ⵉⵎⴹⴰⴽⴰⵕⵏ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵍⵎⵖⵔⵉⴱ-ⴰⵍⵎⴰⵏⵢⴰ ⴷ ⵓⵎⵙⵇⵇⴰⴷ ⵏ ⴰⵍⵎⴰⵏⵢⴰ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ
ⴳ ⵓⵙⴰⵜⵉ ⵏ ⵓⵙⵎⵖⵔ ⵏ ⵜⵣⴷⴰⵢⵉⵏ ⵜⵉⴷⵉⴱⵍⵓⵎⴰⵙⵉⵢⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵊⴰⵔ ⵍⵎⵖⵔⵉⴱ ⴷ ⴰⵍⵎⴰⵏⵢⴰ, ⵜⵎⴹⴰⴽⴰⵕ ⵎⴰⵙⵙⴰ ⵏⴰⵄⵉⵎⴰ ⵍⴼⵜⵃⴰⵡⵉ ⵜⴰⵏⵙⵙⵉⵅⴼⵜ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵜⴰⴱⵕⵍⴰⵎⴰⵏⵉⵜ ⵍⵎⵖⵔⵉⴱ-ⴰⵍⵎⴰⵏⵢⴰ ⴷ ⵎⴰⵙⵙ ⵕⵓⴱⵉⵕⵜ ⴷⵓⵍⵖⵔ ⴰⵎⵙⵇⵇⴰⴷ ⵏ ⴰⵍⵎⴰⵏⵢⴰ ⴳ ⵕⵕⴱⴰⵟ ⴷ ⵓⴽⴰⴱⴰⵕ ⵏⵏⵙ, ⴰⵙⵉⵏⴰⵙ 6 ⴱⵕⴰⵢⵕ 2024 ⴳ ⵓⵙⵖⵉⵎ ⵏ ⵓⵙⵇⵇⵉⵎ ⴳ ⵕⵕⴱⴰⵟ.
ⴳ ⵜⵣⵡⵉⵔⵉ, ⵜⵙⴷⴷⵉⴷ ⵎⴰⵙⵙⴰ ⵏⴰⵄⵉⵎⴰ ⵍⴼⵜⵃⴰⵡⵉ ⴼ ⵜⵉⵕⵡⵉ ⵏ ⵜⵣⴷⴰⵢⵉⵏ ⵊⴰⵔ ⵍⵎⵖⵔⵉⴱ ⴷ ⴰⵍⵎⴰⵏⵢⴰ, ⴳ ⵜⵍⵍⴰ ⵜⴷⵉⵏⴰⵎⵉⵜ ⵉⵥⵉⵍⵉⵏ ⴳ ⵉⵙⴳⴳⵯⴰⵙⵏ ⵉⵎⴳⴳⵓⵔⴰ, ⵜⵉⵏⵉ ⵎⴰⵙ ⵢⵓⵊⴰⴷ ⵓⵙⵇⵇⵉⵎ ⵏ ⵉⵎⵓⵔⴰ ⵉ ⵓⴹⴼⵕ ⵏ ⵜⴷⵉⵏⴰⵎⵉⵜ ⵃⵎⴰ ⴰⴷ ⵜⴰⵎⵓ ⴽⵓ ⵉⴳⵔⴰⵏ ⵏ ⵓⵎⵢⴰⵡⴰⵙ ⴰⵙⵉⵏⵔⴰⵏ.
ⵜⵙⵎⵏⵉⴷ ⵎⴰⵙⵙⴰ ⵍⴼⵜⵃⴰⵡⵉ ⴼ ⵓⵎⵣⵔⵓⵢ ⵏ ⵜⵣⴷⴰⵢⵉⵏ ⵊⴰⵔ ⵍⵎⵖⵔⵉⴱ ⴷ ⴰⵍⵎⴰⵏⵢⴰ ⴳ ⵓⵙⵡⵉⵔ ⴰⴷⵎⵙⴰⵏ ⴷ ⵓⵏⵙⴱⴰⴱ ⴷ ⵜⵣⴷⴰⵢⵉⵏ ⵜⵉⴷⵉⴱⵍⵓⵎⴰⵙⵉⵢⵉⵏ ⵍⵍⵉ ⵜⵙⵉⴳⴳⵉⵍ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵊⴰⵔ ⵍⵎⵖⵔⵉⴱ ⴷ ⴰⵍⵎⴰⵏⵢⴰ ⴰⵙⵎⵖⵔ ⵏⵏⵙⵏⵜ.
ⵜⵙⴷⴷⵉⴷ ⵎⴰⵙⵙⴰ ⵍⴼⵜⵃⴰⵡⵉ ⵎⴰⵙ ⵜⵎⵎⴰⵖ ⵜⴳⵍⴷⵉⵜ ⵏ ⵍⵎⵖⵔⵉⴱ ⴼ ⵓⵙⴽⵔ ⵏ ⵓⵔⴳⴳⵉⴳ ⴰⵏⵎⵏⴰⴹ ⴷ ⵓⵙⵎⵖⵔ ⵏ ⵜⵣⴷⴰⵢⵉⵏ ⵜⵉⴷⵎⵙⴰⵏⵉⵏ ⴷ ⵜⵏⵙⴱⴰⴱⵉⵏ ⴷ ⵉⵏⵙⴱⴰⴱⵏ ⴷ ⵓⵙⵏⴰⵍ ⵏ ⵜⵎⵍⴷⴰ ⵏ ⵓⵙⵙⴰⵔⵓ ⵍⵍⴰⵏⵉⵏ ⴳ ⵍⵎⵖⵔⵉⴱ ⵉ ⵉⵎⴷⵔⴰⵡⵏ ⵏⵏⵙ ⴳ ⵓⵕⵓⴱⴱⴰ ⴷ ⴰⵟⵍⴰⵚ ⵙ ⵢⴰⵏ ⵓⵙⵖⵡⵏ ⴰⵎⵖⵔⵉⴱⵉ ⴷ ⵜⵉⵔⴰⵜ ⵉ ⵓⵙⵎⵖⵔ ⵏ ⵜⵣⴷⴰⵢⵉⵏ ⵜⵉⵙⵉⵏⵔⴰⵏⵉⵏ ⴰⴽⴷ ⵉⵡⴰⵏⴽⵏ ⵏ ⵓⵎⴰⴹⴰⵍ ⵙ ⵜⵔⴰⵙⴰⵍ ⵏ ⵜⴷⵔⴰⵡⵉⵏ ⵕⵡⴰⵏⵉⵏ ⴷ ⵓⵙⵎⴰⴷ ⴰⴷⵎⵙⴰⵏ.
ⵅⴼ ⵜⵎⵙⴰⵔⵜ ⵜⴰⵏⴰⴽⴰⵍⵜ ⵏ ⵜⴳⵍⴷⵉⵜ, ⵜⵙⵓⵜⴳ ⵎⴰⵙⵙⴰ ⵏⴰⴷⵢⴰ ⵍⴼⵜⵃⴰⵡⵉ ⴰⴷⴷⴰⴷ ⵉⵥⵉⵍⵏ ⵏ ⴰⵍⵎⴰⵏⵢⴰ ⵉⵙⵏⴰⵍⵏ ⵜⴰⵙⵏⵜⴰⵢⵜ ⵏ ⵓⵏⴱⴰⴹ ⴰⵏⵉⵎⴰⵏ ⵉⴳⴰⵏ ⵜⴰⵔⵙⵍⵜ ⵜⴰⵙⵉⵍⴰⵏⵜ ⴷ ⵜⵉⵏ ⵜⵉⵍⴰⵡⵜ ⵉ ⵓⴼⵙⵙⴰⵢ ⵏ ⵜⵎⵓⴽⵔⵉⵙⵜ ⴰⴷ.
ⴳ ⵓⵎⵏⵉⴷ ⵏⵏⵙ, ⵉⵙⴰⵡⵍ ⵎⴰⵙⵙ ⴰⵎⵙⵇⵇⴰⴷ ⵕⵓⴱⵉⵕⵜ ⴷⵓⵍⵖⵔ ⴼ ⵓⵙⵓⵜⴳ ⵏⵏⵙ ⵉ ⵜⵉⵕⵡⵉ ⵏ ⵜⵣⴷⴰⵢⵉⵏ ⴷⵓⵙⵏⵉⵏ ⵊⴰⵔ ⵙⵏⴰⵜ ⵜⵎⵉⵣⴰⵔ, ⵉⵙⵎⵏⵉⴷ ⵓⵍⴰ ⴰⵙⵎⴰⵇⵇⵍ ⴼ ⵓⵏⴳⵔⴰⵡ ⴰⵙⵔⵜⴰⵏ ⴷ ⵡⵉⵏ ⵉⵙⵜⴰⵢⵏ ⴳ ⵜⴳⴷⵓⴷⴰⵏⵜ ⵏ ⴰⵍⵎⴰⵏⵢⴰ ⴷ ⵡⴰⵏⴰⵡⵏ ⵏ ⵜⴷⵔⴰⵡⵜ ⵜⴰⵙⵔⵜⴰⵏⵜ ⴳ ⵜⴳⴷⵓⴷⴰⵏⵜ, ⵉⵙⴷⴷⵉⴷ ⴼ ⵜⵅⵅⵓⵜⵔⴰ ⵏ ⵓⵎⵣⵔⵓⵢ ⵏ ⴰⵍⵎⴰⵏⵢⴰ.
ⵉⵍⵍⴰ ⵓⵎⵙⴰⵙⴰ ⴼ ⵜⵣⵣⵉⴳⵣⵜ ⵏ ⵓⵣⴷⴰⵢ ⴷ ⵓⵎⵢⴰⵡⴰⵙ ⵊⴰⵔ ⵙⵏⴰⵜ ⵜⵎⵉⵣⴰⵔ ⵙ ⵉⵏⵎⵓⵇⵇⴰⵔⵏ ⵏ ⵓⵙⵏⴼⵍ ⵏ ⵜⵎⵓⵣⴰⵢⵉⵏ ⴷ ⵜⵉⵔⵎⵉⵜⵉⵏ.
ⵃⴰⴹⵕⵏ ⴳ ⵓⵏⵎⵓⵇⵇⴰⵔ ⴰⴷ ⵎⴰⵙⵙⴰ ⵏⴰⵄⵉⵎⴰ ⵍⴼⵜⵃⴰⵡⵉ ⵜⴰⵏⵙⵙⵉⵅⴼⵜ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ, ⴷ ⵉⴳⵎⴰⵎⵏ ⵏⵏⵙ ⵎⴰⵙⵙⴰ ⵜⴰⵎⴰⵔⵉⵜ ⴼⴰⵟⵉⵎⴰ ⵢⴰⵙⵉⵏ ⴷ ⵎⴰⵙⵙ ⴰⵎⴰⵔⵉ ⵊⴰⵎⴰⵍ ⵙⵉⴷⴰⵜⵉ.