ⴰⴱⵓ ⴹⴰⴱⵉ: ⵉⴷⵔⵓ ⵓⴽⴰⴱⴰⵕ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵓⴳⵔⴰⵡ ⴰⴱⵕⵍⴰⵎⴰⵏⵉ ⵏ ⵜⵎⴰⴷⴷⴰⵙⵜ ⵜⴰⴳⵔⴰⵖⵍⴰⵏⵜ ⵉ ⵜⵙⴱⴱⴰⴱⵜ ⵏ 2024 ⴳ ⵓⵙⴰⵜⵉ ⵏ ⵓⴳⵔⴰⵡ ⴰⵎⴰⵡⵙⴰⵙ ⵡⵉⵙ 13 ⵏ ⵜⵎⴰⴷⴷⴰⵙⵜ
ⵉⴷⵔⵓ ⵓⴽⴰⴱⴰⵕ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵓⴳⵔⴰⵡ ⴰⴱⵕⵍⴰⵎⴰⵏⵉ ⵏ ⵜⵎⴰⴷⴷⴰⵙⵜ ⵜⴰⴳⵔⴰⵖⵍⴰⵏⵜ ⵉ ⵜⵙⴱⴱⴰⴱⵜ ⵏ 2024 ⴳ ⵓⵙⴰⵜⵉ ⵏ ⵓⴳⵔⴰⵡ ⴰⵎⴰⵡⵙⴰⵙ ⵡⵉⵙ 13 ⵏ ⵜⵎⴰⴷⴷⴰⵙⵜ ⵉⵜⵜⵓⵙⵏⵎⴰⵍⴰⵏ ⴳ ⵡⴰⵎⵎⴰⵙ ⴰⵏⴰⵎⵓⵔ ⵏ ⴰⴱⵓ ⴹⴰⴱⵉ ⵉ ⵉⵙⴼⵙⵔⵏ, ⴰⵙⵙ ⵏ 25 ⴱⵕⴰⵢⵕ 2024.
ⵉⵍⵍⴰ ⵓⴳⵔⴰⵡ ⴰⴷ ⴼ ⵜⴱⵔⵉⴷⵉⵏ ⵏ ⵓⵙⴽⵔ ⴷ ⵓⵙⴷⵓⵙ ⵏ ⵓⴳⵔⴰⵡ ⴰⵏⵙⴱⴰⴱ ⴰⵎⵏⵏⴰⵡ ⵉ ⵚⴰⵃⴰ ⵏ ⴽⵓⵢⴰⵏ, ⴷ ⵜⵣⴷⴰⵢⵜ ⵏ ⵜⵙⴱⴱⴰⴱⵜ ⴷ ⵉⵙⵏⴼⵍⵏ ⵏ ⵓⵏⵣⵡⵉ ⴷ ⵜⵙⴱⴱⴰⴱⵜ ⵜⴰⵎⵓⵟⵟⵓⵏⵜ ⴳ ⵓⵣⵎⵣ ⵏ ⵜⴷⵎⵙⴰⵡⵉⵏ ⵜⵉⵎⵍⵖⴰⵡⵉⵏ.
ⵔⴰⴷ ⵢⴰⵡⵙ ⵓⴳⵔⴰⵡ ⴰⴷ ⵉ ⵉⴱⵕⵍⴰⵎⴰⵏⵉⵢⵏ ⵥⵍⵉⵏⵉⵏ ⴳ ⵜⵙⴱⴱⴰⴱⵜ ⵜⴰⴳⵔⴰⵖⵍⴰⵏⵜ ⴷ ⵜⵥⵕⴼⴰⵏⵜ ⴷ ⵜⴳⵎⵉ ⵜⴰⴷⵎⵙⴰⵏⵜ ⴳ ⵓⴹⴼⵕ ⵏ ⵜⵣⵣⵉⴳⵣⵜ ⵏ ⵜⵖⵜⴰⵙⵉⵏ ⵏ ⵉⴳⵔⴰⵡⵏ ⵉⵎⴰⵡⵙⴰⵙⵏ, ⴷ ⵓⵏⵢⴰⵍⴽⴰⵎ ⴰⴽⴷ ⵉⴷ ⴱⴰⴱ ⵏ ⵉⵎⴷⵉⵡⵉⵍⵏ ⵓⵏⴱⵉⴹⵏ ⴷ ⵉⵎⴰⵙⴰⵢⵏ ⵏ ⵜⵎⴰⴷⴷⴰⵙⵜ ⵜⴰⴳⵔⴰⵖⵍⴰⵏⵜ ⵏ ⵜⵙⴱⴱⴰⴱⵜ, ⴷ ⵓⵙⵏⴼⵍ ⵏ ⵜⴰⵏⵏⴰⵢⵉⵏ ⴷ ⵜⵎⵓⵣⴰⵢⵉⵏ ⴰⴽⴷ ⵉⴷ ⴱⴰⴱ ⵏ ⵓⵣⵣⵔⴰⴼ ⵙⴳ ⵉⴱⵕⵍⴰⵎⴰⵏⵏ ⵢⴰⴹⵏⵉⵏ ⴷ ⵓⵙⴷⵓⵙ ⵏ ⵜⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⴳ ⵉⵙⵡⵉⵔⵏ ⴰⵏⴰⵎⵓⵔ ⴷ ⵓⴳⵔⴰⵖⵍⴰⵏ.
ⴰⵔ ⵜⵜⵉⵍⵉⵏⵜ ⵜⵙⵓⵜⴰⵍ ⵏ ⵓⴳⵔⴰⵡ ⴰⴱⵕⵍⴰⵎⴰⵏⵉ ⴽⵓ ⴰⵙⴳⴳⵯⴰⵙ ⴳ ⵓⵙⴰⵜⵉ ⵏ ⵉⴳⵔⴰⵡⵏ ⵉⵎⴰⵡⴰⵙⴰⵙⵏ ⵏ ⵜⵎⴰⴷⴷⴰⵙⵜ ⵜⴰⴳⵔⴰⵖⵍⴰⵏⵜ ⵏ ⵜⵙⴱⴱⴰⴱⵜ.
ⵉⵍⵍⴰ ⵓⴳⵔⴰⵡ ⴰⴱⵕⵍⴰⵎⴰⵏⵉ ⵏ ⵜⵎⴰⴷⴷⴰⵙⵜ ⵜⴰⴳⵔⴰⵖⵍⴰⵏⵜ ⵏ ⵜⵙⴱⴱⴰⴱⵜ ⴳ 2022 ⵙ ⵜⵙⵏⵜⴰⵢⵜ ⵉⵛⵛⴰⵔⵏ ⵊⴰⵔ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ ⴷ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ, ⵉⴳⴰ ⵉⵎⵉⵙⵙ ⵏ ⵜⵉⴹⴰⴼ ⵜⴰⴱⵕⵍⴰⵎⴰⵏⵉⵜ ⴼ ⵜⵎⴰⴷⴷⴰⵙⵜ ⵜⴰⴳⵔⴰⵖⵍⴰⵜ ⵏ ⵜⵙⴱⴱⴰⴱⵜ, ⵉⵡⴰⵜⵜⵙⵏ ⵜⵉⵍⵉⵜ ⵏ ⵓⵎⵏⴰⴷ ⴰⴱⵕⵍⴰⵎⴰⵏⵉ ⴼ ⵜⴳⵔⴰⵡⵜ ⴰⴷ ⵜⵓⵏⴱⵉⴹⵜ ⵜⴰⴳⵔⴰⵖⵍⴰⵏⵜ, ⴰⵢⵍⵍⵉ ⵔⴰⴷ ⵉⵙⵎⵖⵔ ⵜⴰⵎⴰⴼⴰⵡⵜ ⴷ ⵓⵙⵇⵙⵉ ⴳ ⵓⵏⴳⵔⴰⵡ ⴰⵏⵙⴱⴰⴱ ⴰⵎⴰⴹⵍⴰⵏ.
ⵢⵓⵎⴰ ⵓⴽⴰⴱⴰⵕ ⴰⴷ ⵉⵎⵓⵔⴰ: ⵎⴰⵙⵙ ⵄⴰⵍⴰⴷⴷⵉⵏ ⵍⴱⵃⵔⴰⵡⵉ, ⵙⴳ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ, ⵎⴰⵙⵙ ⵄⴰⴱⴷ ⵍⴼⴰⵜⵜⴰⵃ ⵍⵄⴰⵡⵏⵉ ⵙⴳ ⵜⵥⵖⵕⵜ ⴷ ⵜⵎⴰⵜⵔⴰⵔⵜ, ⵎⴰⵙⵙ ⵎⵉⵎⵓⵏ ⵄⵎⵉⵔⵉ ⵙⴳ ⵜⵔⴰⴱⴱⵓⵜ ⵜⴰⵙⵉⵎⴰⵏⵜ ⵉ ⵜⵎⵓⵏⵉ ⴷ ⵢⵉⵙⴽⵉⵍ, ⵎⴰⵙⵙ ⵄⴰⴱⴷ ⵏⵏⵓⵕ ⵍⵃⵙⵏⴰⵡⵉ, ⵙⴳ ⵜⵔⴰⴱⴱⵓⵜ ⵜⴰⵙⵔⵎⵓⵏⵜ-ⵜⵓⵣⵍⵜ ⵏ ⵍⵉⵜⵜⵉⵃⴰⴷ.