⵣⴰⵢⵉⵏ ⵥⵉⵍⵏⵉⵏ ⴷ ⵓⵔⵣⵣⵓ ⵏ ⵜⵎⵙⴰⵔⵉⵏ ⵛⵛⴰⵔⵏⵉⵏ.

ⵢⵓⵎⴰ ⵓⵖⴰⵡⴰⵙ ⵏ ⵓⵔⵣⴰⴼ ⵜⵓⴳⵜ ⵏ ⵉⵎⵓⵇⵇⴰⵔⵏ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⴽⵕⵡⴰⵜⵢⴰ, ⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴷ ⵉⴳⵎⴰⵎⵏ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⵍⴰ ⵜⴰⴱⵕⵍⴰⵎⴰⵏⵉⵜ ⴽⵕⵡⴰⵜⵢⴰ-ⵍⵎⵖⵔⵉⴱ, ⴰⵏⵙⵙⵉⵅⴼ ⴷ ⵉⴳⵎⴰⵎⵏ ⵏ ⵜⵙⵇⵇⵉⵎⵜ ⵏ ⵜⵙⵔⵜⵉⵜ ⵏ ⴱⵕⵕⴰ, ⵉ ⵓⵎⴹⴰⴽⴰⵕ ⴼ ⵓⵙⵏⴼⵍ ⵏ ⵜⵎⵓⵣⴰⵢⵉⵏ ⴷ ⵓⵎⵛⴰⵡⴰⵕ ⵉⵙⵓⵍⵏ ⵅⴼ ⵉⵎⵕⵚⵉⵡⵏ ⵛⵛⴰⵔⵏⵉⵏ ⴷ ⵓⵚⴽⵓ ⵏ ⵜⵙⵓⴳⴰⵔ ⴷ ⵓⵣⴷⴰⵢ ⴰⵙⵉⵏⵔⴰⵏ ⴳ ⵜⵎⴰⴷⴷⴰⵙⵉⵏ ⵜⵉⴱⵕⵍⴰⵎⴰⵏⵉⵢⵉⵏ.

ⵔⴰⴷ ⵉⵎⴹⴰⴽⴰⵕ ⵓⴽⴰⴱⴰⵕ ⵏ ⵍⵎⵖⵔⵉⴱ ⵓⵍⴰ ⴷ ⵉⵎⴰⵙⴰⵢⵏ ⵏ ⵜⵏⴱⴰⴹⵜ ⴳ ⴽⵕⵡⴰⵜⵢⴰ ⴰⵎ: ⵜⴰⵎⴰⵡⴰⵙⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵜⵉⵏ ⵓⵕⵓⴱⴱⴰ, ⵜⴰⵎⴰⵡⴰⵙⵜ ⵏ ⵜⵎⴰⵍⵍⴰⵢⵜ ⴷ ⵜⵓⵏⵏⵓⵏⵜ, ⵜⴰⵎⴰⵡⴰⵙⵜ ⵏ ⵜⴼⵍⵍⴰⵃⵜ, ⵉ ⵓⵙⵏⴰⵍ ⵏ ⵜⵏⵓⴼⴰ ⵜⵉⵏⴰⵎⵓⵔⵉⵏ ⴷ ⵜⴳⵎⵉ ⵜⴰⴷⵎⵙⴰⵏⵜ ⴷ ⵓⵎⵢⴰⵡⴰⵙ ⵊⴰⵔ ⵜⵉⵎⵉⵣⴰⵔ, ⴰⴼⴰⴷ ⴰⴷ ⵜⴰⵡⵙ ⵜⴷⵉⴱⵍⵓⵎⴰⵙⵉⵜ ⵜⴰⴱⵔⵍⴰⵎⴰⵏⵉⵜ ⴳ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⵙⵉⵏⵔⴰⵏ ⵊⴰⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⴳⴷⵓⴷⴰⵏⵜ ⵏ ⴽⵕⵡⴰⵜⵢⴰ ⴳ ⵉⵙⵡⵉⵔⵏ ⴰⵙⵔⵜⴰⵏ ⴷ ⵓⴷⵎⵙⴰⵏ ⴷ ⵓⵏⴰⵎⵓⵏ ⴷ ⵓⴷⵍⵙⴰⵏ.

ⵢⵓⵎⴰ ⵓⴽⴰⴱⴰⵕ ⴰⴷ ⵜⴰⵔⴰⴱⴱⵓⵜ ⵏ ⵜⴷⴷⵓⴽⵍⴰ ⵜⴰⴱⵕⵍⴰⵎⴰⵏⵉⵜ ⵍⵎⵖⵔⵉⴱ-ⴽⵕⵡⴰⵜⵢⴰ ⴳ ⵜⵍⵍⴰ ⵜⵓⴳⵜ ⵓⵍⴰ ⵜⵓⵣⵍⵜ ⵙⴳ ⵓⴱⵕⵍⴰⵎⴰⵏ: ⴰⵎⴰⵔⵉ ⴷ ⵓⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵎⵓⵃⴰⵎⵎⴰⴷ ⵃⵎⵎⴰⵏⵉ (ⵜⴰⵥⵖⵔⵜ ⴷ ⵜⵎⴰⵜⵔⴰⵔⵜ), ⴰⵎⴰⵔⵉ ⵄⴰⴱⴷ ⵍⵡⴰⵃⴷ ⵛⴰⴼⵇⵉ (ⴰⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ), ⴰⵎⴰⵔⵉ ⵄⴰⴱⴷ ⵍⴼⴰⵜⵜⴰⵃ ⴰⵀⵍ ⵍⵎⴽⴽⵉ (ⵜⵔⴰⴱⴱⵓⵜ ⵜⴰⵙⵉⵎⴰⵏⵜ ⵉ ⵜⵎⵓⵏⵉ ⴷ ⵢⵉⵙⴽⵉⵍ), ⴰⵎⴰⵔⵉ ⴼⴰⴹⵍ ⴱⵕⴰⵚ (ⵜⴰⵔⴰⴱⴱⵓⵜ ⵜⴰⵙⵔⵎⵓⵏⵜ-ⵜⵓⵣⵍⵜ ⵏ ⵍⵉⵜⵜⵉⵃⴰⴷ), ⴰⵎⵛⵛⵉⵡⵕ ⵙⵎⴰⵄⵉⵍ ⵍⵄⴰⵍⴰⵡⵉ ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⵍⴰ ⵍⵎⵖⵔⵉⴱ ⴽⵕⵡⴰⵜⵢⴰ ⴳ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ (ⵜⴰⵔⴰⴱⴱⵓⵜ ⵜⴰⵙⵔⵎⵓⵏⵜ-ⵜⵓⵣⵍⵜ ⵏ ⵍⵉⵜⵜⵉⵃⴰⴷ).