ⵍⴰⵍⵎⴰⵏ: ⵜⴷⵔⵓ ⵎⴰⵙⵙⴰ ⵏⴰⴷⵢⴰ ⴱⵓⵄⵉⴷⴰ, ⵜⴰⵏⵙⵙⵉⵅⴼⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ, ⴳ ⵜⵙⵓⵜⵍⵜ ⵜⵉⵙ 60 ⵏ ⵓⴳⵔⴰⵡ ⴰⴳⵔⴰⵖⵍⴰⵏ ⴼ ⵜⵏⴼⵔⵓⵜ, ⵜⵙⴽⵔ ⴽⵉⴳⴰⵏ ⵏ ⵉⵏⵎⵇⵇⵓⵔⵏ
ⵜⴷⵔⵓ ⵎⴰⵙⵙⴰ ⵏⴰⴷⵢⴰ ⴱⵓⵄⵉⴷⴰ, ⵜⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵣⴰⵖ ⴰⵏⴰⵎⵓⵔ ⴷ ⵜⵖⴰⵡⵙⵉⵡⵉⵏ ⵜⵓⵙⵍⵉⵎⵉⵏ ⴷ ⵉⵎⵖⵔⵉⴱⵉⵢⵏ ⵏ ⵜⵎⵉⵣⴰⵔ ⵏ ⴱⵕⵕⴰ, ⴳ ⵜⵙⵓⵜⵍⵜ ⵜⵉⵙ 60 ⵏ ⵓⴳⵔⴰⵡ ⴰⴳⵔⴰⵖⵍⴰⵏ ⴼ ⵜⵏⴼⵔⵓⵜ ⵉⵍⵍⴰⵏ ⴳ ⵎⵢⵓⵏⵅ ⴳ ⵍⴰⵍⵎⴰⵏ ⵓⵙⵙⴰⵏ ⵏ 16 ⴷ 18 ⴱⵕⴰⵢⵕ 2024.
ⵜⵙⴽⵔ ⵎⴰⵙⵙⴰ ⴱⵓⵄⵉⴷⴰ ⵜⵓⴳⵜ ⵏ ⵉⵏⵎⵓⵇⵇⴰⵔⵏ, ⵜⵙⵏⵓⴱⴳ ⵎⴰⵙⵙ GAHLER MICHAE ⴰⴳⵎⴰⵎ ⵏ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ, ⴰⵎⴰⵔⵉ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⵏⵉⵜ ⵉⵛⵛⴰⵔⵏ ⵏ ⵉⵡⴰⵏⴽⵏ ⵏ ⵍⴽⴰⵔⴰⵢⵉⴱⵉ ⴷ ⵓⴳⴰⵔⵓ ⵍⵀⴰⴷⵉ ⴷ ⵜⴰⵎⵓⵏⵜ ⵏ ⵓⵕⵓⴱⴱⴰ, ⴷ ⵓⴳⵎⴰⵎ ⵏ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴳ ⵍⴱⵓⵏⴷⵙⵜⴰⴳ.
ⵉⵍⵍⴰ ⵓⵙⵏⴼⵍ ⵏ ⵜⴰⵏⵏⴰⵢⵢⵉⵏ ⵅⴼ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⵙⵉⵏⵔⴰⵏ ⵊⴰⵔ ⵜⵉⵎⵉⵣⴰⵔ ⴳ ⵎⴰⵕⵕⴰ ⵉⴳⵔⴰⵏ, ⴷ ⵜⵙⵔⵜⵉⵜ ⵏ ⵓⵕⵓⴱⴱⴰ ⵉⵣⴷⵉⵏ ⴷ ⵜⵓⴷⴷⵊⵓⵕⴰ ⴰⴽⴷ ⵉⵡⴰⵏⴽⵏ ⵏ ⵉⴼⴼⵓⵙ ⵏ ⵓⵏⴰⵎⵎⴰⵙ ⴷ ⵜⵣⵣⵉⴳⵣⵉⵏ ⴳⴳⵓⵔⴰⵏⵉⵏ ⴳ ⵜⵙⴳⴰ ⵏ ⵍⵇⴱⵍⵜ ⵏ ⵜⵓⵥⵥⵓⵎⵜ.
ⵜⵉⵏⵉ ⵎⴰⵙⵙⴰ ⴱⵓⵄⵉⴷⴰ ⵎⴰⵙ ⵉⴳⴰ ⵓⵎⵙⴰⵡⴰⵍ ⴷ ⵜⵎⵢⵉⴷⵉⵔⵜ ⵊⴰⵔ ⵜⵉⵖⵔⵎⴰⵏⵉⵏ ⴷ ⵉⵙⴳⴷⵏ ⴰⴱⵔⵉⴷ ⴰⵡⵍⴰⵡⴰⵍ ⵉ ⵓⵙⴽⵔ ⵏ ⵓⴼⵔⴰ ⴳ ⵓⵎⴰⴹⴰⵍ ⴳ ⵢⵓⵔⵔⵉ ⵓⵏⵔⴰⵎⴰⵙ ⵜⵣⵣⵉⴳⵣ ⴳⵉⵙ ⵜⵟⵟⵓⵕⴼⴰ, ⵜⵙⴰⵡⵍ ⴼ ⵜⵉⵔⵎⵉ ⵜⴰⵎⵖⵔⵉⴱⵉⵜ ⴳ ⵜⵎⵢⵉⴷⵉⵔⵜ ⵊⴰⵔ ⵉⵙⴳⴷⵏ ⵎⴰ ⵉⵍⴰ ⵓⵎⵣⵔⵓⵢ.
ⵉⵍⵍⴰ ⵓⵍⴰ ⵓⵙⵓⵜⴳ ⵏ ⵜⵣⴷⴰⵢⵉⵏ ⵥⵉⵍⵏⵉⵏ ⵊⴰⵔ ⵍⵎⵖⵔⵉⴱ ⴷ ⵜⴰⵎⵓⵏⵜ ⵏ ⵓⵕⵓⴱⴱⴰ, ⵖⵔⵉⵏ ⵉ ⵓⵙⴷⵓⵙ ⵏ ⵉⵎⴰⵙⵙⵏ ⵏ ⵓⵎⵢⴰⵡⴰⵙ ⴰⵙⵉⵏⵔⴰⵏ ⴳ ⵉⴳⵔⴰⵏ ⵛⵛⴰⵔⵏⵉⵏ ⴰⵎ ⵜⴰⴷⵎⵙⴰ ⴷ ⵜⵏⴼⵔⵓⵜ ⴷ ⵓⵣⵡⴰⴳ ⴷ ⵜⴳⵎⵉ ⵉ ⵓⵚⴽⵓ ⵏ ⵓⵙⴰⵢⵔⵓⵔ ⴰⵏⴰⵎⴰⵙⵙ ⵓⴽⵍⴰⵍⵏ ⵉⵏⵎⵓⵔⴰⵏ ⵏⵏⵙ.
ⵜⵙⵏⵓⴱⴳ ⵎⴰⵙⵙⴰ ⴱⵓⵄⵉⴷⴰ ⵎⴰⵙⵙ ⴰⴳⵎⴰⵎⵏ ⵏ ⵍⴱⵓⵏⴷⵙⵜⴰⴳ ⵍⵍⵉ ⵉⵙⴰⵡⵍⵏ ⴼ ⵜⵣⴷⴰⵢⵉⵏ ⴷⵔⴰⵏⵉⵏ ⵊⴰⵔ ⵍⴰⵍⵎⴰⵏ ⴷ ⵍⵎⵖⵔⵉⴱ ⵙⵍⴰⵡⵏ ⴰⴽⴽ ⴳ ⵉⵙⴳⴳⵯⴰⵙⵏ ⵉⵎⴳⴳⵓⵔⴰ, ⵉⵙⵓⵜⴳ ⴰⵔⴳⴳⵉⴳ ⵍⵍⵉ ⵉⵍⵍⴰⵏ ⴳ ⵍⵎⵖⵔⵉⴱ ⴳ ⵎⴰⵕⵕⴰ ⵉⵙⵡⵉⵔⵏ ⵃⵎⴰ ⴰⴷ ⵉⴳ ⴰⵎⴷⵔⴰⵡ ⴰⴷⵙⵍⴰⵏ ⴳ ⵍⵇⴱⵍⵜ ⵏ ⵜⵓⵥⵥⵓⵎⵜ ⴷ ⵉⴼⵔⵉⵇⵢⴰ.
ⵜⵙⴷⴷⵉⴷ ⵎⴰⵙⵙⴰ ⴱⵓⵄⵉⴷⴰ ⴼ ⵜⴳⵎⵉ ⵉⵍⵍⴰⵏ ⴳ ⵜⵎⴰⵣⵉⵔⵜ ⵏⵏⵖ ⵙ ⵜⵏⴰⵔⴰ ⵜⵓⵏⵥⵉⵥⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⵜⵙⴰⵡⵍ ⴼ ⵉⵙⴰⵡⵓⵔⵏ ⵓⵏⴳⵉⵎⵏ ⵉⵅⴰⵜⴰⵔⵏ ⵍⵍⴰⵏⵉⵏ ⴳ ⵜⴳⵍⴷⵉⵜ ⵙⵍⴰⵡⴰⵏ ⴰⴽⴽⵯ ⴳ ⵜⵙⴳⴳⵉⵡⵉⵏ ⵏ ⵉⴼⴼⵓⵙ ⴳ ⵉⴳⵔ ⵏ ⵜⵥⴹⴰⵕⵉⵏ ⵉⵜⵜⵓⵙⵎⴰⵢⵏⵓⵏⵏ ⴷ ⵉⴳⵔⴰⵏ ⵏ ⵓⵙⵙⵇⵔⴱ ⵏ ⵓⵙⵙⴰⵔⵓ.
ⵉⵍⵍⴰ ⵓⵎⵙⴰⵙⴰ ⴼ ⵓⵛⵛⵉⵍ ⵏ ⵜⵡⵓⵔⵉ ⵉ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⵊⴰⵔ ⵙⵏⴰⵜ ⵜⵎⵉⵣⴰⵔ ⴷ ⵓⵙⵏⴼⵍ ⵏ ⵜⵎⵓⵣⴰⵢⵉⵏ ⵣⴷⵉⵏⵉ ⴷ ⵜⵡⵓⵔⵉ ⵏ ⵜⵙⵇⵇⵉⵎⵏ ⵏ ⴱⵕⵕⴰ ⴳ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⴷ ⵍⴰⵍⵎⴰⵏ.
ⵜⵙⵏⵓⴱⴳ ⵎⴰⵙⵙⴰ ⴱⵓⵄⵉⴷⴰ ⵓⵍⴰ ⵎⴰⵙⵙⴰ ALICIA KEARNS ⵜⴰⴳⵎⴰⵎⵜ ⵏ ⵓⵙⵇⵇⵉⵎ ⴰⴳⴷⵓⴷⴰⵏ ⴳ ⴱⵕⵉⵟⴰⵏⵢⴰ, ⴼ ⵓⵙⴷⵓⵙ ⵏ ⵓⵎⵢⴰⵡⴰⵙ ⵊⴰⵔ ⵜⵉⵎⵔⵙⴰⵍ ⵜⵉⵣⵣⵔⴰⴼⵉⵏ ⴳ ⵙⵏⴰⵜ ⵜⵎⵉⵣⴰⵔ ⴷ ⵓⵙⵏⴼⵍ ⵏ ⵜⵎⵓⵣⴰⵢⵉⵏ ⴷ ⵜⵉⵔⵎⵉⵜⵏ ⵊⴰⵔ ⵜⵉⵙⵇⵇⵉⵎⵉⵏ ⵏ ⴱⵕⵕⴰ.
ⴳ ⵓⵏⵎⵓⵇⵇⴰⵔ ⴰⴷ, ⵜⵖⵔⴰ ⵎⴰⵙⵙⴰ ⴱⵓⵄⵉⴷⴰ ⵉ ⵎⴰⵙⵙⴰ ALICIA KEARNS ⵉ ⵓⵔⵣⴰⴼ ⵏ ⵍⵎⵖⵔⵉⴱ.