ⵎⴰⵙⵙⴰ ⵜⴰⵎⴰⵔⵉⵜ ⵏⴰⵊⵡⴰ ⴽⵓⴽⴽⵓⵙ ⵜⴷⵔⵓ ⴳ ⵜⵙⵎⵓⵏⵉ ⵜⵉⵙ 50 ⵏ ⵜⵙⵇⵇⵉⵎⵜ ⵜⴰⵎⵣⵣⴳⴰⵔⵜ ⵏ ⵜⴰⵎⵓⵏⵜ ⵏ ⵉⵙⵇⵇⵉⵎⵏ ⵏ ⵉⵡⴰⵏⴽⵏ ⵉⴳⵎⴰⵎⵏ ⴳ ⵜⵎⴰⴷⴷⴰⵙⵜ ⵏ ⵓⵎⵢⴰⵡⴰⵙ ⵓⵙⵍⵉⵎ

ⵜⴷⵔⵓ ⵎⴰⵙⵙⴰ ⵜⴰⵎⴰⵔⵉⵜ ⵏⴰⵊⵡⴰ ⴽⵓⴽⴽⵓⵙ ⵜⴰⴳⵏⵙⴰⵙⵜ ⵏ ⵜⴰⵢⵢⴰⵡⵜ ⵜⴰⴱⵕⵍⴰⵎⴰⵏⵉⵜ ⵜⴰⵎⵖⵔⵉⴱⵉⵜ ⴷ ⵜⵙⵎⵓⵏ ⵜⵉⵙ 50 ⵏ ⵜⵙⵇⵇⵉⵎⵜ ⵜⴰⵎⵣⵣⴳⴰⵔⵜ ⵏ ⵜⴰⵎⵓⵏⵜ ⵏ ⵉⵙⵇⵇⵉⵎⵏ ⵏ ⵉⵡⴰⵏⴽⵏ ⵉⴳⵎⴰⵎⵏ ⴳ ⵜⵎⴰⴷⴷⴰⵙⵜ ⵏ ⵓⵎⵢⴰⵡⴰⵙ ⵓⵙⵍⵉⵎ, ⵓⵙⵙⴰⵏ ⵏ 15 ⴷ 16 ⴱⵕⴰⵢⵕ ⴳ ⵇⵓⵙⴰⵏⵟⵉⵏⴰ, ⵙ ⵜⵉⵍⵉⵜ ⵏ ⵉⴳⵎⴰⵎⵏ ⵏ ⵜⵙⵇⵇⵉⵎⵜ ⵜⴰⵙⵓⵍⴰⵏⵜ ⵉⵥⵍⵉⵏ ⵙ ⵜⵖⴰⵡⵙⵉⵡⵉⵏ ⵜⵉⴷⵎⵙⴰⵏⵉⵏⴷ ⵜⵡⵏⴹⴰⵏⵉⵏ ⴷⴰⵔ ⵜⴰⵎⵓⵏⵜ, ⵉ ⵓⴹⴼⵕ ⵏ ⵜⵖⵜⴰⵙⵉⵏ ⴷ ⵉⵙⵖⵍⴰⴼ ⵏ ⵓⴳⵔⴰⵡ ⵡⵉⵙ 17 ⵏ ⵜⴰⵎⵓⵏⵜ ⵍⵍⵉ ⵉⵍⵍⴰⵏ ⴳ ⴷⴷⵣⴰⵢⵔ ⴳ ⵉⵏⵏⴰⵢⵔ 2023.

ⵜⵙⵎⵏⵉⴷ ⵎⴰⵙⵙⴰ ⵜⴰⵎⴰⵔⵉⵜ ⴰⵡⴰⵍ ⴼ ⵓⵙⵓⵔⵙ ⵉⵀⵔⵛⵏ ⴳ ⵖⴰⵥⵥⴰ ⴷ ⵜⴰⵙⵙⴰⵙⵉⵏ ⵍⵍⵉ ⴷⴷⵔⵏ ⵉⵎⵣⴷⴰⵖⵏ ⵏⵏⵙ ⴳ ⵜⵓⴷⵉⵏ ⴷ ⵓⵅⵍⵓ ⴷ ⵓⵙⵣⵡⴳ ⴷ ⴷ ⴽⵉⴳⴰⵏ ⵏ ⵓⵏⴳⵉⵙⵏ ⵉⵖⵔⵎⴰⵏⵏ ⴹⵕⵏⵉⵏ, ⴰⵢⵍⵍⵉ ⵉⴳⴰⵏ ⵜⵉⵕⵥⵉ ⵉⴼⴰⵡⵏ ⵏ ⵜⵖⵜⴰⵙⵉⵏ ⵜⵉⴳⵔⴰⵖⵍⴰⵏⵉⵏ ⴷ ⵉⵎⵏⵣⴰⵢⵏ ⵉⵏⴼⴳⴰⵏⵏ ⵎⵇⵇⴰⵔ ⵍⵍⴰⵏ ⵉⵍⵖⵓⵜⵏ ⵉ ⵓⴼⵔⴰ ⴷ ⵉⵎⵉⵥ ⵏ ⵉⵎⴰⵏ ⵏ ⵉⵎⵙⵍⵉⵜⵏ ⵓⵏⵥⵉⵥⵏ.

ⵜⵉⵏⵉ ⵎⴰⵙ ⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵉⵖⵔⴰ ⴳ ⵉⵏⴰⵡ ⵏⵏⵙ ⵉ ⵉⵎⴷⵔⴰⵡⵏ ⴳ ⵓⴳⵔⴰⵡ ⴰⵄⵕⴰⴱ ⵓⵙⵍⵉⵎ ⵉⵛⵛⴰⵔⵏ ⴰⵔⵏⵎⵢⵓⵔ ⵉⵜⵜⵓⵙⵏⵎⴰⵍⴰⵏ ⴳ ⵡⴰⵢⵢⵓⵔ ⵏ ⵏⵓⵡⴰⵏⴱⵉⵔ ⴳ ⵜⴳⵍⴷⵉⵜ ⵜⴰⵄⵕⴰⴱⵜ ⵏ ⵙⵙⴰⵄⵓⴷⵉⵢⵢⴰ, ⵉ ⵓⴱⴷⴷⴰⴷ ⵏ ⵓⴼⵔⴰⴽ ⴰⵏⴼⴳⴰⵏ ⵉ ⵓⵙⴱⴷⴷⵉ ⵏ ⵉⵎⵏⵖⵉ ⵏ ⵢⵉⵎⴰⵏ ⴰⵏⴼⴳⴰⵏ ⵍⵍⵉ ⵉⵙⵎⵎⵖⵔ ⵕⴱⴱⵉ, ⴷ ⵓⵙⵎⵓⵙⵙⵓ ⴰⵎⴳⵔⵓ ⵉ ⵓⵙⴽⵔ ⵏ ⴽⴽⵓⵥⵜ ⵜⵎⵣⵡⵓⵔⴰ ⵜⵉⴷⵖⵢⴰⵏⵉⵏ:

1- ⴰⵙⴱⴷⴷⵉ ⵏ ⵜⵓⴷⵉⵏ ⵜⵉⵙⵔⴷⴰⵙⵉⵏ ⴷ ⵓⵙⴱⴷⴷⵉ ⵏ ⵓⵇⵔⵢⴰⵏ ⵙ ⵜⵖⴰⵔⴰⵙⵜ ⵜⴰⵙⵓⵍⴰⵏⵜ ⴼ ⵜⵍⵍⴰ ⵜⵉⴹⴰⴼ.

2- ⴰⴹⵎⵏ ⵏ ⵓⴼⵔⴰⴳ ⵏ ⵉⵡⴷⴰⵏ ⵉⵖⵔⴰⵎⴰⵏⵏ ⴷ ⵓⴼⵔⴰⴳ ⵏⵏⵙⵏ ⵙ ⵓⵎⵙⴰⵙⴰ ⵏ ⵓⵙⵍⴳⵏ ⴰⴳⵔⴰⵖⵍⴰⵏ ⴷ ⵓⵙⵍⴳⵏ ⴰⴳⵔⴰⵖⵍⴰⵏ ⴰⵏⴼⴳⴰⵏ.

3- ⴰⵙⵓⵔⴼ ⵉ ⵓⵙⵍⴽⵎ ⵏ ⵜⵡⵉⵣⵉ ⵜⴰⵏⴼⴳⴰⵏⵜ ⵙ ⵜⵖⴰⵔⵙⵜ ⵉⵣⵣⵉⴳⵣⵏ ⴷ ⵓⵏⵛⴽ ⴳⵓⵎⵏⵉⵏ ⵉⵎⵣⴷⴰⵖ ⵏ ⵖⴰⵥⵥⴰ.

4- ⴰⵙⵕⵚⵓ ⵏ ⵓⵎⵏⴰⴷ ⴰⵙⵔⵜⴰⵏ ⵏ ⵜⵎⵙⴰⵔⵜ ⵏ ⴼⴰⵍⵉⵙⵟⵉⵏⵍⵍⵉ ⵔⴰⴷ ⵢⴰⵡⵉ ⴰⵙⵙⵉⴷⵔ ⵏ ⵓⴼⵙⵙⴰⵢ ⵏ ⵙⵉⵏ ⵉⵡⴰⵏⴽⵏ ⴼ ⵉⵍⵍⴰ ⵓⵎⵙⴰⵙⴰ ⴰⴳⵔⴰⵖⵍⴰⵏ.

ⵜⴱⴷⵔ ⵎⴰⵙⵙⴰ ⵜⴰⵎⴰⵔⵉⵜ ⵓⵍⴰ ⴰⵏⴰⴹ ⵏ ⴱⴰⴱ ⵏ ⵡⴰⴷⴷⵓⵔ ⵍⵍⵉ ⵉⵥⵍⵉⵏ ⵏ ⵜⴰⴳⴳⴰⵣⵉⵏ ⵢⴰⴹⵏⵉⵏ ⵉ ⵚⴰⵃⴰ ⵏ ⵉⵎⵣⵔⴰⵡⵏ ⵉⴼⴰⵍⵉⵙⵟⵉⵏⵉⵢⵏ ⵍⵍⵉ ⴰⵇⵔⴰⵏⵉⵏ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ⵙⴳ ⵜⵉⵙⵏⵜⴰⵢⵉⵏ ⵏ ⴱⴰⴱ ⵏ ⵡⴰⴷⴷⵓⵔ ⴳ ⵓⵙⵏⴰⵍ ⵏ ⵓⵎⴰⴷⴰⵏ ⵏ ⴼⴰⵍⵉⵙⵟⵉⵏ ⵖⵎⴽ ⴰⵏⵏ ⴷ ⵓⵣⵏ ⵏ ⵜⵡⵉⵣⵉ ⵜⴰⵏⴼⴳⴰⵏⵜ ⴷ ⵜⵉⵏ ⵡⵓⵜⵛⵓ ⵙ ⵓⵖⴰⵔⴰⵙ ⵏ ⵎⵉⵚⵕ.

ⴳ ⵜⴳⵉⵔⴰ,  ⵜⵙⴰⵡⵍ ⴼ ⵓⵏⴰⵔⵓⵣ ⵏⵏⵙ ⵉ ⵜⵉⵍⵉⵜ ⵏ ⵜⵓⴳⴳⴰⵙ ⵊⴰⵔ ⵉⵏⴳⵎⴰⵎⵏ ⵉ ⵜⵡⵓⵔⵉ ⴼ ⵓⵣⵓⵛⵛⵍ ⵏ ⵓⵙⴱⴷⴷⵉ ⵏ ⵜⵓⴷⵉⵏ ⴷ ⵓⵙⵉⵡⵏⵖ ⴷ ⵜⵉⵍⵉⵜ ⵏ ⵜⵏⴼⵔⵓⵜ ⴷ ⵓⴼⵔⴰ ⴳ ⵎⴰ ⵏⵏ ⵓⵔ ⵢⴰⴳⴳⵓⴳⵏ.