ⴰⵙⵉⵔⴰ ⵏ ⵓⵙⵇⵇⵉⵎ ⵏ ⵉⵎⵓⵔⴰ: ⵜⴰⵡⴰⵍⴰ ⵜⴰⵣⵣⵔⴰⴼⵜ ⵜⵉⵙ 11, 2021-2026:
ⵉⴷⵔⵓ ⵎⴰⵙⵙ ⵃⴰⵙⴰⵏ ⴱⵏ ⵄⵓⵎⴰⵕ, ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴳ ⵓⴳⵔⴰⵡ ⴰⵎⵣⵡⴰⵔⵓ ⵏ ⵉⵏⵙⵙⵉⵅⴼⵏ ⵏ ⵉⴱⵕⵍⴰⵎⴰⵏⵏ ⵉⴳⵎⴰⵎⵏ ⴳ ⵜⵔⴰⴱⴱⵓⵜ ⵏ ⵉⵎⴷⴷⵓⴽⴽⵯⴰⵍ ⵏ ⵜⴰⵔⴰⵡⵙⴰⵏⵜ ⴼ ⵜⵉⵍⴰⵍⵜ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⴳ ⵓⵙⴷⵓⵙ ⵏ ⵓⴼⵔⴰ ⴷ ⵓⵎⵙⴰⵡⴰⵍ
ⵉⴷⵔⵓ ⵎⴰⵙⵙ ⵃⴰⵙⴰⵏ ⴱⵏ ⵄⵓⵎⴰⵕ, ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⴽⵡⴰⵙ 15 ⴱⵕⴰⵢⵕ 2024, ⵙ ⵓⴼⵉⵣⵢⵓⴽⵓⵏⴼⵉⵕⵓⵏⵚ, ⴳ ⵓⴳⵔⴰⵡ ⴰⵎⵣⵡⴰⵔⵓ ⵏ ⵉⵏⵙⵙⵉⵅⴼⵏ ⵏ ⵉⴱⵕⵍⴰⵎⴰⵏⵏ ⵉⴳⵎⴰⵎⵏ ⴳ ⵜⵔⴰⴱⴱⵓⵜ ⵏ ⵉⵎⴷⴷⵓⴽⴽⵯⴰⵍ ⵏ ⵜⴰⵔⴰⵡⵙⴰⵏⵜ, ⵍⵍⵉ ⵉⵙⵏⵎⴰⵍⴰ ⵓⵙⵇⵇⵉⵎ ⵏ ⵜⵓⵕⴽⵎⴰⵏⵉⵙⵜⴰⵏ ⴼ ⵜⵉⵍⴰⵍⵜ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⴳ ⵓⵙⴷⵓⵙ ⵏ ⵓⴼⵔⴰ ⴷ ⵓⵎⵙⴰⵡⴰⵍ.
ⵉⵙⵎⵏⵉⴷ ⵎⴰⵙⵙ ⴱⵏ ⵄⵓⵎⴰⵕ ⵜⴰⴳⵓⵔⵉ ⴳ ⵉⵙⵓⵜⴳ ⵜⴰⵙⵏⵜⴰⵢⵜ ⴰⴷ ⵉⵍⴰⵏ ⴰⵜⵉⴳ ⵍⵍⵉ ⵉⵎⵎⴰⵍⵏ ⴰⵅⵎⵎⴻⵎ ⵍⵍⵉ ⵜⴰⴽⴽⴰ ⵜⵎⴰⵣⵉⵔⵜ ⴰⴷ ⵜⴰⵎⴷⴷⴰⴽⴽⵯⵍⵜ ⵉ ⵜⴷⵍⵙⴰ ⵏ ⵓⴼⵔⴰ ⴷ ⵜⵏⴼⵔⵓⵜ ⴷ ⵜⴳⵎⵉ ⵜⴰⵎⴰⵜⴰⵢⵜ, ⵙ ⵓⵎⵃⵉⵣⵡⴰⵔ ⵏ ⵜⴰⵔⴰⵡⵙⴰⵏⵜ ⵍⵍⵉ ⵔⴰⴷ ⵉⵙⴽⵔ ⴰⵎⵙⴰⵡⴰⵍ ⵉⵥⵉⵍⵏ ⵊⴰⵔ ⵉⴱⵕⵍⴰⵎⴰⵏⵉⵢⵏ ⴷ ⵓⵙⵎⵏⵉⴷ ⵏ ⵏ ⵜⵡⵓⵔⵉ ⵉ ⵚⴰⵃⴰ ⵏ ⵜⵔⴰⴱⴱⵓⵜ.
ⵉⵙⵓⵜⴳ ⵎⴰⵙⵙ ⴱⵏ ⵄⵓⵎⴰⵕ ⴰⵜⵉⴳ ⵏ ⵓⵙⵏⵜⵍ ⵏ ⵓⴳⵔⴰⵡ ⵍⵍⵉ ⵉⵍⵍⴰⵏ ⴳ ⵓⵎⵏⴰⴹ ⴰⵏⵎⵏⴰⴹ ⴷ ⵓⴳⵔⴰⵖⴰⵍⵏ ⴳ ⵍⵍⴰⵏⵜ ⴽⵉⴳⴰⵏ ⵏ ⵜⵏⴰⵥⴰⵕⵉⵏ ⴰⵎ ⵜⴰⵙⵙⴰⵙⵜ ⵜⴰⵥⵕⴼⴰⵏⵜ ⴷ ⵜⴷⵎⵙⴰⵏⵜ ⴷ ⵉⵙⵏⴼⵍⵏ ⵏ ⵓⵏⵣⵡⵉ ⴷ ⵓⴱⵔⵙⵙⵉⵡⴷ ⴷ ⵜⵎⴰⵖⵉⵏ ⴷ ⵉⵎⵏⵣⴰⵖⵏ.
ⴼ ⵓⵙⵓⵔⵙ ⴰⵙⵔⵜⴰⵏ ⴷ ⵡⵉⵏ ⵜⵏⴼⵔⵓⵜ ⴳ ⵓⵎⴰⴹⴰⵍ, ⵉⵙⴷⴷⵉⴷ ⵎⴰⵙⵙ ⴱⵏ ⵄⵓⵎⴰⵕ ⴼ ⵜⵉⵍⵉⵜ ⵏ ⵜⵓⴳⴳⵙ ⵏ ⵡⴰⵎⵓⵏ ⴰⴳⵔⴰⵖⵍⴰⵏ ⴳ ⵓⵎⵏⵉⴷ ⴰⴷ ⵙ ⵜⵎⵢⴰⴷⴰⵙⵜ ⵢⵓⵎⴰⵏ ⵉⴱⴷⴷⵏ ⴼ ⵓⵎⵙⴰⵡⴰⵍ ⴷ ⵡⴰⵔⴰⵢ ⴷ ⵓⵎⵢⴰⵡⴰⵙ ⴰⵎⴳⵔⵓ ⵉ ⵓⵙⴱⴷⴷⵉ ⵏ ⵜⵏⴰⵥⴰⵕⵉⵏ ⵜⵉⴳⵔⴰⵖⵍⴰⵏⵉⵏ, ⵉⵙⴰⵡⵍ ⴼ ⵜⵉⵍⴰⵍⵜ ⵏ ⵉⴱⵕⵍⴰⵎⴰⵏⵉⵢⵏ ⴳ ⵓⵙⴷⵓⵙ ⵏ ⵓⴼⵔⴰ ⴷ ⵓⵎⵙⴰⵡⴰⵍ ⵙ ⵜⵎⵙⴽⴰⵔ ⵍⵍⵉ ⵔⴰⴷ ⵉⵙⴽⵔ ⴰⴼⵔⴰ ⴰⵎⴰⴹⵍⴰⵏ.
ⵉⵙⵡⴰⵍ ⵓⵍⴰ ⴼ ⵡⴰⵜⵉⴳ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⵍⵍⵉ ⵉⴳⴰⵏ ⵉⵎⵉⵙⵙ ⴰⴷⵙⵍⴰⵏ ⵏ ⵓⵙⴷⵓⵙ ⵏ ⵓⴼⵔⴰ ⴷ ⵜⵏⴼⵔⵓⵜ ⵉⴳⵔⴰⵖⵍⴰⵏⵏ ⵙ ⵜⴷⵉⴱⵍⵓⵎⴰⵙⵉⵜ ⵏ ⵡⴰⵔⴰⵢ ⴷ ⵜⵎⴰⵣⵣⴰⵍⵜ ⴷ ⵓⵎⴹⴰⴽⴰⵕ, ⵉⵙⵓⵜⴳ ⴰⵜⵉⴳ ⵏ ⵜⵣⴷⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⴳ ⵓⵙⴽⵔ ⵏ ⵓⵎⵙⵡⴰⵍⴰ ⴷ ⵓⴼⵔⴰⴳ ⵏⵏⵙ ⴷ ⵓⵙⴽⵔ ⵏ ⵜⵣⴷⴰⵢⵉⵏ ⵏ ⵓⴼⵔⴰ ⵊⴰⵔ ⵉⵡⴰⵏⴽⵏ ⵏ ⵓⵎⴰⴹⴰⵍ.
ⴳ ⵜⴳⵉⵔⴰ, ⵉⵙⵎⵏⵉⴷ ⵎⴰⵙⵙ ⵎⴰⵃⴰⵙⵏ ⴱⵏ ⵄⵓⵎⴰⵕ, ⴼ ⵜⵓⴳⵜ ⵏ ⵉⵙⵖⵍⴰⴼ ⵉ ⵜⵣⵣⵉⴳⵣⵜ ⵏ ⵜⵓⴳⴳⴰⵙ ⵏ ⵡⴰⵎⵓⵏ ⴰⴳⵔⴰⵖⵍⴰⵏ ⵉ ⵓⵙⴷⵓⵙ ⵏ ⵜⴷⵍⵙⴰ ⵏ ⵓⴼⵔⴰ ⴷ ⵓⵎⵢⴰⵡⴰⵙ ⵉ ⵓⴼⵙⵙⴰⵢ ⵏ ⵉⵎⵏⵣⴰⵖⵏ, ⵉⵖⵔ ⵓⵍⴰ ⵉ ⵓⵍⵜⴰⵖ ⴰⵎⴳⵔⵓ ⵉ ⵡⵍⴰⵙ ⵏ ⵓⵚⴽⵓ ⵏ ⵓⴼⵔⴰ ⵙ ⵜⵎⵢⴰⴷⴰⵙⵜ ⵜⴰⵎⴰⵜⴰⵢⵜ ⵉⴱⴷⴷⵏ ⴼ ⵓⵎⵙⴰⵡⴰⵍ, ⵉⵙⴷⴷⵉⴷ ⴼ ⵜⵉⵔⴰⵜ ⵏ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⵉ ⵜⵡⵓⵔⵉ ⵉⵛⵛⴰⵔⵏ ⵉ ⵓⵙⴷⵓⵙ ⵏ ⵜⵣⴷⴰⵢⵉⵏ ⵏ ⵜⴷⴷⵓⴽⴽⵯⵍⴰ ⴷ ⵓⵎⵢⴰⵡⴰⵙ ⴰⴽⴷ ⵉⴱⵕⵍⴰⵎⴰⵏⵏ ⵏ ⵓⵎⴰⴹⴰⵍ.
ⵉⵖⵔ ⵎⴰⵙⵙ ⴱⵏ ⵄⵓⵎⴰⵕ ⵉ ⵜⵣⵣⵉⴳⵣⵜ ⵏ ⵜⵙⵏⵜⴰⵢⵉⵏ ⵏ ⵓⵎⴹⴰⴽⴰⵕ ⵏ ⵜⵎⵙⴰⵔⵉⵏ ⵏ ⵖⵉⵍⴰⴷ, ⴰⵢⵍⵍⵉ ⵔⴰⴷ ⵉⵙⵙⴷⵓⵙ ⴰⵎⵙⴰⵡⴰⵍ ⵊⴰⵔ ⵉⴱⵕⵍⴰⵎⴰⵏⵏ ⵉⴳⵎⴰⵎⵏ ⵏ ⵜⵔⴰⴱⴱⵓⵜ ⵏ ⵉⵎⴷⴷⵓⴽⴽⵯⴰⵍ ⵏ ⵜⴰⵔⴰⵡⵙⴰⵏⵜ.