ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2021-2026:
ⵉⵔⵣⴼ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴷ ⵓⴽⴰⴱⴰⵕ ⵜⴰⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⵎⵓⵕⵉⵟⴰⵏⵢⴰ
ⵙ ⵜⵖⵔⵉ ⵏ ⵎⴰⵙⵙ ⵎⵓⵃⴰⵎⵎⴰⴷ ⴱⵎⴱ ⵎⴽⵜ, ⴰⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⵎⵓⵕⵉⵟⴰⵏⵢⴰ, ⵉⵔⵣⴼ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴷ ⵓⴽⴰⴱⴰⵕ ⵏⵏⵙ, ⵏⵡⴰⴽⵛⵓⵟ 9 ⴷ 10 ⴱⵕⴰⵢⵕ, ⵉ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⴷ ⵓⵣⴷⴰⵢ ⴷ ⵓⵙⵏⴼⵍ ⵏ ⵜⵎⵓⵣⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⴷ ⵓⵎⴹⴰⴽⴰⵕ ⵏ ⵜⵎⵙⴰⵔⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵛⵛⴰⵔⵏⵉⵏ.
ⵢⵓⵎⴰ ⵓⴽⴰⴱⴰⵕ ⴰⴽⴷ ⴰⵏⵙⵙⵉⵅⴼ, ⵎⴰⵙⵙ ⵎⵓⵃⴰⵎⵎⴰⴷ ⵖⵉⵢⵢⴰⵜ ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ, ⵎⴰⵙⵙ ⵏⵓⵕⴷⴷⵉⵏ ⵎⴹⵢⴰⵏ ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵜⴰⵙⵉⵎⴰⵏⵜ ⵉ ⵜⵎⵓⵏⵉ ⴷ ⵢⵉⵙⴽⵉⵍ, ⵎⴰⵙⵙ ⵄⴰⴱⴷⵕⵕⴰⵃⵉⵎ ⵛⴰⵀⵉⴷ, ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵜⴰⵙⵔⵎⵓⵏⵜ, ⵎⴰⵙⵙ ⴱⵍⵄⵙⵙⴰⵍ ⵛⵛⴰⵡⵉ ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵜⴰⴷⵙⵜⴰⵔⵜ ⵜⴰⴷⵉⵎⵓⵇⵔⴰⵟⵉⵜ ⵜⴰⵏⴰⵎⵓⵏⵜ, ⵎⴰⵙⵙ ⵕⴰⵛⵉⴷ ⵃⵎⵎⵓⵏⵉ, ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵡⴰⵍⴰⵢ ⴷ ⵜⵙⵔⵎⵓⵏⵜ, ⵄⴰⴱⴷⵓⵍⵍⴰⵀ ⴱⵓⵡⴰⵏⵓ ⵙⴳ ⵜⴳⵔⵓⵎⵎⴰ ⵏ ⵜⵣⵔⴼⵜ ⴷ ⵜⴳⵎⵉ.
ⵔⴰⴷ ⵉⵙⴽⵔ ⵓⴽⴰⴱⴰⵕ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ ⵉⵏⵎⵓⵇⵇⴰⵔⵏ ⴼ ⵜⵎⵙⴰⵔⵜ ⵜⴰⴱⵕⵍⴰⵎⴰⵏⵉⵜ ⴷ ⵓⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⴳ ⵎⵓⵕⵉⵟⴰⵏⵢⴰ, ⴷ ⵓⵏⵙⵙⵉⵅⴼ ⴰⵎⵣⵡⴰⵔⵓ ⴷ ⵉⵎⴰⵡⵙⴰⵙⵏ ⴳ ⵜⵏⴱⴰⴹⵜ ⵏ ⵎⵓⵕⵉⵟⴰⵏⵢⴰ.