ⵍⵓⵏⴹⵓⵏ: ⴰⵔⵣⴰⴼ ⵏ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⵉ ⵓⵙⴷⵓⵙ ⵏ ⵜⵣⴷⴰⵢⵉⵏ ⵜⵉⵙⵉⵏⵔⴰⵏⵉⵏ

ⵉⵍⵍⴰ ⵓⵎⴹⴰⴽⴰⵕ ⵊⴰⵔ ⵉⵎⵙⵜⴳⴳⴰⵔⵏ ⵉⵙⵔⵜⴰⵏⵏ ⵙⴳ ⴱⵕⵉⵟⴰⵏⵢⴰ ⴷ ⵓⴽⴰⴱⴰⵕ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴼ ⵓⵙⴷⵓⵙ ⵏ ⵜⵣⴷⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵏ ⵓⵎⵢⴰⵡⴰⵙ ⵊⴰⵔ ⵍⵎⵖⵔⵉⴱ ⴷ ⴱⵕⵉⵟⴰⵏⵢⴰ. ⴳ ⵓⵙⴰⵜⵉ ⵏ ⵓⵔⵣⴰⴼ ⵏ ⵜⵡⵓⵔⵉ ⵉ ⵍⵓⵏⴹⵓⵏ. 

ⵢⵓⵎⴰ ⵓⴽⴰⴱⴰⵕ ⴰⴷ ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⵎⵓⵔⴰ :ⵎⵓⵃⴰⵎⵎⴰⴷ ⵚⵚⴱⴱⴰⵕⵉ ⴰⵎⴰⵔⵉ ⵏ ⵓⵏⵙⵙⵉⵅⴼ (ⵜⴰⵥⵖⵕⵜ ⴷⵜⵎⴰⵜⵔⴰⵔⵜ), ⵎⵓⵃⴰⵎⵎⴰⴷ ⵊⵓⴷⴰⵔ (ⵜⴰⵎⵓⵏⵜ ⵜⴰⴷⵙⵜⴰⵔⵜ), ⵏⴰⴷⵢⴰⵜⵀⴰⵎⵉ (ⴰⵍⴰⵢ ⴷ ⵜⵙⵔⵎⵓⵏⵜ), ⵣⴰⵢⵏⴰ ⵉⴷⵃⵍⵍⵉ (ⴰⴳⵔⴰⵡ ⴰⵏⴰⵎⵓⵔ ⵏⵉⵏⵙⵉⵎⴰⵏⵏ), ⵄⴰⴱⴷ ⵍⵄⴰⵣⵉⵣ ⵍⴰⵛⵀⴰⴱ (ⵜⴰⵔⴰⴱⴱⵓⵜⵜⴰⵙⵉⵎⴰⵏⵜ), ⵉⵍⵀⴰⵎ ⵙⵙⴰⵇⵉ (ⵜⴰⵥⵖⵕⵜ ⴷ ⵜⵎⴰⵜⵔⴰⵔⵜ).

ⵙⴽⵔⵏ ⵉⴱⵕⵍⴰⵎⴰⵏⵉⵢⵏ ⵉⵎⵖⵔⵉⴱⵉⵢⵏ ⵜⴰⵙⵎⵓⵏⵉ ⴳ ⵜⵍⵍⴰ ⵜⵢⴰⴼⵓⵜ ⴷ ⵓⵎⴰⵡⵙⴰⵙ ⵏ ⵓⵡⴰⵏⴽ ⴰⴱⵕⵉⵟⴰⵏⵉ ⵉ ⵜⵖⴰⵡⵙⵉⵡⵉⵏ ⵏ ⵍⵇⴱⵍⵜ ⵜⴰⵏⴰⵎⵎⴰⵙⵜ ⴷ ⵉⵥⵥⵍⵎⴹ ⵏ ⵉⴼⵔⵉⵇⵢⴰ ⴷ ⵉⴼⴼⵓⵙ ⵏ ⴰⵙⵢⴰ ⴷ ⵜⵎⵜⵜⴰ ⵎⵓⵏⵏⵉⵏ, ⵎⴰⵙⵙ ⵟⴰⵕⵉⵇ ⴰⵃⵎⴰⴷ ⵡⵉⵎⴱⵍⴷⵓⵏ, ⵙⴷⴷⵉⴷⵏ ⵎⴰⵙ ⵍⵍⴰⵏⵜ ⵜⵣⴷⴰⵢⵉⵏ ⵊⴰⵔ ⴱⵕⵉⵟⴰⵏⵢⴰ ⴷ ⵍⵎⵖⵔⵉⴱ ⴳ ⵜⵣⵣⵉⴳⵣⵜ ⵉⴱⵓⵖⵍⴰⵏ, ⴷⴼⴼⵉⵔ ⵏ ⵜⵖⵔⵉ ⵉ ⵓⵔⵣⴰⴼ ⵙⴳ ⵜⵔⴰⴱⴱⵓⵜ ⵜⴰⴱⵕⵉⵟⴰⵏⵉⵜ ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ. 

ⵉⵍⵍⴰ ⵓⵎⴹⴰⴽⴰⵕ ⵓⵍⴰ ⴷ ⵓⵎⵄⵉⵡⵏ ⵏ ⵓⵎⴰⵔⴰ ⵏ ⵓⵡⴰⵏⴽ ⵉ ⵜⵖⴰⵡⵙⵉⵡⵉⵏ ⵏ ⵓⵎⵣⴰⵖ ⴷ ⵉⵇⴱⵓⵔⵏ ⵏ ⵉⵙⵔⴷⴰⵙⵏ, ⵎⴰⵙⵙ ⴰⵏⴷⵔⵓ ⵎⵓⵔⵉⵙⵓⵏ, ⵍⵍⵉ ⵉⵙⴷⴷⵉⴷⵏ ⴼ ⵜⵉⵔⴰⵜ ⵉ ⵓⵎⵢⴰⴷⴰⵙ ⵊⴰⵔ ⵙⵏⴰⵜ ⵜⴳⵍⴷⴰⵢ. 

ⵢⵉⵏⵉ ⴳ ⵜⵙⴳⵓⵔⵉ ⵉ ⵍⴰⵎⴰⴱ: “ⴳ ⵢⵉⴳⵔ ⵏ ⵜⵏⴼⵔⵓⵜ ⴷ ⵓⵎⵣⴰⵖ, ⵉⵍⵍⴰ ⵓⵎⵢⴰⵡⴰⵙ ⵉⵕⵡⴰⵏ ⵊⴰⵔ ⵙⵏⴰⵜ ⵜⵎⵉⵣⴰⵔ, ⵏⴻⵏⵏⵔⵣ ⵜⴰⵣⵣⵉⴳⵣⵜ ⵏ ⵓⵙⴷⵓⵙ ⵏ ⵜⵎⴷⵔⴰⵡⵜ ⴳ ⵢⵉⵔⵏ ⴷ ⵓⵛⴽⴰⵏⵉⵏ”.

ⵉⵎⴹⴰⴽⴰⵕ ⵓⴽⴰⴱⴰⵕ ⵏ ⵍⵎⵖⵔⵉⴱ ⴷ ⵜⵔⴰⴱⴱⵓⵜ ⵜⴰⴱⵕⵍⴰⵎⴰⵏⵉⵜ ⵜⴰⴱⵕⵉⵟⴰⵏⵉⵜ ⵉⵥⵍⵉⵏ ⵉ ⵍⵎⵖⵔⵉⴱ, ⵜⴰⵣⵍⵖⴰ ⵜⴰⴱⵕⵍⴰⵎⴰⵏⵉⵜ ⵏ ⵍⴽⵓⵎⴰⵏⵡⵉⵍⵜ, ⵜⵉⵎⵔⵙⵍⵜ ⵏ ⵡⵉⵙⵜⵎⵉⵏⵙⵜⵔ ⵉ ⵜⴷⵉⵎⵓⵇⵔⴰⵟⵉⵜ, ⵎⴰⵙⵙ ⵏⴰⵢⴳⵍ ⵉⴼⴰⵏⵥ ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵓⴳⴷⵓⴷ, ⵎⴰⵙⵙ ⵍⵓⵕⴷ ⴳⴰⵔⴷⵉⵏⵔ ⵓⴼ ⴽⵉⵎⴱⵍ, ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵍⵍⵓⵕⴷⴰⵜ, ⴷ ⵎⴰⵙⵙ ⵕⵓⴱ ⴱⵉⵜⵍⵔ ⴰⵎⴰⵣⴰⵏ ⴰⵏⵙⴱⴰⴱ ⵉⵥⵍⵉⵏ ⵉ ⵍⵎⵖⵔⵉⴱ. 

ⵉⵏⵏⴰ ⵎⴰⵙⵙ ⵚⵚⴱⴱⴰⵕⵉ ⵎⴰⵙ ⵉⵡⵙⵏ ⵉⵏⵎⵓⵇⵇⴰⵔⵏ ⴰⴷ ⴳ ⵓⵎⴹⴰⴽⴰⵕ ⵏ ⵜⵎⵙⴰⵔⵉⵏ ⵏ ⵖⵉⵍⴰⴷ ⴰⵎ ⵜⴰⵎⵓⴽⵔⵉⵙⵜ ⵏ ⵜⵔⵖⵉ ⴷ ⵜⵥⴹⴰⵕⵉⵏ ⵜⵉⵎⴰⵢⵏⵓⵜⵉⵏ. 

ⵢⵉⵏⵉ ⵎⴰⵙ ⵉⴳⴰ ⵓⵔⵣⴰⴼ ⴰⴷ ⵉⵍⵍⴰⵏ ⴰⵔ 23 ⴱⵕⴰⵢⵕ ⵜⴰⵎⵍⴷⴰ ⵏ ⵓⵙⵎⵏⵉⴷ ⵏ ⵜⵎⵙⴽⴰⵔ ⵏ ⵍⵎⵖⵔⵉⴱ ⴳ ⵢⵓⴳⵔ ⴰⴷ, ⴷⴼⴼⵉⵔ ⵏ ⵓⵙⵙⵕⵚⵓ, ⵙⴳ ⵓⵏⵎⵓⵇⵇⴰⵔ ⵏ COP22 ⴳ ⵡⴰⵎⵓⵔ ⵏ ⵡⴰⴽⵓⵛ, ⵏ ⴽⵓⴳⴰⵏ ⵏ ⵉⵙⵍⴳⵏⵏ ⵡⴰⵜⵜⵙⵏⵉⵏ ⴰⵙⵎⵀⵍ ⵏ ⵉⵙⵖⵍⴰⴼ ⴼ ⵓⵙⵏⴼⵍ ⵏ ⵓⵏⵣⵡⵉ ⴷ ⵓⵙⵎⵖⵔ ⵏ ⵜⵥⴹⴰⵕⵉⵏ ⵉⵜⵜⵓⵙⵎⴰⵢⵏⵓⵏⵏ ⴰⵎ ⵜⵉⵏ ⵜⴰⴼⵓⴽⵜ ⴷ ⵜⵉⵏ  ⵡⴰⴹⵓ ⴷ ⵓⵀⵉⴹⵕⵓⵊⵉⵏ ⴰⵣⴳⵣⴰⵡ. 

ⵢⵉⵏⵉ ⵓⵍⴰ ⵎⴰⵙ ⵉⵙⵎⵏⵉⴷ ⵓⴽⴰⴱⴰⵕ ⵏ ⵍⵎⵖⵔⵉⴱ ⴰⵙⵕⵚⵓ ⵏ ⵢⵉⵙⴽⵉⵍ ⵊⴰⵔ ⵓⵔⴳⴰⵣ ⴷ ⵜⵎⵖⴰⵔⵜ, ⵙ ⵓⵎⵙⴰⵙⴰ ⴷ ⵓⴷⵓⵙⵜⵓⵔ ⵏ 2011, ⴰⵢⵍⵍⵉ ⵉⴼⴰⵡⵏ ⴳ ⵉⴹⵕⵉⵚⵏ ⵍⵍⵉ ⵜⵙⵜⵉ ⵜⵎⵔⵙⵍⴰⵜ ⵜⴰⵣⵣⵔⴰⴼⵜ ⴳ ⵜⵍⵍⴰ ⵜⴳⵏⵙⴰⵙⵜ ⵏ ⵜⵎⵖⴰⵔⵉⵏ ⴷ ⵎⴰⴷ ⵉⵥⵍⵉⵏ ⵓⵍⴰ ⵙ ⵓⴼⵔⴰ ⴷ ⵓⵣⵡⴰⴳ ⴷ ⵓⵎⵙⴰⵡⴰⵍ ⵊⴰⵔ ⵉⵙⴳⴷⵏ. 

ⵉⵍⵍⴰ ⵓⵔⵣⴰⴼ ⴰⴷ ⴳ ⵓⵙⴰⵜⵉ ⵏ ⵉⵙⵏⴼⵍⵏ ⵊⴰⵔ ⵜⵉⵎⵔⵙⴰⵍⵜⵉⵣⵣⵔⴰⴼⵉⵏ ⴳ ⵙⵏⴰⵜ ⵜⵎⵉⵣⴰⵔ, ⵍⵍⵉⵖ ⵉⵍⵍⴰ ⵡⴰⵍⴰⵙ ⵏ ⵓⵙⴽⵔ ⵏⵜⵔⴰⴱⴱⵓⵜ ⵜⴰⴱⵕⵍⴰⵎⴰⵏⵉⵜ ⵜⴰⴱⵕⵉⵟⴰⵏⵉⵜ ⴳ ⴳⴳⵓⵜⵏ ⵉⴽⴰⴱⴰⵕⵏ, ⴷ ⵓⵙⴽⵔ ⵏ ⵜⵔⵓⴱⴱⴰ ⵏ ⵜⴷⴷⵓⴽⴽⵯⵍⴰ ⴳ ⵉⵙⵇⵇⵉⵎⵏ ⵏ ⵓⴱⵕⵍⴰⵎⴰⵏⵏ ⵍⵎⵖⵔⵉⴱ.

ⴳ ⵓⵙⴳⴳⵯⴰⵙ ⵉⵣⵔⵉⵏ, ⵜⵙⴽⵔ ⵜⵔⴰⴱⴱⵓⵜ ⵜⴰⴱⵕⵍⴰⵎⴰⵏⵉⵜⵜⴰⴱⵕⵉⵟⴰⵏⵉⵜ ⴰⵔⵣⴰⴼ ⵉ ⵍⵎⵖⵔⵉⴱ ⴷ ⵜⵙⴳⴰ ⵏ ⴷⴷⴰⵅⵍⴰ ⵡⴰⴷⵉⴷⴷⴰⵀⴰⴱ, ⵉ ⵓⵙⵙⵏ ⵏ ⵜⴳⵎⵉ ⴳ ⵉⴼⴼⵓⵙ ⵏ ⵜⴳⵍⴷⵉⵜ.