ⴰⵣⵎⵎⴻⵎ ⵏ ⵜⵎⵙⵙⴽⵯⵜⵉⵜ ⵏ ⵓⵏⵔⴰⵎⴰⵙ ⵊⴰⵔ ⵓⴱⵕⵍⴰⵎⴰⵏ ⵏⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵓⴽⵓⵏⴳⵕⵉⵚ ⴰⵏⴰⵎⵓⵔ ⵏ ⵜⴳⴷⵓⴷⴰⵏⵜ ⵏ ⵍⵀⵉⵏⴷⵓⵕⴰⵚ

ⵉⵣⵎⵎⵉⵎ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴷ ⵎⴰⵙⵙ ⵏⵏⵄⵎⴰ ⵎⵉⵢⵢⴰⵕⴰ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ, ⴰⴽⵕⴰⵙ 14 ⴱⵕⴰⵢⵕ 2024 ⴳ ⵓⵙⵖⵉⵎ ⵏ ⵓⴱⵕⵍⴰⵎⴰⵏ ⴳ ⵕⵕⴱⴰⵟ, ⵜⴰⵎⵙⵙⴽⵯⵜⵉⵜ ⵏ ⵓⵏⵔⴰⵎⴰⵙ ⴰⴽⴷ ⵎⴰⵙⵙ ⵍⵡⵉⵙ ⵕⵓⵏⴰⵍⴹⵓ ⵔⵉⴷⵓⵏⴷⵓ ⴰⵏⵙⵙⵉⵅⴼ ⵏ ⵓⴽⵓⵏⴳⵕⵉⵚ ⴰⵏⴰⵎⵓⵔ ⵏ ⵜⴳⴷⵓⴷⴰⵏⵜ ⵍⵀⵉⵏⴷⵓⵕⴰⵚ ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵎⵓⵇⵇⴰⵔ ⵏ ⵉⵏⵙⵙⵉⵅⴼⵏ ⵏ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⴳ ⵎⴰⵔⵉⴽⴰⵏ ⵜⴰⵏⴰⵎⵎⴰⵙⵜ ⴷ ⵍⴽⴰⵔⴰⵢⵉⴱ ⴷ ⵍⵎⵉⴽⵙⵉⴽ “ⴼⵓⴱⵔⵉⵍ”.

ⵜⵡⴰⵜⵜⵙ ⵜⵎⵙⵙⴽⵯⵜⵉⵜ ⴰⵙⴽⵔ ⵏ ⵉⵎⴰⵙⵙⵏ ⵏ ⵓⵎⵢⴰⵡⴰⵙ ⴷ ⵓⵎⵛⴰⵡⴰⵕ ⵅⴼ ⵜⵎⵙⴰⵔⵉⵏ ⵛⵛⴰⵔⵏⵉⵏ ⴷ ⵓⵣⴷⴰⵢ ⵏ ⵜⵓⴳⴳⴰⵙ ⴷ ⵡⴰⴷⴷⴰⴷⵏ ⴳ ⵜⴳⵔⴰⵡⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⴷ ⵜⵓⵏⴱⵉⴹⵉⵏ ⵜⵉⵙⴳⴰⵡⴰⵏⵉⵏ ⴷ ⵜⵎⵏⵥⴰⵡⵉⵏ ⴷ ⵜⴳⵔⴰⵖⵍⴰⵏⵉⵏ.

ⵜⵉⵡⵉ ⴷ ⵜⵎⵙⵙⴽⵯⵜⵉⵜ ⴰⵙⵕⵚⵓ ⵏ ⵉⵙⵓⵔⴰ ⵏ ⵓⵎⵢⴰⵡⴰⴹ ⴰⴱⵕⵍⴰⵎⴰⵏⵉ, ⵙ ⵓⵙⵏⴼⵍ ⵏ ⵉⵔⵣⴰⴼⵏ ⴷ ⵜⵎⵓⵣⴰⵢⵉⵏ ⴷ ⵜⵉⵔⵎⵉⵜⵉⵏ ⴷ ⵜⵎⵓⵛⴰ ⴷ ⵜⴻⵜⴳⴰⵔⵉⵏ ⵀⴰⵔ ⵉⵙⵇⵇⵉⵎⵏ, ⴷ ⵓⵙⴷⵓⵙ ⵏ ⵜⵉⵍⴰⵍ ⵛⵛⴰⵔⵏⵉⵏ ⴷ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⵜⵉⵇⵏⵉ ⵊⴰⵔ ⵜⵉⵎⵙⵙⵓⴳⴰⵔ ⵏ ⵙⵉⵏ ⵉⵙⵇⵇⵉⵎⵏ.

 ⵢⵉⵡⴹ ⵓⵏⵙⵙⵉⵅⴼ ⵏ ⵓⴽⵓⵏⴳⵕⵉⵚ ⴰⵏⴰⵎⵓⵔ ⵏ ⵜⴳⴷⵓⴷⴰⵏⵜ ⵏ ⵍⵀⴰⵏⴷⵓⵕⴰⵙ ⴰⵙⴽⵔ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵜⴰⴱⵕⵍⴰⵎⴰⵏⵉⵜ ⵊⴰⵔ ⵍⵀⵉⵏⴷⵓⵕⴰⵚ ⴷ ⵍⵎⵖⵔⵉⴱ, ⵉ ⵓⵙⴷⵓⵙ ⵏ ⵓⵎⵢⴰⵡⴰⵙ ⴷ ⵜⴷⴷⵓⴽⴽⵯⵍⴰ, ⵍⵍⵉⵖ ⵍⵍⴰⵏⵜ ⵜⵎⵍⴷⴰ ⵏ ⵓⵎⵢⴰⵡⴰⵙ ⵊⴰⵔ ⵜⵉⵎⵉⵣⴰⵔ, ⵉⴳ ⵍⵎⵖⵔⵉⴱ ⵡⴰⴷ ⵉⵕⵣⵎⵏ ⴼ ⵉⴼⵔⵉⵇⵢⴰ, ⵜⵉⵍⵉ ⵍⵀⵉⵏⴷⵓⵕⴰⵚ ⴳ ⵓⴳⵯⵏⵙ ⵏ ⵎⴰⵔⵉⴽⴰⵏ ⵜⴰⵏⴰⵎⵎⴰⵙⵜ.

ⵙⴷⴷⵉⴷⵏ ⵉⵏⵙⵙⵉⵅⴼⵏ ⵏ ⵉⵙⵇⵇⵉⵎⵏ ⵏ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⴼ ⵓⵏⴰⵔⵓⵣ ⵉ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⴽⴷ ⴰⴽⵓⵏⴳⵕⵉⵚ ⴰⵏⴰⵎⵓⵔ ⵏ ⵜⴳⴷⵓⴷⴰⵏⵜ ⵏ ⵍⵀⵉⵏⴷⵓⵕⴰⵚ, ⴷ ⵓⵣⴷⴰⵢ ⵓⵎⵛⴰⵡⴰⵕ ⴳ ⵓⵙⴰⵜⵉ ⵏ ⴼⵓⴱⵔⵉⵍ, ⵖ ⵉⴳⴰ ⵍⵎⵖⵔⵉⴱ ⴰⴳⵎⴰⵎ ⴰⵎⴰⵏⵏⴰⵢ ⵙⴳ 2014.

ⵉⵍⵍⴰ ⵎⴰⵙ ⵍⵡⵉⵙ ⵕⵓⵏⴰⵍⴹⵓ ⵔⵉⴷⵓⵏⴷⵓ ⴳ ⵓⵔⵣⴰⴼ ⵉ ⵜⴳⵍⴷⵉⵜ ⵏ ⵍⵎⵖⵔⵉⴱ ⵃⵎⴰ ⴰⴷ ⵉⴷⵔⵓ ⴳ ⵓⴳⵔⴰⵡ ⴰⴱⵕⵍⴰⵎⴰⵏⵉ ⵏ ⵓⵎⵢⴰⵡⴰⵙ ⵉⴼⴼⵓⵙ-ⵉⴼⴼⵓⵙ ⴷⴷⴰⵡ ⵉⵡⵉⵣ ⴰⵎⴰⵜⵜⵓⵢ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⵍⵍⵉ ⵉⵙⵏⵎⴰⵍⴰ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⴷ ⵓⴳⵔⴰⵡ ⵏ ⵓⵎⵙⴰⵡⴰⵍ ⴰⴱⵕⵍⴰⵎⴰⵏⵉ ⵉ ⵓⵎⵢⴰⵡⴰⵙ ⵉⴼⴼⵓⵙ-ⵉⴼⴼⵓⵙ ⴷ ⵜⵣⵍⵖⴰ ⵏ ⵉⵙⵇⵇⵉⵎⵏ ⵏ ⵉⵎⵛⵛⵉⵡⴰⵕ ⴷ ⵛⵛⵓⵕⴰ ⴷ ⵉⵙⵇⵇⵉⵎⵏ ⵉⵏⴳⴳⵯⴰ ⴳ ⵉⴼⵔⵉⵇⵢⴰ ⴷ ⵓⵎⴰⴹⴰⵍ ⴰⵄⵕⴰⴳ ⴳ 15 ⴷ 16 ⴱⵕⴰⵢⵕ 2024.

ⵃⴰⴹⵕⵏ ⴳ ⵓⵏⵎⵓⵇⵇⴰⵔ ⵎⴰⵙⵙ ⴼⵓⴰⴷ ⵍⵇⴰⴷⵉⵔⵉ ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ, ⵎⴰⵙⵙ ⵎⴰⵕⵢⵓⵏ ⴰⵏⵟⵓⵏⵢⵓ ⴱⵔⵉⴼⵉ ⵔⵢⵉⵙ ⴰⵎⵙⵇⵇⴰⴷ ⵏ ⵍⵀⵉⵏⴷⵓⵕⴰⵚ ⴳ ⵚⴱⴰⵏⵢⴰ. ⴷ ⵎⴰⵙⵙ ⴰⵔⵢⵉⵍ ⴰⵍⴼⴰⵕⴰⴹⵓ ⵓⵔⴱⵉⵏⴰ ⴰⵏⴼⵍⵓⵙ ⴰⵎⴰⵜⴰⵢ ⴰⵎⵣⵣⴳⴰⵔ ⵏ “ⴼⵓⴱⵔⵉⵍ”.