ⴰⵙⵉⵡⴹ ⴰⵏⵖⵎⴰⵙ: ⵔⴰⴷ ⵉⵙⴽⵔ ⵓⵙⵇⵇⵉⵎ ⵏ ⵉⵎⵓⵔⴰ ⴰⵙⵍⴳⵏ ⴰⵎⴰⵢⵏⵓ ⵏ ⵜⵖⴰⵔⵉⵡⵉⵏ ⵜⵉⴱⵕⵍⴰⵎⴰⵏⵉⵢⵉⵏ

ⵉ ⵓⵣⵣⴳⵉⵔ ⵏ ⵉⵙⵡⴰⵍⴰⵢⵏ ⵉⴳⵍⴷⴰⵏⵏ ⵉⵎⴰⵜⵜⵓⵢⵏ ⵍⵍⴰⵏⵉⵏ ⴳ ⵜⴱⵔⴰⵜ ⵍⵍⵉ ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⵉ ⵉⵎⴷⵔⴰⵡⵏ ⴳ ⵜⵉⵏⴰⵡⵜ ⵜⴰⵏⴰⵎⵓⵔⵜ ⵍⵍⵉ ⵉⵍⵍⴰⵏ ⴷⴷⴰⵡ ⵉⵡⵉⵣ ⴰⵎⴰⵜⵜⵓⵢ ⵏ ⴱⴰⴱ ⵏ ⵡⴰⴷⴷⵓⵔ ⴳ 17 ⵉⵏⵏⴰⵢⵔ 2024, ⵙ ⵜⵎⵍⴷⴰ ⵏ ⵓⴽⵜⵜⵓⵢ ⵡⵉⵙ ⵏ 60 ⵏ ⵓⵙⴽⵔ ⵏ ⵓⴱⵕⵍⴰⵎⴰⵏ ⴰⵎⵣⵡⴰⵔⵓ ⵉⵜⵜⵓⵙⵜⴰⵢⵏ ⴳ ⵜⴳⵍⴷⵉⵜ, ⵜⵜⵓⵙⴽⴰⵔⵏⵜ ⴽⵉⴳⴰⵏ ⵏ ⵜⵙⵎⵓⵏⴰⵢ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴳ ⵓⵙⵇⵇⵉⵎ ⵏ ⵉⵎⵓⵔⴰ, ⴰⴽⴷ ⵉⵏⵙⵙⵉⵅⴼⵏ ⵏ ⵜⵔⵓⴱⴱⴰ ⴷ ⵜⴳⵔⵓⵎⵎⴰ ⵜⵉⴱⵕⵍⴰⵎⴰⵏⵉⵢⵉⵏ ⴷ ⵜⵙⵇⵇⵉⵎⵜ ⵉⵜⵜⵓⵙⵎⴰⴳⴰⵍⵏ ⵙ ⵓⵣⵣⵔⴰⵢ ⵏ ⵓⵏⴳⵔⴰⵡ ⴰⴳⵯⵏⵙⴰⵏ, ⴼ ⵜⵉⵔⵔⴰ ⴷ ⵓⵙⵖⵣⵏ ⵏ ⵓⵙⵍⴳⵏ ⴰⵎⴰⵢⵏⵓ ⵏ ⵜⵖⴰⵔⵡⵉⵡⵉⵏ ⵜⵉⴱⵕⵍⴰⵎⴰⵏⵉⵢⵉⵏ, ⴰⵢⵍⵍⵉ ⵔⴰⴷ ⵢⴰⵡⵙ ⴳ ⵓⵙⵎⵖⵔ ⵏ ⵜⵎⴰⴼⴰⵡⵜ ⵏ ⵜⵡⵓⵔⵉ ⵜⴱⴰⵕⵍⴰⵎⴰⵏⵉⵜ.

ⵎⵙⴰⵙⴰⵏ ⵉⵏⵙⵙⵉⵅⴼⵏ ⵏ ⵜⵔⵓⴱⴱⴰ ⴷ ⵜⴳⵔⵓⵎⵎⴰ ⵜⵉⴱⵕⵍⴰⵎⴰⵏⵉⵢⵉⵏ, ⴳ ⵜⵙⵎⵓⵏⵉ ⵏ ⵡⴰⵢⵏⴰⵙ 05 ⴱⵕⴰⵢⵕ 2024 ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴼ ⵜⵣⵣⵉⴳⵣⵜ ⴳ ⵓⵙⵓⵊⴷ ⵏ ⵜⵓⵏⵖⵉⵍⵜ ⵜⴰⵎⴰⵢⵏⵓⵜ ⵏ ⵓⵙⵍⴳⵏ ⵏ ⵜⵎⵙⴽⵔⵜ ⵍⵍⵉ ⵔⴰⴷ ⵢⵉⵍⵉ ⴳ ⵜⵓⵎⴰⵢⵉⵏ ⵏ ⵓⵏⴳⵔⴰⵡ ⴰⴳⵯⵏⵙⴰⵏ ⵏ ⵓⵙⵇⵇⵉⵎ, ⵙ ⵓⵙⵇⵇⵉⵇ ⴷ ⵜⵉⵕⵡⵉ ⴷ ⵢⵓⵙⴰⵏ, ⴷ ⵓⴷⵔⴰⵡ ⴷ ⵜⵎⴰⵜⴰⵢⵜ ⴷ ⵓⵎⵙⴰⵙⴰ ⴰⴽⴷ ⴰⴷⵓⵙⵜⵓⵔ, ⴰⵢⵍⵍⵉ ⵔⴰⴷ ⵉⵙⴽⵔ ⵉⵙⵡⴰⵍⴰⵢⵏ ⵉⴳⵍⴷⴰⵏⵏ ⴰⵜⵜⵓⵢⵏⵉⵏ ⵙ ⴷ ⵉⵇⵇⴰⵏ: “ⵓⵙⵖⵣⵏ ⵏ ⵓⵙⵍⴳⵏ ⵏ ⵜⵖⴰⵔⵉⵡⵉⵏ ⴳ ⵜⵎⵔⵙⵍⵜ ⵜⴰⵣⵣⵔⴰⴼⵜ ⵙ ⵙⵉⵏ ⵉⵙⵇⵇⵉⵎⵏ ⵏⵏⵙ ⵉⴳⴰⵏ ⴰⵣⵔⴼⴰⵏ ⵉⵍⵍⴰⵏ ⴼ ⴽⵓ ⵢⴰⵏ”.

ⵔⴰⴷ ⵣⵣⵉⴳⵣⵏⵜ ⵜⵙⵎⵓⵏⴰⵢ ⵏ ⵉⵏⵙⵙⵉⵅⴼⵏⵏ ⵏ ⵜⵔⵓⴱⴱⴰ ⴷ ⵜⴳⵔⵓⵎⵎⴰ ⵜⵉⴱⵕⵍⴰⵎⴰⵏⵉⵢⵉⵏ ⴳ ⵓⵣⵎⵣ ⵉⵍⵍⴰⵏ ⵊⴰⵔ ⵜⵙⵓⵜⴰⵍ, ⵉ ⵓⵙⵖⵣⵏ ⵏ ⵓⴹⵕⵉⵚ ⴰⴷ. ⵙ ⵓⵎⵙⴰⵙⴰ ⵏ ⵎⴰⵕⵕⴰ ⵉⴼⵔⴷⴰⵙ ⵏ ⵓⵙⵇⵇⵉⵎ ⵉ ⵓⵣⵣⴳⵉⵔ ⵏ ⵜⴱⵔⴰⵜ ⵜⴰⴳⵍⴷⴰⵏⵜ ⵜⴰⵎⴰⵜⵜⵓⵢⵜ ⴳ ⵜⵎⴰⴼⴰⵡⵜ ⵏ ⵜⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⴷ ⵓⵙⵎⵖⵔ ⴷ ⵓⵙⵖⵓⴷⵓ ⵏⵏⵙ, ⵉ ⵓⵙⵙⵕⵚⵓ ⵏ ⵜⵉⵏⵡⵉⵜ ⵍⵍⵉ ⵜⵙⴽⴰⵔ ⵜⵡⵓⵔⵉ ⵜⴰⴱⵕⵍⴰⵎⴰⵏⵉⵜ, ⴷ ⵓⵙⵎⵖⵔ ⵏ ⵜⴷⵉⵎⵓⵇⵔⴰⵉⵜ ⵏ ⵜⵎⵔⵙⴰⵍ ⵜⵉⴳⵏⵙⴰⵙⵉⵏ, ⵎⴽ ⵍⵍⵉ ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⴰⴷ ⵜ ⵉⵄⵣⵣⵓ ⵕⴱⴱⵉ.